ICONIC H 特色熱狗店 (已搬遷) 新店位置

上一次來已經是這店剛開張的時候，當時大排長龍，一年多過後再來，可能是下午茶的關系，不需要等太久。很多餐廳都會出現一個問題，就是質素會下降，而ICONIC H令我驚喜的地方，就是和之前一樣好味，老闆娘依舊美麗。今次我點了松葉蟹狗和松露薯條，老闆娘還很貼身地提醒我們要先吃松葉蟹狗再吃松露薯條，否則松露薯條會蓋過松葉蟹的味道，我本身不已為已，但聽到這樣的提示當然要跟從呀，果然松葉蟹清新的感覺非常難忘。松露薯條的味道很好，薯條是即製的，但略嫌松露醬不夠，老闆娘聽到後一就幫我加松露醬，這樣的服務實在難得。

紅磡小食店臨立，呢間hotdog店就係其中一間人氣小店。 店舖以黄色為主調，牆上掛左不少食物照，有種溫馨嘅感覺。不過，店面空間不太足夠，有些許壓迫。能夠成為人氣之選，一定有佢過人之處，當然就係佢嘅食物。有別於傳統熱狗，佢有好多創新嘅配搭，例如麻辣口味，黑松露蛋，蟹肉，鰻魚，和牛，仲有芝士…真的是沒有你吃不到的驚喜，只有你想不到的創新。熱溶芝士熱狗：濃濃嘅芝士鋪滿個熱狗，不禁令人眼前一亮。至於味道，因為即叫即做，面包仲係熱嘅，芝士香濃，香腸外脆內軟，估唔到芝士同熱狗咁夾。啖啖芝士都可以拉絲，芝士迷一定要試。

在紅磡有許多小食店，這亦是其中一間我喜歡光顧的，原因是可以配搭出不同口味的熱狗，總有一款適合自己。經典的熱狗我也喜歡吃，不過有時還是想試試特別的口味，以下是我喜歡的兩個配搭。1. 蘋果雞肉腸+熱熔芝士微甜的雞肉腸與香濃的cheddar芝士搭在一起味道剛剛好。剛烤好的麵包口感鬆軟。2. 珍寶法蘭克福腸+黑松露蛋+黑松露沙律醬這裡的黑松露蛋也是受歡迎的菜式，選擇黑松露蛋後不知該選什麼醬料配搭，店員則推介黑松露沙律醬。本來怕很膩，但她說醬料味道不重，於是決定一試。兩者味道配搭得宜，蛋與黑松露本已很夾，味道香濃，加上微酸的沙律醬是很好的平衡。整個熱狗香味逼人，黑松露完全地滿足了嗅覺。另外，還可以追加其他小食如芝士薯條，味道也不錯。整體來說價錢不平宜，但可品嚐不同口味的熱狗仍是一個不錯的選擇。

本來專程去紅墈食時新快餐店，點知冇開。唯有打開openrice睇下有冇類似嘅開飯熱點，一下就見到呢間距離不遠嘅熱狗店。中午時分殺到，裡面雖然只有五個位，但係人唔多，仲有一個位俾我入到去。作為愛牛人，一見到和牛兩隻字就頂唔順，即叫咗個和牛熱狗套餐。套餐可跟薯條或沙律。怕肥要咗沙律，不過有啲後悔，個沙律勁hea，得幾塊生菜同少少粟米粒。說時遲那時快，熱狗到！上面一片和牛漢堡扒切開兩半，下面配上菠蘿片，成個包放滿芝士，賣相幾令人口水直流。不過熱狗除咗熱狗包中間個空位之外，其他地方其實唔係咁適合再放嘢食，所以呢個熱狗，好難成個拎起嚟食，因為啲牛同菠蘿都會搖搖欲墜。因此，唯有飲恨分解個包黎食。首先，呢塊和牛漢堡扒，真係和牛嚟，一咬落去啲牛肉香味就出晒嚟，而且塊肉冇煎到全熟，入面仲有少少紅色，有晒惹味。而且外面煎得夠老，令到成塊扒個口感好有層次，好正。其次…… 成個熱狗都真係幾好食嘅：芝士香，包夠實，而條法蘭克福腸都唔錯。大家見我咁講都知，我嘅重點只在塊牛，而非在個熱狗。老老實實，成舊水買個熱狗，真係有啲唔抵，雖然整體上尚算出色，值唔值呢個價值得考慮。另外就係嚮個熱狗上面放咁多嘢，其實都好難成舊咁

突如其來嘅八號風球, 短暫, 力度輕, 很快就落波, 男朋友本來要返工, 變成全日放假, 賺到了。我們兩小口子開開心心去紅磡搵食, 想食iconic熱狗好耐, 落波後打去confirm有開就出發, 間店得五個位, 真係好少, 不過唔知係咪剛打完風, 唔多人黎, 好彩地我地黎到有位坐。蟹肉溏心蛋沙律$32: 沙律d 菜真係超爽脆新鮮, 好少有, 蟹肉亦有鮮味唔係一般蟹柳, 沙律醬幾足夠, 蛋都整得幾好。男友話呢隻汽水好耐無見到過, 係青檸味既七喜。熱狗個盒好繽紛好靚, 店員見我地似第一次黎, 好細心咁教我地點食法。芝味四重奏 少辣$48 黑松露蛋+10: 個黑松露蛋煮到半熟, 有少少流心效果, 黑松露味好香, 份露多, 必點的!! 有左呢個蛋熱狗加分唔少!四重芝士有熱溶芝士、雙重芝士醬汁, 地獄辣汁, 芝味濃, 芝士脆皮腸口感幾好, 有少少辣味好惹味。大鰻狗$103: 價錢係較高, 但個鰻魚係超長超大塊的, 而且亦做得唔錯, 有鰻魚香, 魚味濃, 唔係得個汁甜味, 同樣加左黑松露蛋, 但個蛋放喺底下, 好豐富好飽足。店員(未知係咪店主)好有禮貌, 食物出品都好好, 怪唔之得早前咁多人排隊

雞肉法蘭克福腸 ($25) 加熱溶芝士 ($10)依間熱狗店係前排好hit，好多雜誌同食家都有介紹過，一早已經想試！但見人潮擁擠，都係等到過左熱潮先去。講食物前要講個環境，名乎其實既"小"店坐同企既位夾埋可能得10個如果無甘熱既話都接受到但身水身汗行到去仲要被逼買走食就真係有點辛苦😂不過都真係好食既雞肉腸唔juicy但好夠味，亦都唔會膩芝士好rich，啖啖都拉得出絲😍熱狗包夠熱夠脆，抵讚！好推介芝士控同熱狗控一試.P.s 大家唔想等得耐既就3—5點去，人潮會少啲😎

不得不說這間熱狗店的確很有特色.. 熱狗名夠特別.. 材料意想不到的都有.. 價錢當然相對都幾貴.. 可能叫一個較平熱狗餐都要80-90蚊左右.. 不過我都覺得可以一試.. 店內裝飾很簡單.. 但勝左熱狗夠豐富光每邊看相都已經夠eye catching..座位只得3,4個左右.. 我點左個豬豬漢堡狗加芝士薯條.. 用心製作即叫即做.. 薯條一上熱辣辣而且表面充滿芝士.. 不過就唔似醬汁.. 一擺得耐就凝固晒.. 同埋薯條都太淋不吸引.. 食左幾條就上豬豬漢堡狗.. 賣相的確一流.. 原本都幾大份我仲加左芝士.. 罪惡感極高.. 豬豬漢堡好juicy又無筋位啖啖肉好好味.. 仲有煎得好香多汁菠蘿.. 仲要點少得香腸.. 職員都詳細講解每款包入面香腸都唔同.. 呢個包款係紐倫堡腸.. 外皮夠脆內軟.. 但由於個包太大個一咬落口就分開左一半.. 同埋太軟身相對油膩.. 跟餐想健康少少都可以叫粟米.. 不過真係無味又要加錢.. 寧願食薯條好過..

呢間熱狗店我唔係第一次食啦，食過就返尋味，所以我好想介紹比大家！呢間鋪頭，嘅熱狗真係唔錯架，仲要有好多口味，好創新同好特別係鋪頭細咗少少，座位得幾個，如果佢大啲就仲好啦，啲客坐得舒服啲呀嘛！呢間鋪頭牆上掛滿曬熱狗同食物嘅相，有我小時候最愛的笑臉薯餅我男朋友最愛嘅熱溶芝士薯條，我個人覺得芝士唔夠濃同溶，唔夠入味，仲欠左少少野雙囍狗：份量都好豐富，有成兩條香腸，4塊菠蘿，再加上芝士草飼和牛漢堡狗：和牛好軟熟，好香，配上菠蘿同香腸，非常juicy總括來講，熱狗店嘅熱狗真係唔錯，係鋪頭迫左少少同座位比較少，不過我覺得快食都OK！

回頭指數 🌕🌕🌕🌕🌖繁忙時段必定排隊的熱狗店個人很喜歡麻辣風味大部分時候都會點肉麻狗製作時間一般需要十分鐘用辣椒麻椒炒的肉醬厚厚一層鋪上還有稍微炒至微軟的洋蔥絲既沒有生洋蔥的嗆辣，軟硬程度也恰當好處套餐包括飲料、小食和熱狗60+hkd的熱狗餐份量非常足選用的香腸是比較好的，滿滿都是肉並沒有很咸或者很多粉的感覺肉腸皮很脆再加酸黃瓜，真的是絕配酸酸辣辣，滋味十足黑松露醬怎麼吃都覺得不夠薯條薯我喜愛的粗薯條其實吃完一個餐，不喝飲料都已經相當飽肚再加飲料就是飽到不行感覺是因為味道好，所以就算再飽都會繼續吃新推出的川味羊肉也不錯，有機會拍了照再post

過左食lunch 既時段，黎到紅磡有咁多細舖，無理由仲食連鎖店掛！因為都唔想行太遠所以就去左買熱狗食啦係呢間舖頭落order 真係一個羞恥play，「洋蔥肉麻狗」邊講得出口呢所以我好醒目咁話要三號呢度仲有好多口味新穎既熱狗，中西crossover，下次行過想食熱狗再試試先！買外賣好快就有，店員知我take away都好細心問我要唔要膠袋返到屋企就開動啦！好香既洋蔥同肉醬味，因為有花椒所以食落真係有d 麻既感覺得好點題！d 肉醬真係好多，條腸又大條，啖啖肉！雖然個熱狗既size 就唔係話好長，我諗都係15 cm 島？但係食落原來都真係唔少野，我食到一半就頂唔順要放低抖抖再食最後一個熱狗就由兩點食到五點先食得曬，仲飽到我夜晚都唔洗食

個日岩岩唔想食肉，所以只叫左芝士醬加黑松露蛋熱狗，同笑笑餅餅外賣番屋企食，雖然冇腸仔，但都好好味，隻蛋好滑，個包又香口，黑松露味好濃，配芝士醬好夾，一d都唔漏！一定再食

相信好多人都係芝士控 我亦都唔例外 見到芝士就冇曬抵抗力今日同男朋友去完郊區遊山玩水 返到市區已經天黑行過有間熱狗專門店 之前好出名排曬隊嘅 原來就係紅磡呢一度 一於試下香腸款式都好多種 有辣有唔辣 有豬牛雞選擇仲可以選擇唔同嘅醬汁 或者配菜 例如肉醬菠蘿洋蔥等等相信簡單就是美 我同男朋友都揀左熱溶芝士 熱狗 熱辣辣嘅芝士覆蓋成隻熱狗 麵包鬆軟 熱狗外皮脆 加上芝士嘅香 果然名不虛傳 值得一試推介熱溶芝士熱狗

特登去紅磡搵熱狗食🙈 無試到招牌口味 反而點了其他的 the crab dog $98用上極多份量松葉蟹肉 加牛油果、香腸、明太子沙律醬好夾的組合 牛油果好香 蟹肉無雪藏味 啖啖都係肉 好正！唔洗再加其他醬汁都好好味！雞翼+黑松露蛋雞翼一般 反而個黑松露蛋做得幾好 仲好滑好香蛋味黑松露雖然不是很多但吃到好濃好夠味！

如題，請別看輕熱狗！熱狗，再唔係一條腸一個包加啲醬。仲記小學果啲係五蚊雞一隻，講乜鬼舊事！而家Iconic H出熱狗點只普通香腸？！Iconic H 特色熱狗專賣店係香港熱溶芝士熱狗始創者，創新書既熱狗，可自由配搭十數款配料醬汁。真係好多選擇架，紐倫堡腸、純三文魚肉腸、黑松露森林、地獄滋味四重奏等等，一定有一款岩胃口。蚊型舖，有幾張摺枱摺櫈，如果唔中意外賣就要等等。我叫左雙肝狗--鵝肝菠蘿熱狗，係有啲邪惡既，但又真係停唔到口，啲菠蘿汁refresh 哂成件事

2017/04/24今晚同女朋友系紅磡搵野食，係poly行出去10分鐘內既路程，就見到呢間細細間既熱狗鋪，門口貼住好多相，有好多款特色熱狗，ｄ價錢唔算平，但系睇睇下竟然見到有個$29既“慶祝套餐“，慶祝新分店開張，因為對比其他套餐平一大截，所以半信半疑之下入左去。點知真系有$29既套餐，份量一ｄ都唔少，個熱狗份量好足，ｄ熱溶芝士系賣點，好香芝士味，一ｄ都唔馬虎，賣相好吸引，連埋薯笑餅系面一齊食，口感幾豐富，條熱狗腸有燒過，提升左個味道。個套餐仲有薯條同汽水，薯條炸得好脆，好香口，不過有少少咸，整體都好好食。優惠期到５月３１號咋，$29一個晚餐好抵。