LA FAMILLE

營業中

休息中

每逢中秋呢個日子，除咗月餅，就係生果時候！尤其係蜜瓜，清甜爽口！最近La Famille出咗個新產品日本網紋赤肉蜜瓜蛋糕！外型好靚之餘仲好好味🤤用當造日本赤肉蜜瓜🍈，清甜多汁，好juicy 好清新！未食已經聞到好香蜜瓜味！絕對係真蜜瓜嘅甜，除了面層鋪滿一片片赤肉蜜瓜，最驚喜係蛋糕夾層內都有超多香甜蜜瓜果肉❤️！仲要佢用超幼滑北海道忌廉及赤肉蜜瓜慕絲做成個蛋糕！真係每一啖都感受到蜜瓜嘅果香！同款仲有小版日本網紋赤肉蜜瓜戚風蛋糕，自己一個食岩唒！

蛋糕味道係唔錯嘅，小朋友都好鍾意食，60～70蚊個蛋糕唔係平，不過服務態度認真麻麻，同價錢唔成正比。上個周末Lunch去買3件蛋糕，雖然幫襯左200蚊，又冇其他人排隊，但個Sales全程苦口苦面😖，又唔講多謝，反而係我同佢講唔該晒，好似係我欠左佢咁😑。因為趕時間去醫院探朋友，我冇打開包裝盒檢查就走左，去到攞比朋友d小朋友食，先發覺原來1支叉都冇比我，搞到佢哋要用筷子食蛋糕😪……事後有向客服反映，客服話因為環保原因所以唔會主動比叉，亦唔會主動問客人需唔需要叉，聽落又好似幾有道理喎（其實佢哋有冇諗過咁大個紙盒包裝已經唔多環保？）……咁我呢d粗人下次都係去返美心或聖安娜d平民餅店算喇😆

La Famille 8月份分階段推出三款口味的戚風蛋糕，包括全新口味泰式奶茶、玫瑰荔枝以及期間限定的日本赤肉蜜瓜，設原個戚風大蛋糕或迷你尺寸！🇹🇭泰式奶茶 $60: 鮮忌廉內餡係泰式奶茶味，茶香甘甜濃郁！充滿泰式風情🇹🇭 甜度唔係好高 啱香港人口味👍🏼🍈 日本赤肉蜜瓜 $70日本赤肉蜜瓜有極高甜度及水分，蛋糕頂層鋪滿香甜清新的赤肉蜜瓜，搭配北海道鮮忌廉夾層，香甜果香！🌹 玫瑰荔枝 $65: 内外都包裹著酸甜可口嘅荔枝鮮忌廉，夾層中藏有爽滑的荔枝果凍、頂層的玫瑰荔枝慕絲球內注入香甜玫瑰醬，啱女仔打卡😍🍰瀨戶內檸檬芝士巴伐利亞 $46: 以圓形檸檬芝士蛋糕做基底，檸檬清新🍋上面有啫喱及新鮮水果 顏色鮮豔又夢幻😇

之前都食過幾款 日本柚子有柚子香味好清新 微微柚子酸味 開心果有果仁既香甜亦好濃厚 個cream好香濃 皇牌士多啤梨真係夠曬靚同fancy 外層噴左草莓汁 香甜又好睇 伯爵夫人個果凍系佛手柑味五系太甜又清香 日本白桃 粒又甜又多汁既白桃贏曬 法式檸檬噠有檸檬吉士既微酸好開胃 斑斕飄香成個都濃濃既椰香 一下去左泰國 焦糖完熟香蕉 個戚風蛋糕系香蕉蛋糕黎 法國玫瑰淡淡玫瑰花香 日向夏柑果肉香甜 最欣賞每個味都有detials位 做到好好 食得出五系求其 系cream 戚風蛋糕 配搭唔同既果凍啊 吉士啊 夾心啊 令成個蛋糕更豐富 外形亦好靚

有時同朋友慶祝生日 食完飯都未必食得哂成個蛋糕🎂La famille嘅迷你戚風蛋糕確係一個輕食之選，CP值仍相當高👍🏻今次買左雙重朱古力食落去好濃郁嘅朱古力味 蛋糕cream唔算多 但都唔會乾架 上面嘅朱古力脆粒 香脆又唔會過甜🫶🏻🍫焦糖完熟香蕉有淡淡香蕉味 加埋啲焦糖cream件事係好夾 好味道啊仲可以加錢買生日牌，店員會幫忙寫字👍🏻

呢間係我每次口痕想食蛋糕既首選( ´ ▽ ` )ﾉ主要係因為佢奶油順滑，蛋糕鬆軟，而且唔會太甜仲有一點好重要就係佢大細剛好夠我食🤣🤣🤣太多太多款式，忍唔住買咗兩款番公司當lunch -大甲香芋黑糖麻薯 $64香芋味香濃，而且香芋奶油濃厚入面嘅麻薯好香黑糖味，煙煙韌韌唔會過甜-法式檸檬撻 $64賣相好靚，比佢面頭好似果凍嘅嘢吸引慕絲口感，酸酸甜甜，非常開胃而且最底層有餅底增加口感整體兩款蛋糕都好出色，甜而不膩

想買蛋糕，去Sogo行咗轉，揀唔落手。偶然見到呢間價錢亦合理，入去睇睇。買咗我鐘意嘅earl grey味（問過職員話呢個味出名，唔奶，我最怕奶味）。返家一拎出嚟首先大家都覺得好靚各自影相，再切嚟食，好食wor! 茶味濃，個心係難得嘅、夠份量嘅海棉蛋糕，面層嘅cream唔漏，爽口的，我竟然食得乾乾淨淨（平時習慣走cream好耐）。面嘅細珠珠仲係好似麥提沙咁脆嘅！強烈推介！

餐廳介紹: La Famille菜式: 西式蛋糕地址: 銅鑼灣勿地臣街1號時代廣場B2樓B201號舖 #中產窮L 平時都唔係好捨得買Cake 食， 件件都幾十蚊起，不過，咁岩Times Square 購物完送左張餐廳消費滿100蚊，減50蚊coupon，咁即時覺得非常抵買。 呢間餅店長期有條小人龍，排左10分鐘左右就輪到，#中產窮L 今次就選左日本日向夏蜜柑味同日本白桃味(65蚊)。 包裝盒同纸袋都好精緻，自用送禮都適宜，至於蜜柑同白桃果肉味道都好新鮮，蛋糕都好軟熟，總括而言，蛋糕值得推薦，價錢如果咁岩撞正有埋折扣就更佳。 #中產窮L #LaFamille #cake #hkfoodie #foodie #foodiehk #hkfoodieblogger #銅鑼灣美食 #Causewaybayfood #香港美食 #銅鑼灣食好西 #香港食好西 #食好西 #香港好去處 #hkfoodporn #hkfoodlover #hkfoodstagram #hkkol

今日臨時買蛋糕 明明鋪頭三個人 並不繁忙 一個正在聽電話 其他兩位係到傾計 買左蛋糕冇餐具冇蠟燭再倒返去問有無提供羹 覆我嗰個店員聽緊電話 冇聽清楚 就拎蠟燭俾我 講左三次要兩隻羹 其他兩位職員眼尾都冇望過我 最後都係聽緊電話既職員答我話「我地唔係羹 得叉 你ok麻！？」你ok麻！？ 呆左🫠我話可以呀 拎一個俾我 我問有冇多隻 佢話「一個蛋糕得一個」🫠笑左 即係蛋糕淨係可以自己一個食 淨係可以自己慶祝？究竟係職員問題 定係鋪頭規定有問題？🫠銅鑼灣分店職員塊面可以再黑啲 講野態度可以再串啲🫠第一次遇到態度咁差既分店職員！超級影響心情🫠

✿迷你戚風蛋糕✿呢排同朋友仔去staycation, 唸住買蛋糕一齊食🙈呢間出名嘅迷你戚風蛋糕係首選，一次過可以食曬幾隻味又唔會好飽，幾個朋友一齊食就最好😎戚風蛋糕中間會有鮮忌廉，清新又唔漏，造型design每隻味都有佢特色🎂今次最好食係新出嘅檸檬撻味，有surprise🫣❗️面上檸檬汁超級refresh, 酸酸微微，又唔會超酸，食完一啖會繼續想食落去。餅底仲多咗層撻皮，有小小麥香味，同蛋糕一齊食好match🤤希望遲下仲有機會再試下呢間蛋糕嘅其他新味🙈‼️—————————享用食品總結:🍋法式檸檬撻👍🏻-好創新，清新得黎唔會好酸，酸甜度啱啱好，好好食，打破咗傳統蛋糕嘅製法同甜度😎🌰沖繩黑糖栗子蒙布朗-栗子味好出，有綿綿嘅栗子蓉，甜度適中，造型幾靚，不過黑糖味唔突出☕️伯爵夫人-蛋糕有微微伯爵茶味，面上有甜甜微酸啫喱，整體都唔錯，比普通伯爵茶味較淡小小—————————評分:💰性價比: 8/10👅味道: 7/10📷賣相: 7/10💯總分: 22/30人均消費:$65—————————La Famille📍 @lafamillecake 地址:銅鑼灣勿地臣街1號時代廣場B2樓B201號舖🐱#為食

10月8朝早11:45去買蛋糕，職員仲未擺完蛋糕。咁我問佢有冇玄米綠茶果個蛋糕佢好唔耐煩咁話我地店冇呢隻味。我話妳個牌上面寫著有呢個味，佢翻我白眼話可能擺錯之後再check。我話妳個蛋糕未擺完，但係之後係咪會有貨，或者可唔可以攞左比我先… 佢完全唔理我自己繼續慢慢擺蛋糕。每一個經過嘅客人佢都唔serve…要所有人等佢擺蛋糕，我等左10分鐘頂唔順，見佢擺左個earl grey出黎但未擺牌，問佢係咪可以買，佢話「？賣？梗係賣㗎啦。」跟住黑面收錢。如果唔係果日即要一個細蛋糕我都唔會受佢氣。如果唔想撈可以唔撈。門市寫11:00開門，咁客戶就應該可以買到想買嘅產品，如果重要等職員慢慢擺蛋糕唔該你地擺好先再開門。果日真係嬲到我想投訴呢位職員。

【La Famille】#戚風蛋糕 可能見到五六十蚊一件蛋糕第一眼就衝破曬好多人嘅心理關口🥺但今次衝動消費之後，真心覺得呢個價錢呢個質素其實超級抵食🥳每件蛋糕都有成隻手掌咁嘅大細👋🏼外觀又精緻到好似藝術品咁✨無論送禮定係自肥都一流🤤話說個地理位置又係一絕，喺正地鐵站隔離方便到爆😚🍫雙重朱古力｜❤️❤️❤️❤️❤️面頭啲脆片好好口感！🌿斑蘭飄香｜❤️❤️❤️❤️❤️咁濃郁香醇嘅斑蘭蛋糕買少見少喇🥹🌰沖繩黑糖栗子蒙布朗｜❤️❤️❤️❤️栗子味香到傻咗😋🍋法式檸檬撻｜❤️❤️❤️❤️❤️酸甜平衡得好好😘

Unfriendly sales lady on a Saturday morning, Sept 17. Shop open at 11am and when I start my purchase, it’s around 11:20am… she is inpatient when I interrupted her for arranging cakes. Unpleasant response when answering customer enquiries. Bad attitude ☹️

食完飯未夠喉，食少少甜品就最岩！今晚係銅鑼灣食完野行過位於時代廣場嘅蛋糕店 “La Famille”，見到d蛋糕好靚好吸引，就即刻買左幾個返去同屋企人一齊試下日本日向夏蜜柑 “La Famille” 嘅主打當然係一個個外型十分精緻又靚嘅戚風蛋糕啦，配合返炎炎夏日，我就揀左望落好有夏日風情又清爽嘅“日本日向夏蜜柑“戚風蛋糕清向夏日蜜柑鋪係面頭配上少少cream食落好甜度剛剛好，甜而不膩，岩曬我因為我最怕蛋糕過份地甜食幾啖就食唔落。細細個迷你蛋糕岩岩好，朋友／一家人一齊食每人叫一款，一齊試下唔同嘅味就岩曬啦！英國伯爵茶巴伐利亞呢個巴伐利亞一定十分吸引到女士們眼球，晶瑩剔透嘅巴伐利亞望落去就好似一個Mini Garden咁﹐面頭除左有starberry，blueberries等新鮮水果之外，仲有食用花令到佢嘅外型更加吸晴！一食落去就係香濃嘅伯爵茶味，食到底就係用香濃鮮奶做成嘅Mousse，配埋頂層嘅berries，絕對值得一試！下次行過Times Square就可以試試佢啦！

153見呢間舖成日有人排隊，有時經過見到，假期下晝三、四點已經賣晒，所以一直好想試😝早排屋企人生日，就訂咗 La Famille 嘅蛋糕試試喇💝»»————- ☟☟ ————-««🍊日本柚子芝士蛋糕 ($410 1lb / 15cm)其實呢間蛋糕店主打戚風蛋糕，但係上網睇嗰陣，見到呢個 [ 日本柚子芝士蛋糕 ] 外表好吸引，所以就揀咗佢🤪本身有啲擔心，實物會冇網上圖片咁靚😖 所以拎蛋糕嗰陣，見到實物同圖片冇太大出入，都幾開心💕味道方面，蛋糕外層係忌廉芝士🧀 佢哋用嘅 cream cheese 唔算好 heavy, 每人一件蛋糕都唔會太漏😆 裏面係柚子味嘅戚風蛋糕，蛋糕鬆軟、濕潤，做得幾出色👍🏻雖然面頭嘅花係可以食用，但係其實冇乜味，同埋有啲難咬🙊所以我哋最後放棄咗😂拎蛋糕嗰陣，仲見到佢哋有細細件嘅戚風蛋糕 ($58-$64@)，之後會再買嚟試吓😋»»————- ☟☟ ————-««La Famille (銅鑼灣)🍴 店舖地址：銅鑼灣勿地臣街1號時代廣場B2樓B201號舖📍 分店地址：港島區：▪️ 銅鑼灣怡和街1-1L號香港大廈地下A2號舖▪️ 中環港景街1號國際金融中心商場3樓3098B號