La Vigne (已結業)

由係大學讀書開始已經成日黎大角咀搵食基本上每次都係滿足地離開，然後就吸引我再黎發掘好野食今次呢間餐廳其實係媽咪介紹俾我😂佢同朋友食完之後讚口不絕搞到我都好想試吓呢間餐廳行簡約清新路線鋪頭唔算大，7:30去到已經坐到好滿好彩咁啱有人埋單先唔駛等佢嘅set dinner價錢大概係$100-150最貴嘅餐係牛扒，over $200每個餐都已經包左一個湯、一片蒜蓉包、沙律、主菜、飲品、甜品最後我叫咗兩個set, 單點一串牛過下口癮算🤣主食：三文魚蘑菇意大利飯三文魚比例比我想像中多因為呢個餐都係$100多少少估唔到咁大份又多三文魚味道唔錯食完半碟已經飽咗八成之後嚟咗小食一口牛口感ok, 唔硬，不過唔太香牛味$48 黎講都合格最後呢個BBQ豬仔骨係全餐飯最點睛嘅一部份豬肉唔鞋，肉質有咬口唔鬆散，亦都好離骨好易食味道適中我覺得拍得住outback雖然飽到食唔晒，不過打左包第二日帶飯😂正甜品方面，我覺得cheese cake 比較好味～整體來講呢個餐包左咁多野質素中上， 價錢超值員工服務態度亦好好👍

While I was walking to Olympic station, I felt so hungry so I just went in any random restaurant to have dinner. This restaurant is cozy and spacious. The staff was friendly. Me and my friend were so hungry so we ordered the beef skewers. The presentation of the skewers were fabulous. The beef were so yummy, the texture was tender and juicy. I loved the sauce very much, it was sweet and full of flavour. But I love the potato mash the most, it was crunchy with bits of small potato. Each dinner se

係一條舊街到見到一間好有情調既西式餐廳，而食物又唔貴 於是入左去食。佢既dinner set包左沙律、餐湯、甜品同飲品。醬燒熊本牛肉意粉原本以為會係鹹鹹地既醬汁，但原來係有d似韓式既炒粉絲，係用甜甜地既醬油去沙。 廚師好細心，將牛肉切到細細件，所以以可以一淡麵一淡牛。而牛肉唔會太熟，再加上用少少鹽黎調味，可以食到牛原本既鮮味。香烤bbq豬肋骨淨睇個樣同聞到香味已經好吸引，食落真係好正🤤。因為平時食豬肋骨最大既煩惱就係好難切d肉出黎食。因為有d餐廳為左令到d肉唔好散開，會煮冇咁耐，但咁樣肉質就會好硬。而整到好冧，就會令到d似好散，咁就唔好食。但尼間鋪頭整得非常好，肉好易離骨，而d似仲係好結實。而佢既bbq醬 酸酸甜甜好開胃！食到我想再叫多碟。另外廚師仲好細心咁整左個芝士焗西蘭花伴薯泥做配菜。食落好香再加上自加制醬汁，就更加特別。西柚伴士多啤梨原本以為會奇奇怪怪，但飲落都幾夾，西柚唔會太酸，加埋士多啤梨既甜味，食完肥膩野可以解膩！是日甜品有牛奶布丁同紅桑莓芝士蛋糕

今日又去大角咀接好友放工順便去食好西，大角咀越來越多有質素的餐廳，今日就揀左間西餐廳享用一頓美味的晚餐店員有禮親切介紹今期廚師推介，一於試試，香煎三文魚柳配意式燴菜，賣相討好，三文魚煎得外層香脆，尤其是魚皮位置煎得脆口，三文魚入口香滑，冇腥味，這個醬汁有驚喜，配上三文魚，惹味可口，伴菜有小甘筍，青瓜，茄子，再加上呢個醬汁，開胃又惹味香烤虎蝦伴櫻花蝦意粉，虎蝦大大隻，好香龍蝦味，意粉煮得煙韌彈牙、食落仲好香蝦味添，切碎的蒜頭同大大粒的櫻花蝦撈埋意粉一起吃，真係好好味，廚師毫不吝嗇，櫻花蝦份量頗多套餐還有甘筍湯，沙律，甜品和飲品這裏雖然店子小小，但裝修有格調，食物有水準，不過最值得一讚就是店員態度很好，其實一間店舖店員態度也很重要，往往要令食客受氣，再好的食物都令人卻步！

好耐冇同媽咪出去食好野，今日就黎左呢間店食下西餐。雖然間店唔大，但氣氛都唔錯，燈光暗暗地，有西餐既格調XD呢度係set menu黎～套餐有包埋蓉包，餐湯，水果沙津，主菜，甜品等。今日餐湯係甘筍湯～平時忌廉湯，羅宋湯就飲得多，但甘筍湯真係少啲見，飲落都有夠味😋食完前菜好似仲開胃左 哈哈。到主菜我地係揀左挪威三文魚解菌意大利飯本身以為佢係成舊既三文魚，原來已經變成粒粒既三文魚混合埋啲飯入面，就可以每一啖都食到，夠哂方便！另外媽咪就叫左拿破崙寬條麵伴燒孜羊扒佢食唔慣呢種麵既麵質，不過就話汁既味道就好味～而塊羊扒佢話唔係好騷，所以佢食得好乾淨😆😆至於野飲就叫左杯朱古力同蘋果薑粒茶，茶具好靚，好岩打卡啊！甜品今日就有紅桑子芝士蛋糕，牛奶布甸細細件岩哂食得飽飽又想滿足食甜品慾望既女生😍個芝士同蛋糕各佔一半，食落就唔會太漏嚕～每人百幾蚊可以食到咁多又飽到肚既西餐，性價比高！

平時都知大角咀出名多隱世小店，上次經過比呢間新開既西式餐廳既裝修吸引左，好有格調🤩依家打電話book枱仲免+1服務費添一入到去員工就好友善招待我地入座😍（服務真係好好～）呢間餐廳都係主打dinner set可以揀 (奉送餐湯, 甜品同沙律 coffee or tea)， 岩哂我呢種懶人唔鐘意諗咁多😛仲有其他小食不過本身打算唔夠飽嘅時候可以再order ，不過最後撐着肚皮走🙈餐湯賣相好出色 味道岩岩好👍🏻 沙律入面水果都好甜🍉🍈 因為冇諗過會有蒜蓉包 加分😍我叫左黑松露海鮮意大利飯 $168 (聽到隔黎枱話好好味所以試下😆) 食落每一啖都有淡淡黑松露，唔會好膩，材料好豐富 蘑菇都份量好足。食完哂可以揀甜品，未必日日都一樣，我道揀左牛奶布丁🍮 味道適中 唔會好heavy😋 整體黎講唔算貴 而且食物同服務都值得一贊

同朋友喺附近行完街, 就到咗大角咀支持下小店。餐廳裝潢行歐陸風, 入到去感覺好舒服, 座位亦都闊落。Set Dinner有七款選擇, 包餐湯、沙律、甜品同飲品。我同朋友order咗兩個主菜, portion好大, 尤其適合男食客。原本以為牛肉意粉會好似肉醬意粉, 點知原來係干炒, 但味道做得好好, 我同朋友都大讚另外值得一讚嘅係: 餐廳竟然連甜品都非常用心, 有兩款選擇, 唔似其他餐廳咁pre-set咗一款。用餐當日有牛奶布丁同紅莓芝士蛋糕, 兩個甜品食落口都好清新, 完全唔會有太甜嘅感覺

喺奧海城行街之後到咗大角咀搵食, 見呢間餐廳環境唔錯就走入去雖然餐廳食物選擇唔多, 但睇得出每一樣都係心機菜, 用餐當日仲有廚師精選: 香煎三文魚。 Set Dinner包餐湯、沙律、甜品同飲品, 西餐以呢個價錢嚟講簡直物超所值👍🏻跟湯嘅蒜蓉包微温, 配上甘筍湯味道一流。同朋友order牛肉意粉同BBQ豬肋骨。兩個主菜味道都好好, 份量亦好多, 兩個女仔完全食唔晒😝。豬肋骨可以話有驚喜, 又稔又入味!餐廳服務員態度都唔錯, 有禮貌, 又主動幫客人添水, 整體嚟講成個dinner好滿意!

閒日夜晚放工和女友在大角咀買嘢順便吃飯，區內都是茶餐廳等小店選擇。碰巧去到一間店面不錯的店舖於是揀了入去。店舖大約可容納廿幾人，樓底很高不致座位焗促。西餐廳裝修燈光柔和氣氛舒服。我點了set dinner「美國安格斯肉眼朳120oz」，跟餐先來了沙律、餐湯及蒜蓉包，為應付主菜前熱身😆主菜是我們要求5成熟的肉眼朳，肉質幼嫩，加埋伴碟配菜，整餐感覺滿意飽肚。最後奉上跟餐的凍朱古力及甜品奶凍，為今餐劃上完美句號（好飽）

同姊妹在大角咀一間特色西餐廳訂座食晚飯。餐廳的座位好闊，坐得好舒適。黑松露海鮮意大利飯個意大利飯好多汁，好香黑松露味，海鮮好多好豐富，有大蝦，有帶子，有青口2隻等，飯底仲有好多香菇，正。美國安格斯肉眼扒我姊妹點左5成熟。外層煎香，內層既肉仍然係剛熟既嫩紅，火喉控制好好，肉汁多肉味濃郁。南瓜蓉餐湯餐湯出色。份量大碗又夠多。啖啖南瓜蓉好甜好滑好香濃。蒜蓉包都認真製作。食得出係即做，勁鬆脆香口。蒸蓉味香噴噴😀😀😀鮮果沙律菜好新鮮，仲有豐富疏果，有西瓜塊好清甜，蕃茄仔同好多沙律菜。我同姊妹飲左意大利泡沫咖啡同咖啡拿鐵，兩杯都係有好靚既拉花，我地仲share飲，味道濃郁滑口。熊本一口牛肉串 粒粒牛肉有和牛粒咁嫩口，火喉好好，剛熟，入口即溶。唐揚雞翼4隻，好惹味，好夠味，外皮夠晒香脆，即整唔錯，內層肉嫩多汁，滿分。服務超好又貼心，好少1間餐廳入面既店員，個個侍應做野都咁快手。😂😂連廚房同水吧上菜都好快，當時餐廳係爆晒棚既，真心抵讚。

放假去左搵好姊妹食飯聊天，響大角咀特色西餐廳 La Vigne訂左位。餐廳位置寬闊，坐得好舒服。點了以下:黑松露海鮮意大利飯超好食。飯面有一隻大大既帶子，外面微微焦香，入面仲有小小溏心，嫩滑。意大利飯夠汁，夠黑松露味，飯底夠腍。海鮮幾多，有青口，鮮蝦，帶子。好食。美國安格斯肉眼扒我點左5成熟，外面焦香，入面既肉質嫩滑，仲係嫩嫩既粉紅色。佢連伴碟既蔬菜都好新鮮，真係好抵讚。通常伴碟d餐廳俾啲沙律菜都殘殘地，但呢度啲沙律菜同前菜果d一樣新鮮，清甜，爽口。連薯蓉份量都好多，甘筍仔都有好多條好抵食。😂😂😂甘筍南瓜蓉餐湯超好飲唔係講笑。個餐湯份量好大碗。而且啖啖都飲到甘筍同南瓜蓉，口感有質地，濃郁又好味，足料又好有益既餐湯。蒜蓉包唔錯，呢度連餐包都唔馬虎。好香脆鬆化，餐包夠晒蒜蓉味，搽得好均勻。鮮果沙律菜 幾好。好新鮮，有蕃茄爽甜，西瓜粒好清甜，沙律菜新鮮。意大利泡沫咖啡泡沫好綿滑，濃郁香滑。我中意咖啡拿鐵，濃郁既咖啡豆香。兩杯都係俾咖啡啡糖，令coffee味更出。熊本一口牛肉串 超正，粒粒都嫩滑，入口即溶，油脂甘香。唐揚雞翼4隻超好食。夠晒脆口，夠味。內面啲雞肉仲係超級嫩滑。係近期食過最吸引我

今天在大角咀區工作，做完嘢已經入夜了，所以就在這附近搵嘢食填飽個肚，剛巧路過這家餐廳，見外面的menu寫著一些套餐，價錢大眾化，所以便入去品嚐。餐廳不算大，卻坐得舒適，環境佈置簡約，看到門外燈箱有now同英超西甲標誌應會有足球直播吧。有格調的吊燈裝置香烤虎蝦伴櫻花蝦意粉服務員遞來的時候已聞到陣陣香氣，應該是些櫻花蝦的鹹香帶出來吧。虎蝦有兩隻，餐廳很細心的起了肉，所以不需費勁便可以整個肉拿出來吃，虎蝦肉爽有咬口，意粉很幼細，份量十足，所見應該有兩至三碗吧，意粉煙韌有勁。還發現有很多櫻花蝦在其中，不怪之得令到意粉帶來陣陣香氣吧。芝士焗西蘭花濃郁芝士包著西蘭花，令西蘭花充滿口感，對於芝士控嘅我無法抗拒。特飲西柚士多啤梨汁口感酸酸甜甜，士多啤梨蓉同西瓜蓉好有texture，開胃醒神。此外，套餐還包了沙律、餐湯、餐飽、飲品和甜品， 而且不馬虎，看得出烹調的心機， 質素也不錯， 今次一個人嚟食 ，下次可以約埋朋友再來品嚐。

大角咀位於旺角同埋奧海城之間👈，集新🔴舊地段🔵很是特別的一個區分🔶，今晚約朋友🤝到這區晚飯🍴 ，已見到很多舊舖不見了 👀，逐漸換成不同食肆小店🎊， 煥然一新🎉。朋友住在這區是地膽🎖️ ，所以帶我去這家新開的西餐餐廳🍴， 一進入餐廳內已聽到美妙的結他音樂🎸🎶，原來是一位男士🧒正在彈奏著🗣️，令場內嘅氣氛很有情調🥀。餐牌選擇不算太多📄，以套餐為主，價錢卻不貴🔆，由百零蚊✔️至200頭左右☑️，套餐還包括沙律☘️餐湯🥣餐包🥐、飲品🥤及甜品🍬，可算十分豐富。🥰美國安格斯肉眼扒🐂這個五成熟肉眼扒頗大件🈵，淨係睇到都很滿足😋，切開見到淡淡的紅色，咬落去鬆軟有序😛，五成熟度剛好🙂，不會好硬也不會太生😬，燒汁調教得味道唔錯，😝 提升肉扒口感，加上薯蓉🥔同紅蘿蔔🥕配料，整體上不錯💪。本身套餐有一杯飲品🥤，加15蚊可以改特飲，這杯雜莓梳打冰凍清新❗， 消暑解渴📶。沙律中有沙律菜🍀和一些生果🍉夠juicy，口感很fresh🗣️。餐湯是南瓜湯🥣 飲得到有南瓜蓉帶少少creamy🌈很舒服，蒜蓉包香口🌟送湯一流😃。甜品是芝士蛋糕細細件🥧，不過由於已經很飽💭，所以這件份量剛剛好💥，芝士味不會過份濃郁💢 ，我覺得剛剛好的程度，好

好近奧運站嘅大角咀 市政大樓附近有好多食肆小店, 好啱約朋友嚟呢度食飯. 七點幾食飯時間已經坐咗唔少人, 服務員有禮貌地請我哋耐心等候.烘香左脆脆既蒜蓉麵包, 配埋濃濃既甘筍忌廉湯, 好夾! 頭盤黎講, 個湯有點大碗, 要留肚食主菜~ 另外, 沙律入面放左幾款水果, 好有心思!美國安格斯肉眼扒(12oz) $218塊扒好大份, 有按要求整到7成熟, 啱啱好. 有陣陣嘅酒香味, 咬落好juicy! 特別讚配菜既露筍苗好新鮮, 係主菜既亮點!香烤虎蝦伴櫻花蝦意粉 $148果然係“香烤”, 食到第三隻虎蝦時, 仍然聞到好香既烤味. 廚師有心, 將虎蝦開邊挑走咗腸.  全碟意大利粉, 都夾雜住好多櫻花蝦同香草, 味道超濃.食完主菜已經好飽, 不過食甜品係用第二個胃既, 哈哈! 餐廳自家製嘅雲呢拿布甸, 口感結實, 雪得夠凍. 而且落咗雲呢拿籽, 所以味道好香! 一邊睇住餐廳播now台, 一邊飲朱古力咖啡(凍)好正!

難得今天終於好天又係Happy Friday ，收工出九龍走走，離奧運站不遠有間新開西餐廳，見間餐廳幾靚，而且啲晚餐價錢平就入去試下😄餐廳裝修新派簡約走工業風格，環境舒適，晚餐選擇多，而且價格便宜。羅宋湯 ～ 好味道真材實料，配香脆蒜茸包，正👍😋前菜沙律 ～ 新鮮水果蔬菜配沙律醋，非常醒胃👍拿破崙寬條麵配燒孜然羊架～ 寬條麵煙韌有口感，羊架燒得香口美味😋安格斯肉眼扒～好食肉嫩，半熟啱啱好👍😋甜品: 鮮奶布丁 ～ 好滑不太甜，啱曬我😉餐飲選擇亦多， mocha也不用加錢，而且好好飲😄👍這餐廳真正價廉物美, 不論前菜沙律、餐湯、主菜、 甜品、甚至飲品都做得非常出色，職員態度殷勤有禮。這樣高質素餐廳值得推介，下次一定要再來幫襯🤩👍