Kim's Spoon (MegaBox) (已結業)

星期五晚約左朋友食飯，大家又想食韓國野。好難先搵到間可以食傳統韓國餐加韓燒，於是決定黎呢到一試。晚上七點鐘到，只有三分一滿座。餐廳有分燒烤區同非燒烤區，我地三心兩意所以簡左燒烤區，想食燒烤野都唔洗再調位嘛😄打開個menu，無耐就已經決定食咩，兩個澱粉怪點左一飯一麵。後來仲要追加個牛肉卷，兩個女仔叫如此份量都真係幾驚人。不過當然係想滿足嘴饞，最後係食唔哂打包走的。想食呢個炒飯好耐，泡菜炒飯已經好惹味，仲有半熟蛋，芝士鋪面，簡直係邪惡之選。用鐵板上仲係出緊煙，撈飯既時候已經見到有飯焦，好正！不過凡事都有兩面，令到啲蛋熟得好快，唔可以同啲飯混合為一體，如果可以幾半熟既蛋撈埋入炒飯入面就perfect啦。飯量夠多，芝士就唔夠多，只有中間面先鋪左少少mozzarella，未能撈滿成個飯。辣冷面，故名思義真係好辣，本人平時都會食下辣野，但呢兜麵食左三啖已經令到👅辣到著火。配料都係泡菜、蔬菜絲、辣醬，配啲煙煙unun既麵，簡單得黎都幾唔錯喔牛肉卷啲味唔錯，簡單既一道菜色唔會差得去邊，飯又未至於太多。不過上菜既時候摸到隻碟係熱既時候都打左個突，食落去都真係熱既。熱既壽司卷都係第一次食，感覺有啲怪總括黎

等齊人收工，就去左Megabox行下再食飯。有人想食韓燒，就搵到位於Megabox 6樓既♥Kim's Spoon♥Megabox人流唔算太多，可能因為係閒日關係吧，當日晚上黎食野都唔係好多人，不過呢到勝在坐得舒服～見到有幾個套餐可以揀，有二人餐，四人餐，最後我地3大2細就揀左四人餐食～四人韓燒晚餐 528野食逐一介紹～每一人碟醬料～左邊是油加了點鹽，右邊應該是豆瓣醬1. 三式前菜前菜有芽菜，西芹，蓮藕，（竟然前菜係無泡菜）不算太特別，不過食完都開左個胃。2. 豆腐沙律配柚子醬唔太好食，第一啖食落去太酸了，如果轉做麻醬，會好係好多，食完第一啖都已經放棄了。。。3. （七選五）精選燒烤：醃牛肉，醃豬頸肉，美國肥牛肉，醃雞肉，豬腩片，（醃豬肉片，蝦）肉類望落都幾新鮮，不過醃料味道唔夠，燒完都唔係好食得到佢醃左咩味。個人認為醃牛肉，醃豬頸肉，豬腩片係比較好食的，雖然無咩醃料味，但點佢地個豆瓣醬都可以食到佢既肉味，豬頸肉都幾爽口，小朋友最喜歡的了。呢個份量都足夠我地食，食到最後係可以好飽。4. 韓式粉絲都係好普通，無咩味道，不過勝在比出面食落口就無咁油，份量都ok，每人都可以分到一碗仔～5.

公司同事生日，成班人book 枱去慶生！係九龍灣Mega Box內。呢間有好多唔同嘅午餐選擇，我哋一台有八個人，八個人可以叫到每人唔同嘅嘢食。但最令我開心嘅，就係呢度可以任食泡菜，超正。同事們的食物陸續上枱，大部份都用石鍋盛載，可以保持熱辣辣。我就要了這個粉絲及牛肉，份量10分大，可以給我當吃兩餐了。我加上了他免費提供的泡菜，將它充分的攪拌一下，有成了一個泡菜牛肉粉絲飯每個同事叫既嘢食都唔同好多選擇，味道亦都唔錯。環境寬敞，有少少缺點係上菜太慢。

今日去到MegaBox，想食韓國野就搵到呢間Kim's Spoon。雖然係連鎖店，但佢既質素都有保證。餐前小食有放係枱面任你夾既韓國泡菜，俾你一邊傾一邊食，細心之舉。今次點左韓國魚餅同埋石頭鍋飯，兩樣野都充滿韓國特色。韓國魚餅煎得好香，金黃色既表面令人垂涎三尺，食落去小小酸味，幾有特色。石頭鍋飯則保持韓國傳統所用既材料，撈勻後即刻擺入口，熱辣辣差啲辣到個口。總體來講都幾平均，韓式食品應有盡有，但冇咩令人驚喜既地方。

剛剛在九龍灣工作完，就到了附近的MegaBox行街，兼食個下午茶。由地下慢慢行到上到5樓，還沒有很想食的東西😝😝😝，不知不覺已行到6樓，就見到之前在北角食過的一間韓國菜😬😬。見到門口有下午茶，就二話不說入去了😂😂。見到有好多野都想食，最後一個人叫左2個餐😋😋😋😋😋這裏的泡菜是任食的，不過我都只夾了一小碗😝😝凍紅棗茶 加$4熱柚子茶不用加錢 很瘋狂🤫🤫🤫一個人食咁多野😁蒸泡菜餃子🥟紫菜包飯配魚串一個人食兩個餐，總括嚟講好味👍🏿👍🏿👏🏿👏🏿兩個餐加埋，連埋加一都係$99😬😬

從沒想過會寫食評,因對食要求不高, 這次超過底線突有感而發.因工作關係平日經常到該商場, 是日 發現有一家韓國餐廳未曾光顧,便進去試試, 餐廳裝修簡單整潔, 晚飯時段入座率三成,菜單都是正常的韓國菜, 心想應該不錯,最後點了牛肋骨, 三色燒肉拼盤及豆腐湯,桌上有任食的泡菜, 我對泡菜沒要求, 閒聊呆等, 附上麻油豆瓣醬,生菜包等配菜,上菜速度快, 拼盤三種肉用一個長碟放泡著醬油, 份量還算多,@三色拼盤 雞 - 免切大塊雞脾肉 - 沒有任何味道豬 - 有兩三種不同肉色, 雪味極重, 沒有味道,牛 - 除面層肉外都呈淺灰色 -  燒烤時散發臭味, 償試一塊後已放棄.P.S.肉質方面不下評語,個人技術差,全都都很”鞋口”@牛肋骨外觀及肉質正常, 但可惜完全沒有味道, 同樣一件起兩件止.附送的調味醬料對烤肉完全沒有幫助.看著一堆腐肉沒胃口, 結賬 用餐不久後已感腸內翻滾.個人認為, 不新鮮的肉類應在調味方面下功夫,而這餐廳方面技術比較差,有很大進步空間單服務方面而言是不錯的.

琴日去食 lunch（一點半左右），見到間餐廳無乜人都 feel 到中伏，嗌左個牛肉麵（其實都只係辛辣麵），但係 d 牛肉完全係 un 到咬唔到，不特止，出事響 d 湯度，湯就似少少湯粉再溝大量嘅水稀釋，味道可以自己想像，唔知係咪成本問題落唔夠湯粉。同埋個賣相真係超核突，名為牛肉麵，賣相好似雜菜牛肉撈埋落個碗度，自己煮公仔麵都 ok 過佢～計埋加一大約 $75 左右離場，不過 $10 都嫌俾多佢，真係好垃圾～難食到連夜晚飯都食唔落，差 d 要睇醫生～今日先至開胃番少少～

Lunch要magebox覓食真係有啲難度，附近實在太太太多寫字樓啦，不過好彩kim's spoon夠大間，只係等左一陣就有位啦！！而且呢度價錢平民化，抵食又好味，以後lunch出嚟食呢間係首選！！

在MEGABOX睇完戲飢腸轆轆又過了lunchtime只想快吃醫肚 見到呢間人不多(過了lunchtime啦嘛) 不用多想，就呢間啦!!牛肉石頭鍋飯：韓國菜最經典的石頭鍋飯，紅黃綠啡白黑色彩繽紛賣相吸引，加石鍋上熱哄哄香氣誘人，一看到就更肚餓了讓人口水直流。材料都是經典的bibimbap食材：牛肉、菠菜、大豆芽、胡蘿蔔、什菇、辣椒醬、飯非常惹味，吃到底還有焦焦脆脆的飯焦，一下子被我吃光了！　朋友想來點新意點了一個什麼泡菜炒飯，上枱的一刻我們都呆掉了，只見飯，全部都是飯，紅彤彤的飯，噢還有蛋和紫菜飯不是特別的惹味，泡菜味也不濃，吃不到半碗朋友就放棄了不推介。　兩款差不多價錢，加一後都是不到一百大元一款。bibimbap是可以的，不過另一款的性價比太低。趕時間想快吃時就選bibimbap吧！

約左朋友睇「蟻俠2」，離開場時間重有2 個半鐘，可以食個tea 先。雖然係星期六，但tea time 時間既餐廳並唔多人，只係得4、5 枱客，所以可以同朋友慢慢食下野傾下計。Tea set 大概有十幾款，介乎$4x - $5x。我同友人每人一個set, 叫左「韓式牛肉飯」同埋「紫菜包飯卷配炒粉絲」，味道中規中舉，值得讚既係，牛肉飯保持著溫度，加分！紫菜包飯卷大大件，分量夠，但有幾舊包得甩甩地，賣相減分，粉絲就炒得乾身，唔油，唔錯。

其實我見倒其他地方好多人呢度冇咩人又咁岩想食韓燒先黎 0資料搜集 一開始見倒餐牌需然有啲貴但睇落去都幾好食 想低叫完野食 啲野黎左睇落好靚 仲影左幾張相 我地3個人叫左一個二人餐加個石頭鍋飯同2色肉 一開始食個石頭鍋飯都唔錯 到燒肉就覺得冇咩味 之後黎左個水冷面 根本就難食 又唔夠酸又唔好食 之前就算係街度食平平地個啲都好食過佢囉 愈食愈覺得啲野唔值呢個價錢 食完勁後悔🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️

見佢有我最愛既石頭鍋飯（因為最愛食飯蕉！）就走左入黎食，一上黎個賣相其實幾好，不過一撩開就好似電飯煲一跳制就「畢」出黎既飯咁，好濕，一pat pat....搞到冇飯蕉食，個口感又唔好...好失望😞⋯⋯

第一次係香港食左咁唔好食既韓國料理，點左泡菜豬肉公仔麵，牛骨雪濃湯飯泡菜豬肉公仔麵，豬肉好韌，麵都唔係韓國個種麵，好失望，個麵好似都要60幾牛骨雪濃湯飯要85元但一片肉都無😓😓😓一睇就覺得比個名欺騙左連跟餐既生薑茶既味都怪怪地，無薑味得微甜味。泡菜係任食，但其他前菜就要10蚊碟，都未見過韓國餐廳餐前小食要逐碟計錢去其他香港既韓國餐廳起碼第一次既前菜會free, 想加先再加錢。間餐廳唔好食又貴，比較可取係幾位侍應姨姨幾熱情。無下次

是日星期日，為免遴侯，先行訂座。晚上六時半一家三口到達食店。向職員表示已訂座，入内只有一張卡位座(共四個卡位座)及兩至三枱食客進食中。向接待處表示要求卡位座，但職員聲已被訂滿了，唯有於方枱進食。至晚上八時許，我家將進食完畢，環看四週，客枱只有二份一座位之七成有食客(因二份一舖座位未提供使用)，食客約只有十數枱，卡位原先食客已離去，換上另一枱卡位食客，亦即是四個卡位座仍只有一卡位座有食客。食物方面，點了醃製牛肉類拼盤，泡菜餅，兩色豬腩肉(咖哩及香草味)，泡菜豬肉豆腐湯，豬皮及飲品。總結:1)服務差，卡位座無人不供客人選擇，卻謊言聲稱被訂滿座！此為待客之道？2)食品差，除了泡菜豬肉豆腐湯較為可口，其他味道淡然無味，未能感受醃製水平;肉質更顯深色，牛肉片出現兩種顏色，有些較黑，相信己有相當之存放時段！泡菜餅只感麵粉餅，無質感！兩色豬腩肉，豬皮不值品評！3)醬料，未有提供一般之食鹽及醬油？提供了之辣醬，亦為深色、無味！概括評語，差差差

今日心血來潮好想食韓國野，就捉左我朋友黎MegaBox陪我。MegaBox韓國野選擇唔多，所以揀左Kim’s Spoon首先點左一渣鮮西柚梳打。 西柚有好幾片，整個味道好清新、好涼爽，好岩夏天飲。用黎做飯前開胃飲品都唔錯*鮮西柚梳打 $38*食韓國野又點少得韓國既年糕呢，而最重要既一定係個醬汁。我地點既香辣年糕，醬汁做得唔錯，好辣同濃郁，而且仲有啲魚糕，令口感更加豐富！年糕本身亦唔會太硬或太稔，非常剛好*香辣年糕 $68*主菜方面，其中一樣係至尊純豆腐辣湯。材料好充足，有豬肉、海鮮、蝦同雜菌。但味道方面我認為唔夠濃郁，亦都唔夠辣。加上本身冇配飯，所以要加$15配埋個白飯。*至尊純豆腐辣湯 $98*最後一個主菜，亦都係我同朋友一致認為最好食既，就係泡菜辣冷麵啦佢係辣醬底，撈埋冷麵好香辣，但出奇地清新，會令人食完一口接一口而佢既辣泡菜有畫龍點睛既效果！*泡菜辣冷麵 $88*總括黎講，Kim’s Spoon食物既味道不錯，有一定水準，值得推介