La Postre (荃灣廣場) (已結業)

都有段日子無去過荃灣廣場，幾舊同學仔見面無意中發現到呢間西班牙菜餐廳覺得幾特別就想入去，門口位已經擺咗甜品櫃系到吸引客人做賣點，Tiffany Blue嘅牆色，比較偏暗嘅燈光，系幾有氣氛嘅餐廳設計Menu入面菜式可以話多到唔知點揀，借助朋友嘅神力點咗幾道菜，份量偏小，一人食未必夠，如果多人享用就會更好，餸菜味道都幾好👉🏻蒜香燒汁雞肉炒飯蒜香同配料好足，除咗有菇、有燈籠椒、香草、仲有雞肉系到，炒飯微濕有飯粒口感👍🏻味道偏濃，重口味者必食😂🤚🏻👉🏻西斑牙蕃茄紅酒肉丸配蒜蓉包 蕃茄紅酒嘅汁帶有辣味，嘩！用佢配埋個炒飯都好正！呢味小食系配搭蒜蓉包，蒜蓉包擦得均勻同都夠碎身，牛丸一口份量食到幾香牛味，唔到爽但少少彈牙，份量比較少🥺食唔夠喉，好采剩唔少汁🤣用嚟配飯👉🏻西斑牙豬仔骨呢味真系好香口，燒到啱啱好，夠入味，有陣陣香料味，類緊七味粉嘅味道，有黃芥系到微辣刺激味道，呢款黃芥偏溫和，唔會太刺激攻鼻，用手撕扯肉身系完全可以離骨，而且呢個豬仔骨仲有得單支咁落單，唔夠喉嘅可以再加，呢樣好🥳整體嚟講味道可以，純粹系份量同價值方面略貴，環境舒服唔少卡座，打卡影相亦系唔錯，Tiffany顏色牆身設計，餐廳略

二月嘅時候，我去過呢間嘢食，覺得味道唔錯！格仔餅好好味，是熱騰騰的！服務態度都唔錯㗎！環境都幾好！都幾乾淨！之後一路去多幾次d嘢食一路差落去！有一次我帶朋友去食晚餐，叫咗塊豬肉，之前有兩塊而家得1塊，又dry！早幾日諗住俾多次機會佢，格仔餅一啲都唔熱，連暖都唔暖！非常失望

又貴又唔好食Lunchtime去到一枱人都冇 心諗唔通唔好食Waitress好熱情 睇Menu期間行左過黎4、5次 推薦左招牌菜 但係佢介紹既都唔好食-queen crab spaghetti $208迷你蟹鉗兩隻 冇乜蟹肉 有個蟹蓋做裝飾 入面有D蟹膏醬 成個意粉最多係紅椒同青瓜 只能講唔會好咸 -honey n lime chicken wing $59又乾又硬仲要凍 冇honey味冇Lime味雞翼黎講都好難做到咁樣 好彩得3隻食西班牙菜點少得Ham, menu得兩個菜有ham我地都嗌左 真係伏！-Parma ham pineapple salad $108Ham得一塊鋪面 質素係低質 過去隔離Aeon買最平果款都應該好少過佢 -Parma ham Olivie oil spaghetti $98Ham都係一塊 其餘係Bacon 味道真係以為隔離美心d lunch甜品都好難做到唔好食 佢真係連甜品都唔掂- chocolate donut n ice cream $108一堆冇味又硬又唔甜既波波加雪糕 無奈淨係可以食到球雪糕 其他真係唔想再食啦 承為$108 呢個價錢食Haage

超高cp值西班牙菜🤤喺港九新界都有分店📌除咗食物高質，價錢合理之外，服務態度都超有驚喜😆因為當日係同朋友慶祝生日，除咗甜品上面有生日牌之外，staff仲會幫客人影即影即有！真係估佢唔到( ´▽｀)🍟黑松露薯條 $68薯條上到枱仲係熱辣辣，應該係即叫即炸，外脆內軟🤤份量都夠晒多，配埋個黑超濃松露蛋黃醬簡直無得輸🤤係我哋近期食過最好食嘅薯條！雖然黑松露蛋黃醬有兩兜，但因為太好味嘅關係，都係唔夠dim🤣🤣🍽嗌3 Course Dinner Set可以揀湯或者沙律，再加一杯野飲。我哋個日嘅soup of the day係是紅蘿蔔忌廉湯配蒜蓉多士，湯略嫌唔夠濃味，而蒜蓉多士就偏硬同凍😿🍹鮮雜果莫希托 (跟餐+$15)入面有士多啤梨、橙肉、蘋果、藍莓等等嘅新鮮水果，味道就好似有汽既雜果賓治咁，而且唔會太甜，又勁大杯，係好抵飲嘅Special drink🐷🦐西班牙海鮮飯 $178 set海鮮飯嘅賣相一流，色澤紅潤，用料充足🤣有2隻蝦、2隻青口同5-6隻蜆🐚飯既味道同之前喺西班牙食嘅一模一樣！飯夠晒濕潤一啲都唔乾，而且仲有啲櫻花蝦、青瓜粒同洋蔥粒等，個人應為青瓜🥒係配料之中最好味最fresh嘅，提

等食物等左勁耐，叫左幾次話黎都未黎，完全唔知想點！仲要個海鮮餐話加$100多一隻龍蝦，到最後食完我哋先醒起原來無黎到。完全唔會再有下次，食物有味道又一般，總之一個字差！

疫情期間一直唔敢外出用膳，見呢排情況好轉，加上忍唔到口，終於約咗朋友出黎食晚飯。餐廳環境幾好，坐落都闊落，感覺都幾光猛乾淨。其實係第一次食西班牙菜，緊係要試下唔同菜式。西班牙海鮮炒飯本來好擔心啲飯會好硬，點知個飯真係炒得幾好食，軟硬適中，而且辣辣地幾惹味，同埋啲海鮮都好足料，青口同大蝦都爽口彈牙～不過戈兩舊火腿定煙肉既物體有啲啲咸，但唔影響整體味道，幾岩我口味西班牙蛋餅因為我真係好鍾意食雞蛋，所以見到蛋餅就忍唔住叫番份試吓～原來西班牙蛋餅入面會有啲肉、洋蔥（？）同埋薯蓉嘅物體，係幾特別，但食得多會有啲滯，唔太岩我口味～ 青檸蜂蜜雞翼老老實實都幾失望～本身預計青檸蜂蜜味會酸酸甜甜，但佢個味有啲怪，又唔酸又唔甜，同埋啲雞翼太乾身，唔推介～ 芝士煎蟹餅 見到枱枱黎呢度都叫番份，都要等一陣先黎～超期待～黎到熱辣出爐，上面超多木魚絲～不過可能因為食咗蛋餅在先，所以驚喜不大。不過都唔錯，芝士味都重既～值得一試！黑松露薯條黑松露醬同薯條既組合真係無得輸！身為薯條狂人既我食哂，不過真係好熱氣呀！水果茶叫咗個熱水果茶～平時好怕出面餐廳啲水果茶會好甜，呢度唔會過甜，幾清新，唔錯！整體黎講，都滿意既，食得好

成日路經門口，被佢玻璃窗的蛋糕吸引，好想試下。拉埋2個朋友一齊試地方光猛，座位闊，唔會好逼。服務ok，但有時人客多，唔夠waiter接待，需要等一陣。Menu好似本雜誌咁，設計好特別。菜式款式好多，但其實都唔知係咩國家的菜式，似fusion，咩都有d！小食味道ok，份量唔算大。海鮮飯味道普通，唔係好特別。最吸引，係個甜品。佢係有麻糬係入面，我覺得好味，好特別，唔會好甜，加埋生果正！價錢偏高，勝在地方夠大，座位唔逼，傾計好啱。

好味指數😋😋😋😋回頭指數⭐️⭐️⭐️⭐️開心指數🤗🤗🤗🤗🍴華倫西亞豚肉燉飯 pork paella ($88)跟餐飲Paella 係西班牙大鍋飯，源自於西班牙華倫西亞，可能因為咁，餐廳就直接用咗「華倫西亞」四隻字！講返個飯，係紅紅哋色嘅，超香，係有D濃味嘅(啱晒我呢個濃味寶寶🤪)，除咗有豚肉外，仲有西班牙腸仔粒同埋青豆粒，整體上係好味嘅！🍴抹茶麻糬窩夫 ($108/Full)賣相已經好靚🤩 上面有綠茶雪糕，窩夫中間係抹茶麻糬，而窩夫本身好香脆，再配上紅豆，蜜糖，抹茶醬同吉士醬，窩夫外脆內煙韌，口感好好，基本上窩夫加雪糕已經好好食，甜度剛剛好，唔使再加蜜糖，好味！餐廳好闊落，坐得好舒適！另外呢間餐廳lunch time 經 openrice 訂位可以有9折優惠，即係免收加一服務費！

Picked this place as this is the only restaurant without a long queue waiting to get in. And because of that, we had almost no expectation whatsoever. We ordered 2 lunch sets, which by the way, are also available during weekend. This is the first time I had risotto with pesto sauce and it tasted really good! I liked the texture of the risotto, which was not overly soft or soggy. The burger tasted great too, with very rich flavors and complex texture.The seafood pasta was delicious as well. The m

好耐冇約老表們見面，適逢當中兩位是三、四月之星，一於約出嚟傾吓計，順便食好嘢。位於荃灣廣場地庫的「La Postre」，店門附近放了一個甜品櫃，裡面的蛋糕、甜品都很吸引，若非事先知道餐廳是主打西班牙菜，會以為是甜品店（誤！）🔸 肉丸香草汁忌廉意粉意粉看似醬汁不多，但食落又不覺乾，唯肉丸有陣腥味（或許是牛肉丸，不過沒有求証），整體味道一般。🔸 黑毛豬芝士麻糬窩夫配鮮果凱撒沙律甜窩夫吃得多，咸味還是第一次試，窩夫夾着風乾的黑毛豬肉及芝士同吃，口感不錯，鮮果沙律有較少見的黑莓，配上凱撒沙律醬，很醒胃。🔸 西班牙海鮮炒飯（2人份）食西班牙菜怎能不吃海鮮炒飯，於是散叫了一份（剛才的意粉及沙律都是set lunch）。海鮮炒飯的賣相很吸引，而且用料豐富，有青口、蜆、蝦及臘腸，炒飯亦不是很硬及油腻。餐牌寫是2人份量，但一行四人都夠吃。🔸 咖啡麻糬窩夫麻糬窩夫配上雪糕（忘記是朱古力還是咖啡味道）、棉花糖及brownie，熱烘烘的窩夫頗脆，吃的時候淋上疑似Baileys的醬汁，口感更佳。🔸 無花果脆批酥皮批底很脆，批面鋪上無花果片，配以呍呢嗱雪糕同吃，味道不錯。

本身book了1430，有9折，唸住試下的心態，結果遲了少少到，過左那個時間，但發現原來有下午茶餐，結果叫左2個意粉，同個蛋餅，2個意粉，分別系青口意粉同明太子意粉都好唔錯，料好足，最值得讚的系意粉，仲系好彈牙好好味，醬汁都調得剛剛好，環境都好唔錯，下次會再來

疫情下為人為己，已經有一段時間未有外出用膳。近日確診人數回落，決定放一放監，來到荃灣吃晚餐。一直對西班牙菜印象相當良好，以往在馬德里，巴塞等地工幹時都有機會大吃特吃當地的Iberico火腿，黑毛豬，八爪魚和烤牛扒，佐以幾杯紅白酒，無以上之。唯一要注意的是通常前菜等都很大份量。試過幾次吃完前菜已經飽了8,9成的尷尬情況。見到La Postre 的餐牌，百多二百元一個餐已經有前菜和主菜，再包飲品。而且甜品選擇多而精美，便決定光顧。前菜可以選擇湯或沙律。選了是日的洋蔥薯仔湯。味道只是不過不失，而且好像不夠濃，一般。餐包也極其普通，不吃也罷。點了兩個餐。先上的是西班牙海鮮飯Paella。出乎意料地並非以鑊仔上菜，而是先煮好才在瓷碟上。賣相上是有一點令人失望的，但幸好味道就比外型好得多。先吃一口飯，口感對辦，蕃茄味之外還有強烈的黑椒香氣，吃在口裏頗為香口而且刺激。配料有青口，蜆，蝦等，表現只是中規中矩。不過作為主角的炒飯表現良好，整體上是好吃的。當然，如果有飯焦會更好。另一主菜選擇了黑毛豬扒。豬扒煮得剛剛好，沒有overcook ，入口非常嫩滑有彈性，豬肉味異常濃烈，佐以洋蔥汁，是非一般的好吃，

以前喺附近返工經過都一直想試呢間，鋪面靚仔，蛋糕櫃啲蛋糕都靚。早幾日見到原來而家openrice訂枱lunch time有9折就去試下點知今日自己遲到，去到都過咗14:30,冇咗9折。但就發現原來而家tea set，好抵，$58一個pasta連coffee or tea.咁就同朋友叫咗2個tea set加客芝士煎蟹餅。本身我哋仲想叫埋cake,但唔知係咪疫情影響，佢話而家冇cake.見佢蛋糕櫃都冇晒cake,試唔到佢個星空cake有啲失落嘢食嚟到，擺盤都靚仔，同menu入面一樣。兩個意粉食落都比想像中好食，青口意粉食落冇炒得太乾亦唔會太油，意粉夠al dente.成碟好似都有6,7隻青口，配埋啲三色椒同青瓜fresh fresh地又幾夾。明太子忌廉意粉仲正creamy得嚟唔會膩，呢隻意粉比青口意粉用嗰隻粗身啲，都一樣咁彈牙，掛埋啲忌廉汁一流。明太子切到方形一粒粒好有咬口👍🏻食食下芝士煎蟹餅都到咗，上面好多木魚碎，好正咁。開頭我以為可能類似薯餅咁，切開先知原來係好似蠔仔焗蛋砵咁嘅。中間個心有芝士拉絲，入面都多蟹肉仲真係有啲蠔仔同菇喺入面。但可能因為我已經食到飽飽地，所以又唔覺特別好食，仲

同朋友慶祝生日 前一晚先喺Openrice 訂位 第二日中午就食雖然留咗言話要甜品加HB 字但都係抱住有就有 無就無既心點知最後餐廳真係有幫手安排仲拎左即影即有幫我哋影相真係好有心啊牛油果菠菜沙律真係好好食成個味道好夾 面包係脆既 仲嗌左個煙三文魚菠菜意大利飯啲飯軟硬適中 煮得好好試咗蟹肉芝士蛋餅 但唔係我心頭好 甜品嗌左個抹茶紅豆冬甩 冬甩入面係麻薯 食嗰陣仲係熱嘅配埋個雪糕食啱啱好仲送咗個creme brulee好食 好正

當日朋友係另1間cafe等我，但因為遲到而佢地又last order左，個天又落雨所以搵左附近呢間餐廳。未到dinner time又唔算十分餓，所以就先叫左小食傾下計先。黑松露薯條$68其實佢地小食唔多款，而已唔算吸引，特別係春卷個d，睇到d相都唔太吸引🤣所以點左黑松露薯條，好香脆。Dream Summer $98飲品我點左Cocktail Dream summer，實際係咩呢我忘記了!只記得係士多啤梨配vodka，雖然無乜酒味，但就好香士多啤梨味，我會當佢係一杯好飲既strawberry smoothieFresh Fig Spritz $88，朋友點呢杯佢就話酒味會濃郁D。honey & lime chicken $59蜜糖咪都香既，不過雞肉比較乾，可以話唔太吸引，所以一直無人想食第3隻(不過最後我都食埋既)，呢個下次就唔會點啦🙈其實佢個薯條都大份，同埋一直點醬好快飽肚。所以我地追加一樣食物就夠了。Cheese Scallop Spinac $138朋友推介呢個芝士雲吞，不過佢話今次好似多左隻香料，無之前咁好味。不過我第1次就覺得好好味，因為我本人最中意芝士與忌廉。雲吞入面包住芝士