ITALIAN TOMATO (iSQUARE國際廣場)

營業中

休息中

又到左一年一度嘅草莓季啦大家要把握機會, 食最甜最多水份嘅士多啤梨Italian Tomato今期推出左期間限定Strawberry Sweets Fair士多啤梨蛋糕祭系列, 成個系列有成八款士多啤梨產品包括日本淡雪士多啤梨芒果慕斯蛋糕、士多啤梨開心果雪芒蛋糕、日本淡雪士多啤梨蛋糕、士多啤梨培茶牛奶朱古力慕斯蛋糕、士多啤梨雙重芝士開心果吉士忌廉泡芙蛋糕、士多啤梨芝士撻、士多啤梨乳酪慕斯甜品杯同韓國金香士多啤梨忌廉蛋糕<士多啤梨雙重芝士開心果吉士忌廉泡芙蛋糕>大食妹除左士多啤梨外, 都好鍾意開心果所以今次就試一試呢個士多啤梨雙重芝士開心果吉士忌廉泡芙蛋糕呢個蛋糕味道同口感嘅層次非常豐富, 泡芙皮軟硬適中, 中間有順滑嘅開心果醬同香甜士多啤梨大食妹覺得成個蛋糕最正嘅係佢雙重芝士蛋糕嘅部分, 士多啤梨味道濃郁, 甜而不膩配搭外層順滑嘅cream, 非常好食宜家買原個蛋糕或三件件裝蛋糕仲送50蚊韓國金香士多啤梨優惠券, 各位士多啤梨控仲唔去試吓?

士多啤梨季節又到啦🍓Italian Tomato推出咗少女心爆燈嘅幸福·士多啤梨盛宴 總共有8款期間限定嘅蛋糕/甜品 我就揀咗最pink pink最可愛嘅KORO strawberry cheese tart💖表面用咗士多啤梨煉乳忌廉同杏仁忌廉 喺面頭仲灑咗日本傳統工藝金平糖做點綴 令到效果更加繽紛🌈士多啤梨夠晒甜 而底層嘅撻底有香濃牛油香味 中間仲係cream cheese饀🧀賣相靚靚 味道又有層次 食完真係幸福感滿滿

又係買生日蛋糕嘅時候，屋企人唔係太鍾意食蛋糕，買個細細地嘅，一人食少少，影吓相就好了今次揀咗呢間蛋糕店，都幾多選擇嘅！見到新出左呢個牛奶朱古力紅桑子蛋糕，細細地買來試吓！整體來講都不錯，重點係上面個紅桑子布甸，為成個蛋糕加分，酸酸甜甜咁，就算食飽飯食都唔覺得好heavy，唔覺唔覺就食晒啦

侄女生日想食ITALIAN TOMATO的蛋糕， 仲要指定食呢個朱古力鮮果黑森林蛋糕，我第一次食ITALIAN TOMATO出品的蛋糕， 這個朱古力鮮果黑森林蛋糕 以法國朱古力海綿蛋糕配鮮忌廉和有機車厘子及雜莓，外面用朱古力碎做裝飾，賣相吾差。 蛋糕食落每口都可以品嘗到軟綿綿又幼滑的鮮忌廉和朱古力味十足的海綿蛋糕，層次分明，吾會死甜，好好食。

秋風起又係栗子🌰當造既季節，經過Italian Tomato見到新推出既燒栗黑蜜楓糖忌廉雪芳蛋糕 ，就忍唔住買左黎試。栗子味既雪芳蛋糕配上黑蜜楓糖忌廉，中間仲有燒栗子碎，面頭就鋪滿日本栗蓉同天津甘栗，有多重口感。栗子甘甜、蛋糕鬆軟、忌廉幼滑，仲有陣陣黑蜜楓糖既幽香。蛋糕輕盈又唔會死甜。。。#italiantomatohongkong。。#italiantomato#幸福滋味#FallSweetsSeries#日本香印#秋天蛋糕#赤肉蜜瓜#日本栗子#薑糖#新亞薑糖

家人生日每次買大蛋糕都吃剩🎂。今次我就準備一個迷你蛋糕11 cm的藍莓芝士忌廉蛋糕。🇫🇷法國芝士🧀所製成的忌廉，加上大量鮮甜多汁的藍莓，滿腔清新、幼滑。更重要的是紫色非常吸引。😍

[💕香桜初綻 ITALIAN TOMATO 甜蜜桜香系列]上年有得去日本旅行睇櫻花🌸 今年就只可以留係屋企睇相😩今次推介italian tomato 新出既cake! 勾起睇櫻花既感覺😍桜花士多啤梨麻糬批 13cm ($198)🌸食呢度既cake食得多 但係酥皮撻底真係第一次試🥧層次好豐富😳上面有櫻花煉乳忌廉 中間有海綿蛋糕同好甜既士多啤梨🍰 批底上面仲有一層士多啤梨果醬😍 入面d餡好正🤩麻糬好似糯米糍咁煙韌! 上面果兩個心型酥餅食落鬆脆!p.s. 因為批底比較硬 會比較難切開🤓 記得要慢慢切呀!

Italian Tomato 最近新推出 #櫻花三重芝士忌廉蛋糕 ，啱曬我哋成家芝士控！ 思思爸爸話抗疫期間，注意衛生，也要享受人生！所以就外賣咗一個返屋企食!櫻花三重芝士忌廉蛋糕，以三種不同芝士製成的櫻花芝士忌廉，芝士香味濃郁豐富， 帶鹹鹹地味道，忌廉超級柔滑順口，夾著海綿蛋糕，鬆軟有質感！蛋糕外型精緻吸引，打卡一流，以櫻花煉乳忌廉營造日式庭園，波紋形的設計並灑上櫻花粉，令人感受到日本櫻花季節嘅意境，又好睇又好食! 真係覺得好滿足!期間限定，要品嚐 櫻花三重芝士忌廉蛋糕，就要快啲去 Italian Tomato 訂番個嚟氹下屋企人開心！

試咗新推出嘅蜜瓜批，感覺唔錯，成個批入口俾人好清新嘅感覺。面頭有5槐新鮮青蜜瓜，中間都有蜜瓜粒同用蜜瓜煉奶忌廉。批底有海棉蛋糕同蜜瓜醬。批邊脆卜卜。好好食。中意食蜜瓜嘅記得買嚟食喇。

又到了一年一度跟老人家慶祝生日的日子了，這次一行20多人，相約了在酒樓吃晚飯，我們年輕的就來負責book生日蛋糕吧！經常經過Italian Tomato分店的蛋糕凍櫃，每一件都非常繽紛吸引！這次決定在尖沙咀的分店買蛋糕。由於人多的關係，起碼要book 2-3磅的蛋糕，看到這水蜜桃蛋糕非常吸引！就決定買這個。表面上鋪滿了亮晶晶的蜜桃片，是新鮮的桃片啊！橙粉色非常漂亮。忌廉吃上口也一點都不膩，跟蜜桃非常配！！！內裡的蛋糕層內也有水蜜桃粒，整體就是非常清新帶點浪漫感覺。十分推介！

每個月要買一個蛋糕慶祝 之前都食過ItalianTomato嘅生日蛋糕 覺得真心正 好有驚喜 而且好靚 今日經過iSquare見到ItalianTomato就再睇下有咩蛋糕揀 細款嘅蛋糕唔係得返好多個 左邊個兩款係桃為主一款係意大利芝士蛋糕 另外個款係藍莓芝士忌廉蛋糕 心大心細唔知買邊個好 最後就揀咗呢個👇🏻細細個好精緻 面頭嘅藍莓一啲都唔酸 蛋糕入面嘅忌廉唔會覺得太多或者太甜 生日嘅話可以同佢講 免費送生日牌塊生日牌好大塊 遮咗半個蛋糕🎂🤣

盛夏係屬於🍑桃子的🥰🥰 本身很喜歡吃桃一定少不了白桃甜品🍮Italian Tomato呢排出了好多白桃蛋糕🎂我食左其中一款～提早三天預訂，$228一個，但尺寸不大，大概比手掌大一點吧。⭐️白桃·真味蛋糕頂層以寒天粒粒和新鮮日本白桃點綴，夾層有海綿蛋糕、新鮮日本白桃片和忌廉芝士，口感比一般蛋糕更加軟，白桃又香又甜，加上忌廉芝士，吃起來再添酸甜滋味😋今時今日，有蛋糕🍰食都已經好幸福🍑💪🏻👏🏻

最近又到左白桃收成嘅季節🍑見到Italian Tomato推出左白桃盛夏甜品為主題嘅蛋糕緊係要試下，點知勁驚喜又靚又好味😍岩曬送俾朋友/屋企人慶生🎂〰️👉🏻白桃北海道雙重芝士蛋糕 $228 (12cm) 🍰今次試左其中一款cheese cake🧀佢地用咗北海道芝士、意大利嘅芝士慕絲、白桃醬、鮮忌廉同海綿蛋糕製作，口感好豐富好好食🤤好有驚喜，平時食芝士蛋糕通常都係第一啖好食之後愈食愈膩，但哩個蛋糕係愈食愈開胃啊🤣除左食到芝士嘅咸香(有啲似珍奶上面層奶蓋嘅味道)，蛋糕上面仲有新鮮嘅白桃，好香好甜👍🏻而且仲有一朵食得嘅糖果玫瑰花，送禮一流🌹推廣期由即日至2019年9月22日咋～

同事們為了幫老闆慶祝生日，我們選了期間限定「櫻花抹茶忌廉蛋糕」。首先賣相已經相當吸引，面層用了抹茶忌廉及鹽漬櫻花作裝飾。有我至愛的粉紅色，同時又非常應景，去不到日本賞花🌸🌸🌸，唯有食蛋糕取代！更意想不到味道都相當滿意，抹茶蛋糕裡面夾著大大的紅豆及黑豆，甜味適中，抵讚！👍🏻

Italian Tomato新推出一系列櫻花祭蛋糕，好pink好靚呀🌸.蛋糕唔得只個樣，仲好有內涵㗎🤣蛋糕最外層係櫻花芝士慕絲，入面有杏仁蛋白蛋糕。蛋糕中間有以雲呢拿醬炒過嘅蘋果粒同士多啤梨紅桑子忌廉，所以食落口感同味道層次豐富。不得不提蛋糕底下嗰塊奶油甜酥餅乾！夠脆身，食落感覺係甜甜酸酸嘅消化餅底，為整個蛋糕加分😆重點係蛋糕整體食落亦唔會過甜(我怕太甜嘅嘢🤣).呢個蛋糕唔算好大個，適合約四至五人作為飯後甜品分享。