ilBelPaese chicken. pizza. pasta

營業中

休息中

這家餐廳以其正宗的意大利美食和優雅的用餐環境而聞名。可以品嚐到正宗的意大利美食。招牌菜：雞肉料理.披薩.意大利麵. 雪糕。推出多款優惠套餐。//套餐/Roasted Half Chicken with Vegetables意式烤雞（半隻）配蔬菜外皮酥脆金黃，內裡肉質鮮嫩多汁，香料和烤製的香氣完美融合。蔬菜：搭配的蔬菜如三色椒馬鈴薯等，經過烤製後，變得甜美且軟糯，吸收了烤雞的汁液和香味。/Mixed Bean Soup意式雜錦豆湯湯底濃郁，充滿豆類和各種蔬菜的香氣，口感滑順，帶有淡淡的鹹味。豆類不同種類的豆子煮至軟爛，但仍保持一定的口感，與湯底的濃郁風味相得益彰。/1 scoop Gelato or lucky cake意大利雪糕（一球）雪糕口感絲滑，入口即化，味道濃郁且不會過甜，是一種非常解暑的甜品。//套餐/意大利比薩（兩種口味）Duo Pizza/薄餅：餅底薄脆，經過高溫烤製，外皮酥脆，內裡柔軟且帶有韌性。加上各種配料如番茄醬、芝士、新鮮蔬菜、意大利臘腸等。每一口都能品嘗到不同層次的美味。介紹口感？/Rucola Avocado Salad牛油果沙拉牛油果肉質軟滑，入口即化，帶有淡

周末晚上約了友人到尖東的這間意大利菜小店來個小聚，餐廳內以深木色風格為主調，極具歐洲小餐館的風格 餐牌只有3個set，包括了前菜、主菜、甜品，全是$268 🍴意式雜錦豆湯豆與蔬菜麵已煮至非常軟爛，西芹味突出，味道較清 🍴招牌IBP 沙律蔬菜新鮮，只以橄欖油及少量黑醋調味 🍴意式烤雞（半隻）配蔬菜烤雞皮微脆、肉較紮實、帶rosemary香，烤蔬菜味道不錯 🍴蜆肉意大利麵蜆肉新鮮大隻，意大利麵是比較軟腍，友人說味道不錯 🍰意式蛋糕海鹽焦糖味蛋糕配雲呢拿雪糕 🍨意式雪糕是朱古力Gelato

今日同朋友黎呢間意大利餐廳食dinner,估唔到又唔錯，我地叫咗2個set都幾抵。IBP Salad呢個係招牌Salad,份量都幾多，d沙律菜好新鮮，而個沙律醬汁，酸酸地，幾開胃。意式什錦豆湯用豆打成蓉做湯，所以個湯好濃郁，好有豆味，湯入面仲有大量不同嘅豆，都幾好味。意式烤雞半隻配蔬菜雞烤到個皮好薄，好脆，d雞肉都好嫩滑，好juicy,面頭仲有少少焦香，唔錯。蜆肉意大利麵d蜆勁大粒，蜆肉都好厚，好鮮味，而意大利麵都好煙韌，吸收晒d醬汁，好好味。Gelato雪糕個set包一球Gelato雪糕，都幾抵，雪糕質地好軟糯，好有口感，唔算太甜，正。

ilBelPaese喺香港成立咗好耐，我本身認識佢哋係因為佢哋賣意大利食材，但餐廳就真係未試過喇。今個weekend嚟到佢哋位於尖東嘅餐廳，我哋嗌咗兩個set menu，$268 包前菜、主菜同甜品，價錢可接受，食物份量都唔少。🥗前菜係牛油果沙律同埋吞食魚沙律，兩款都好fresh🍕主菜嘅pizza 最有驚喜，即叫即烘餅底脆口得嚟又有咬口，質感鬆軟。有蕃茄芝士同黑松露蘑菇兩種口味。🍝 另一道主菜係蜆肉白酒意粉。意粉煙韌彈牙，食得岀同岀面嘅西餐唔同。而蜆肉都好鮮甜，份量都唔少～🍨🍰 甜品係蛋糕同gelato 👍🏿

尖沙咀意大利餐廳下班看到尖沙咀附近有正宗意大利菜，很多外國人用餐，味道偏濃郁，掛滿60年代藝術海報，色彩繽紛，意大利餐廳主打薄餅及意粉，門口還有專賣意大利雪糕的餐廳環境光猛舒適，有梳化座位，播放住英語音樂，職員識英文，提供清水和紙巾，另收加一服務費點了套餐，ALL DAYSET MENU $268+1 ，點了set 1 & set 3套餐一：意式烤雞（半隻）配蔬菜脆皮香草燒雞肉質厚實，配青椒、蘿蔔、翠玉瓜、薯仔意式雜錦豆湯熱騰騰的豆湯，味道偏鹹意式蛋糕套餐三：意大利比薩（兩種口味）正方形的厚切薄餅🍕點了布拉塔芝士和辣肉腸口味牛油果沙拉🥗火箭菜配上芝士、牛油果、車厘茄，最後加入黑胡椒和橄欖油Gelato意大利雪糕（一球）服務質素：6/10環境舒適度：7/10ᶘ ᵒᴥᵒᶅ個人口味評分：6/10

成日去尖東都會經過呢間餐廳，不過次次都趕時間冇去食到，今日終於有機會嚟試吓啦。首先，登場嘅係「意大利芝士菠菜雲吞」，呢道菜絕對係一個驚喜。雲吞外皮薄而透明，每一口都可以感受到芝士同菠菜嘅鮮美味道。雲吞內餡充滿咗濃郁嘅芝士香，配上菠菜嘅清新口感，絕對係一個完美嘅組合。每一口都充滿咗層次感。接住上菜嘅係「意式烤雞半隻」。呢道菜嘅雞肉外皮烤得非常酥脆，內裡嘅肉質嫩滑多汁。烤雞嘅香味撲鼻而來，每一口都能夠感受到烤雞嘅獨特香氣同鮮嫩口感。雞肉配上特製嘅香草調味，令到味道更加豐富同立體。最後，「自製意大利Gelato」。呢款Gelato嘅質地非常細滑，每一口都充滿咗濃郁嘅黑朱古力味道。Gelato嘅甜度適中，唔會過甜，令到味道更加清爽。黑朱古力嘅香氣同濃郁嘅口感，每一口都充滿咗朱古力嘅香甜。呢間餐廳特別而且價錢好平，下次都一定會嚟再食啊。而且佢嘅雪糕喺鋪頭另一面，經過都可以外賣呀。

🐽 意大利豆湯湯底濃郁，豆子打到軟滑，飲落唔似飲緊豆湯，好易入口，仲有香草點綴，飲落去好暖心。🐽 Ibp沙律生菜新鮮，配上番茄、橄欖同埋少少芝士，味道清新，仲可以感受到每一口嘅爽脆口感，真係好開胃🐽 蛤蜊意粉意粉煮得剛好，口感彈牙，配上新鮮蛤蜊同埋蒜香橄欖油，味道豐富，海鮮嘅鮮味完全融入入條意粉🐽 半隻燒雞皮脆肉嫩，雞肉多汁，調味恰到好處，食落去一啖一啖都好滿足，搭配啲香草同檸檬，令整道菜更加提味🐽 自家製嘅朱古力雪糕滑順到不得了，濃郁嘅朱古力味，甜而不膩

尖沙咀正宗🇮🇹餐廳，披薩🍕意粉🍝好味又大份今日來到尖東永安廣場，看到一間意式餐廳，餐廳環境舒適寧靜播放著輕柔的小提琴曲餐廳內的客人幾乎都是外國人由此可見餐廳很正宗沙律份量很大，是清新開胃的油醋汁，披薩是兩種口味都是意大利經典披薩香蒜蜆肉意粉，蜆汁加上香蒜橄欖油的香味真是值得推薦，店員知道我們share食，主動拿了額外的碟子和碗，細心！甜點時間可以選蛋糕或意大利雪糕有很多口味我們覺得雪糕更好吃啊

先吸引小編嘅其實係隔離嘅係Gelato店再望望隔離pizza店嘅餐牌原來All Day Set甜品可以選擇Gelato正值晚飯時間，why not both 🔸AIl Day Set Menu $268包括前菜、主菜及甜品🔅牛油果沙律🔅招牌IBP意式沙律前者主要以牛油果同火箭菜為主後者以多款沙律菜、吞拿魚同雞蛋為主伴以橄欖油，清新爽脆又健康份量亦夠慷慨🤗🔅意大利薄餅兩款方型薄餅分別係Burrata布拉塔薄餅同Mushroom蘑菇薄餅，薄餅餅底鬆軟充滿橄欖香味，邊位焦脆好香口😋🔅蜆肉意大利麵意大利麵煙韌，以白酒烹調所以每口麵都帶淡淡嘅酒香，推介🫶🔅意大利雪糕Gelato甜品當然揀gelato，開心果味同朱古力醬味口感細滑，加上rainbow sprinkle ，大滿足🥰

經過尖沙咀見到好醒目嘅綠色招牌🥸，原來係食意大利菜🇮🇹。餐廳裝修真係夠曬意式風格，由地磚到牆身顏色同埋枱枱櫈櫈都係經典意大利風。餐牌都有唔少選擇，我就唔想煩揀咗套餐。布拉搭薄餅真係必食推介! 😙 個餅底好煙韌😆，上面好香濃嘅burrata芝士🧀，加上酸酸甜甜嘅茄汁🍅，真係好食! Burrata係由mozzarella溝cream造成嘅芝士🙌，所以佢又有奶香又有芝士味🔥。豆湯喺意大利菜裏面係一個好重要嘅文化🇮🇹，意大利有非常之多唔同款式嘅豆湯🍲，大家都可以試一試呢度嘅意式錦豆湯。蜆肉意大利麵🍝嘅蒜香和淡淡的白酒香氣交織👃，又香又鮮。蜆肉粒粒都好飽滿好鮮甜，真係食到停唔到口。而呢度用嘅意粉口感特別煙韌😘，應該係全麥意粉🌾，本身都大有獨特嘅香味。最後沙律🥬份量都好足，有唔同款式嘅菜而且好新鮮。套餐包埋甜品，呢餐絕對值回票價!朱古力🍫意式雪糕香濃棉滑，單售一球都唔平，所以套餐包咗都幾抵👏!套餐仲可以揀lucky cake👌，應該係每日都唔同，我就唔劇透喇。大家自己去試下睇下嗰日係咩味道😆。

平時得閒就會去「ilBelPaese」超市行吓，好多出面搵唔到嘅意大利材料都會喺呢度搵到🇮🇹除咗超市外亦有熟食餐廳及甜品店💕餐廳充滿意式情迷，All Day Set Menu都係二百幾蚊左右夠晒抵食😆.🌟All Day Set 1💰$268.🍴意式烤雞（半隻）配蔬菜烤雞外皮烤得金黃香脆烤，內裏肉質依然保持滑嫩🍗咬落去勁多肉汁💦入口散發香草香味🌿旁邊伴以烤甜椒、茄子、薯仔🥔.🍴意式雜錦豆湯由紅豆、白豆、鷹嘴豆等多款豆類集合熬製🔥湯頭充滿豆類厚實感，啲豆煮得軟硬，好容易入口🫘.🌟 All Day Set 2💰$268.🍴蜆肉意大利麵蜆肉份量都幾多下，全部大大粒好厚肉😋意大利麵好彈牙，簡單加啲橄欖油、蒜頭炒香已經好足夠😙.🍴牛油果沙律牛油果伴以火箭菜、蕃茄仔、芝士嘅沙律🥗簡單用橄欖油及黑椒調味，味道清新開胃😌.🍨意大利雪糕所有All Day Set都有甜品附送😙揀咗雲呢拿及士多啤梨味，上面灑滿七彩朱古力碎🌈

今日介紹嘅呢間餐廳位於尖沙咀，至今已經屹立咗20幾年。餐廳分為幾部份，有零售店雪糕店同埋餐廳三部份組成。所有嘅食材同埋糧油雜貨都係由意大利進口。AIl Day Set Menu $268三道菜嘅set Menu包含咗前菜，主菜同埋甜品。牛油果沙律牛油果沙律加入咗Parmigiano Reggiano，定口感更獨特。意式雜錦豆湯雜豆湯用料豐富，飲落好飽肚有啲似香港嘅八寶粥咁樣。意式烤雞半隻配雜菜烤雞好有驚喜，外脆內滑，伴碟嘅焗薯蒜味濃郁。意大利比薩Pizza 可以選擇兩款嘅口味，餅底做得好貼近意大利嘅味道，食落好鬆軟唔會乾爭爭。甜品方面可以選擇超過20款嘅Gelato口味，餐廳嘅分布有甜品部，外國旅客都專登嚟食雪糕。ilBelPaese chicken. pizza. pasta (尖沙咀)尖沙咀麼地道62號永安廣場地下19-23號舖

最近轉左去一間意大利公司工作，見啲外國腦細真係日日食麵包同沙律，好奇search下香港有咩意大利餐廳先，搵到尖沙咀有間ilBelPaese，哈哈，是晚同朋友去試下佢😋地點在永安廣場，一去到就見到一啲都唔難搵。餐牌有沙律、意粉、薄餅等，當然仲有出名嘅意大利雪糕啦。⭐意式雜錦豆湯叫了SET1同SET3一齊食，先上係意式雜豆湯，入面有紅腰豆、白腎豆、藜麥等，豆味香濃又多料，一碗好飽肚😆⭐牛油果沙拉沙律有火箭菜、牛油果、芝士同小蕃茄，加上橄欖油同鹽調味，簡單又好味👍⭐意大利比薩有蘑菇同布拉塔口味，兩款嘅芝士味勁濃，餅底香脆。個人較喜歡蘑菇口味，菌香好正。布拉塔上的牛奶芝士奶香奶香的，都好好食呀🤤⭐意式烤雞配蔬菜另一款主食係烤雞，雖然係半隻，但量一啲都唔少。雞肉嫩滑多汁，入口有一陣香草味，有調味但無蓋過肉味，好食👍⭐意大利雪糕Gelato跟餐仲有甜品一客，可選雪糕或蛋糕，由於好飽蛋糕食唔落了，就要雪糕啦。點左tiramisu同chocolate口味，前者咖啡又香又滑，後者朱古力味極濃，兩款都好好食🤤一杯真係意猶未盡。飲飽食醉後，去海旁散下步消化下先🤣

嚟親尖東得兩件事去樓下永安或者樓上見營養師好少地下果層停留今次見完營養師後同姑姐試下呢間經常經過既正宗意大利餐廳選擇困難既我地最啱叫SetSet 2️⃣ $268招牌IBP意式沙律 IBP salad份量超大，多款雜菜，一隻切開既水煮蛋，海量吞拿魚蜆肉意大利麵 Vongole Pasta麵條偏幼身，你我鍾意既口感，偏向有咬口，蜆肉肥美鮮甜無沙，姑姐都話好食配料有蘑菇、蕃茄、蒜片，色香味俱備Set 3️⃣ $268🥑牛油果沙拉 Rucola Avocado Salad 牛油果creamy 簡單用左黑椒海鹽做調味，沙律菜居然係滿滿既火箭菜，超鍾意，仲有車厘茄意大利披薩（布拉塔芝士＆蘑菇）Duo Pizza🧀布拉塔芝士奶香軟滑，仲有蕃茄乾🍄‍🟫非常香濃既蘑菇味，兩款餅底厚薄適中，脆口得嚟唔會太乾，有一定濕潤度，刷新左我對披薩既認知套餐仲有甜品🤤咁梗係每樣一款啦一球意大利雪糕 1 Scoop Gelato姑姐揀左Espresso～話比其他咖啡味雪糕香濃，雪糕綿滑 意式蛋糕 Lucky Cake原來呢個都有球雲尼拿雪糕～仲有好多cream＆🍒因為咳緊既關係，姑姐獲得兩球雪糕大滿足蛋糕口感比較濕潤～有🍒餡

尖東算是寫字樓密集的地方，夾雜了幾間酒店，想不到有如此出色的西餐廳。雖然尖東的中國藉遊客較多，但踏進這餐飯發現多數客人都是外藉人士，感覺正宗。晚餐的餐牌好簡單，如同店名一樣，主打雞、意粉和薄餅。我們二人，每人點了一個set dinner，我選擇了沙律，份量大，油醋汁。朋友選了餐湯，有驚喜，是用料豐富，以豆為主的湯，很西化，很飽肚，滿足。店員知道我們share食，主動拿了額外的碟子和碗，細心！蒜味十足的大蜆意粉也很有水準！烤雞也是很西化的做法，雞肉嫩滑，配菜也好味。甜品方面，我們都覺得雪糕較蛋糕高分！