影片
港鐵中環站 D2 出口, 步行約3分鐘
繼續閱讀
開飯介紹
Keykai Group旗下餐廳之一，主打現代鐵板燒的酒吧餐廳，並供應過百款來自日本各縣的清酒。牆身以大量清酒樽作裝飾，更設有鐵板燒酒檯營造輕鬆用餐的氣氛。
繼續閱讀
營業時間
星期一至五
12:00 - 15:00
18:00 - 23:00
星期六
18:00 - 23:00
星期日
全日休息
公眾假期前夕
18:00 - 23:00
以上資料只供參考, 請與餐廳確認詳情
同朋友慶祝生日，今次揀左中環呢間鐵板燒🥰 book定bar枱全程望住大廚親自烹調每一道菜🤤🙌🏻 每支Sake上檯時店員都會詳盡介紹講解出產地、特色同點樣配襯唔同食材🫶🏻 好耐好耐未食咁滿足的生日飯😍哄到朋友勁開心😎重點係用餐體驗真係極好☺️氣氛好好👍🏻大廚、員工同客人都打成一片💛5月有個期間限定🇯🇵〈福岡縣 x KURA Teppan + Sake Bar 日本酒祭〉，餐廳就以日本酒祭既形式，比客人試吓多款限定福岡料理：法式煎鱸魚、迷你明太子pizza、昆布燒生蠔、香草燒白牛仔柳、鯛魚刺身卷配梅子素麵✨ 同時有埋sake pairing set 可以試哂5支🫶🏻 特別推介香草燒白牛仔柳！用上BB牛所以食落好嫩🐮 加埋香草牛油烹調真係好出色🫶🏻中意食蠔既我地叫左由日本岩手縣出產既米崎生蠔🦪食落嘩一聲😍海水味突出 ，質感creamy而且肉厚🤪 真係超鮮！刺身試咗拖羅同帆立貝擺盤吸睛！鮮甜又新鮮🤩仲有金箔裝飾😜前菜都絕不馬虎，龍蝦牛油果他他上面有魚子醬金箔點綴✨ 龍蝦肉、蕃茄粒同牛油果層次豐富🤩最正係配埋脆餅一齊食😝主菜必食澳洲焗龍蝦🦞 望住大廚用龍蝦膏烹調原隻活龍蝦🥹食落超彈牙入味！鵝肝勁厚身真係做到入口即溶，唔會實卜卜咁🫣 油脂豐腴🫶🏻極邪惡呀😍 澳州活黑邊鮑魚 $668 見到隔離枱食，真係成隻手板咁大！😱😱😱仲郁緊！ 超新鮮🫣是日甜品係另一加分位🥹 賣相已經勁吸引成個富士山咁💙橙酒啫喱配搭濃郁奶凍，忍唔住係咁食🥹見到呢件藝術品就知道餐廳設計菜式真係好有心思😚Menu:澳洲活龍蝦 $ 598法式煎鱸魚 $138迷你明太子pizza $98昆布燒生蠔 $158香草燒白牛仔柳 $138鯛魚刺身卷配梅子素麵 $118米崎生蠔 $98/pcs拖羅 $118 | 帆立貝 $128法國鵝肝 $168/2pcs龍蝦牛油果他他 $98是日甜品$68Sake Pairing $150/3GLS下次會試下lunch 🥳
繼續閱讀
Kura Teppan & Sake Bar (中環)📍2/F, Somptueux Central, 52 Wellington Street, Central🍾用餐體驗放寬堂食後嘅第一個Happy Friday☺️當然要食好啲！之前聽過好多朋友都盛讚呢間餐廳廚師嘅廚藝同酒🤤於是今日帶咗家人同朋友嚟試下。🇯🇵福岡縣x KURA Teppan + Sake Bar 日本酒祭🇯🇵呢個set好講究，無論係酒與食材嘅配搭設計，定係酒嘅濃淡度嘅層層遞進，都細心照顧住食客嘅味蕾👅務求令客人有最高嘅味覺享受！🍶而且店員仲會清楚介紹每枝酒出色嘅位置，甚至釀造嘅細節，令人長知識同更懂品嚐佢哋嘅特點。🌸Sea Bass Teppanyaki in Fench Style法式煎鱸魚 $138🍶田中六五6513純米酒第一道係法式煎鱸魚，主廚喺鱸魚底加咗濃郁嘅魚湯，配上比一般略低酒精度嘅13度米酒，令鱸魚嘅鮮味更出。🌸Mini Mentaiko Pizza 迷你明太子pizza $98🍶三井の寿 +14大辛口 純米吟釀迷你明太子pizza 口感明顯比第一道菜刺激，pizza嘅辛辣，配上帶有淡淡花香、而且酒體通透嘅三井の寿，一辣一清，味覺上非常衝擊同豐富。🌸Oysters Teppanyaki w/ Kombu 昆布燒生蠔 $158🍶庭のうぐいす しぼりたて 特別純米生蠔由於經過昆布燒，入口暖和，但嗰份鮮甜味仍然保存得好好。再飲一啖帶微微酸味嘅庭のうぐいす，可以延續生蠔出色嘅鮮味。🌸Beef Fillet Teppanyaki w/ Herbs 香草燒白牛仔柳 $138🍶山の壽 山田錦 純米酒去到肉類燒物，米酒嘅味道明顯比之前嘅濃厚，而且呢款仲會喺舌邊有輕巧嘅氣泡。牛仔柳配上香草非常夾，令人食唔停口。🌸Rolled Snapper Sashimi w/ Plum Somen卷鯛刺身卷配梅子素麵 $118🍶若波スパークリング生最後最後，卷鯛刺身之前都有食過，但由於配咗梅子素麵，入口非常有驚喜，梅子味帶起咗鯛魚刺身嘅鮮，加埋氣泡感十足而且酒體清甜嘅若波スパークリング生，真係一大享受，非常完滿。單點食物：日本空運刺身🍣🤍Golden Eye Snapper (Piece) 金目鯛$38 (切)🤍Hokkaido Scallop (Whole Piece) 北海道產帆立貝 $128 (個)金目鯛上面用咗火微微咁燒咗燒，處理得恰到好處，既可食到刺身嘅原味，又可食到燒香嗁魚味。另外帆立貝非常肥美飽滿，主廚亦細心將佢切咗片，等我同家人朋友都可以分享到。海鮮鐵板燒🦐🤍Eel鰻魚 $148🤍Hokkaido Scallop北海道產帆立貝 $128無諗過鰻魚可以煎得如此脆口，但肉質仍然幼嫩，加上佢個油浸醬料，令鰻魚上到更高嘅層次。由於家人唔太好剌身，所以我都特登叫咗一隻鐵板燒嘅帆立貝佢試試，當然我都有試試啦，嘻嘻。主廚加咗海藻同菇做配料，令個感覺同刺身完全唔同，僅熟程度令人歎為觀止，所以入面非常鮮甜。肉類鐵板燒🥩🤍Kagoshima A4 Wagyu Beef Ribeye 鹿兒島A4和牛肉眼 (100g) $488🤍Spanish Pork Loin Chop 西班牙豬鞍架 (100g) $168🤍French Foie Gras法國鵝肝 (2件) $168和牛油脂分佈比例平均，加上主廚在鐵板上用猛火燒咗燒，簡單係一場表演。豬鞍架有咬口，襯埋佢個醬亦係無得輸。最後鵝肝煎得外脆內軟，聞埋已非常香，配埋米通可以令成件事無咁膩，但亦唔會搶咗鵝肝嘅味道。/整體評分：味道 🌟🌟🌟🌟🌟環境 🌟🌟🌟🌟🌟服務 🌟🌟🌟🌟🌟衛生 🌟🌟🌟🌟🌟抵食 🌟🌟🌟🌟🌟.....#fukuokahk #visit_fukuoka #fukuokasake #fukuoka_kura #kurateppanyakihk #kura_teppan
繼續閱讀
早前剛剛上完清酒課程，想找一些sake pairing既餐廳黎溫故知新，就決定和朋友來到Kura試一下他們的御前酒既試酒會。整體來說，服務同環境氣氛都還不錯，但清酒就很一般，而食物質素更是強差人意😮💨😮💨 (而家睇翻啲相都無咩胃口sigh)11月試酒會 - 御前酒 辻本店1.海老野菜湯凍🍶 御前酒 1859 菩提酛➡️ 西蘭花蝦果凍🧐🧐第一道菜已經覺得有啲伏2.梅子豚肉雜菜沙律🍶 御前酒 9 NINE 純米酒➡️ 凍食有酸梅味的豚肉，完全handle唔到，要立即飲sake清翻palate 🤣3.鮟鱇魚肝🍶 御前酒 雄町三部作 產地篇 真庭雄町 純米酒➡️ 鮟鱇魚肝黎講都算幾淡味😮💨4.三文魚筋子、帆立貝🍶 御前酒 雄町三部作 產地篇 瀨戶雄町 純米酒➡️ 呢個應該算係最正常，不過不失喇😀爭鮮/元氣quality5.鯛魚配松茸汁🍶 御前酒 雄町三部作 產地篇 高島雄町 純米酒➡️ 賣相有啲似菜餐廳粟米魚柳飯既魚柳👌🏼6.扑葉燒美國西冷牛肉🍶 御前酒 菩提酛 x 貴醸酒 火入➡️ Premium少少既吉野家牛肉，同貴釀酒係幾夾既，但俾呢個價錢食就……😀7.穴子茶漬飯8.芋容甘粟丶蕨餅價錢係HK$880+10%SC，本身食到中段有諗過加錢試下啲鐵板燒既dishes，但最後都係不了，做人要學識stop loss🤣 唔好再有extra既期望，就唔會再失望😀👌🏼
繼續閱讀
午市嚟食咗個鐵板燒套餐~之前未聽過呢間，朋友帶我過嚟食慶祝下生日由於冇晚市唯有book咗中午過嚟中環呢邊試新野估唔到又幾好食呢～前菜沙律幾新鮮同juicy，醬汁夠多好迎合到我上面d蝦肉都好鮮甜，整體好開胃跟住有３款刺身都唔錯然後燒咗個鮑魚同魚鮑魚好新鮮彈牙，切好咗一片片，食落好香好惹味魚就夠鮮嫩，燒至焦香令魚香味更加散發跟住就到呢個Ａ４和牛食落真係超軟嫩呢！牛味都好濃前面大舊嘅配埋脆包一齊食超夾後面嘅和牛粒可以配埋明太子飯一齊撈飯食，真係一碗覺得唔夠喉丫～！！
繼續閱讀
𝘀𝗲𝗿𝘃𝗲𝘀 𝗶𝗻𝗰𝗿𝗲𝗱𝗶𝗯𝗹𝘆 𝗳𝗿𝗲𝘀𝗵 𝗳𝗼𝗼𝗱 𝗮𝘁 𝗮𝗳𝗳𝗼𝗿𝗱𝗮𝗯𝗹𝗲 𝗽𝗿𝗶𝗰𝗲. 𝗿𝗮𝗻𝗴𝗶𝗻𝗴 𝗳𝗿𝗼𝗺 𝗰𝗵𝗶𝗰𝗸𝗲𝗻, 𝘀𝗲𝗮𝗳𝗼𝗼𝗱, 𝗯𝗲𝗲𝗳, 𝘁𝗵𝗲 𝗲𝗶𝗴𝗵𝘁-𝗰𝗼𝘂𝗿𝘀𝗲 𝘀𝗲𝘁𝘀 𝗳𝗼𝗿 𝗹𝘂𝗻𝗰𝗵 𝗰𝗼𝘃𝗲𝗿𝘀 𝗮 𝗿𝗮𝗻𝗴𝗲 𝗼𝗳 𝗵𝗶𝗴𝗵-𝗾𝘂𝗮𝗹𝗶𝘁𝘆 𝗷𝗮𝗽𝗮𝗻𝗲𝘀𝗲 𝗳𝗮𝘃𝗼𝘂𝗿𝗶𝘁𝗲𝘀. 𝘄𝗵𝗮𝘁'𝘀 𝗺𝘆 𝗳𝗮𝘃𝗼𝗿𝗶𝘁𝗲? 𝘂𝗻𝗶 𝗿𝗼𝗹𝗹 𝗮𝗻𝗱 𝘁𝗵𝗲𝗶𝗿 𝗵𝘂𝗴𝗲 𝘀𝗮𝗸𝗲 𝗳𝗿𝗶𝗱𝗴𝗲𝘀!🍶.早幾日介紹完 嘅sake set其實仲有一篇未出，中環嚟講呢個價錢都幾合理，前菜有清新開胃嘅明太子三文魚沙律同海藻醋，刺身拼盤好有驚喜，樣樣都好新鮮，炙燒大拖羅夾紫蘇葉更提鮮，入口即溶；赤身魚味濃郁，滑嫩有嚼口；海膽魚卷好鮮甜，口感奶滑濃郁；油甘魚都好厚切肥美，另外原隻澳洲龍蝦啖啖肉，淋上蝦膏醬再燒味道更甘香，燒南非鮑魚爽口彈牙仲好重胡椒味，食完海鮮就到必食嘅A4和牛肉眼，咬落好鬆化，加少少鹽更食到牛油香，配埋炒飯食一流！🤤 套餐包左紫菜清湯、漬物、甜品同咖啡，環境好舒服食完仲可以慢慢坐～
繼續閱讀