La Table French Brasserie

營業中

休息中

C’est à Tsim Sha Tsui East. C’est un lieu agréable. J’en adore.J'aime leur déco, le restaurant est beau et lumineux, les tables sont propres. Les serveurs sont polis et toujours avec le sourire.J'ai commandé la formule pour le jour du dîner.Jambon espagnol en entrée avec salade de tomates, j’aime bien.J'aime le homard et le steak pour le plat principal, ils sont super.J'adore le foie gras, c'est parfait.Mais je n'aime pas le café dans la formule, je préfère passer au vin rouge. Parce que le dîne

相信今個冬至同新年，大家都一定會食過盤菜，會唔會覺得係時候轉下新口味？中式盤菜家陣真係百花齊放，總有一間係左近，今次就介紹一間西式盤菜。位於尖沙咀的新世界千禧酒店 La Table，本身走高級法國餐廳路線，但在疫情下，都要求變，近日推出「海陸滋味盆菜」4位（$1588）/ 6位（$2588）。套餐附送紅酒汁，不過要一日前預訂，而且要自取。食物會用銻盤裝好，再用保鮮紙緊密包好，以防漏汁。而且份量同中式盤菜一樣，以人頭計，每人一份。西班牙黑毛豬扒都有成半吋厚，煎得啱啱好，肉質鬆軟有嚼口，肉味濃，好味。澳洲羊排外層烤至微焦，而內裡肉質依然嫩滑，羶味輕盈，相信女士們不會抗拒。法國春雞睇落以為4件，其實計落應該足足一隻，雞皮真係好香，毫無皮下脂肪，雞肉又嫩，正。澳洲牛柳火喉恰到好處，中間部分仲呈現嫣紅色，咬落軟熟，再淋些少紅酒汁，味道更香。澳洲虎蝦實在好大隻，而且事先褪殼，可以話啖啖肉，蝦頭部位仲要有好多膏。置底的配菜有露筍、意大利青瓜、粟米芯、邊豆及原粒粟米，份量仲幾多，而且蘸上了肉汁就更惹味。其實係屋企都可以Fine Dining既享受，加上可以開枝紅酒慢慢飲，醉左大覺瞓最好！

現在呢個時代，好多人鍾意整色整水既精緻食物，好多錢就用哂响食具，擺盤，整色整水，食完幾千銀都唔飽，但就大飽眼福....而呢間法國餐廳就冇咁多整色整水既野，好實際，而且份量足，未到主菜我都已經飽左大半，最後甜品都叫唔到。食物味道不過不失，對得住個價錢，以酒店法餐黎計，我覺得算抵食添既。因為叫了海鮮拼盤，所以叫了杯白酒，本身鍾意甜甜地有花香味既，waiter在餐牌內4款中介紹了某款R字頭，不過我覺得好甜，不過都飲得開心。意式咖啡個奶泡打得極好，呢個有啲驚喜既。

買左個staycation package 生日想浪漫一下 所以最終揀左係呢間法國餐廳撐枱腳👩‍❤️‍👨今日既menu係fix左既 等我地逐道菜黎睇下啦💁🏻‍♀️先上枱既係小餐包 呢個老實講無咩特別 因為第二朝自助早餐你會見返一模一樣既包吞拿魚他他尼哥斯沙律 配以鵪鶉蛋、香草沙律、飛魚籽 – 賣相很美 更有花朵點綴🌺但可惜既係男朋友嗰份 少左花朵 可能廚師無為意 吞拿魚他他並不是有油香嗰種 所以整體感覺比較乾身🌝龍蝦忌廉湯- 上面有一圈龍蒿草忌廉 龍蝦湯有超濃既蝦膏甘香味道 配以剛好熟既龍蝦肉 可謂暫時飲過最好味既龍蝦湯🦞主菜係扒澳洲牛肉肉眼🐮伴菜係黑松露薯蓉、青蘆筍、油封蕃茄 我自己要左medium well 男朋友要左medium 肉類温度掌握得唔錯 只係擺盤感覺比較隨意 兩碟沒有統一性 但肉眼有肉汁 肉質亦嫩滑 牛味重 而伴菜全部都屬高水準發揮 烹調時間剛好 調味足👍🏻最後來到紅桑子千層酥- 食到呢度已經好飽 千層酥夠鬆脆 入面既pastry cream奶香味重 甜度恰到好處 紅桑子酸味甜味取得平衡 係好既結尾👅環境氣氛食物各樣都唔錯 只係員工喜歡站在大廳中央高聲談話 三至四個聚在一

預訂咗個幾月，終於輪到我。佢嘅星期六午餐係屬於半自助形式。芝士都有四款可以選擇，實在算係唔錯！佢個自制餐包好好味，外脆內軟到main 嘅時候我就揀咗Saturday special 嘅牛扒，嘩，一上枱比佢個份量嚇親吖，大份到不得了，生熟度又控制得好好，個扒又重牛味，伴碟嘅千層焗薯好好味。另外餐廳坐得好舒服，人唔會好多！絕對係超值！一定會再回頭！

做了會員幾年都想來食，可惜每次星期六都訂不到枱，今次的起心肝訂枱，因為有張現金券快到期，點知星期六要訂到六月份，佢哋話閒日多數有，唯有食閒日。先讚下侍應態度非常好，符合五星級應有質素，有機會一定再去，來前做定功課，前菜衹有洋蔥湯或沙律 bar，主菜揀了牛肝菌意粉和當天signature，老婆點了洋蔥湯，我下次先試；兩碟前菜飽了五六成，都係例牌嘢，火腿食落油脂甘味；牛肝菌意粉份量適中當日 signature 肉眼，薯蓉好幼滑，點些薯蓉+岩鹽+芥末，這個配搭超正到無朋友； cappuccino 完美結局。

從前的日航酒店，那時我差不多每天也流連於酒吧，時至今天的新世界千禧酒店，也是久不久會到來，尤其日本餐廳，不過今天要介紹嘅系法國餐廳～La Table。非常湊巧我幾十年的朋友選擇在這間我滿懷感覺的酒店的餐廳的VIP room 舉行一個幾個人的小婚宴，La Table 在酒店餐廳中裝修不算華麗，也沒有突出的特色和打card 位，免強就是很多牆上的黑白照片，但內容欠缺靈魂，在今日影相多過食飯的時代，”他”只好默默感概火不起來。所以我們都特意佈置了房間給主角一個小驚喜。墨魚膠包珍寶帶子：西式做法墨魚膠包著珍寶帶子、以三文魚子青豆做件碟、開胃清新的湯汁、嫩滑珍寶帶子在內配以夾口墨魚膠的不同吃法，作為頭盤已很出色。龍蝦法式Pancake：半透明的pancake外皮包著龍蝦，配菜和龍蝦汁暮絲，龍蝦肉質新鮮，混和龍蝦汁暮絲，在口腔內強烈感覺超重龍蝦味超過癮！香煎法國鴨肝：色澤金黃，芳香撲鼻，口感香脆又軟糯，入口即溶而不油膩。烤焗牛扒（好像是牛腹肉）：超好吃的牛扒、也非常推薦大家。牛扒烤焗到帶有一點焦的程度最好味，外脆金黃內軟中帶紅，肉汁豐盛香濃。甜品拿破崙：口感濕潤入口有鬆化感輕抿則化，配以酸甜的果子

我們的一週年紀念，是讓人回味的。食量分別點了餐湯和主菜，還有點綴的香檳，已十分滿足❤️餐湯熱度非常好，洋蔥湯清澈但滲透洋蔥香，味道非常濃郁，伴着表面的芝士和湯同吃，味道相和，完美搭配。龍蝦湯十分濃稠，更有龍蝦肉，暫時是嚐過的龍蝦湯中佔首位，餐湯配上香氣滿溢，口感豐富的麵包，為晚餐揭開美味序幕。主菜的牛柳煎得恰好，我點的是medium well，表面焦香但内裏仍然留有肉汁，肉質仍然軟稔，薯條香脆可口。能接受medium rare 或medium 的朋友一定會更能享受箇中的滋味。香煎鱈魚煎得剛好，魚皮帶點甘香，非常鮮甜而且肉質雪白嫩滑，味道讓我但留有深刻印象。香檳為我們的紀念作完美點綴❤️

一直都係”to-eat-list”裏便。總結，比想像中好！Friday lunch ! 先嚟係暖暖法包，雖然唔係sourdough ，不過反而食返原始法包風味！前菜係 “from-the-table” 雖然疫情，不過餐廳唔多人，所以都放心食自助前菜！overall 唔錯，沙律菜新鮮！ 不過可惜唔好彩攞咗杯前菜個玻璃杯係列咗，提一下其中一個服務員，佢report 完俾一個，另一個又report俾另一個，另一個仲揾返個廚師出嚟叫佢收返曬啲玻璃杯小食，跟住都有過嚟say sorry! 當然好彩冇食到玻璃落肚，呢啲真係好細微嘅錯但可以好大件事！anyway, 佢哋嘅態度係好正面！主菜 。唔太suggest 食 威靈頓牛扒，因為真係唔係間間好食！佢係未至於唔好食，但有得揀我就唔會再試😅Apple crumble 好好食，雖然要等，但係真心值得食! 不過。如果你唔食得好甜嘅甜品就唔好試啦！不過真係好食嘅！

上次到此食lunch已是年29, 忘了讚賞佢地，事源係我媽叫的雞有少許不離骨有d血, 埋單都覺為何咁平(因有會員折只需$8xx), 回家計先發現只收左3人錢。當天係weekday 4人全部叫semi buffet lunch (只限weekdays供應)。頭盤buffet 食物新鮮，需吳多但夠，cheese 好似得3款但全部都好食，smoked salmon 吳死鹹，沙律菜cold cuts 各樣好新鮮，cherry tomatoes 非常甜，其實每檯會有fresh baked bread 但要稍等一陳，所以無需羅太多buffet table d 冷麵包。waitress 可能比較新，落單時講幾次都錯，最後重覆對左但有一個main course 都係錯，問題不大因為有2款都係雞所以無換，我地不喜歡浪費食物。呢道9成係熟客，法國菜收呢個價簡直係超值 (menu 可到酒店網址download)。service 又未到一流但taste 搭夠，次次都滿足的。最後送左個甜品，我地無林過要羅著數，純緒係通知個chef 有什么問題，話晒係法國餐廳嘛。有d意外佢地會少收一位價，值得讚許及加分。

今日食評有✍🏻La Table@千禧酒店試食指數⭐️⭐️⭐️⭐⭐店舖衛生⭐️⭐️⭐️⭐⭐侍應態度⭐️⭐️⭐⭐((每項5⭐️為滿分)) ·因疫情而久違嘅師生飯聚原本想多約幾位朋友一齊但仍是4人一枱的情況下只好「唔齊腳的」聚餐·千禧酒店內有多間食肆La table是法國餐廳每星期一至五都有”Roast of the day”Monday有beef ribeye 啱晒我哋😋·先上枱係麵包鬆軟感覺冇加添加劑正·你可以選擇semi buffet appetizer 或者洋蔥湯由於疫情關係我哋選擇了洋蔥湯🤩簡直係神級食品👏🏻一層cheese舖面洋蔥湯香而不膩味道偏淡，但啱哂我口味第一次去光顧的朋友建議先試semi buffet appetizer 第二就試「神級」洋蔥湯·beef ribeye 有薯蓉、菇、西蘭花、甘荀伴碟每樣食材都係主角囉唔好意思今日內容hea咗少少🤣因為真係每樣嘢都好啱心意·法國餐一般俾人「好貴」嘅感覺但周一至周五嘅午市套餐好貼地人均消費大約300有找😉👌🏻·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

好友介紹，我第一次到這間法國餐廳。感覺裝橫是傳統式，空間感很足，舒適 我們點了推介的套餐，我加了配酒。對餐廳不太熟悉的我帶點期待原來配酒是三杯，第一杯是香檳，服務員簡單介紹一下，我當然忘記😂味道氣泡溫度都不錯。第一道椰菜花奶凍賣相漂亮 海膽很新鮮，椰菜花奶凍非常creamy～ 整體味道搭奶凍的奶味比較重，但都可以嘗到椰菜花的獨特味道。 質感稍為杰了一些，如果再稍流質一點會加強這頭盤的輕盈感。第二道是煙燻暖竹炭三文魚。上桌未打開玻璃罩，已經聞到清香的煙燻味。目測的煙其實不多，但是味道很足，這點非常欣賞 三文魚卷質素佳，配上紅洋蔥甜酸醬和忌廉，這道頭盤令人欲罷不能 配搭非常好兩道出色的頭盤推高我們的期待。 第三道是墨魚汁意大利麵，擺盤顏色配搭鮮明，茅屋芝士的白，配墨魚麵的黑，還有食用花點緻，非常討喜 第一啖立即雙眼發亮，因為融化的芝士配上硬度適中的麵，入口柔和，略煎的帶子鮮美，處理非常得當，火侯非常好 非常享受 這道美味， 雖然份量不小，但是轉眼間就吃完。 這道菜他們選擇配清酒，服務員說是因為海鮮帶腥，所以特別選了一款純米大吟釀配搭。其實我覺得一點也不搭🤷🏻因為選的純米大吟釀是偏酒度高，本

香港的French population 不少，幾年前早已衝破25,000人，所以香港好吃的法國餐廳也不少，這家就是其中一家。抹在麵包上的鵝肝醬好吃，牛扒的肉質也鮮美，刀具還是鼎鼎大名的 #Laguiole，有要求的餐廳就是不一樣😌很推薦的一家法國餐廳 🇫🇷

Super delicious birthday dinner.Starter is Pumpkin purée with Scallop, looks so beautiful. Second dish is Tempura lobster risotto, the sauce made out of clams which is very fresh and yum. Third dish is Fish & lobster soup... flavoured with tons of seafood. And finally a tender Wagyu Beef... The restaurant is so warm, gave us free Dessert plate... what a great dinner. 😋

因為上年係千禧酒店擺酒，酒店送左coupon 比我地用，由於怕疫情有變數，我地提早係中秋假期前食anniversary dinner,當日7點去到，餐廳環境裝修都唔錯，但因為餐廳入面冇窗所以冇景觀可言，我地叫左dinner set 有5道菜，第一道菜係Parma ham 同蜜瓜，呢道菜不過不失第2道菜強烈推介，龍蝦燉蛋，上面有魚子醬帶左咸鮮味，另外蝦肉好新鮮又彈牙，蝦頭有火槍燒過又多膏，龍蝦肉汁加上椰子味既泡泡，增加左燉蛋味道層次，食到停唔到口😋第三道係酥皮鴨肝，酥皮上面有無花果醬減低肥膩感，底層加左鵝肝醬成道菜好rich 好creamy,食完好滿足成口鴨既酥香味第四道菜係牛扒，牛味濃又嫩，有入口溶化既感覺，上面有西芹味既蓉，原本以為唔夾但又幾襯，但醬汁比較咸第五道係甜品，甜品裝飾得好靚，上面有raspberry 味，開心果味同柚子味雪芭，柚子係最好味，可能因為太飽，所以偏愛清新既柚子，雪芭下面有d餅乾，比較硬身唔太喜歡整體好滿意，份量好足夠，十分推介😋😋