La Postre (荃灣廣場) (已結業)

同朋友慶祝生日，之前行過已經想試依間，今次終於有得試下1) 薯條好味，熱辣辣，黑松露醬夠味唔會太咸2)蟹意粉，足料，撈埋蟹糕食好味3)牛扒叫左5成，上菜都係5成已經好加分不過牛扒質素一般最後填返個問卷有cream burlee

裝修靚 坐得好舒服既西班牙餐廳！下午茶餐超抵 又好食～ 見到甜品都好吸引 下次再試～✅ 雞扒竹炭漢堡配香草薯條 ($58)比想像中大份量 下午茶性價比真係好高！竹炭包其實得個樣 味道同正常冇分別 比較乾身有咬口。雞扒夠嫩滑 醬汁好香！加埋生菜同番茄真係幾夠飽～伴碟仲有薯條 偏淋 不過個香草汁量足又夠味好加分！✅ 仲夏水果茶 (+$15)左熱右凍 兩杯都唔會太甜 又多唔同種類既生果！係略嫌凍果杯太多冰🦁 La Postre元朗元龍街9號形點一期地下G010號舖尖沙咀厚福街8號H8地下上環永樂街50號昌盛大廈3樓荃灣大壩街4-30號荃灣廣場B1樓B109-B110號舖🦁 人均消費：$73｜推介：❣️❣️❣️❣️

幸好限聚令下， 還可以一家食飯。 在OpenRice book 枱有少少優惠， 加上餐廳本身有優惠套餐， 選擇比較多。 重點推介😂👍🏻- 黑松露薯條炸得好脆， 黑松露好野味。 做小食頭盤一流👍🏻推介二- 牛仔蠔肉燉飯蠔肉肥嘟嘟， 不是蠔仔size . 每隻約大3.5cm - 4.5cm 大。 當中加上小小紅蘿蔔， 青瓜等小蔬菜，配上小小牛仔肉及燉飯， 特別好味😋推介三- 安格斯西冷牛扒（80z)我們避免生得太生， order Medium , service 時無太多血水。 生熟配合剛好👍🏻👍🏻，另一個欣賞地方是焗薯加上小小煙肉。 份外有特色😘

見到餐廳價錢屬中價，裝修唔錯，覺得應該唔會差得去邊咪試下，點知大失所望，完全同嗰啲正評描述既係兩回事。首先啲凳坐落好硬，仲要喺走廊都塞一排位落去，啲侍應喺隔離行來行去感覺好似去咗茶餐廳。人手又少，得2~3個人招呼，最慘係啲嘢等好耐先嚟，嚟到已經變凍。餐廳本身價錢唔平，但嘢食同個價有啲差別。意粉食落同自己煮分別唔大，不過青口竟然有硬物，似係沙，差啲咬到牙都崩，處理食材既情況實在令人擔心，唔夠細心。至於餐飲亦都好細杯，好快飲完，亦唔係特別好飲，啲嘢食完全對唔住個價，絕對冇下次。

叫左個廚師精選lunch set 有埋甜品香蕉蛋糕仔 個意粉好普通 牛肉有啲柴加難咬 特飲要+$15 叫左杯mojito幾好飲 lunch set包埋湯同多士 冇咩特別 最後個甜品幾好食 好有香蕉味 服務態度👍🏽

今次係我第二次黎食Tea Set 😆 我幾鍾意餐廳嘅裝修，有種港女高貴感覺😂 餐廳空間都大，座位坐得舒服。明太子意粉🍝意粉的確有啲失望，冇乜明太子嘅味道，忌廉汁味重，而且冇咩汁，非常非常非常之乾！！！而且意粉偏硬身，我個人比較喜歡食軟身少少嘅意粉竹炭牛肉漢堡配薯條呢個真係好食😋 而且都幾大份，粗薯條配上沙律醬，味道好夾！如果下次再嚟食，叫漢堡薯條就足夠了😅

Weekend 要對自己好啲，約咗朋友喺荃灣行街，荃灣一向都好多嘢食好多嘢行，行到攰攰地要叉叉電，見到門面好吸引嘅西班牙餐廳，決定入去試一試入面環境令你有少少似置身Alice in the Wonderland，有個好大個嘅鐘掛咗喺牆，又有好舒服絨凳，環境好舒服Menu 都幾多選擇，價錢算偏高。松葉蟹奶油芝士意粉賣相好吸引，將全個蟹蓋都放滿蟹膏，再配3色椒、洋蔥。成個意粉顏色嘅配搭好靚意粉食落好Creamy每啖再撈少少蟹膏，估唔到味道都都幾夾  竹炭和牛漢堡配薯條比較少見用竹炭做漢堡包，包烘得幾脆口，份量幾大份和牛漢堡肉質唔算好香，配菜幾新鮮薯條新鮮出爐，夠脆同熱 焦糖香蕉窩夫女生總有多個食甜品嘅胃 見餐牌上有窩夫，揀左一份輕盈版 － 焦糖香蕉窩夫香蕉表層有層焦糖，好香麻糬窩夫好好食阿，通常出面都喺得窩夫，好少加麻糬麻糬好煙韌配上朱古力雪糕同朱古力醬為我地叉叉電之後繼續出發行街

太座生日，佢嚮openrice揾嘢食，俾佢揾到間西班牙菜色嘅餐廳，咁揾咗即管試吓，點了幾款，果然不俗，味道、擺設、份量都適中，而且嚮openrice預約仲有折扣，算係一處不節不扣嘅用餐環境，是次每人平均消費250蚊左右，各人都覺得滿意。

呢間食晚餐確實唔錯，食完一次之後，我再中午去食叫左2個餐都係唔好食，表示午餐失望，午餐平均都100蚊一位我介紹下我食晚餐食左咩先佢晚餐個餐牌宜家做緊8折我地叫左一個松葉蟹奶油芝士意粉餐，有蟹膏嫁，意粉汁就唔覺有芝士味，蕃茄味比較重，另外叫了啤酒煮蠔，佢配埋有蒜蓉包我地見到話做番個問卷就有焦糖燉蛋送即做，個燉蛋好味，面頭既焦糖夠硬夠脆夠甜我建議食晚餐比較好，如果食午餐可能散叫會好啲，另外入面既服務真心麻麻地，除咗入面既經理外，其他員工好似唔想做咁，2次去都係，見到舉手🙋係當睇唔到，直至經理行黎先係後面衝過黎

餐廳做緊優惠，除左特價餐牌外，正價食物有8折👆🏻餐湯料多，但就稀左小小👆🏻好精緻既咖啡，朋友話好飲又好睇👆🏻意粉比想象中大碟，味道都唔錯👆🏻沙嗲雞肉烘餅，係脆，雞肉同醬汁都好夾，但就燶左d👆🏻安格斯西冷，無乜牛味，都係燶，麻麻👆🏻西班牙豬手，配蜜糖，外貌似撈沙律，豬手切左，方便食，外皮係脆，但醬汁撈埋味道怪怪的，唔識欣賞。抹茶窩夫由於慶祝生日，餐廳仲送左一張即影即有相，又安排左一個影相背景靚既位置，好窩心，而且餐廳職員服務都好好，又會主動收枱加水甜品選擇多，有幾頁下次可以再試下其他甜品

近日見疫情有緩和，即刻約返舊同事出黎聚一聚連同預祝中秋節。落單時，服務員好耐心同我哋介紹餐廳優惠。堂食有8折飲品有買一送一。OpenRice 訂位重額外優惠。先黎西班牙海鮮飯，少少辣好好味，雖然話2人份量，但唔算細碟同幾足料。豬扒好味道，夠晒juice 蟹餅，外貌吸引。但味道一般牛扒比較韌，麻麻地黃金蝦球，可以一試蟹膏意粉好食😋最後當然要食埋甜品先至夠完滿啦整體食物質數ok, 聚會傾計一流。荃灣區食野都不失為一個幾好既選擇

第一次跟朋友在西班牙餐廳用膳，環境舒適，服務員態度友善，食物質量唔錯，最喜愛熱水果茶，餐湯足料，沙律加麻糬窩夫有意想不到的好味道，濃郁有很多芝士味的南瓜飯，黑松露薯條新鮮熱烘烘，非常滿意，必會介紹家人再去試試晚餐其他菜式

有日行過呢間餐廳 見到做緊抗疫價65折一直都好想試下結果換黎失望嘅一餐外賣自取65折我係7:50pm左右叫但到預訂時間都未有得拎店員又唔理外賣客正打算申請退款就收到餐講返食物 主要係食西餐 亦有泰式/西班牙式煮法今次就叫左冬陰公意粉$70配料足 蝦都大隻 食落有辣味但係係由辣椒而黎嘅辣味唔係冬陰公隻酸辣味味道可以 但就唔係太有冬陰公味意粉係過淋 反而偏太硬珍珠帶子菠菜雲吞$90雲吞細細粒 無煮到過爛 但又太淋個汁係普通忌廉白汁 珍珠帶子份量算多但呢個雲吞要$90 性價比較低青檸蜂蜜雞翼$38呢個價錢實在太過分全份得3隻因為有折先$38如果無折就要$59$20 1隻雞翼？what?味道有檸檬亦有甜甜地味 淹得ok但煮又煮得太差 望落似白烚再上色only完全無煎香過呢間餐廳 應該無下次

打風後，來了半天假期。家裡沒甚麼吃的，趁晚市禁堂食前吃個飽找到這間較隱蔽的西班牙餐廳。之前在元朗同間餐廳試過甜品，這次來個正餐試試。餐廳還有午餐，快快的點了午餐吃飽飽。忌廉薯仔湯配蒜油多士湯不算濃稠也不稀，可以入口有味道，只是普普通通無驚喜。蒜油多士較乾，不算太脆，普通餅乾仔而已，沒特別。但隨湯味吃下也不差。忌廉煙肉意大利雲吞忌廉汁不濃，有點像湯送雲吞。雲吞本身餡料足夠味道，淨食也可，只是配上忌廉汁會更好味。忘記要求服務員取芝士粉，不然加入其中會更濃味好吃。餐送甜品: 朱古力蛋糕這件小蛋糕，就像普通的甜品店有售的蛋糕口味。隨餐附送，可以要求甚麼？不難吃已很好了。蜂蜜玫瑰花茶隨餐加錢轉飲。不要看這樣小杯，數十次斟酌的小杯都很和味。為鹹點之中，混和少許的甜味，清新好喝。喝下真的有玫瑰花及蜜糖味，還有少許生菓(應該是藍莓)的味道。舒服。

雖然常常在荃灣出沒，但也不知道原來前身的韓國餐廳已關閉，開了這間西班牙餐廳，而且已有一段時間了。之前去過荃灣廣場附近的另一間西班牙餐廳，味道也好好，但今次想試下新嘢，又見大部份食評都是 like ，應該值得一試。入餐廳前，先量下體溫，之後，服務員安排我們坐水吧附近，七點已經有一半以上入席率，不錯吧。餐廳裝潢不太西班牙 feel，但感覺舒服，座位寬敞。坐下來，服務員快速地拿水給我們，不用等，讚 👍食物有好多選擇，當然也有set dinner，亦有兒童餐。我點了 個 Chicken Spinach Spaghetti ，小朋友吃了一啖馬上說好好味，急不及待吃第二啖， 完全忘記了自己點了個兒童餐。意粉是幼身的，每口意粉也吃到黑松露，正！意粉不會太 creamy 或章口、油膩，不過，雞肉份量有點少，總括來說，味道也好好。兒童餐是牛肉粟米飯，賣相吸引，有兩個公仔盤選擇，主菜是一樣的，我們選了兔仔 ，另配有橙和橙汁。老公意見還是大人餐比較好，兒童餐個飯有點乾，牛肉也偏硬。小朋友也有相同意見，看見她吃意粉吃過不停，就知她喜歡那一樣了。另一個餐是厚身豬扒，等了十分鐘左右，好味，勁多至愛的洋蔥，豬扒厚得