Itamama (荃新天地2)

營業中

休息中

這個評價是評價水吧這間餐廳最少光顧10次，但每一次水吧的飲品總是令人失望，至少每一次少冰這一個簡單的要求也做不到，其實真的很難做好嗎？每一次少冰總會有半杯冰，跟職員說明，但答覆總會是反映一下，有一些較好的職員，說下單時已經輸入了少冰，他說已經盡力了，沒辦法也控制不到一次可以說是忘記了，但每一次也是做不到的話，就是失誤，至少我這麼多次，也沒有一次能做到希望餐廳能認真對待這個問題，其實少冰這個動作，任何一間餐廳也能做到，只要細心留意訂單就可以重申一次，此食評只針對水吧，食物質素是非常超卓，無可挑剔

去朋友家探訪，為方便大家帶孩子又想傾耐啲、坐耐啲，懶得煮飯宴客，大家都贊同不如外賣自取拿回家慢慢食，荃灣就是美食雲集，單是荃新天地1期2期 已經好多選擇，有排都未食晒。地膽朋友推介 itamama，抵食價錢 + 味道幾好。前一日已經睇定餐牌，早15分鐘order，落到舖頭已經即刻有得拎，超快手。海鮮濃蝦汁意大利飯，幾足料、飯粒煮得幾好幾冧，以$67 來說超值。我永遠吃不厭的卡邦尼！平時都是只有bacon 或ham，但這家的居然有大量菇物，非正式的卡邦尼，抵食又多配料，味道不錯！凱撒沙律（+$12跟餐）是我最愛的沙律款式，這家都算新鮮、份量多，但略嫌醬汁有點多，吃到底時差點想過一過水才吃......不過$12 其實不可挑剔！都會再encore~餐飲方面，我地分別點了菠蘿檸檬特飲（+$8）同凍檸茶。呢隻檸茶疑似係錫蘭茶底，好有茶味，非一杯茶包～唔駛另外加錢，抵！買回家吃就是輕鬆，樂上一個下午，孩子自己玩，大人就慢慢嘆。

見荃新天地新開一間itamama附近又食勻曬咁濟就去試下😹佢雖然menu好西餐但係都feel到係偏港式 但係價錢就冇咁「恐怖」選擇都幾多下 單單飯類都有焗飯、炒飯等等好吸引！🍝四重奏芝士肉醬千層麵配香脆薯條💰63身為芝士愛好者簡直係我地嘅福音！雖然焗碗好細 但係佢每一層都真係有落足料 食到最尾中間都會有成pat拉絲芝士😍但係薯條就好明顯又細又乾 係翻炸完嘅樣 大家唔好嘗試薯條😹🍚帆立貝海鮮龍蝦汁忌廉意大利飯💰72海鮮都可以話落得唔少 有蝦 帶子 青口等 仲有紅腰豆係入面好突兀🤣整體龍蝦汁味道唔係特別吸引人 不過意大利飯索曬汁變得入味都唔錯 下次可能試下焗飯會更吸引😙🥩美國烤安格斯牛扒配煎焗流心蛋·珍珠飯·田園沙律💰74一見到呢塊牛扒嘅繪圖我都覺得唔妥 但係屋企人都係要食😥上到來就真係又薄又油嘅一塊kum住D飯 雖然賣相唔錯但係味道就唔多評價🥲流心蛋都特別細一隻 唔推薦🍝帕瑪森乾酪肉醬闊條麵💰60闊條麵撈完醬汁之後味道都還可以 食左咁多次正常意粉轉下味道都唔錯 但係就覺得呢個意粉會太齋芝士白汁煙肉焗西蘭花💰+15西蘭花真係幾多同幾大舊 但係就唔見煙肉😅不過芝士白汁好香口 撈一撈西蘭花都算

星期二，是日晚餐豬鞍特價$98，但入店後完全無是日晚餐餐牌，店員只送上標準餐牌及特飲餐牌。問晚餐餐牌，員工答我就係哩啲，只係價錢唔好，你落單我會做返特價俾你。標準餐牌上豬鞍餐係包湯及飲品，你話一樣我信你。特飲推介5種味，跟餐半價。到我叫菠蘿特飲，你竟然話5款都無……咁你推介咩呢？ok，算啦，可能真係賣哂。結果個豬鞍嚟到超咸，我自問都食開濃味，都覺得超咸，真心問你說的少塩呢？薯條又係全炸透，接近燶的地步，真係健康食店？唯一個醋汁好好味，成個餐唯一欣賞嘅地方。仲要所謂特價晚餐，其實係湯及飲品唔包，全部另計，總價同標準有多大分別呢？新店，我真係唔想劣評你，希望你可以改善，只係我無緣見到了。

這一間西餐廳新開才兩三個月，裝修不錯，於是趁農曆新年未開工，去試一試。點了芝士肉醬千層麵配薯條，及炸魚柳蛋蓋飯。千層麵賣相100分，芝士夠多，又夠熱，用叉一吉，可以見到芝士流出黎。芝士味夠濃，又唔會太鹹。著條炸得夠趣。蛋蓋飯就相對遜色，飯太多水，但魚柳夠趣，蛋亦夠滑，茄汁不太酸。不過只有茄汁及黑椒汁可選，如果可增設洋蔥汁或其他汁就更好了。套餐包飲品，點了檸蜜，甜甜地又有檸檬肉。熱奶茶就正常水準。餐既份量看似不太大，但原來食得好飽。職員都十分友善、勤快。不過衛生有待改善，入坐時見到枱面有水積，似乎上手食客離開後未有抹枱。

我們於7/2（日）下午約十二點半左右到達餐廳。餐廳外放了menu，故我們看完後，打算叫外賣。我們原本打算叫一個肉醬千層麵，但收銀說只限堂食，故未能外賣，幸好我們有其他選擇。我們共叫了2個餐，分別是松露野菌白汁焗雞扒珍珠飯（$64）和黑松露煙肉菌皇忌廉闊條麵（$67），皆奉送野菌忌廉湯或熱飲，外賣九折，而外賣盒額外收費。松露野菌白汁焗雞扒珍珠飯（$64）：既沒有松露香味，也沒有野菌，由於是焗飯，故口感乾身，珍珠飯應只是飯較細粒而已，但有頗多雞扒及翠玉瓜粒。黑松露煙肉菌皇忌廉闊條麵（$67）：有黑松露醬在面上，拌有煙肉及不同菌類，也有洋蔥及枝豆，配上忌廉汁令闊條麵也好味😋而野菌忌廉湯方面，雖然碗大，但只裝有一半容量，顯得湯有點少，另野菌忌廉湯亦較稀。總之，本次外賣不過不失，較推介黑松露煙肉菌皇忌廉闊條麵。

我們於31/1（日）下午約12:45到餐廳叫外賣，外賣自取9折，但要額外加外賣餐具費用（$1）。我們叫了2個餐：香草鮮野菌忌廉天使麵及煙三文魚煙肉炒椰菜花無米飯，飲品可選熱飲或野菌忌廉湯。約等了15分鐘就可以取了，回家後打開外賣，食物還是暖暖的，保溫不錯。香草鮮野菌忌廉天使麵（$58），份量不少，忌廉汁也足夠，也有一些切碎的洋蔥及香草，有不同種類的野菌，是吃素者的選擇。煙三文魚煙肉炒椰菜花無米飯（67），份量足夠，提供大量椰菜花無米飯，可取代米飯熱量。三文魚及煙肉份量亦合適，是健身者的選擇。而野菌忌廉湯則不過不失。總括來說，這2個餐也是值得推薦的，價格合理。

周末下午3點鐘經過citywalk, 見到呢間新開既Itamama 好旺場, 坐左大概8成人, 好彩唔洗等位即刻入座。餐廳既下午茶時間2點鐘開始, 星期一至日都係同樣時間, 選擇好多, 有pizza、意粉、焗飯、炒飯同bagel。我同友人選擇左輕量黑松露野菌煙肉炒珍珠飯同脆炸魚柳.香脆薯氣配田園沙律。首先講下脆炸魚柳.香脆薯氣配田園沙律, 下午茶$38連一杯熱飲/野菌忌廉湯, 魚柳份量比我地想像中大, size係大過手掌連手指, 熱辣辣炸得好鬆脆, 友人讚不絕口。再配有薯條同沙律, 但可能因為薯條放左係魚柳底, 略油啫。另外, 講下輕量黑松露野菌煙肉炒珍珠飯, 下午茶$42連一杯熱飲/湯。雖然叫做「輕量」,但份量其實同平時午餐份量分別唔大, 女仔一個人食絕對夠飽。炒飯粒粒分明, 乾爽唔太油, 有淡淡黑松露味, 好食!上菜速度快, 侍應有禮貌, 下午茶好抵食, 唯一有彈一彈既係, 餐具衛生程度仍然改善空間。但整體而言, 我地都會再翻兜。

今天突然間好想食Bagel見到呢間食評都唔錯價錢又唔貴 咁就一於去試下啦點了個下午茶餐有流心蛋漢堡扒bagel拌薯條滿心歡喜切開隻蛋 諗住等佢d蛋黃滲入個Bagel度😋點知........呀..........佢個流心蛋已經變了固體感覺就係你上網識了個少女 約出來原來是大媽........🙃其實唔係話大媽唔好係唔符合商物說明條例姐😎其他野食就正正常常 冇咩特別是了⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯大媽蛋漢堡扒bagel伴薯條HKD42 （下午茶餐）

我們於26/12（六）早上八點半左右到達餐廳。餐廳已經有不少家庭，幸好餐廳算大，可安排坐在不同位置。我們共叫了3個餐：粟米白汁雞絲湯扁意粉（$34）黑松露鮮奶炒滑蛋配香草豬肉腸·餐肉·蒜香牛油多士·田園沙律（$48）無糖高纖鮮奶麥片配鮮野菌鮮奶炒滑蛋·蒜香牛油多士·田園沙律（$36）飲品為：熱檸蜜 熱朱古力🍫熱奶茶☕️粟米白汁雞絲湯扁意粉，雖然不太能嚐到白汁，但粟米🌽算多。而蒜香牛油多士是最好味的，夠新鮮，蒜蓉味重，反而黑松露鮮奶炒滑蛋，未能嚐/嗅到黑松露😢無糖高纖鮮奶麥片不過不失，野菌鮮奶炒滑蛋則為推薦項目，野菌十足。雖然是二人限聚令，但有不少家庭，包括我們一行人也被安排在同一張桌子，衛生程度有待改善。🧐

聖誕節晚餐, 千揀萬揀, 揀左ITAMAMA 買外賣。因為餐廳有D 套餐係$48 一個, 冇額外外賣折。 而我地又點左個主食- 豬鞍, 有9 折, 於是落單果位店員幫我地分開左兩張單。並話俾我地知大約要等20 分鐘。俾完錢之後, 我感覺豬鞍價錢有錯, 因為佢原價係$148 再9 折, 但係佢收左我$14X。再睇返張單, 果度打左$158, 於是我返去問另一個店員, 佢地先發現落單果部機既價錢錯左, 於是佢地就退返$9 俾我。特價餐果張單好快就出左, 一心以為豬鞍好快搞掂就可以返去開餐。點知時間一分一秒咁過, 過左30 分鐘左右。見後過我地落單既食客 (佢既號碼係83, 我地係81) 同我地一樣, 拎左一張單既外賣同時同店員表示佢仲差個豬鞍。我地聽到店員同果店客人講: 先生, 得架啦! 我同左廚房講, 佢地而家即刻整。為免佢俾左個豬鞍果位客人先, 老公都特登行去同返同一個店員講, 我地等緊個豬鞍未到。點知, 果位店員真係俾左個豬鞍果位客人先。而我地果個呢, 冇一齊出。其實去到呢一刻, 我地已經等左40 分鐘外賣, 就係差個豬鞍。仲要眼白白睇住遲過我地既客人明明叫埋同一樣野, 竟然可以拎走

見荃新天地2 期開左間新餐廳, 而家晚市有推出幾款$48 套餐, 於是去試下。今日放工時先打電話落左單, 店員話大約15 分鐘左右就有啦, 去到講自己電話號碼再俾錢。由公司行去餐廳大約20 分鐘, 去到外賣已經準備好了。俾埋錢就拎得。今次我地叫左黑蒜野菌車厘茄扁意粉一打開, 份量頗多, 而且熱熱的, 幾好!裡面好多雞脾菇同車厘茄, 仲有好多毛豆, 不錯!不過就唔係好食到黑蒜味。唯一缺點係油左少少! 食完見到碗底都是油。

試過哂下午茶、午餐同早餐先寫comments。附近茶餐廳已有好多，中檔餐廳價錢貴唔抵食，呢間茶餐廳價錢但食物質素好少少，所以抵食。當然，飲港式奶茶都係隔離隔離嗰間。

因為禁堂食經過呢間 舖面幾靚 外賣仲要有折 所以就諗住試下 點知就令人喜出望外😍個龍蝦汁意大利飲好好食仲有柚子雞翼都好好食 外脆內軟 yummy！另外個意粉就不過不失 水牛城雞翼其實都唔差整體係好味 大家可以去試試收銀個姐姐仲好有禮貌

假日早餐，幸好1130前趕到，餐牌無影，外賣紙👆🏻👆🏻每張枱都放了礦泉水賣👆🏻$34沙嗲牛肉（份量較少）+3蒜香多士👆🏻$46香煎豬扒配餐肉，炒滑蛋*豬扒份量較細*餐肉幾脆口*特別之處炒蛋底下有薯蓉+$3轉牛角酥👉🏻正常+$6無糖鮮奶燕麥片👉🏻健康咪道，無糖味，及無牛奶味+$3西式凍檸茶不用收加一的早餐，偶然吃也不錯。