Joō de Rolls (已結業)

餐廳主打多樣化，有咸有甜的Churros。叫了Tiramisu Churros, 幾條預先製作好的Churros加上幾球Whipping cream，on top 灑上咖啡粉。味道與傳統Tiramisu有別，churros預先整好，所以已經由脆放到硬。這道甜品不太impressed。好吃的反而是咸品 — 煙肉芝士薯條是鮮炸的。脆加香口，加上大份量的煙肉和芝士在面，配以Ketchup。大滿足！Cappuccino 打足綿綿的泡沫在面，不錯 👍🏻

之前聽聞過呢間餐廳嘅甜品係主打Churros 所以foodpigss🐷🐷就專程黎食左呢碟Churros Tapas（$108）事關可以一次試曬4隻味😍 👉Strawberry係最好食👍；Salted Caramel就唔講以為係朱古力味🙈；而Matcha＆ Tiramisu 都係冇咩特別😂 整體而言係唔難食 但都冇驚喜 食一次可以了☺

最近發現尖咀THE ONE開了一間叫『Joo de Rolls』的甜品店，主打Churros西班牙油炸鬼，小女子作為甜品控當然要去試試！Menu上的正餐的選擇不多，多數是甜點和飲品。由於我跟朋友已吃了晚餐，所以只集中點了甜點和飲品，沒有叫其他熱食。「Churros Tapas」包括4件看起來像冬甩的Churros，分別是綠茶、tiramisu、海鹽焦糖和草莓味，個人最喜歡綠茶和tiramisu！Churros還是暖暖的，很脆很甜，配上不同味道的忌廉，每一口都洋溢著滿滿的幸福感，甜品控一定會喜歡，兩位友人都讚口不絕呢～「Lemon Curd Churros」是在Churros上加上檸檬酪，檸檬酪酸酸甜甜的，又帶一點忌廉芝士的味道，塗在脆脆的Churros上很夾很好吃！不過份量比想像多很多，加上剛剛吃完另一道「Churros Tapas」，所以這碟基本上每人吃一條已經很飽了lol「Blueberry, Orange & Mint Detox Water」加入藍莓、橙和薄荷葉，飲下去有很香橙味和薄荷味，還帶有些微橙皮的甘。藍莓味雖不明顯，不過份量頗多，一粒粒來吃也很滿足。這杯絕對是清新排毒之

星期五晚上既餐廳當然係好多人啦，果然坐滿哂，而且店內店員都多左～如果樓面請多個會好d，因為得見個女仔自己一個跑得好忙好忙因為莉豬一人行，所以坐左上Bar枱～係度建議大家入座前預先諗好要食咩，好似莉豬甘，一入座即時落埋單，即時幫你入機，因為店員真係太忙，等佢行開左，你想再要佢行番黎真係有排你等等左大概半個鐘，個churros終於整好啦～見到個造型，幸福感又滿哂出黎啦因爲莉豬見店員好忙叫唔到埋身又怕自己食得慢，所以收到餐既同時先提早埋單，keep住收據慢慢安心食～莉豬覺得呢度既員工每位都好友善～笑容！最緊要係笑容！包括整野食既同樓面既人，個個都面帶笑容甘工作呢個環境配甜品，真係相得益彰

恨左好耐想食甜品，突登搵左呢間係The one既鋪，未開張前已經有留意，睇宣傳照覺得未算吸引，但睇多左食評同歲月既證明，佢地真係有料到。環境幾舒服，眼見店員都好nice，等待餐點既過程偏長少少，不過明既，炸churros好考巧夫嫁，仲要灑玉桂糖包滿條churros。今次係度用餐，成個過程都好舒服，覺得幸福，莉豬見其他叫甜品既食客都未開始食，見到個甜品就心心眼，月亮嘴，say哂thank you。特別係莉豬想提番，如果大家係趕住睇戲就預長d時間先去食啦，始終制作真係需時，店家制作認真，人手有限，客人有責任自己預算好時間，唔夠時間就去過第二間食，唔係一味去催促人加快出餐，服務業既工作者都好值得被尊重嫁。

獨獨一人行尖沙咀，要hea足幾個鐘，諗住睇下搵間cafe坐下打發時間，經過這間見到裝修都幾啱自己心水，甜品賣相又幾精緻，就揀這間坐底！裝修是明亮簡潔風，幾適合獨獨一人在這裡hea個high tea！眼見餐牌的主食，甜品，飲品賣相都好吸引，都想試，但礙於不太肚餓，所以忍口點了一款甜品同飲品，其他就留翻下次再來一試！甜品點了一式四款口味的 Churros Tapas， 至愛當中的抺茶味，够香濃，有誠意！其次就是Salted Caramel，不太甜，其他的stawberry和Tiramisu就一般吧！ 餅底都鬆軟香脆？另外點的香蕉朱古力幾好味，蕉味朱力味剛好！

由麵粉、糖和油混合而成的西班牙傳統小吃 - Churros 西班牙油條，於西班牙餐廳裡通常是充當甜品一環的角色。但經過日系餐廳 - Joō de Rolls的'改良'與'包裝'後，搖身一變成為食店的主題。 位於The One的Joō de Rolls，環境十分開揚，走的是日系咖啡店的風格: 高挑樓底，落地窗滲透自然光線，柔和粉色系列的精緻佈置，灰根白雲石配玫瑰金的檯子，優雅舒適的氛圍，簡約高雅的氣派，當然全都是吸引一眾女生顧客的元素。 傳統的Churros是長條形，'進化'出來的已不單局限於原狀，水滴型、圓形、花形、心形等，變化多端，為單調的甜點來點新鮮刺激。麵團每日新鮮搓成，即叫即炸，口味選擇亦不少，除了朱古力醬外，也有士多啤梨、抹茶等，更湊熱鬧的推出春日限定: 櫻花味。 除主打的Churros外，還有All Day Breakfast、Meat Ball、Churros Dog、Burger、蛋包飯等提供，帶來甜點以外的鹹食選擇。除此之外，咖啡的類別選擇也有多款，亦乎合日系咖啡店非走單一的多元化路線。 甜點之前，先來點鹹食。蛋包飯有兩款選擇: 咖哩漢堡扒 $68及茄汁肉丸

※本文以用餐當日的環境、服務和食物質素為準，口味亦因人而異，文章只作參考之用。 -Joō de Rolls為香港首家Churros專門店，主打精緻的招牌Churros，在傳統的Churros中加入了新穎的配搭，製作出不同款式的鹹甜Churros。店子的環境走簡約高雅的路線，裝潢帶有時尚的感覺，顏色上的搭配很適合女生們在這裡與閨密聚餐。已經第三次到訪Joō de Rolls了，因為想試的款式也不少，之前都係黎食甜品多，今次直接黎食晚餐和甜品。這間以Churros為主打的餐廳所配搭的款式可不少，光是甜的都有8款，鹹的更配有全日早餐、熱狗腸等，另外仲有其他單點菜式，如蕃茄肉丸，貝果漢堡、漢堡包，芝士薯條和沙律等。飲品的款式多元化，有水果Detox Water、沙冰、花茶、咖啡的品項也滿多，而且看到開放式廚房擺放的咖啡機和虹吸式咖啡壺感覺相當專業!Matcha Latte $42有著美美的心形拉花，色澤對辦的抹茶Latte，入口奶泡打得幼滑，抹茶味甘而不苦，味道順口，但奶的比例較多，如果抹茶味再濃點會更好!Ice Drip Coffee $60男人點的冰滴咖啡，端來時在小木盤放了一瓶冰滴咖啡和

做完 facial 後，醫下個肚仔先，在 The One 落幾層電梯就見到依間，入去品嚐一下。餐廳環境寬敞舒適，牆壁上有幅大型掛畫，描述製作中的咖啡和甜品，令人食指帶動！午市定食只有6款，選了咖喱漢堡扒蛋包飯連飲品，後來追加甜品churros軟雪糕。先來凍抹茶latte飲品，不同層次的綠色，漂亮呀，味道濃濃的抹茶香，有冰粒都不會令味道變淡，好飲呀！好多醬汁的咖喱漢堡扒蛋包飯，厚厚的漢堡扒，濃郁味道有口感，喜歡日式咖哩，因為不只是辣味，還有蔬菜少甜味，醬汁混合蛋裡的香腸炒飯，很配合，非常惹味。最後我追加了士多啤利味的churros軟雪糕，自從在樂園吃過churros之後，一直很懷念呀，今天在這餐廳門外見到，一定要品嘗啦！炸到非常香脆的churros，香濃士多啤梨味沾有粒粒脆糖，簡直好味過曾經在樂園吃過的味道，而牛奶味軟雪糕，軟滑香甜，很似在北海道食過的牛奶雪糕，全杯非常美味。整體味道不錯，相信很快會再光顧。

行完街，睇完戲，同朋友見到The One呢度開咗間新嘅甜品店，甜品賣相好靚，點知仲有日式晚餐，所以就坐低啦～叫咗個咖喱漢堡扒蛋飯嘅飯，$68連飲品，幾抵～ 咖喱汁好香唔辣，漢堡好厚肉，配埋蛋一流～ 不過要注意個漢堡扒同個飯入邊會有啲洋蔥粒；嘢飲叫咗侍應推介嘅綠茶沙冰，果然好好飲，好滑，好解渴好味，推介！！甜品叫咗個綠茶churros，之前啲人話churros係西班牙油炸鬼，我自己就覺得係油炸鬼與donut之間，賣相好靚，配埋雪糕同紅豆好matched！！雪糕都好滑，好味～ 呢度好適合女仔口味

Churros，一款西班牙流行的炸玉桂條小食，在外地早已甚具人氣，試過的朋友均讚不絕口，那獨特風味令人留下深刻的印象，更有港人以"西班牙油炸鬼"稱之，可惜在香港有炮製此特色甜食的店舖不多，要找到其芳蹤著實不易，屬於小眾罕見的甜點。早前經過尖沙咀The ONE，發現了一間Churros專門店， 相信是本地首家以Churros作主題的小店吧？！望望餐牌，除 了主打新鮮炸製的Churros甜點外，當中更有加入了日系元素的抹茶口味和以Churros為基礎而變化出的鹹點小食，如熱狗 、All day Breakfast都是新概念下的出品，其他還有French Toast及蛋包飯等菜式供應，款式不算太多但勝在貫徹主題，如此有心的小店，很難找到藉口不去試一下。店內以日式洋風咖啡店造型為設計藍本，灰藍粉色及純白色為主調，開放式的廚房和長長的吧台位，還有舒適的沙發座位，一片悠閒咖啡室的風格，地方雖不算太大，卻沒有半點擠逼的感覺。裝修雅緻清新，滲著萌萌的親和少女味。傳統的西班牙Churros加上了日系元素之後，造型用料也變得嚴謹講究，食材全部都是從日本直送，店內設有專門製作Churros的機器，新鮮現造的

現時的甜品款式及種類，可以說是變化多端又千奇百趣！ 早前，有朋友告訴我，一間尖沙咀 The ONE 4樓的 Joō de Rolls，供應法式油炸鬼為主打，而且還有很多市場！設有兩個進餐的區域，店內簡約光潔的裝潢，還有些心思擺設。甜品款式繁多！熱抹茶牛奶 $42由於咖啡師把這杯熱抹茶牛奶沖得基乎滿瀉！ 女店員非常小心翼翼送上！相當貼心！一見到其賣相，已知奶泡打得綿密細膩，拉花圖案清晰！適合入口的水溫，甘中帶甜，很合大家口味！抹茶沙冰 $58冰涼透心！ 相對奶味濃重，抹茶味輕微，整體口味較淡：不夠突出！比前者失色！抹茶 Churro  $98等上大約 20分鐘！外層微硬入口香脆，內裡綿密！熱辣辣！配上軟滑細膩的牛奶及抹茶雪糕，真是無得彈呀！不論是否蘸上清甜軟滑的雪糕，同樣甜蜜滋味！

呢間其實真係主要食法式油炸鬼!係甜食黎!先講新出既主菜啦, 其實係唔錯汁係正常日式curry!佢唔太算蛋包飯~因為d蛋無包住d飯,只係放係上面!蛋夠滑,算係好食! 因為蛋係呢道菜係主食!多士唔錯,本身已經甜,我覺得唔需要再點蜜糖,點完會過甜.入面其實唔錯,似係蛋白組成,唔係麵包黎!,所以食落甜中帶軟既感覺真的不錯可以一試!推薦!法式油炸鬼有人中意,有人就覺得太甜...好睇個個中唔中意甜食! 自己按喜好去叫啦!抹茶沙冰好飲, 冰唔會太粗而吸唔到, 抹茶味好濃好香!可以一試! 冰夠幼身所以好飲!

有邊個女仔唔鍾意食甜品, 女仔會有第二個胃放甜品, 我都唔例外係The one 睇完戲, 見到有間餐廳專食Churros, 係西班牙油炸鬼, 我就未食過, 老公見到後, 本身就話唔食呢D fancy 野, 但佢話食過Churros 好好食, 而且有蛋包飯俾佢填肚, 佢先同意帶我入去試下雖然呢到係有得食西班牙Churros, 但餐廳格局幾有日本feel, 女仔實鍾意Menu 好有心思, 用左餐廳LOGO形狀, 好精緻,  揀好野食, 就落左Order 先黎到一定要食churros架嘛, 揀左個Churros Combo 配焦糖雪糕, 同埋Frenchtoast, 驚老公唔飽仲要左個蛋包飯個咖哩漢堡扒蛋包飯最快上, 賣相同感覺都好吸引, 入面用左日本珍珠米蛋包飯淋左濃郁既咖哩汁, 醬汁惹味, 味道完全唔辣另外漢堡扒肉味幾濃, 但略嫌質感太實, 值得一提嘅係飯入面撈埋左腸仔粒, 就咁食都好好味跟住其餘兩樣都等左好耐先上, 差唔多半個鐘, 但一黎就差唔多一齊黎Churros係即叫即做, 係鋪內用機器搓出有坑紋麵條, 再即刻炸,  難免等得咁耐Churros combo黎到時仲係熱既, 外層炸得