Kam's Cafe (已結業)

2023復活節假期第2天，亦是港鐵今年第1個半價日，我們和媽媽出去走走，乘港鐵到港島東太古城逛商場，商場中庭有以台灣夜市為主題的攤檔，還有歌手獻唱，氣氛熱鬧！逛了一會，拍拍照，已經是下午茶時間，找個地方吃tea，卻發現港島唯一1間Pokka Cafe也結業了！繼續找地方，找到Kam's Cafe。公眾假期也供應下午茶餐，我們點了4份，包括以下的：＃猪扒包：點了2份，猪仔包烘得很脆，猪扒厚切，肉質juicy，好吃！＃鹵水雞翼湯米線：雞翼另上，鹵得很入味！我喜歡！清湯米線份量足，味道也挺好的。＃鮮果窩夫配雪糕：沒啥特別，相對鹹食失色。＃熱咖啡：點了3杯，濃郁，好喝！＃凍檸茶：家人說味道不錯。不錯的一頓下午茶。

Food is good. Environment ok, but the service and the attitude of the staff is very bad especially the 肥婆，不可一世，望都唔望D生客一眼，only take good care of the 熟客，the other staff still not good , noone come to take the order even for few times request, all those good staff disappeared nowadays this kind of service cannot be survived.

朋友介紹太古城既Kam’s Café，SET有四款撰擇，今日揀左三文魚配紅糙米飯，魚剛剛好中間帶有小小粉紅色，外皮香脆，配紅糙米飯成件事又健康，唔乾唔硬GOOD呀雖然無前菜但餐後有生果或雪糕，最重要係有多款味道撰擇，今日突然想食雪糕，又遇到特別口味 - 椰子，同朋友二口同聲一齊都話要ORDER，有小小果肉口感，但略為奶味較重蓋過左椰子香味，有D失望最後有靚靚茶杯配飲品作結，有D HIGH TEA FEEL，如果唔洗趕住返工幾好呢 

帶着小朋友，見餐廳有供應兒童餐及下午茶餐，感覺Menu做得幾似樣，餐廳裝修亦企理舒服，便進店一試.....不過.....兒童餐是白汁蟹柳飯，配有粟米及兩隻雞翼，另外配有利賓納紙包裝飲品，及兩包蒟蒻甜品。白汁少許，味道清淡。蟹柳一條放飯面.....連切絲嘅動作都慳番.....粟米正常，但雞翼冇味，而且有點過燶，如此兒童套餐，要70多元，實在失望。沙嗲牛肉拉麵，沙爹汁份量極少，而且味道好淡，起初以為是有湯底的拉麵，點知原來個沙爹汁牛肉拉麵是撈麵，感覺不像日式也不像港式，實在有點不倫不類。牛肉有數片，但沒有什麼味道，80元一個下午茶餐，可以去食茶記會開心d。肉絲炒烏冬，炒烏冬味道比較正常，但感覺有點兒油膩，而且份量亦不多，同樣是80多元，可能去酒樓會食到一碟分量更正常和味道較為合理的一餐。整體來講，連加一接近$90一個的下午茶餐，相信可以有好多更好的選擇，重點是，這裡的食物質素不高，但價格也不算便宜，實在不要抱太大希望。

最近又無得出去食晚飯啦下午就出去食嘢，好耐無去過kams cafe, 幫襯下啦早少少到，唔洗排隊小時候最喜歡叫sausage waffle la 叫一個然後叫個lunch set, 豬排意粉Sausage waffle 到！其實waffle做得幾好，鬆化，上面有d icing sugar。。中和左d鹹味？其實sausage 就無咩特別好講，不過講明童年回憶，無得咁計嘅份量就。。。成年人來說，當main dish 未必夠好啦，試試法式牛肉汁焗豬排闊麵。。。係立即焗好嘅，個豬排都做得幾好，但個闊麵唔點解好淡味，我同男友都覺得唔夠味甜品要左個椰子味雪糕，幾好，清清地，當清味蕾要左個熱咖啡，日式咖啡的感覺，幾好飲All in all 裝修簡潔，食物都幾好，以後會再返去的

太古城中心裡面，環境都無咩好講。所以今個食評直接講食物：餐湯：好普通蒜蓉包：有少少靭，無乜蒜蓉味滑蛋牛仔骨丼：唔單止得兩嚿，仲要五成骨加三成肥膏，真係汁撈飯食飽走人我衰，揀牛仔骨呢啲危險嘢，出事囉！

這晚到太古城中心吃晚飯，整個商場有點冷清。老公想吃石頭鍋飯，便帶我到這間，入去才發覺這間根本並沒有他想吃的石頭鍋飯，餐牌上的菜式比較日式。餐廳環境寧靜，感覺舒適。老公點親子丼，味道不錯，甜甜的洋蔥和香脆可口的雞粒很配合。法式蒜汁雞扒配紅糙米飯蒜汁很香，份量不夠，紅糙米飯質感不會太爛亦不會太粗糙，雞扒煎得比較乾，幸好肉質還嫩，雞肉也沒有雪藏味。吃飯途中聽到隔離枱想要蒜汁，可是侍應說售罄，想不到蒜汁也沒有。熱檸檬水不苦澀，檸檬也很清香。

1）服務態度極度惡劣！2）因為剛剛打完內容卻提交不到！（請大家看相片內容）3）食物質素不差！（見相片）其實，如果貴店肯認真地改善服務態度，不論新客及舊客皆會樂於再惠顧的！利申：不是針對人，而是針對服務態度

喺太古區住咗20年, 以前成日去呢間KAM'S CAFE用餐...啲嘢幾好食, 價錢又唔算太離譜! 近年的確少咗去, 因為有時經過都要等位, 同埋真係難食咗! 幾年無去今次諗住再試吓, 點知真係太失所望...價錢貴不特止, 味道又真係差咗好多, 可能轉咗廚師, 真係keep唔到水準...以前最好味又足料的羅宋湯依家無咩味, 兩個蒜容包除咗細咗仲要唔熱...以前d意粉都好好食, 好似有炒過吓咁...今次再食係啖而無味! 仲要8點幾已經好有趕收工feel, 咁樣做餐廳真係唔多掂...以前的kam's cafe係我成日流漣的地方, 希望佢哋唔好做衰個名! 講真, 真係幾失望...同樣價錢去第二d食肆應該都可以搵到質素高d o既...價錢貴咗好多但食物質素keep唔到, 咁樣就算對你間cafe有感情, 都好難再幫襯落去! 希望佢睇到會有所改善...做cafe都要有heart! 

位於太古城中心既店，擁有非常不錯既環境同十分衛生，適合坐低同朋友聊聊天既地方，呢度既咖啡係主打畢竟係一間café。但你以爲佢係一間純café就錯喇，呢度既野食同樣出色，係一間合格有餘既西餐廳，一般會叫呢度既牛排、雜排食，但我今次推介既係呢度既親子丼，佢係雞肉加滑蛋既組合，首先佢個雞肉整得好好味，脆口又香口而且份量又足，配上軟綿綿又香既滑蛋，伴隨住一堆爽脆既洋蔥，同埋秘制既燒汁，放入口就停唔到落黎，呢個組合再撈飯咁食，根本超級美味。總體黎講，我個人會推薦大家去呢間餐廳一試。

下午茶時間要排隊入座，明明已經等左20分鐘，後過我地排隊嘅人都入哂去。後尾有兩張空枱等入座但個女店主當你隱形咁。再過5分鐘都仲唔比人入去張空枱坐，態度仲要非常惡劣當出面無食客等緊位咁。女店主唔帶客入座仲大大聲叫啲侍應「慢慢抺枱」，黑口黑面同食客理論個個侍應都好忙，依然覺得自己嘅服務態度無問題，簡直不知所謂。嗌左個鹵水雞翼米線，個湯底好似飲水咁，譚仔收三十幾蚊都仲好食過佢，不能理解點解呢度收人地double但水準可以咁差。唔會再有下次🤗

星期六早上， 諗住舒舒服服食個brunch ，見太古城呢間好似準備開門 ，就諗住試下。點知企喺門口等咗幾分鐘 (已經11:07am)都未開，突然有個員工出嚟，我哋問佢係咪準備開門 ，佢黑曬口面， 好似我得罪佢全家咁，好惡答我 "依家咪開囉"!! 跟住入到去坐，啲員工先至陸陸續續返工， 仲要企喺啲客面前食早餐， 大家嘻嘻哈哈講早晨、傾計、講自己嘅嘢。 當時店內有3枱客， 店員有6位， 全店也是遍佈呢6位員工的笑聲、傾計聲!食物質素差得很， 未食過似水咁希的咖哩 、有雪味的薯條、 醃都唔似牛肉嘅牛肉 、 仲要唔記得落鹽，問佢攞鹽樽， 佢比樽黑椒! 員工抹完枱，塊布仲要從遠距離拋物線掟返入去counter入面， 我不是看錯吧 !! 真係嚇死我!普通茶餐廳都唔會咁差， 仲要係收成100蚊一個set lunch的餐廳，見咁嘅服務態度， 咁嘅食物質素， 全香港都難搵， 以後也不會再去!

服務態度極差，問少少問題，得來極之不友善的答覆，全程對顧客黑口黑面，自己好多個員工係度大聲談笑，嘻嘻哈哈，目中無人食物質素：黑椒牛肉炒意粉，全碗得兩粒黑色碎屑，問佢係咪唔記得落黑椒，可唔可以落返，得到回應係「落左啦！」態度惡劣，全無誠意！衛生：哥仔呢頭搵紙巾抹完鞋，手都唔洗，就咁係條褲度印下隻手就上菜！另一位用紙巾抹地後一樣係不洗手環境：店內堆滿雜物，貨箱等，原已狹小的空間更見擠逼這種經營質素根本不配在太古城生存下去！

係太古做野咁耐，都未試過幫襯呢間咁精緻的cafe, 所謂精緻, 就係佢店內的裝潢好有英式咖啡室的格調,淡藍白背景, 裝飾夠簡潔,所用的咖啡杯亦好有英倫風味。 黎食晏可以為繁忙的都市人生增添幾分悠閒的感覺。今次都係同事帶我黎, 我地兩個係門口排隊,大約等左10分鐘就有位,呢度有午餐同散叫, 午餐選擇唔多,不過份量都幾足,有咖啡又有甜品,索價$90元,以太古城裏的餐廳黎講, 呢個收費好合理。 我叫左個日式雞扒(日式燒汁)配薯菜的午餐, 雞扒都好厚身,雞皮脆卜卜, 雞肉夠嫩滑,唔錯唔錯。 仲配埋肥嘟嘟薯條同薯仔沙律,份量都於女士黎講較多,但有衣食的我全部食晒! 餐飲梗係要試下杯咖啡啦~可惜我因為要趕番寫字樓,無細味杯咖啡,所以唔評論了。 至於甜品,我揀左雪榚, 雪糕口味有多款選擇, 除左雲呢拿,仲有士多啤利,黑芝麻,朱古力同綠茶。身為綠茶控,我毫不猶豫就揀綠茶味啦,佢呢隻綠茶味偏甜,奶味重,對於鐘情偏澀綠茶味的我,呢隻唔啱我口味,不過作為跟餐甜品,有咁多口味選擇,呢間餐廳都好有誠意,抵讚。 同事話呢到的甜品下午茶都唔錯又抵,等我假日黎試下先!

入座後點了一客西冷牛扒餐及一客素菜炒飯。份牛扒可揀"日本汁"同"黑椒汁"，問侍應哥哥咩係"日本汁"，哥哥仔答我地:"係一種汁"。當堂啞左😅哥哥仔見唔對路先急急補句:"有啲薑味"。唉，算喇算喇。之後素菜炒飯上枱，愈食愈唔對路，全碟係用雜菜豆、罐頭菠蘿、少少洋蔥同青瓜粒炒成，但重點要係$85未連加一，喺茶餐廳食都無咁嬲。唉，算喇算喇，無下次。