ITALIAN TOMATO (iSQUARE國際廣場)

營業中

休息中

✨少女心爆發😍期間限定櫻花蛋糕🎂✨明明係屋企人生日啊但買左個自己想食既蛋糕😏😏自從italian tomato出左春季櫻花系列就好想試😍好靚粉紅色加櫻花🌸完全係港女呃like必備😌.🌸櫻花士多啤梨芝士忌廉蛋糕（$240）開頭好驚係藥水味或者甜到痴線😂食落少甜唔膩 雪芳蛋糕入口鬆軟配上面層既櫻花忌廉 同入面既芝士忌廉好creamy！甜度岩岩好切開蛋糕既中間仲有士多啤梨粒🍓靚得黎又唔會伏 岩哂港女們影生日相☺️

Italian tomatoes-日本柿撻（hk$400/21cm，$40/件）係呀！係秋天既味道🤩天氣清爽舒服，我拎左Italian tomatoes新出既柿撻去同朋友野餐😋柿子當造，行入街市一街都係柿，但柿撻就好少見！咁特別就想同朋友齊齊試新野👍🏻Italian tomatoes 呢個係秋日限定，日本柿無得輸啊，又爽又甜，撻中間係香橙杏桃忌廉，撻底係芒果風味杏仁，口感豐富，延續一貫Italian tomatoes撻既水準，香甜大件！-PS. 一打開個盒，d昆蟲仔就湧上黎....🙈😂下次都係唔帶蛋糕去野餐😂😂-Follow IG: nee.eat.play

今年生日，在家吃過簡單而美味的晚餐後，小歇過後，來到吃生日蛋糕的時間，從雪櫃內拿出早於一天前買下的生日蛋糕，兩口子隨即享用。今年的生日蛋糕購自老牌蛋糕餅店 Italian Tomato，是期間限定名為「白桃 真味」的蛋糕。這蛋糕賣相晶瑩漂亮，橙與白的配搭簡約和諧，桃片與白桃啫喱濕潤多汁，產自日本的白桃雖然不算很甜，清新的味道仍然可喜，加上忌廉幼滑，蛋糕鬆軟，整體來說都算不錯。兩口子夾手夾腳合力把半個生日蛋糕吃掉，還剩下一半，正好留待第二天做早餐，讓新的一天有一個甜蜜的開始。

ItalianTomato的蛋糕一直覺得有水準,大方得體又好味,有機會想試晒所有味的蛋糕,今次試了焦糖香蕉撻,濃郁的香蕉味配上朱古力曲奇脆底,真係好好味呀~如果唔係食完覺得飽,我都想再食多件~

六月一號係朋友生日！第一次訂左呢間嘅蛋糕 兩日前已訂 滿心歡喜訂佢個皇牌蛋糕 去攞蛋糕果陣時，個店員好快俾我望一望個蛋糕就cum番埋 前後兩秒都唔知有無一打開個盒 個蛋糕已經變哂形 懷疑蛋糕個底送去鋪頭時已放得唔太穩 又無一個好似蛋糕膠模咁去定住個底 (看圖就明)得塊一塊卡紙座底 好失望其次，士多啤利色澤又唔新鮮 完完全全唔切似新鮮蛋糕下次唔會再訂 好失望 完全唔值 買美心唔會再買Italian tomato 唔會再有下次了。

悠閒的星期日，自然醒，給自己來一個甜美午餐。是日同媽媽阿妹去TST行街，LUNCH TIME 時間周圍都多人，望入Italian Tomato 見到有張無人坐的4人檯就入去喇! 牆上都掛滿小圖畫，加上外面透窗射入的陽光，很悠閒寫意呢！媽媽都好鍾意！我地叫左少少野食，但最值得介意既係它啦！！！即叫即製 烤烤雞($108)放假應該放慢腳步 Lunch time應該放慢食 才等待40分鐘就烤就在我眼前。開心☺️☺️☺️烤雞份量頗多，可2人分享唷☺️雞肉外脆內軟，而且肉質滑滑，唔會好乾，啱啱好！

友人8月生日，本來打算「預祝」，但佢工作實在太忙，終於約到食飯都變左補祝了⋯anyway 有心就得啦：） 由於大家近日唔係身體抱恙，就係工作忙得只訓幾小時，所以都決定lunch 以清淡為主；作為飯後既甜品蛋糕，我都想揀偏水果及清的，睇左幾間蛋糕店最後揀左italian tomato既呢款日式芝士蛋糕。蛋糕大概8寸既大小，望落糕身偏啡黃濕潤，好似new york cheesecake咁，不過肯定無咁heavy 。切落既感覺並唔似日式芝士蛋糕般鬆軟，反而介乎日式至西式之間，令我未食前好擔心會係厚重質地⋯幸好，糕身外層因烤過偏硬，但又不至於西式那種濃/漿口；中間內層充滿檸檬味，令到整體蛋糕口感清新，我一人食左接近半個都還可以！（而且先前剛食完lunch 哦！）另外，蛋糕上面鋪了約1寸厚既cream, 但不是單純double cream打出來的，而是加了檸檬汁、vanilla同糖霜打成，可能再外加一點化學品才會cream更「企」身（當然，現在非自製既蛋糕一定多多少少都會加d, 如果唔係點會放雪櫃放成日也不變「水」？）cream裡既檸檬味較糕身淡，配搭蛋糕一齊食更滑身，同上面既士多啤梨/藍莓/紅

今天一大早已開始工作至下午時間，感覺已有點餓，突然想吃實在一點的芝士蛋糕，便想起這裡買個回去office吃。買到後發覺沒有平日吃開的New York Cheese Cake，卻有兩三種期間限定蛋糕，思前想後，最後決定試試這款蘋果芝士蛋糕，怕限定過後沒有機會試。蛋糕拿起手來已感到份量十足! 一打開，已嗅到淡淡蘋果香。芝士蛋糕基本上有四層，最上層是蘋果片，之後是吉士醬，再來是芝士層，最底層是撻皮，看起來是相當吸引和豐富的。蘋果切得薄薄的，甜得清新，吉士醬充滿蛋香和奶油濃香，與蘋果的清新相影成趣。芝士餡幼滑，但不能說芝味突出，當中亦包著蘋果蓉，味道偏甜，如能減低甜度更好。最下層的餅底頗為軟腍，不是一般芝士蛋糕的鬆脆餅底，而是牛油撻皮，但口感失了分數。整體感覺一段，但既然是限定口味一試也無防。

平時我地成家人都係朱古力及芝士蛋糕粉絲.  今次既然由我發板, 我就柯打左個藍莓芝士忌廉蛋糕帶去老爸生日宴比大家飯後刺激一下味蕾.  人~就係需要勇氣同新鮮感.  加上個藍莓芝士忌廉蛋糕確係好好味, 賣相又醒目(平時黑森林影相無咁Sharp.  大家飲左幾杯又食到個肚仔圓碌碌, 想像o下再來個美國芝士蛋糕或者黑森林真係未食都濟左一半.  今次個藍莓芝士忌廉蛋糕成功搶:, 蛋糕上面既藍莓粒粒新鮮, 淡淡既芝士香加上滑一滑既忌廉.  肯定係令人安歌既選擇.  而且我個人認為Italian Tomato既蛋糕抵食過龍島同聖安娜等等.  忌廉真係特別滑.  食得我地大家咁高興真係好抵讚!:

Italian Tomato 既蛋糕一向都有信心保証，這個朱古力蛋糕，外表既旋風造型相當有動感。忌廉和蛋糕如千層糕般，一層一層疊起來，令每口都可同時品嚐軟綿綿的忌廉和朱古力味十足的蛋糕。忌廉和蛋糕都滿有濃厚的朱古力味，甜品適中，不會過甜，很喜歡它的忌廉，既軟滑又厚身，有口感又有質感。

一年一度既二月之星生日，朋友買黎一齊慶祝　因為我到得3個人，一個大蛋糕又太多，所以一人一件草莓忌廉蛋糕，藍莓芝士tart，芒果tart一打開～包裝得好好　草莓忌廉蛋糕好美味，草莓好甜，好大粒，忌廉好滑又不太甜，蛋糕超級鬆軟。芒果tart最"難"食，唔係味道上，係因為佢中間有塊脆餅，所以好難吉黎食，芒果好甜，有好多層次，脆餅＋芒果＋蛋糕。藍莓芝士tart最飽肚，雖然芝士味唔係好重，但好滑。好多粒藍莓舖向上面。

本來打算去 isquare 買戲飛，最後唔知點解最後都無買到，離開時行左陣，發現其實isquare算係尖沙咀最容易搵位食飯嘅商場，所以我下次一定會嚟食返餐正餐嘅~ 而今次我路經此地，見到 ITALIAN TOMATO都忍唔住買左個看似幾好味嘅綿心雪芳蛋糕~ 就係因為呢支宣傳布旗，講到好似個蛋糕好好食咁，雖然自己做marketing都知道其實係呃人嘅product shot，但我覺得$28啫........於是就去買左個食勒。個店員其實好努力咁serve 緊我前面嘅大陸客，我都唔係好知個店員其實係講緊普通話定係廣東話，不過佢俾我嘅感覺真係好green~ 呢個外賣嘅袋袋口嘅貼紙提示左一定要幾多號之前食，係一般西餅店唔會做嘅~ 登登登~ 主角出場，如果以一個$28嘅蛋糕嚟計，士多啤梨得1/4粒會唔會少左啲呢? 蛋糕咁大個喎! 呢個真係失望，另一失望位係，粒士多啤梨係酸嘅..... =_=" 講返個蛋糕，佢雖然叫綿心雪芳，但係個蛋糕好唔綿，比起我係美心西餅買一個雪芳蛋糕質感還要硬，感覺好似放左一、兩日咁~ 而所謂嘅綿心，其實係cream ，如果係夾住呢pea cream 嘅蛋糕，都好食嘅~ 不

好朋友Y小姐生日，我們於泰國餐廳吃晚飯後，當然是吃蛋糕的環節! 感謝友人預先到Italian Tomato買了數款蛋糕，包括焦糖香蕉撻$31、特濃朱古力芝士撻$34、榛子朱古力蛋糕$32、意大利芝士蛋糕$30 & 朱古力蛋糕$30.意大利芝士蛋糕咖啡味及芝士味都不重，可幸蛋糕頗鬆軟，甜道亦不高，都可以接受.朱古力蛋糕這款朱古力蛋糕忌廉相當香滑，連一向吃蛋糕也只吃少量忌廉的我也愛吃，加上香濃的朱古力蛋糕，令人回味.Italian Tomato 蛋糕件頭相當大，而且價錢大眾化，大約$3X一件，賣相精美，味道亦不錯，下次要試試其他口味呢!

每每經過 Italian Tomato都會被一件又一件既蛋糕所吸引一年前試過幾次，覺得外型美但味道普普通通今日終於再試，結果一如意料跟sales沒多說兩句，她亦沒什麼好推介，我只見今期新推了櫻花蛋糕和曲奇要了件雜莓芝士朱古力撻$32論外型，蛋糕高身，忌廉厚身，夠挺身至於味道，則適宜逐層逐層解構第一層: 忌廉， Italian Tomato的忌廉一向都不太討好，味道有別於一般鮮甜忌廉，其實有點奇怪。雖然夠輕身，不太膩，但係味道有點似變了味的奶油，所以我吃了一兩口就全放棄。有一點要讚，忌廉表面灑了要色的草莓粉，有點酸酸甜甜，頗清新，不過略厭份量不足。第二層: 雜莓芝士層，這個做得不錯。濃濃的雜莓味夾雜較淡的芝士味，不太膩，唯芝士味不夠香。第三層: 朱古力蛋糕，這個與普通朱古力蛋糕無異，但勝在夠濕，水份充足，食完不會口乾。第四層: 朱古力芝士層，這個好像是62%的朱古力，苦！質地很結實，做得不夠滑身。唯我吃不出芝士味。第五層: 撻皮，這個最好吃。味道有別於一般蛋撻的牛油皮，不膩。挺厚身的撻皮不太甜，不太脆但有口感，觸動每一味蕾！如果問我再有沒有下一次的Italian Tomato我會說：有的

朋友生日，不想再吃美心東海堂的款式，大部份都已經試過。想起Italian tomato，又未吃過此店的蛋糕，就選它吧！買了十件蛋糕，不同款式的蛋糕砌起來是一個圓形，很靚。十件蛋糕款式分別是︰Blueberry Pie藍莓啤梨批，鋪面是清甜的藍莓醬，下層是酸忌廉的慕斯，但批底不夠香脆。Frangelico榛子朱古力蛋糕，朱古力蛋糕夾著朱古力忌廉，外層是榛子朱古力忌廉，但是榛子味道不夠突出。Mousse au Chocolat朱古力霧思蛋糕，朱古力慕斯加蛋糕，外層還有朱古力，是朱古力迷的首選。Renoir咖啡蛋糕，咖啡味頗濃，面層還有牛奶朱古力。Strawberry Zuccotto意式士多啤梨蛋糕，期間限定的款式，鋪面是士多啤梨，士多啤梨忌廉加朱古力蛋糕 。Triamisu意大利芝士蛋糕，吃不到酒味，加上蛋糕較乾身，不太好吃。Strawberry Cheese Tart士多啤梨芝士撻，是此店最好賣的款式，鋪滿是新鮮的士多啤梨，芝士餅底味道濃郁，果然好吃。Kase Torte焗芝士蛋糕，芝士味比較淡，亦不夠滑。Tarte aux Berries森林啤梨撻，不同的雜莓鋪滿面，加上啤梨慕斯，清