J POT (已結業)

今晚去左銅鑼灣食高質火鍋環境很大十分舒服，以音樂為設計概念!全晚均播放著周杰倫的演唱會呢！炸魚片頭炸魚片頭厚切很有口感，配羅望子汁酸酸地味道很夾👍🏻和牛響鈴和牛響鈴都是第一次食，即叫即炸香脆的外皮，內裡是A5和牛十分香口細嫩😋滋寶花膠雞湯標榜住無味精的湯底，用左鹿兒島赤目雞及法國春雞去做湯底，濃郁的雞的鮮味好足料😍，再加鮮魚湯、蟲草花、紅棗令湯更加入味。湯一滾就急不及待飲湯的原味道飲第一啖好鮮甜🥰食埋花膠更滋潤美味👍🏻👍🏻點左幾款海鮮，有鮑魚，蝦和魚片，鮮甜美味👍🏻US Prime Rib打邊爐是不少的牛肉，點左美國牛小排脂肪比例較多，而且肉質鮮嫩又滑身，滋味十足。西班牙黑毛豬肉質鮮美，切得很薄身，十分嫩滑可口。手打鮮美蝦滑以鮮蝦手打而成，好重蝦的鮮甜味，三星蔥豬肉丸好香的蔥味，又唔會蓋過豬肉的味道。醬爆牛丸好濃味的汁係入面，食時小心燙口！墨魚丸是手打以新鮮墨魚製造，而且是零添加架，好健康喔！Handmade pasta每日新鮮製，點左紅菜頭寛麵，大約6分鐘就可以食啦！

第一次去J pot 晚餐，主要係食火鍋，其實準確來講係fusion菜，高質嘅食物質素，寬敞有格調嘅裝修，加上店員嘅殷勤服務，完全感受到餐廳嘅誠意滿滿。係上火鍋之前，來幾份小食墊下肚先。和牛響鈴，好有創意嘅小食，外皮鬆脆，估唔到包住嘅和牛好多肉汁，建議一啖擺落口。魚片頭 配 法式羅望子汁鵪鶉腿 配 大蒜米醋汁——鵪鶉好少食到，肉都幾滑，配少少酸既汁，好開胃。D醬汁都比較特別，店員介紹係餐廳自行調製，難怪味道係好少食到。燈凳～火鍋終於上場，係北海道毛蟹湯底。湯底係完隻北海道毛蟹來煲嘅，加入左日式腐皮、蘿蔔同菇。店員介紹完之後，幫我地每人裝左半碗，試吓個湯底先。一啖落去，唔會特別濃味，但好清甜，濃濃嘅蟹香同鮮味，D蘿蔔粒吸曬味，識食一定要食啲蘿蔔。牛肉拼盤（半份）各個部位嘅牛肉被切好，按油脂量擺好盤，上面細心放上部位名稱，食左咁多次牛肉，終於可以好好認識佢地店員服務超好，講解唔同部位，又主動幫手淥牛肉，唔怕我地淥得太老。店員教路，應該由瘦嘅食起（瘦嘅比較有嚼口），之後再食油花多嘅。我最鐘意既部位係肉眼！牛味好濃，充滿成個口腔，真係好滿足九宮格醬汁自己混搭，其中一個蝦米辣醬同辣椒蘿蔔蓉好特別，

我哋叫咗佢當晚嘅tasting menu 。和牛又滑又有牛味，海鮮新鮮 ， 佢哋話所有意大利麵同埋烏冬，都係自家製造，場內亦都有專放新鮮做好嘅意大利麵雪櫃，好專業，全部都彈牙 有咬口， 後加蟹滑，彈牙鮮味， 味噌毛蟹湯底味道一流創意果茶 ，面放有自製水果乾美觀又好味， 又唔會過甜。整間餐廳，由門口知客、餐廳經理和侍應服務都非常親切有禮，真係有賓至如歸感覺👍🏻💞。因為佢分三個不同區域主題餐廳，我好誇張 一星期內嚟咗三次😆 西餐廳嗰邊都唔錯

尋晚受到一班朋友邀請打邊爐，去到先知原來係一間音樂主題餐廳，裝修好靚，電視仲播住周杰倫演唱會，好有feel。打邊爐既爐仲要係一個鼓，真係諗返起以前夾band既日子。前菜係炸魚片頭配羅望子汁，炸魚片頭厚切夠味，羅望子汁既酸度岩岩做到中和味道效果。跟住係和牛響鈴，未食過咁特別既響鈴，裡面有A5和牛，香酥味美。跟住就係萬眾期待既邊爐喇，足料湯底有用左鹿兒島赤目雞既上湯，鮮魚湯，仲有半隻鮮美既法國春雞呀，真係見到就興奮。裡面有蟲草花杞子等滋補食材，飲完第一啖，食埋花膠已經覺得好滋潤。打邊爐叫牛係常識吧，個牛拼盤係最高級既美國US Prime Rib，唔怪得脂肪分配平均，紋理鮮明又滑身，真係大滿足。仲有西班牙黑毛豬柳，薄切肉嫩，豬香十足。半隻法國春雞仲會撈起畀我地食，肉身結實，同其他品種既雞果然不一樣，充分吸收湯底精華之後仲好鮮甜添。食完D肉當然要食丸同餃，有手打鮮美蝦滑，三星蔥豬肉丸蔥香十足，醬爆牛丸真係好醬爆，好似食神咁呀！原來而家唔止護膚品，連墨魚丸都有零添加，再加個和牛拉絲芝士餃，個下拉絲，簡直比任何野食都邪惡！大家都飽飽地，係時候食甜品，一個黑加倫子雪葩，連埋D玫瑰cream同荔枝碎冰

很特別的火鍋體驗，毛蟹湯底非常足料，牛肉更是一絕，海鮮相當新鮮，其它配料亦用很好的食材，尤以牛丸貢丸特別出色，另外不得不讚的是自家製麵條。雖然不是周董的歌迷，但一邊聽歌一邊火鍋確是另一番風味。

之前幾次經過呢個商場都覺得好神秘好高級咁，對佢上面嘅嘢食好有興趣，今日終於搵到機會同朋友去試一試！原來呢度成層有三間唔同嘅餐廳，全部都係同一個集團開嘅，食嘅嘢雖然唔同，但裝修嘅格局都係以簡約高尚為主。我哋最後揀咗打邊爐嘅J-POT。呢間餐廳係以音樂作為主題，正中間有一個好大嘅螢幕播緊周杰倫嘅演唱會，周圍嘅裝修都係用鋼琴樂譜設計，有種好舒適嘅感覺。連餐牌上面都有食譜架，不過我就唔識睇啦，求高人指點～前菜我地揀咗和牛響鈴，即叫即整，外皮酥脆，一口咬落去仲有少少汁，和牛味超濃，好味！嘢飲方面我嗌咗香桃烏龍茶配熱情果珠，個茶底係冇落糖嘅，啲甜味完全係由熱情果珠負責，酸酸甜甜嘅爆珠效果，我覺得幾好，因為通常有糖水嘅茶底都會偏甜，變左糖水味水果茶就唔好味啦，仲要肥添!等緊火鍋嚟嘅期間，侍應拎左個九宮格醬料格俾我哋混醬，不過其實佢本身俾我哋嘅嗰個豉油都已經有味，本人極力推介左上果個蝦米辣醬，好香蝦米味，唔會太辣，鮮味十足！主角到～打得邊爐個湯底梗係最重要，所以我哋就揀咗北海道毛蟹湯底，呢度嘅湯底寫明全部都冇味精。係淥嘢食之前，侍應會先筆啲湯俾我哋飲下原汁原味嘅毛蟹湯，真係好鮮甜，蟹味係超濃！因為真係

第一次跟一大班朋友去銅鑼灣 J Pot 打邊爐，行樓梯上一樓未入到間餐廳已感覺很有氣氛，入到去有一個超大電視螢幕播放 Jay 的演唱會，桌上的餐具無論枱墊，筷子座，鼓型爐邊擋都滲滿音樂元素。湯底很特別，原隻毛蟹，海膽，和牛任君選擇。最後同朋友揀了毛蟹，很鮮甜，建議先飲啖湯同食咗隻蟹先。火煱料有蝦，蟶子，斑球......當然唔少得不同部位的和牛，很新鮮很優質。服務員很耐心介紹每一道材料給我們，很滿意的一餐。

朋友生日，又食好嘢，bk咗J pot! 7點半上到黎，五感六覺一樓，樓梯間好有feel, 即刻已經想劈番杯！🤣成間鋪好大，坐得好舒服！試咗傳說中好好味嘅北海道毛蟹湯底，一黎到就飲咗碗湯先，真係有驚喜，鮮得黎好重蟹味，明顯食得岀唔係味精湯！淥咗兩個鐘之後，食番d蟹，都仲係好重蟹味！Menu 都幾豐富，好多嘢揀，食tasting menu or自己嗌都得！魚片頭: 個汁有驚喜，特登問咗係法式蘿望子汁，真係估佢唔到！酸酸甜甜咁同個魚片頭又好夾！和牛響玲: 畀個名吸引就嗌咗，幾有牛味，炸得脆身，好食！醬料：除咗本身有嘅燒汁，海膽汁同辣汁外，仲有畀埋芫茜，辣椒等畀客自己調配，最驚喜有炒蝦米，加落去真係好香！西班牙黑毛豬: 淥幾淥好快食得，第一舊特登無加任何調味，就咁食已經好正，完全無豬腥味！日山A5和牛拼盤：一次過試晒10個部位嘅牛拼盤！食到呢度不得不講J pot嘅service 真係無得輸！食食吓就會有人行過黎問嘢食有無唔滿意，睇得岀佢地好重視客人意見！到牛拼盤，更加有waiter 淨係Serve 我地張枱，事關d牛唔洗淥咁耐，3幾秒已經食得！由最瘦到最肥，幫我地排好晒順序！食完即刻諗起XX講

本身想食呢一間jpot好耐㗎喇，今日終於約齊朋友去食番餐。 已經預先打電話去book位，指定問佢有冇北海道毛蟹湯。上網睇覺得呢一個湯底好正，非試不可！ 一嚟到有地下上到去一樓店舖，環境覺得好特別， 有啲覺得約咗酒吧嘅感覺！入多嚟舖頭裏面，環境舒適空間感大，座位非常寬敞。 用餐當日人流不算多，感覺上每一張枱都有一位服務員服務我們，服務頂級一流。服務員會介紹每一道菜式及幫助我們煮食。我同朋友一開始點咗小食，比較特別啲係和牛響鈴同埋鵪鶉腿。和牛響鈴真係第一次食， 用腐皮包住成塊和牛炸香，一啲都冇油益味，仲食得到陣陣嘅牛香。至於鵪鶉腿， 好似有啲輕量版嘅生炸雞髀，配大蒜米醋汁，開胃！食完小食之後就到火鍋，終於有我最期待嘅北海道毛蟹湯底。店員首先建議我們先飲湯底，一飲一啖，鮮味十足，有一點帶鹹。 店員跟我們說沒有落味精的，鹹味屬於毛蟹本身的海水味。我自己本身就鍾意呢一種味道， 但基本上將毛蟹淨係用嚟煲湯，冇乜肉， 所以唔使食佢。之後嚟咗幾款肉類，包括西班牙豚肉，鹿兒島雞肉， 同埋和牛拼盤。西班牙豚肉幾好食，但我覺得鹿兒島雞肉就麻麻地，不過朋友好鍾意，啲雞肉唔肥。跟住到主角嘅和牛拼盤， 簡直一流，

今晚訂左台去食好西！因爲早前留意jay係香港有新搞作fine dining x hot pop而且價錢合理身為jay迷既我約左一大班朋友去朝聖！去到535Tower搵左一陣先搵到個入口 原來呢座建築物有幾個入口近世貿有個小門女侍應已經在門口親切的迎接我大熱天時一入門口已經feel到那股清涼哈哈 之後仲有d海水投影 令你置於水裡一樣暑氣盡消！上到去先知原來有兩個餐廳係同一層同為五感六覺旗下既餐廳一間係JPot 另一間叫「和牛。蕃」見到一個個日山牛body放左係雪櫃度先知呢度原來係另一間城中熱話既餐廳！食和牛三文治！等我下個月出糧再約朋友黎食先侍應帶我坐係Jay唱歌既大螢幕前岩岩就播緊Jay演唱會點好野之後我同朋友都係度估歌仔估唔到我朋友一聽前奏已經估中之餘連首歌幾時出同首歌講咩都知道唔夠佢玩牙哈哈哈呢個時候我地點左既香檳都到左餐廳有個餐前小食好似食法國餐甘會有個amuse bouche我覺得好正今次食到超軟超有牛味既生牛肉配醬油生蛋男士食到應該好開心吧哈哈 如果可以單點會多點幾份吧出色之後我地叫左既海膽湯底都到左好香！香到我地成班友仔湯未到都係度講笑 失禮死啦侍應叫我地先飲湯再淥野食點知

朋友約食飯，試呢間新野，入瑜去服務唔錯，裝修都令人好舒服，咁岩三個人，一舒試一款。賣相好好，用料都好好，味道我覺得真係唔錯，可能因為三個人share，份量略嫌唔夠，價錢都合理。同埋試去要行樓梯，呢度少少扣分，總結：都會再食！

發現銅鑼灣謝斐道有一棟新落成嘅building Tower 535因為屋企個男人鍾意打邊爐 所以試咗呢排facebook好多人介紹嘅Jpot,想講個湯底真係好好味， 海膽味噌湯底， 好濃郁，好鮮味😋同埋好鍾意食佢個自家製嘅闊條麵&牛骨濃汁牛丸，好爽吖因為其實我減緊肥， 所以我哋後加嗰d丸都係嗌半份， 同埋試個tasting就算~JPOT啲環境裝修都幾靚, 幾啱我哋女士嚟嘅， 咁啱現場播緊周杰倫嘅演唱會， 都幾有氣氛吖😆 下次會再encore✌

放假同男朋友出去銅鑼灣搵食， 去試下五感六覺其中一間餐廳j-pop， 今次食lunch~之前試過夜晚嚟打邊爐，覺得好滿意，服務好好~ 啲staff話lunch呢就淨係星期六，日先有嘅啫~我個人覺得呢，啲嘢食固然之重要，但係服務更加緊要😆 Jpot啲員工就真係好細心， 好體貼， 因為嗰日我覺得有啲凍， 好自然就縮下縮下~ 我咩都冇要求，佢哋已經攞定披肩畀我， 仲話幫我較細咗冷氣，加分😆👍我自己就叫咗泰式金邊粉， 盛惠$88， 味道ok， 個衰佬就食 ~和牛闊麵$128, 環境好坐，嘢食都好味 ，hea左一陣， 就去隔離總統睇戲， 咁就輕鬆渡過咗個假期打算嚟緊媽咪生日，就去佢哋隔離間和牛蕃試下~😋聽啲員工講呢，生日係有優惠~生日嘅嗰一位客人~係可以有一個甜品送， 又或者每位客人送一杯氣泡酒😆

餐廳位於銅鑼灣總統戲院附近，上樓鋪感覺隔離了市區的喧鬧。餐廳內座位寬敞，店員服務好~Menu上有多款肉類和其他配料選擇，tasting menu更是抵食，只需要498一位，就可以試到日山A5和牛拼盤同海鮮拼盤，仲有距地嘅homemade pasta~一邊聽住周杰倫嘅歌，一邊打住和牛邊爐，認真是一種享受吧~

昨日與一眾知己好友相聚後，正在苦惱哪裡才有一個比較舒適的環境可以供我們促膝長談同時能提供具質素的食物。最後我們在一篇網誌上看到了J-Pot的介紹，便下定決心來試一試。一到達J-Pot後就已經讓我們驚訝不已，它跟平常我們常去的傳統火鍋店不一樣，整個餐廳的裝潢設計都相當有特色，沙發用了黑白配色去重現了鋼琴琴鍵，燈光也用了不少LED燈去營造演唱會現場的感覺，總括而言，給了我們一個全新的體驗。食物方面，在侍應簡潔且貼心的介紹下，我們很快就選擇了我們的食物。我們點了一個北海道毛蟹湯，一份日山A5和牛拼盤，一份豬骨濃汁貢丸，一份醬爆瀨尿牛丸。湯底十分鮮甜濃郁，也能清晰地看到處理後的毛蟹在裡邊。牛肉方面絕對不容錯過，這個和牛拼盤包含了十個不同的部位，侍應也為我們講解了不同部位的特性，讓我們除了味覺上得到滿足外也增添了我們對牛肉的認知。除此以外，它們的貢丸也十分好味，質感彈牙，肉味濃郁，值得一試。整體來說，J-pot為我及友人提供了一次意想不到的美滿體驗，不論是餐廳的環境，還是食物的質素，以及服務質素也相當出色，絕對值得向身邊朋友推介。