Kim's Spoon (MegaBox) (已結業)

朋友搬屋, 陪佢出MegaBox行下, 大熱天時, LUNCH梗係想食D醒胃野LA~~ 見到里間韓國餐廳就直衝入去.可能LUNCH時間, 附近OFFICE多, 坐滿晒人, 好彩佢地方大, 位置多~ 唔駛點等.待應送上餐牌及簡單的點菜紙, 唔算多選擇, 但一般的韓國料理都有齊見到夏日精選係我最鐘意食O既冷面, 梗係要試下LA!!講真有點兒失望, 單睇賣相OK, 但配料比較粗身, 面底好明顯係直接煮好就裝碗入雪櫃, 可以成餅面夾起, 好實, 好難揚開, 味道無特別調味, 只係落左好多韓式辣醬,  食到中途已經頂唔順..... 朋友就點左板燒牛肉飯, 上枱時還有"吱吱喳喳"聲, 好香, 感覺好吸引~~有少量配菜, 唔會太寡~可能我個面太濃味, 反而覺得佢O既牛肉岩岩好,  咸淡適中, 配飯一流!!跟餐+$4有凍韓國傳統茶總括黎講一般, 有機會再黎都係叫返正常野, 不過好整好食O既韓式冷面又真係唔易~~

朋友介紹，跟風過嚟試試佢😬由於時間比較早，Megabox店人流好疏落而本人偏愛早吃晚餐，啱晒我👍🏼店子不小，裝潢簡潔舒適，我喜歡💞今日唔想食燒烤所以被安排坐梳化位。 桌上擺放泡菜任食，幾唔錯🤗先叫個牛肉紫菜卷 - 賣相不錯但還是覺得比韓國食到的稍遜。牛肉略為嚡口及飯卷質地有啲乾。接著是辣炒年糕 - 不太辣，年糕煙靱，好味😋至尊有機純豆腐辣湯 - 湯底對味，豆腐份量多，但所謂海鮮無乜味而且料唔多。$98沒有跟飯稍貴。甜辣炸雞 - 一大敗筆， 粉漿錯晒，厚而硬，雞無味，醬汁亦唔合格。$88真係唔值。自從去完韓國後愛上雪冰，又點嚟懷緬吓...製作需時，等咗15分鐘。$48細細碗，味道跟韓國有距離，無層次亦唔夠味。總括嚟講今次用餐體驗一般，或者下次試吓燒烤會唔會有驚喜😑

Kim's Spoon 裝修新潮，地方闊落，全場播放韓國音樂，氣氛幾韓國。Kim's Spoon 有韓式燒烤同其他地道韓式食物，我今次無試燒烤，反而試佢哋其他韓式食物，佢地做得有七成似地道野，雖然個別食物做得麻麻，但其他嘅食物嘅味道同賣相尚算唔錯。最值得讚係成碗泡菜放在枱面任食。牛肉紫菜卷紫菜卷在韓國不是花巧和味道非凡嘅食物，呢間店子整出地道風味，不過牛肉稍微韌咗啲，呢方面要改善。香辣炒年糕無論材料賣相都跟我喺韓國食嘅好接近，可以講非常地道，年糕好煙韌，汁底甜辣度適中，唔錯。👍🏻至尊有機純豆腐辣湯豆腐好滑，豆腐份量真係好多，裡面仲有雞蛋，豬肉，青口，蝦，蜆,，不過幾味海鮮都無乜味，好彩成個湯嘅味道都過得去。甜辣炸雞微辣，炸漿比較厚，甜辣汁撈得唔均勻，醬汁味道未算出色，如果諗住食韓式炸雞，呢味一定令你失望。綠茶紅豆雪冰綠茶粉味道淡，賣相亦唔及得韓國雪冰成個高聳雪山咁震撼，呢個似山丘仔，亦一未能做到韓國雪冰裡面豐富煉奶嘅層次，唔算合格。

之前食太子果間好好食，諗住megabox有分店，就去試下。。。點知失望同唔好食，難怪明明lunch時間都仲有咁多位啦～今次我好失望呀！唔會再幫襯。尼個芝士蛋卷，完全唔熱，唔知係唔係凍上，芝士結左，沒有口感，食左幾舊已經唔想食尼個炸雞麻麻地，KFC仲好食同抵食過佢。感覺似炸完再炸，口感麻麻地。尼個OK，冇咩驚喜。其實都好普通，如果咁都唔好食，真係冇野好講。。。Ps.多數d野食都唔熱，唔知係佢廚師問題定點。希望日後有待改善。

今日下午去左megabox行街 行到又攰又口渴 見到Kim's Spoon 新出左個套餐 有個好搶眼既菠蘿特飲 就同媽媽入去食炆牛仔骨粉絲鍋 配 韓式拌飯壽司 (2-3人份) $288嘩 係原條牛肋骨呀 超正肉質厚重多汁 肥瘦相間 用上韓式燒烤醬醃製 再放上爐上烤煎 吃前再泡泡湯 味道更加香濃 滋味滿分鍋內仲有彩椒同什菌 韓式粉絲吸盡湯底精華 令人一口接一口呢記得牛骨鍋滾時盡量先把粉絲夾來吃 滾太耐粉絲變得易斷 好難夾新奇的拌飯壽司 是韓式飯捲的材料 不過就仿日本壽司 把配料放在飯上 是挺特別的 但吃的時候要小心一點 很容易掉在桌上呢西柚菠蘿梳打味道不錯呢 清新解渴 比沙冰酸一點酸甜開胃 個造型杯飲完可以拎走！香橙菠蘿沙冰橙味十足 菠蘿清甜 甜甜的味道真的是很綿的冰 冰感不重不錯呢 這款也是飲完可以帶走個菠蘿杯的整體感覺幾好食 清新的飲品 滿足的主菜

行完IKEA來醫肚，原本想要超長鐵板，無奈兩個人一定食唔落，於是點左炸雞年糕鍋。哇，好壯觀，好多芝士，年糕上有，鐵鍋邊又有，正！除左炸雞、年糕，仲有粟米彩椒沙律，仲有4個好大的韓式餃子及蒸蛋液。真係一次過滿足超過3個為食願望！個爐都算熱得快，芝士好快就融左。炸雞大大件，炸粉有少少厚，普通好味喇，加左芝士就正好多。芝士可以再濃味D。芝士辣年糕好味，調味剛剛好，跟芝士好夾，檯面有一大罐泡菜任落。個餃子係粉絲餡，比想像中好食，但太大件，最後都係食唔落。最終要打包返屋企。可惜的是，個蛋液一直唔熟，等等等，最後用匙羹分到第二格先整熟😂下次多些人來挑戰長鐵板！

屋企裝修，好多傢俬都要再買過，今日就去Mega Box俾錢，買完之後，我地就行吓街，行到咁上下決定搵食先，最後我地決定去開業咗半年咁上下嘅韓式料理店裝修都姆韓嘅~呢間店最出名就係呢個有50CM、75CM選擇嘅芝士鐵板雞肉，但係我地今次就唔試住，點咗主menu菜式先嘩……呢個泡菜真係不得了，酸到呢…連一向都食酸泡菜嘅大少話佢一啲都唔似泡菜，唔好食海鮮煎餅 - 我都食過有幾間韓式料理店啲海鮮煎餅係唔好食，但係都不及呢間，呢個煎餅真係一上枱就見到佢鐵板燒得好熱，啲酒重煎緊，另外一望就知佢係勁多粉，一食……真係頭頂有隻烏鴉飛過，佢粉多到一個點，大少話佢叫海鮮煎餅，但係佢一粒海鮮都無食到，我都只係見到一粒八爪魚咁大把，成個煎餅人係蔥，大少話佢應該叫蔥油餅啱啲，好彩係個沾煎餅嘅醬汁好味，如果唔係真係好大鑊傳統石頭飯 - 呢個係成餐飯最正常嘅一味(石頭飯都可以唔好食佢都真係可以執得)，個飯都好多餸，有菠菜、紫菜、芽菜、牛肉、翠肉瓜、雞蛋，雖然個飯有少少爛，但係整體嚟講好過其他~泡菜豬肉辣湯 - 呢個湯因為泡菜唔好食嘅關係，所以味道比較奇怪，而且非常之辣， 成個湯除咗豆腐、泡菜、翠肉瓜多之外，主菜豬肉

以前的九龍灣「Megabox」，的確還是個逛街的好地方，儘管交通不太方便，每次要跟一大班陌生人坐旅遊巴，但是「Megabox」還有很多商舖值得我參觀和購物，單是以前一間「國美電器」，「國美」竟然還有我「三星」手機鋰電池發售，當時我想，還有什麼理由可以不愛「Megabox」？隨着時間變化，「Megabox」真正的問題終於出來了。「國美電器」竟然消失了，「Megabox」比較像樣的食肆又不多，究竟「Megabox」還有什麼地方值得我去看去試？倒不如從另外的角度，去看「Megabox」有什麼食店，是德福淘大都有，而又不是老麥之流的大型連鎖食店吧。結果，我終於在「Megabox」找到韓國菜餐廳「Kim's Spoon」。「Kim's Spoon」之所以值得我一評，其中一個原因是，「Kim's Spoon」原來在牛頭角淘大花園二期樓上，還另外開了一間分店。「Kim's Spoon」分別在九龍灣「Megabox」和牛頭角淘大開分店，在我心目中，問題沒有在「德福淘大」同時開分店那麽大。「Kim's Spoon」真正的問題是，我以前看到「Kim's Spoon」在坊間的評價不像預期般完全正面，屬於毁譽

之前不斷不斷係Facebook見到唔同雜誌都有介紹Kim's Spoon既75cm鐵板長器大餐，睇相好吸引，見到D芝士拉曬絲咁睇見都流晒口水呀。所以我即刻約埋我班為食兵團一齊去試下。Kim's Spoon位置係九龍灣Megabox六樓，因為我地驚要等好耐位所以六點半就到左，好好可以唔洗排隊直入。(ps門口有好nice既侍應哥哥介紹有咩好食)入到去先知原來間餐廳咁大有好多位，而且D位都好舒服好寬敞。我地三個人就叫左<50cm鐵板雞>，<雞蛋卷>，同<海鮮豆腐湯>。海鮮豆腐湯味道都可以，個湯都幾足料。而個雞蛋卷就認真麻麻，無味而且雞蛋太熟，食落似紫菜包飯加蛋皮多D而大家好期待既50cm鐵板大餐係超大份，上枱時我地都嚇一嚇。係呢個50cm鐵板大餐入面有兩種唔同口味既炒雞。一款係用辣年糕炒，另一款就用洋蔥青椒年糕炒。兩款口味有辣有唔辣，岩曬一大班friend大家一齊share食。而中間個芝士係由頭到尾深深咁吸引住我地。我地食完覺得無我地期望咁好食，可能係希望愈大失望愈大啦。個芝士係完全拉唔到絲而且放雞落去都痂唔到上D雞度，而我地最後食淨左好多洋蔥

午餐之豬肉石頭鍋飯 hkd58 包一杯野飲😎 豬肉份量超級多🖖🏾撈埋啲飯滋滋聲仲有啲飯焦好正😆不過洋蔥同汁可以多番小小冇咁乾就好啦！值得一贊佢啲豬肉本身腌過黎架😏食落唔會冇味，而且超大碗，食到尾都唔會凍晒☺️好幸福🤓 佢既蘆薈茶都好好飲😈係蘆薈既味道好正唔會好怪～飲開奶茶檸茶試下其實都好😼另外佢既牛肉石頭鍋飯都👍🏿都係Hkd 58 ☺️加左特飲檸檬冰藍疏打加8蚊💭 感覺上牛肉飯比豬肉飯多汁啲，食落啲味道濃啲😍而且牛肉爆多又唔老，超超超好食🖖🏾佢仲會送前菜同埋泡菜任夾😈個人覺得佢既茄子好好食😎啲歌都好好聽😀岩晒啲韓L🌚

住在九龍區，閒時會去MegaBox逛逛，通常都會去到這間吃午飯。由於去過幾次都是下午時分，人不多，座位寬敞，坐得舒服。要數當中最喜歡的是這店每桌都有一大盤泡菜，愛吃的就隨便夾~泡菜的味道很合我，不是那種酸酸的。老公點了牛肉石頭飯，份量很足。牛肉滿滿的蓋在上面~再配上我非常喜歡的菠菜~~而我就例牌要了最喜歡的海鮮純豆腐辣湯(配飯)海鮮不算太多，不過很多款，吃到有蜆、青口、魷魚等~當中的豆腐非常滑嫩~辣辣的配飯非常一流~~~!飲品方面，有韓式餐廳最常見的柚子茶和薑茶~之前來都是喝柚子的，今次飲了薑~兩款都很好喝午餐而言有點少貴，不過味道不錯~可接受

50cm韓式鐵板長器大餐$288呢間最近係Megabox新開的韓國餐廳，推出左韓式鐵板長器大餐，其中最人氣的75cm鐵板餐就有辣炒雞肉年糕、醬油雞肉年糕、炸雞、薯條，當然唔少得一大盤芝士啦，同埋仲可自選香蒜豬腩肉或者bbq豬肋骨，另外亦可加$100轉選限定的濟州韓牛肉眼。因為我地得兩個人所亦我地只係點了個50cm餐，都有辣炒年糕雞肉、醬油年糕雞肉、芝士、薯條同沙律，另加飲品/甜品兩個人都夠飽的～味道方面，炒雞同年糕味道不過不失，唔算十分濃味但係都ok的。芝士就唔算係好拉絲，但係幾creamy。薯條ok脆最鍾意點蛋黃醬～價錢方面75cm $388而50cm就$288，今次我地二人食50cm都算抵的，味道雖然不是十分特別但韓國菜是我地favourite，所以都ok的，幾適合做節日大餐，不錯～

成日行過MegaBox見到嗰個芝士排骨太過分!!成日唔夠人食，終於等到啲舊同學一齊食，當然係叫最大份嘅芝士排骨辣炒雞炒年糕炸雞翼拼盤。好肚餓又亂叫嘢食，叫埋芝士蛋卷、五花肉、豆腐沙律同埋啲飲品坐低狂食啲泡菜。豆腐沙律清清地幾好味好開胃。芝士蛋卷唔夠熱，啲蛋老左冇流心⋯⋯五花肉就真係好味道肉爽。最期待嘅芝士排骨炒雞年糕炸雞翼拼盤😍先講個辣炒雞啲年糕好林淋，個汁好好味係唔夠辣。不過啲雞真係老左⋯⋯雖然係樓下有啲蠟燭慶住，但係真係老左啦。個排骨得三條唔夠我哋四個人，炸雞翼又係得三隻，雞翼就普通靠點個汁。薯條幾好味同酸忌廉好夾。用排骨點啲芝士拉絲真係幾好味既好飽，多可能會好濟哈哈少吃多滋味。飲品叫左桃味真露梳打沙冰、士多啤梨梳打沙冰、同青蘋果啤酒梳打沙冰，好大杯一支支倒插響杯，好味。

今日跟同事兼好友齊齊到Megabox 食午餐，餐廳選擇有不少，但是要快快揀定食邊間因為到1點午餐高峰期就好難揾位。相信九龍灣越來越多商業大厦落成的時候就更加揾食難。 最後揀左朋友最愛的韓國菜…… “Kim's Spoon”原來這家 Kim's Spoon 有4間分店 ，而且是與「韓食家」同一集團。12點到達餐廳的繁忙時間還未開始，可以望真餐廳的裝潢佈置。室內環境寬敞，裝潢清新走年青路線，用餐環境舒適。午餐選擇有不少選擇，有公仔麵、石頭鍋飯、炒粉絲……等韓國菜式。呈上的【牛肉石頭鍋飯$70】石頭鍋飯乃韓國菜的代表菜之一，但大集團出產的竟然是如此的出品，真的非常失望。這個石頭飯跟照片相比真係只有五成類似，是否相差太遠？？味道真係麻麻地，材料又唔豐富……食到最後又沒有飯焦效果。不合格！加$8可轉某些特別飲品【白桃檸檬梳打】及【粒粒蜜桃冰茶】份量比期待多很多，而且高身的器皿賣相真不錯。飲品內有大量冰塊，入口冰涼！這杯飲品比食物好得多。

行完街街，朋友介紹呢間韓食，不用等位，立即試試。有烤肉、石頭鍋飯、炸雞、辣雞、壽司等等等等。我們不烤肉，點了一個石頭鍋飯、一份牛肉墨西哥餅、一份樣子看來最吸引的鐵板芝士雞和年糕。桌上有泡菜任吃，味道偏少少鹹。最先來的石頭窩飯，不過不失，因為肚餓所以覺得不太差。這份墨西哥餅的份量讓我們感到頗意外，驚喜的是材料足之餘，味道很好，芝士夠香，咬落夠肉汁。👍🏻👍🏻😋😋主角的底座主角來了😍其實早前在韓國旅遊已見過這樣的芝士辣雞，不過韓國太多美食，此項未有列入必食之選。如今在香港終於可試一試。結果是：😧😧不夠熱，充其量只是少少暖😣😣芝士為何完全沒有香味？無論吃或聞都沒有，真的完全沒有芝士味，也不是很拉絲。😒😒雞有雪味之餘，兩邊既調味都👎🏻特別是不辣那邊，我真的想說自己在家煮的辣雞和年糕還比較好吃。😌😌唯一薯條叫做夠脆呢盤雞令人大失所望呀！點解辣雞完全唔辣，雞係鞋口有雪味，最詭異是沒有芝士味的芝士。🤔食之無味 棄之可惜之際 只有一個想法 - 要煮到咁既味道都真係幾難😅😅食物都不可以貌相🙈韓國餐廳令我覺得好吃的卻是墨西哥餅😅拉上補下，比個中評你啦！