Itamama (荃新天地2)

營業中

休息中

撇低狗狗，出咗荃灣搵嘢食。本來好鐘意鱟地坊的一間拉麵店，但冇食一排竟然執咗，唯有隨便喺附近搵個地方開餐。商場入面，間間餐廳的消費都唔低，當我同狗狗爸爸經過Itamama，對比之下，呢間餐廳的食物價格就相宜得多，而且佢提供唔少餐飲選擇，咁就呢間啦！餐廳的裝潢幾有特色，工業風，餐檯之間距離闊落，仲有唔少卡位。不過，望落似曾相識，餐廳裝修同「鬍鬚佬餐廳」 意樂有幾分接近。點咗1個下午茶餐同1個午餐。下午茶餐係黑松露炒蛋Bagel配薯條，免費跟餐湯或熱飲，而我就揀咗蘑菇忌廉湯。午餐就嗌咗雞扒蛋蓋飯配黑椒汁，跟餐加$10點咗凍奶蓋朱古力。呢度的下午茶都幾抵食，一嚟有Bagel比較特別，而且價錢唔貴，只係$41，再者而家適逢農曆新年，餐廳依然提供下茶餐，仲要下晝2點已開始供應。我哋坐低之後都陸續見到唔少顧客入嚟幫襯。黑松露炒蛋Bagel配薯條：個Bagel外脆內軟，仲幾飽肚；食到炒蛋裡面的黑松露味道；薯條粗身，炸得香脆。呢個下午茶餐雖然唔算好大份，但就幾精緻！蘑菇忌廉湯細細碗，湯入面有攪拌後的蘑菇粒粒，味道唔錯。雞扒蛋蓋飯的黑椒汁有少少辣，黑胡椒味重，幾惹味。蛋的份量頗大，估計有2-3隻炒蛋，啲蛋

兩溝既珍珠米，黑椒汁有小小辣，蘿蔔微甜都可以中和到，一口牛柳粒有D 韌湯就一般，唔喊唔甜又冇蟲露味，又唔係味精湯，你當熱飲就好了非常欣賞依個柚子雞翼，唔只賣相好睇，炸到好脆，仲要塗上滿滿既柚子可惜今晚冇lasagnas ，店員推介食依個蕃茄芝士焗肉丸，話都係差唔多，頂住先😓丸子較濃味確實係唔差大啡姑今晚都賣哂，唯有叫肉醬意粉裡面都有草姑白姑又係頂住先，但清清地都幾好食，宜家做侍應真係好難做，小D 急才都唔得

每日的早餐,不斷巡迴於各間小食店,及街坊茶餐廳,而這間是我個人較為滿意的,除了是價錢大眾化,論環境和裝修也可以給早晨叉叉電,而且食物質素也很不錯,除了週一至週五的超抵早餐外,我今天假期行山前再選了這餐廳來充電。雞扒煙肉滑蛋和小薯仔伴沙律菜,再加上香香的蒜蓉多士,實在是大滿足,而另外愛人的健康麥皮配蕃茄蘑菇炒滑蛋,也是伴有沙律菜,除了健康份量也十足這個健康的早餐,坐得舒舒服服又寬敞,每人也不用40元,夫復何求。

平民價錢而又要有一般西餐廳的水準, 這裏也算是不錯的選擇, 今天叫了兩個下午茶餐,消費也不過是80多元, 首先龍蝦汁蕃茄焗豬扒珍珠飯, 分量也很多, 豬扒切件, 够淋身而又有肉味, 芝士和番茄醬都很多, 龍蝦汁就不怎麼覺得啦。這個餐是配埋野菌忌廉湯, 也是好美的。另一鮮蜆天使麵, 蜆和碎煙肉都很多, 而且很足味,天使麵雖然賣相像米粉, 但是很有咬口也不會太水汪汪, 水準不錯, 又可配餐飲, 它的冷壓鮮檸檬水很出名,而事實也真的不錯,不用加糖也可入口,就是這樣便過了一個快樂的下午茶時間嘞!

夜晚想食西餐，行到荃新天地，估唔到呢個商場都有啲平民西餐😍成個setting同環境都幾靚，但係menu嘅價錢完全係反比😂 仲要好多選擇，從steak到risotto, 到意粉同小食拼盤，樣樣都好吸引！米蘭肉醬溫泉蛋焗闊條麵 ($65)闊條麵煙煙韌韌，呢個價錢黎講，算係有驚喜到我🥰 但係醬就多過麵好多，個比例可以再調整下，不過呢個價錢算係高質👍🏻烤安格斯牛 ($159)個牛唔算好香牛味，不過唔會韌、易入口👍🏻 不過就會多少少肥肉 (唔會話好誇張，只係比平時西餐多😝) Overall都幾好食😍😍整體黎講，買單200幾蚊，食到呢個質素，已經好滿意，下次會再食😙😙

荃灣打波前，朋友叫食飯是但找間野見佢都多人食以為ok但不得了，好耐無食過咁難食的食物！三文魚包薄漿炸完唔知點解可以咁乾咁柴又唔香口！闊條麵似無誠意茶餐廳白烚意粉自己撈汁但這個無汁你撈，食完唔好話黑蒜味，連少少蒜味都冇！最後要搵待應拿兩野茄汁同芝士粉撈埋夾硬拍左佢！ 飲杯西柚特飲好sweet呀！一定sweet 到爛牙！最正常係兩份加配的柚子蜜雞翼同水牛雞翼！仲有舉手叫待應拿茄汁，舉左五分鐘都無人理！要用怒音大叫‘唔該’先有人望你，咁的服務真心一流！

自從Itamama出現響荃新天地之後，我嘅飯堂就改變咗……價錢非常經濟實惠，包飲品之餘仲要無加一，食物種類繁多，重點係有水準，座位都算舒服，不過呢度無得訂位，lunch time都要排隊等位。🍴煙肉卡邦尼扁意粉 $59 ⭐️⭐️⭐️呢個真係大整古，點解碟意粉有芫茜架！仲要煮埋一齊！本身意粉煙韌、creamy、足料，超好味架(經細心挑起芫茜後)，經查問後，原來可以走芫茜，但點解唔響menu註明呢？？？你估個個都係茜人咩！🍴龍蝦汁蕃茄豬扒焗珍珠飯 $62 ⭐️⭐️⭐️⭐️焗得好香好好味，汁又夠多，豬扒一大塊厚切但非常腍，一個焗飯我食淨半兜飯，份量太多適合男仕享用。🍴美國烤安格斯牛扒配煎焗流心蛋．珍珠飯．田園沙律 $76 ⭐️⭐️⭐️⭐️見menu個圖好吸引，但成品個飯賣相差啲，但整體味道都唔錯嘅，牛扒煮得香脆全熟，但一啲都唔韌，蘸蘑菇汁好食，珍珠飯好有飯味，加蛋一流，可以一試。三人共消費：$197

芝士肉醬千層麵🧀×超脆原皮薯條 🍟(熱量炸彈）極重罪惡感，超厚濃郁芝士，可拉絲😳4層麵皮🤣混合肉醬勁滿足🤤連皮製薯條特別香口，外脆內軟👍👍龍蝦茄汁焗豬扒珍珠飯又有無得頂芝士Party🧀加熱辣辣蕃茄，酸味勾起食慾，煙軔柔軟既芝士🥰但豬扒略有不足，肉質有啲偏乾，唔夠juicy。珍珠飯吸收龍蝦蕃茄汁，濃味又濕潤👍整體驚喜十足，外貌似普通餐廳，但原來野食高質，經驗實惠👍👍*******************⭐️味道 8/10 🉐⭐️性價比 9/10 🉐⭐️服務 7/10⭐️環境 7/10⭐️外貌 8/10 🉐

成日都經過呢間餐廳🍴我都只係買佢嘅麵包🥯佢嘅麵包都好好食，但係就未試過坐低☺️食見佢都好多人排隊❤所以見今日早咗起身🧸咁就去試吓😍餐廳樓底夠高👍所以環境好舒服☕️睇埋佢個餐牌❤️以咁嘅環境質素👍佢只係收茶餐廳嘅價錢💰性價比好高😋而且食物質素都唔錯👍早餐同茶餐廳一樣唔加一😍所以絕對值得推介😃有機會一定會試吓佢嘅午餐或者晚餐呢。🍳芝士炒蛋Bagel包 $35個蛋炒得好滑🍳個Bagel上枱仲係熱辣辣嘅Good👍Good👍Good👍🥯🥯🍳火腿通粉豬肉腸餐肉蛋多士 $37麵包果然係佢嘅強項🤤個多士好新鮮👍好脆口😋豬肉腸都好好食☺️但係個通粉因為係忌廉雞湯底，我自己就覺得就油咗少少🤏☕️包飲品❤我叫咗熱奶茶☕️我係奶茶控☕️雖然冇茶餐廳咁濃味，但係以佢呢個餐廳質素黎講，係絕對唔差同埋接受👌👌食物質素：⭐️⭐️⭐️⭐️⭐️環境質素：⭐️⭐️⭐️⭐️⭐️地點位置：⭐️⭐️⭐️⭐️⭐️💰早餐 ：$72 / 2 ppl 📍荃灣荃新天地2期UG樓 UG82-83

今晚叫咗個晚餐，星期三係「和美啖啖肉晚餐」，有安格斯牛扒、雞扒、煙肉、雞蛋同埋薯條。包埋蘑菇忌廉湯。再叫咗個水牛辣味烤雞翼，同埋芝士西蘭花。先講忌廉湯，個湯夠濃，有粒粒蘑菇，都幾好味。跟住上咗個主菜，牛扒夠淋，好有肉味，雞扒煎得好香，烟肉同雞蛋就冇乜特別啦，薯條比較乾，麻麻哋好味。不過個雞翼有驚喜，炸雞翼再淋個辣汁上面，熱辣辣食好好味。食得太多肉，所以叫咗個芝士西蘭花。兩個人食啱啱好，夠晒飽，都係$158，下次會再幫襯！

這間餐廳平日都有很多人來吃早餐，今日來商場看戲，在這裡吃個早餐後才入場。看餐牌有一款看來都很健康的早餐，芝士焗流心蛋多士，無糖高纖鮮奶麥片，田園沙律。上檯的食物與餐牌圖片一樣，一大片厚方包，面層有香濃芝士覆蓋，流心蛋置中央，蛋黃鮮紅。一啖咬下去，蛋汁充滿口腔，非常美味。一絲一絲的綿密芝士與方包難分難捨，分量十足，滿口芝士味，方包軟熟帶溫暖。高纖鮮奶麥片不是很稠密，但有鮮奶的滑溜，入口不錯，可以作為飲品飲用。田園沙律用的疏菜很新鮮，以日式芝麻醬伴吃很開胃。吃完這份早餐已夠飽，還包一杯餐飲，我要了咖啡，飲完咖啡就更飽了。總的來說，這份早餐很美味又經濟。

想食餐平平哋嘅西餐，又唔想食蕯利亞，可以試吓依間itamama，港九新界都有幾間分店㗎！.龍蝦湯海鮮天使麵 $72雖然寫住龍蝦湯，但都唔好對個龍蝦湯抱太大期望，以為會有文華嘅質素。不過，👩🏻喺兩間分店都試過，第一次喺北角分店中午食嘅，味道相當濃郁，唔會有劣質龍蝦湯嘅腥味，仲有大量海鮮，青口、蜆、蝦🦐都有，好足料，只係食完有些少口渴。最近試依次就喺荃灣分店嘅晚市，其實都接近九點，味道對比起北角分店嗰次就淡味好多，唔知關唔關就快關門事啦。.松露野菌白汁雞扒焗珍珠飯 $63另外👨🏽就叫咗個焗飯，白汁無乜黑松露味，就係普通嘅白汁。雞扒煎得幾岀色，外皮煎得金黃色，雞肉嫩滑，每嚿雞扒都切得細細嚿，方便入口。而且份量都幾多，一個女仔絕對唔會食得晒。.香脆薯條 配黑松露滋味醬 (原價) $38叫咗主食仲可以加少少錢加小食，我哋就揀咗香脆薯條🍟。當時有個小插曲，見到入面有頭髮，第一次我哋就由佢啦，食多幾條又見到有，我哋就同侍應講，侍應就即刻換過份俾我哋（底嘅薯條係熱嘅，所以應該係全新一份掛🤔）。講返味道啦，炸得好香脆，個醬都唔錯嘅。.其實itamama嘅味道係絕對對得起價錢，性價比高，不過衞生情況就要多

落雨濕濕，行唔成山，踩唔成單車，同老婆嘅最佳節目喺睇場戲，晌荃新天地二期嘅「英皇」睇完早場（平啲嘛），剛好夾到午飯時間，當然，食埋先返屋企。呢頭自從「海之戀」、「如心二期」嘅商場相繼開業，連帶幾個之前已有嘅商場就更旺，晌度真喺搵食無憂。單喺呢度「荃新二期」已有唔少食肆，啱啱落咗扶手電梯，就見到一家「Itamama」餐廳，感覺個名，望入去嘅環境都好面熟，原來喺「Itamomo」（意樂）嘅姊妹店，「意樂」本身我哋就幾鍾意，不時晌美孚店食早餐，所以，對呢間「Itamama」都幾有信心。 環境跟「意樂」真喺九乘幾似，一睇都喺工業風嘅裝修，，水泥地、鐵窗框、昏暗燈光、木枱木櫈，加上無乜修飾嘅天花，帶出一種粗獷原始味（呢段照抄自己以前「意樂」嘅食評，真喺完全啱用，哈哈）。  枱上除放咗餐具、少少調味料之外，仲擺咗支嚟自意大利嘅礦泉水（需付款），真喺想知，有幾多人會開嚟飲呢？ 午餐而言，選擇嘅種類都算多，雖然再次睇睇官網，就話過Itamomo就經營大眾化嘅意日融和菜，而Itamama則用上較高級嘅食材嚟做歐陸菜，不過，細閱話午餐餐牌一次，感覺Itamomo同Itamama賣嘅嘢好似差唔多。而揀任何主

行到去荃新天地，發現而家多咗好多餐廳。唔知食乜好嗰陣，見到間餐廳好多人食，睇完個餐牌 覺得下午茶都幾好咁，所以就入去試下啦入到去覺得啲位比較窄，但樓底比較高都唔會好焗促。叫咗一個意粉同一個 pizza，下午茶仲有嘢飲，每人四十零蚊都幾抵。個青醬意粉感覺同出面嘅唔同，唔cream，但勝在好多蜆肉，感覺都好抵食個pizza就真係好好食，有埋個流心蛋好正。可能因為有開埋麵包舖，所以個餅底好香好軟因為地方夠大所以坐多陣都唔會畀人趕，唔錯。

本人惠顧於21:00 坐低叫完嘢食之後嘢食都未叫，仲喺度睇緊食咩嘅時候，已經同我哋講話last order，問我哋有冇啲咩要加，但係明明我哋連第一轉都未叫。可見員工之間冇好好溝通影響客人。喺連嘢食都未嚟嘅時候，店員已經催我哋埋單，叫我哋快啲俾錢，服務態度極差，當中並沒有講唔該、請呢啲嘅禮貌字眼。我哋叫咗炸魚薯條同埋煙三文魚燉飯，炸魚薯條係叫完之後已經好快嚟咗，但係個飯去到9:30都未嚟，同行嘅友人已經好唔耐煩，於是我就望住廚房出餐嗰個位，一直望住睇吓個餐幾時先會出。突然，有個員工走過來，話見到我一直望住佢，問有冇嘢需要幫到我，佢嘅語氣「係呢你係咁望住我」講到好似望住佢哋有錯咁，咁我就同佢講個餐到而家都未到，問佢幾時先會到。佢就話同我跟下。過咗5分鐘個飯終於到，但係好熱出晒煙，根本完全擺唔落口，於是就擺喺度攤左5分鐘先食。喺食到一半嘅時候，店員就走過來同我哋講話舖頭仲有5分鐘就閂門，叫我哋食快啲。你個餐咁遲先出，仲要咁熱，點樣食快啲？咁我就同催埋單催我哋快啲走嘅女員工講話個飯好熱仲出緊煙，食唔到快，佢完全冇理我。食物質素方面，煙三文魚燉飯當中煙三文魚有好大浸雪藏味，整體味道一般。店員服務