Inn Side Out (已搬遷) 新店位置

19 July 2006 (Wed) - 晚飯+Happy Hour七點幾接近八點黎到己經非常多人，本人第一次黎，但己經比個氣氛吸引到，雖然好多人好嘈，但個好熱鬧既感覺好好！我就因為好肚餓，所以要食嘢啦，但舊同事一心只係黎’目及’女同Happy hour 飲嘢，而且佢話減肥，所以真係齋飲唔食嘢，都冇幫手食少少嘢．．．其實我自己都要減肥，但係叫我唔食嘢，真係死咗佢好過！最後係我哋一人叫咗杯Merlot (California)，其實我係想飲Australia 既Merlot，但係佢冇得by glass 咁叫，我個舊同事又有下場，所以飲唔到一支，唯有飲加州架啦，不過就真係麻麻；而我再叫一個Linguine Carbonara，係pasta黎既，個汁係類似芝士蛋白咁，睇落漏漏地，食落比睇落冇咁漏，而且仲非常非常非常好味！！！！而個pasta我原本以為係濶條麵，點知係幼既濶條麵，哈哈，更合我心水！雖然只係我自己一個人食，但係我諗我只係食淨一小’注’既pasta，即係真係一啖就食咗嗰隻，但係我又真係好飽同漏，舊同事又趕時間，唯有放棄；如果可以坐多陣，我係一定會食埋佢！紅酒就$36 per gla

四年一度既世界盃正進行得如火如荼...屋企又無有線...緊係要搵個"正"既地方睇波啦...咁我就highly recommend lee 度啦...黎過2次睇波...第一場仲係踢跟緊出線16強- - 美國對加納& 意大利對捷克,大家都係10:00開波...究竟睇邊場呢?? 最後我就擇左捷克對意大利..但係唔緊要...In Side Out有一個好處...佢地分左中右...中間有一半既地方係露天既...左邊係上影美國對加納...右邊就緊係意大利對捷克啦...lee邊入波lee邊就哄動...果邊入波就果邊哄動...仲可以睇返個repeat入波鏡頭..d氣氛好到不得了...正到暈...第二場就係英格蘭對厄瓜多爾...本人其實麻麻地英格蘭..不過隔離果個想睇咪睇lu...我地早左去到..諗住擔張椅仔..霸個頭位順便食個late dinner 所以我地未夠10:00就去到..不過都已經七成full 左...所以無頭位只有閣位...不過唔緊要...因為果晚除左有波睇仲有戲睇..果場波其實都幾悶,我地隔壁有幾個鬼佬睇到媽媽聲睇左大半場仲走埋tim..未開場前有人個單身小姐黎到霸位先..其實都無咩咁特

Kings Arm一早摺埋,inn side out在原址頂上.周六夜坐無虛席,一心等到點半睇紐卡素對愛華頓,一人一大杯Hoeggarden,五草野非常抵飲.花生任吃任掉,外面撞正王喜同邵美琪拍外景,名乎其實"食住花生等睇戲"(注)當車路士贏左Pompey 2:0後,投射銀幕隨即落幕,原因係點半果場,係唔會有live.眾人一口氣飲下杯中的Hoeggarden,轉去The Barn.(注) 此名詞源自高登個forum.

呢間餐廳係會去上癮的, 因它的環境實在太寫意,週末去Lunch 或下午茶又唔會迫人, 是銅鑼灣的綠洲,我一個月會去兩三次o架以上的食客comment 我都好同意, 但其實佢地個薯條都好好好正,唔好以為好簡單o野,佢做到外脆內軟,而且唔油,個sauce 又配合, 一絶, 下次去大家識下啦, 只是HK$40就一大籃,一d都唔貴。

都ok好坐但飲品比例甜(可能係本人比例like唔多甜的飲品)個mango & chick salad 好好食呀...

As a regular customer of this place my comments may be a bit bias so please read with caution.This is one of the most relaxing place in town. It is all about the environment. Outdoor is the place to be. Sandwiches and burgers are much better than pastas and other stuff. Good choice of draught beer also.Afternoons during weekend is a big contrast to the busy CWB area.

我好少去pub/bar, 但間中會同男友去下INN SIDE OUT, 最喜歡一面飲Hoegaarden, 貪佢味淡, 一面剝下花生, 因為唔睇波, 通常坐出面, 氣氛好RELAX, 唔似蘭桂坊咁"戰鬥格", 嘻嘻.....正如之前有位仁兄所講, 一地花生殼係佢既得色, 起初扮晒淑女, 唔慣將花生殼掉係地, 只放係枱面, 行過既waitress笑笑口叫我唔好拘束, 仲捉住我隻手將枱上既花生殼掃落地, 哈哈哈.....原本做"垃圾虫"都幾好玩!佢既buger同墨西哥栗米片都好好味, 後者用地佐酒直情係一絕!

上星期日同朋友黎呢度hi-tea, 下午3點幾, 得幾檯人, 個個都坐晒露天既檯. 呢邊係銅鑼灣較清幽既地方清, 比起購物區個種人迫人既感覺, 呢度真係舒服得多!我叫左個凍既cappuccino ($36), 朋友要左個凍咖啡($33). 我個cappuccino 好大柸仲有d cream響面,好抵飲! 而且買相幾好, 味道都ok, 不過當甜品就差唔多! 朋友就話個凍咖啡無咩特別! 我地仲叫左個regula nacho (好以係$75), 哇, 好大碟好多芝士, 不過我就覺得d nacho唔夠脆, 而且有咁多芝士, 食幾片就飽lu (記住係tea黎架咋! 食完飯先黎!) 埋單15x蚊都唔太貴!

星期五同幾個行家有局，四點幾已坐低打牌，早開早收，十一點又已經連飯都食埋。其中有人提議去飲野，就拖男帶女一行七人來了這裡。以前都來過，感覺是今晚好多人，莫講話露天，連出面可以擺檯椅的都差不多擺滿，好在我地等左一等就坐左入去吧檯裡，有ESPN睇番今朝Spur對Pacers，好過坐露天。滿地花生殼是呢度特色之一，大家都習慣邊食邊拋，又好似高興D。加上我地又坐正袋花生後面，一邊飲一邊剝花宜，食完就自己郁手refill，所以都食左唔少；呢度啤酒選擇幾多，有本地的，亦有幾款新鮮推介，生啤半公升49蚊，happy hour就平十蚊，價錢合理。我要了隻比利時啤叫Hoegaarden，用個闊口大杯裝，味道好清新，如果食麻辣火窩飲佢就正。因有女士在座，要飲非酒精類飲品，這裡也有幾款無酒雞尾，呷過隔離位女士的Tropical Colada一啖，幾甜，都係飲啤酒適合我。食物方面，叫左一個水牛芝士辣雞薄餅，一個漢堡同一碟炸薯皮。我只係吃過薄餅，焗得乾身，也算不錯。飲啤酒，食薄餅，都夾的。埋單七百幾，打牌抽水夠俾，亦唔算話好貴。夠熱鬧又多人睇，啤酒食品選擇又多，加上又可以亂拋花生殼，來飲番杯，都唔錯的。題外話：

聽朋友講依度開o左好耐喎~ 我成日經過, 但係今晚先至第一次去~ 星期五晚7:30pm, 幾乎全場滿座~依度出名在隨便拋花生殼落地, 仲有好多唔同地方o既啤酒~ 坐o係露天位, 幾舒服~ 但可能因為成地花生殼, 間中有d烏蠅飛過o黎.... 我唔記得朋友幫我選擇o左邊隻喇, 味道幾特別~ 平均每支$38~見好多人order pizza, 好似唔錯咁喎... 朋友仲話依度食tea好舒服, 等我搵日試試先~ ^_^