K2 Kitchen (已結業)

放工後想慰勞下自己，所以都揀左呢間喺openrice幾多好評嘅西餐廳😁。大約嗰日7點半bk8點都仲有位，早到左d staff都照俾我地入👍🏻，應該係未算好full booking。坐低之後，我同男友嗌左個ribs、carbonara同埋芝麻雞翼。首先上ribs，賣相正正常常，份量睇落就偏少，見到都冇抱太大期望😶。不過佢嘅味道出乎意料之外地好😋😋😋，外脆內軟之餘，佢個醬汁嘅味好香好均勻咁滲透喺啲ribs🤤，認真不錯👍🏻。另外一提，因為我食野超唔小心，啲汁滴左落我條裙度，冇諗到女店員好細心，拎埋濕紙巾俾我，值得一讚👍🏻。另一個主菜 — carbonara，就略為失色喇😕。首先一上菜已經覺得佢得個碟大😂，份量超少。撈匀完之後越食越覺得菇味過重，唔太好食😕。 (本身影左相，但係唔知點解影完save唔到喺電話💩)最後就係小食 — 芝麻雞翼，即整即食，熱辣辣，味道ok，不過同出面啲雞翼一樣，冇乜特別，純粹係俾我過下口癮姐~總括黎講，食物質素ok，員工嘅服務態度都好好，推薦大家一試😆。

同事生日，午市食呢間。裝修著實不錯，全店以黑色為主，走型格路缐。中午時份窗外有透光，尚可，唯晚市可能會太暗了（may be ), 下次等我親身體驗一下。Set lunch 有呢張，見到價錢同配搭簡直令人眼前一亮。輕食的沙律$63, 意粉類 $73, 雞 or 豬 $83，羊 or 魚 $103, 最貴的牛也不過 $153； 觀塘樓上 cafe 來講，價格算平實 頭盤送的風乾火腿餅乾條。幾有心思，火腿亦好滋味；唯獨可能做起放耐左，餅乾條淋淋地，有點失色。餐湯沙律二選一，我揀左湯。係煙肉薯仔湯，比較稀唔會杰撻撻，味道幾好，唯一唔夠熱，湯要熱辣辣先好味。主菜我叫左烤羊脾扒，我覺得佢係芸芸眾餐之中 CP 最高，果然 .......有兩大塊羊脾，份量 super 多，擺盤十分精緻。羊脾唔會羶，唔會韌。點上秘製燒汁之後，其實有少少似豬柳，怕羊羶味又想試羊的人啱曬。炒雜菜另上，視覺上有點格格不入，攪咩呀⋯⋯但是雜菜係超級好味的，如果你唔介意佢破壞曬個意境。包餐飲 連加一都係 $113， 超值！請埋壽星食都唔會肉赤。可惜人手不足，招乎唔到，扣少少分。

一直都知觀塘工廠區好多西餐廳好食，咁今次就是但揀咗一間試下啦，鋪頭幾大，但最入面啲座位其實裝修唔多我地叫咗個二人set dinner餐湯都幾濃幾好飲嘅之後有前菜，我地揀咗呢個同田螺，兩個都幾入味，都保持到鮮味主菜方面，我地揀咗大蝦🍤意粉，不過麵比較乾身，可以加多少少汁會更好個肉就一般啦，冇咩驚喜最後甜品係心太軟兩個share，甜品都唔錯，有流心同夠熱整體嚟講，睇相都見到其實廚房幾有心思，每樣食物都加咗好多配飾，賣相好靚幾吸引，鋪頭夠大坐得舒服，適合朋友聚會或者情侶談下心

工廈內幾優雅既cafe 價錢較相宜每個set 都有頭盤小吃…加拿大餠乾加士多啤梨餐湯係蘿蔔薑湯…啖啖薑味，仲有未整碎既薑粒雖然算不上係難飲，但個味道幾奇怪主菜有5成熟既燒汁肉眼扒上到菜既時候睇黎多過5成，有興趣食牛既朋友下次叫餐時要稍為adjust 下味道又幾好worso called 既配菜原來係另上一碗雜菜，是日西蘭花較多而且可能廚房等一次過烚菜，變相差不多食曬個主菜先有另一個主菜要左bbq 日式豬腩肉omg 肉質好鞋口上面個層肥膏…一pat 野至於個咖啡都幾好啊起碼唔係沖粉呢度d 服務員態度唔錯跟單都跟得足

今天第二次來這裡吃飯，上次是吃午飯，對於餐廳的食物印象不錯，今晚來試試晚餐。頭盤：燒有機紅菜頭伴羊奶芝士、北海道帆立貝、檸檬泡沫：紅菜頭原汁原味，帆立貝外面稍微煎乾，從而鎖住的裡面的肉汁，吃起來很嫩很多汁。而伴碟的不知道叫什麼菜，吃起來苦中帶甘，和有一種青草味。意大利雜菜湯：材料有番茄，西芹，紅蘿蔔，扁豆，洋蔥，再配上黑胡椒，加上又酸又甜，既好暖胃又開胃。芝士海膽焗半隻龍蝦配天使麵，一半龍蝦也不小，肉質結實有彈性，但是好鹹，有待改善。天使麵煮得剛剛好，不會太軟。另外，還有比較幼的甘筍，紅椒和黃椒，撈起來顏色奪目，而且多菜適合晚餐。意大利甜品：甜品其實不一定要很甜，才叫甜品，芝士味不一定要很濃，才叫好吃，而是清甜清香的，晚上吃不會覺得很膩。

友人推介尼間，我又試下先！Lunch time食，starter有湯同沙律選。我要左沙律，係黑醋啊😍份量都適中，上面仲有幾大塊既芝士片🤤不錯啊～黑醋又唔會落太多酸得制主食叫左蟹肉檸檬意大利飯，好味啊！飯可以見到比好多汁包住🤤上面又有好多塊芝士啦🤤同埋見到有細細塊檸檬，好惹味又開胃啊～蟹肉啦就有啲少，由於個汁同飯都係白色，所以唔係幾睇到有蟹肉，食到有少少咁啦～相對黎講冇乜餸，食得太多係有啲膩既飲品有好多款可以選，又不用額外加錢。我叫左凍鮮奶朱古力！哇 有層次咖 一黎到好驚喜，上面有泡沫！飲落就正常味，可能太多冰，味道偏淡。尼間餐廳整佢食物好用心，伴碟做得幾靚，食慾大增！

觀塘大廈冇好野食？咁就錯喇，位於觀塘冠力大廈既呢間隱世K2 kitchen，大家真係不坊一試。今日同朋友係觀塘睇完早場，諗住食下好野，睇睇下電話就發現呢間有幾多好評既餐廳，當然結果都好滿意。氣氛裝修好舒服既k2 Kitchen，入到去人唔算太多，不過又唔會太靜，感覺都好自然同舒服，熱情既服務員會同你介紹一下有關set lunch 既廚師餐湯，同開胃小食。今日我地既開胃小食係芝士士多啤利配餅乾，又冇諗過會幾好食，咸咸甜甜，一塊真係唔夠喉。而餐湯係薯蓉煙肉湯，味道岩岩好，唔太濃，但煙肉味又夠出，不錯不錯，加埋佢配既長條餅，又真係幾吸引。主食，朋友叫左澳洲和牛肩甲，肉質好軟熟，好入味，加上小小肥肉，真係又邪惡又忍唔到口，男仔既可以試下配有機飯，飯質真係好中意，小小硬，但加小小汁，真係咁就可以食兩碗。我就叫左個扒虎蝦牛柳配紅酒燒汁。不得了，蝦殼易拆，點小小醬汁，好鮮味，肉夠實。至於牛柳，我提議五成熟就夠，佢不但唔會太多血，太生，反而已經好入味，唔會太硬，配上佢隔離既小小蔬菜，真係幾正！配埋白飯，簡直更上一層樓。唔夠? 當然，可以加十蚊試下視覺味覺都加分既甜品，今日我既甜品係豆腐黑芝麻凍餅，味道

今次同朋友係觀塘行街，行得攰攰地想搵個安靜dd嘅餐廳食個lunch,但發現apm 實在多人，好彩朋友仔係觀塘做野，識窿路，帶左我去識呢間餐廳我估佢主打係商務客，環境簡潔乾淨，光猛而且坐得舒服，店員服務都好好，未下單已經上左麵包條同前菜前菜好精緻，青瓜煙三文魚配酸豆，特別醒胃我同朋友仔分別點左香煎紅𩶘魚柳同照燒澳洲和牛肩胛一上菜見到個擺盤真係超靚，再食埋之後真係無得頂。靚嘅牛其實點係點整都唔會太差，令人驚喜嘅係個魚，煎得外脆內嫩，配埋個汁真係超級好食👍🏻👍🏻如果約人食個舒服慢活嘅午餐，絕對係出色選擇

有時想約人食飯都要大家就下時間對嗎？哈哈！今日本是兩公婆食午飯，點知去到餐廳竟然見到朋友，咁就一齊食飯啦！好開心，喜歡呢間夠靜和比較人小，可以慢慢享受和慢慢食，呢度幾有情調架，外面大光猛，裏面就黑暗暗，最啱悠閒的生活，選了4份餐可開心share門口雖然比較暗暗暗地散發著情調以黑色為主佈置午餐選擇頭盤沙律 選用黑醋配薄片芝士 入口酸酸甜甜好開胃照燒和牛肩甲牛肉好淋肉汁有小小甜呢個好好食醬燒豬肋骨好大舊肋骨好淋 唔使用力砌輕輕切肉便出嚟 帶小小甜味蟹肉檸檬意大利飯蟹肉比較少飯入口帶出檸檬汁配搭很開胃橄欖像魷魚扁意粉魷魚有點不新鮮 扁意粉有濃濃魷魚味加$10每人一份甜品白色是豆腐下面是芝麻裝飾擺設有心思

在風雨中的一個中午再臨K2 Kitchen，皆因為風雨不能阻礙我們尋找工廈美食。主餐相當不錯，有八個選擇，記得上次的羊扒與虎蝦相當美味，我今次選擇羊架 ！先來餐前小點~~香脆蛋撻仔，蛋撻仔有一粒帶子肉，吃起來味道都很夾。我們兩位用餐，所以楝一位享用廚師餐湯~~甘筍薑湯，一位享用沙律。我的黑醋伴沙律， 小方塊嘅鹹芝士片配合沙律好滋味。我試一口甘筍薑湯，舌尖嘗到甘筍的香甜和少許薑香味。我的主菜~~$153寶雲酥紐西蘭羊架，配蔬菜、洋甘菊熱茶。外脆內嫩七成熟紐西蘭羊架， 肉質嫩滑，  肉味香而不羶。再試沾上綠悠悠色澤的薄荷醬汁，有另一番清新味覺！小杯子也承載燒汁，也可以多試一款味道，寶雲酥是麵包糠、百里香、迷迭香的香料組合，我還吃到少許芥末味！清炒蔬菜帶給我來自田園的美味！朋友主菜~~$93車打芝士煙腿釀雞胸，配白飯、凍檸蜜。車打芝士煙腿釀雞胸，我分享少許，可能放涼了，雞卷外皮有點兒靭了！但雞胸肉很腍滑。伴碟的幾位小配角，它們都經過廚師悉心裝扮，上碟會貴賓的。享受完一頓美味午餐，充滿能量迎接下午的活動！

本身book左枱十二點半， 之後去到既時候個女侍應話我book左十二點，將張枱俾左第二個客，仲話係我地既問題，係我地搞錯左個時候，話過左就過左，佢地都幫唔到我地，以後請我食都唔去。

今天來到朋友推介的K2 Kitchen。LUNCH TIME 有SET，於是點了香煎鯛魚柳配柚子香草醬及香煎鵝肝伴牛柳。跟餐的什菜湯顏色是近似羅宋湯的橙紅，當中的新鮮蔬菜有紅蘿蔔、西𦭐、蕃茄粒等，灑上香草碎，是一道清新的湯品。它的味道也類似羅宋湯，還有附送的麵包條，吸收什菜湯來吃，帶來一點點果腹感。香煎鯛魚柳配柚子香草醬 ($103)主菜是香煎鯛魚柳配柚子香草醬，鯛魚本身的口感較為厚實，所以將魚柳薄切成1cm厚度，兩面煎至金黃及略帶香脆，以減輕鯛魚本身的質感，吃起來肉質尚算嫩滑。魚柳本身沒有太多調味，沾上酸酸甜甜的柚子醬一起吃，味道非常配合，但醬料的分量較少，如果分量多些會更好！香煎鵝肝伴牛柳 ($153)我非常期待主菜就是這個香煎鵝肝伴牛柳。煎鵝肝非常香！鵝肝肥美，入口有一點點快要溶化的感覺。牛柳煎得適中，沒有過熟。肉本身沒有很多脂肪，但不會很乾。牛柳牛味濃郁，不會覺得靭。

觀塘現在給人的印象不單止是工廠區，還有很多樓上隱世好餐廳。今天和友人去的這間餐廳位於巧明街某座工廈13樓。出升降機後，仍是工廈格局，入到餐廳就感覺完全唔同。餐廳以黑色為主，座位舒適，格局高雅。午市套餐選擇多，價錢由$63至$153，另加$10可有是日甜品，餐飲選擇亦比一般餐廳豐富。法式精緻小點是三文魚酥餅，簡單的一口，充滿三文魚的鹹香味。是日餐湯則是肉桂南瓜湯，清淡的南瓜香夾雜少許𦍑同玉桂味，飲落令人舒服。黑醋芝士沙律，黑醋份外醒神，沙律菜亦很新鮮。香煎鯛魚柳配柚子香草醬香煎鵝肝配牛柳牛柳有兩塊，同朋友一人一塊唔使爭，外層煎得焦香能鎖住肉汁，切落還可見粉紅肉色，剛好是我要求的熟度。鵝肝入口即溶。而鯛魚皮脆肉嫩，最值得讚是個柚子香草醬，好香的柚子味和魚肉一齊食，十分清新可口。兩道主菜的賣相亦好靚，都是以青豆、紅菜頭..等打成蓉，放上翠玉瓜粒，車厘茄，玉米、木耳等伴碟，感覺好健康，而且還顯出廚師的心思。餐飲可選擇特飲，唔使常常飲咖啡奶茶咁沉悶。是日特飲是草莓石榴梳打，石榴味香濃草莓味反而比下去，冰涼、可口！綠茶紅豆蛋糕，賣相精緻，餐後食的size啱啱好，喜歡它味道不太甜。

呢排朋友成日約我去觀塘，觀塘工廈味濃，今日朋友話想食下工廈入面的餐廳，我地去左K2 kitchen。去到大廈時，先係樓下要俾身分證做登記再上樓食飯，保安不錯。工廈餐廳價錢原來跟市區差不多。餐廳環境寬敞。我點左份紅茄燴牛仔膝$210簡簡單單的牛仔膝，肉質嫩，紅茄汁味道特別，配菜較出色。朋友點左原隻法國油春雞$190外型真係好BB，精緻可愛，雞肉多汁鮮嫩，配件簡單。今晚極速食完，幸好朋友話整左自家甜品俾我品嚐下，oh yeah，真係要再食食食。

今天放假想到觀塘去波鞋開倉，順道去吃個 late lunch，經朋友介紹來到這間位於工業大廈的西餐廳，當時約兩點多，沒有很多人，店內裝修較型格，以黑做主調。午餐共有A-H 8個餐選擇，原來想點的E及H餐，可惜已賣光，有點小失望，下次一定要提早光顧，最後選了F-香煎鱸魚柳配松露薯蓉 及 G-黑松露野菌芝士焗波士頓龍蝦，套餐包括法式精緻小點，田園沙律或廚師餐湯及餐飲。法式精緻小點是一塊餅乾加芝士加提子，很精緻。是日餐湯是椰菜花湯，濃稠質感，富椰菜花香味，很creamy，配長長香脆麵包條。G-黑松露野菌芝士焗波士頓龍蝦 $103。擺盤相當漂亮，看得出廚師用心制作，龍蝦滿佈芝士，龍蝦肉彈牙有鮮味，黑松露薯蓉很香滑，好奇心底下問了侍應擺盤中那三種顏色是什麼食材，我只能猜出黃色是南瓜蓉，原來綠色是青豆蓉而紅色是紅菜頭蓉，很特別！套餐配的蔬菜是分開裝的，有翠肉瓜，西蘭花，甘荀，迷你粟米。F-香煎鱸魚柳配松露薯蓉 $103。魚外皮煎至香脆，有外脆內軟的感覺，魚很香很滑，沒有魚腥味，與松露薯蓉很夾。餐飲點了凍檸蜜，有四塊檸檬；另外一杯是梳打水跟檸檬冰底，這杯是沒有甜味的，很清爽。