La Postre (荃灣廣場) (已結業)

同老婆拍吓拖放低小朋友食個下午茶。呢度環境好靚坐得舒服，下午茶CP 值高，值得介紹吓。我地兩個叫左西班牙海鮮黑糯米飯同和牛竹炭漢堡包配薯條。海鮮黑糯米飯幾高質，海鮮多而新鮮鮮甜，黑糯米炒得好香口感煙韌軟綿綿。竹炭包就普通唔差但冇個海鮮飯咁正，和牛都好食嘅，無煮得太老，但食西班牙菜都係食返海鮮較好。跟餐加 $15 可以轉 mojito，唔錯，幾 fresh 。$88下午茶餐價，下午茶呢個價錢呢個質素無得輸啦，坐亦坐得舒服，有機會再黎食個晚餐。

芝士煎蟹餅金黃色的蝦餅，既鮮味又彈牙，本身已經滋味滿分，一口咬下去發現中間流出濃郁的雞蛋和芝士味道，更是驚喜！啤酒海鮮火鍋我第一次品嚐啤酒火鍋，湯底是啤酒，可以選擇辣與不辣，我們選擇辣味，店員介紹將海鮮放入去煮好，最後湯吸收海鮮的精華是最好飲的。店員奉上這套海鮮火鍋的時候，賣相十分吸引，一個水煲和各式各樣的海鮮，包括螺肉，蟹腳，海蝦，蛽肉和帶子，不單新鮮，配上蒜容芝士醬，份外邪惡美味。綠茶麻薯窩夫重頭戲上場了！這裡的甜品份量絕不欺場。就是麻糬窩夫，大大的一件正方形窩夫，用刀切下去時會聽到「咯嚓咯嚓」的碎裂聲，可想而知它的脆度如何，吃進口裡外脆內軟，配上雪糕，雜果和麻糬夾心，真的是人間極品啊！

荃灣廣場地下新開西班牙菜，望入去環境幾靚，一於入去試下晚餐set dinner都幾多選擇，餐湯主菜加野飯大約百幾二百蚊三個人叫左兩份晚餐，好快就上左餐包同餐湯，湯係週打蜆湯，好多蜆仔好足料之後上埋兩杯加左15蚊特飲，好夠凍主菜係西班牙海鮮飯同肉丸黑松露寬條麵，兩份味道都有驚喜，由其西班牙海鮮飯個味好有層次，酸酸地又辣辣地，好惹味唯一唔好食係另外加嘅西班牙蛋餅，一大塊蛋，中間冇乜料，味道比較淡，唔推薦最後甜品揀左焦糖香蕉窩夫，有水準！埋單586蚊，晚餐嚟講好好啦

這是新開餐廳，今次第一次去，有在網上訂枱，職員得快致電確實時間及人數，態度親切，入坐後侍應的招呼好好。我們6大1小，食物有西班牙海鮮燉飯、牛扒、肉丸白汁闊條麵和虎蝦墨魚汁意大利麵(但太肚餓忘記影相)，食物水準不錯👍最後叫了兩款甜品，其中一款餐廳為我們的生日壽星寫上了名字及即場影了一張即影即有相片贈送給她🥳🥳有驚喜。價錢亦合理。