La Vigne (已結業)

Although Tai Kok Tsui is a bit off the radar, there are lots of interesting things to try.I was in the area obviously for dessert so was going to go to PRESS ENTER for lunch but it turns out that it is now La Vigne so went in anyway.Lunches are around HKD68 -88 including a drink.The decor is much the same.Friend had the steak which was big and took up most of the plate.It was covered with black pepper sauce.Definitely a good portion size and value for HKD88.As I love dill, I ordered the salmon a

大角咀好多小店，質素都幾參差。前兩晚食咗間質素唔錯嘅！門面非常之唔起眼，晚上經過真係好容易就錯過咗。 餐廳提供set dinner，價錢合理。不過我哋今晚冇食呢啲，我哋叫咗廚師推介！先來餐湯南瓜湯味道清新，都幾杰，好足料！之後仲有蒜蓉多士同埋沙律。加拿大龍蝦燴意大利飯一上枱已經聞到好香嘅味道！龍蝦尾已經起咗肉，啖啖肉咁食得好滋味！意大利飯煮得啱啱好，口感唔錯，不過成碟飯整體鹹咗少少，比較重口味食完呢個主菜已經飽咗八成，我哋之後叫咗白酒煮蜆。呢個雖然係小食，但份量唔少㗎！蜆雖然細細隻，勝在味道鮮甜甜品係奶凍芒果奶凍入面真係有芒果肉㗎食到飽飽每人先$150，下次可以再嚟試吓其他食物！

我和朋友這天路過這間小店，藏身在大角咀的一間小餐廳，店內提供多種口味的義大利粉和意大利飯，店員介紹了廚師傅推介，我們點了龍蝦尾意繪大利飯和紅酒繪牛肉，估不到龍蝦尾意大利飯是這麼好吃的，意大利飯不太硬，也不太軟，味道很不錯，龍蝦尾味道適中，紅酒繪牛肉的牛肉很淋，紅酒加上蕃茄煮出來的味道，令人食過返尋味，看得出厨師是用心烹調有質素的食品。

和老婆撐枱腳，試下新餐廳。南瓜湯賣相精緻，很少有餐湯上也有拉花。南瓜湯喝下的口感香滑，南瓜味道濃，真材實料！餐湯還配上蒜蓉包，沾著湯邊吃邊喝，不錯。芝士焗西蘭花，味道香濃有濃烈的芝士味道。目測有兩款芝士，果然誠意十足。豬肋骨燒得又香又多汁，肉質很嫩滑。吃下去成口麵是BBQ的香和濃，喜歡BBQ的朋友應該很愛這道菜。老婆話要清清地，想食個三文魚，這個寬條麵真合她意。味道不會過重，有啖啖肉的三文魚和新鮮的蘑菇，還有creamy的白汁，真不錯。蜜糖牛奶，有淡淡的蜜糖香，牛奶香濃，美味。最後以牛奶布甸甜品作結，十分香滑和香甜，老婆大愛，連我的那份也吃光了。

好朋友在附近返工，好耐無見，特登在她返工地點附近，找她吃個晚餐。從未試過這餐廳，誤打誤撞進了去。我們叫了每人一個餐，加$32可以有沙律及湯。沙律-很欣賞沙律有西瓜，剛好走過來嶄餐廳有點熱，吃下幾片西瓜能消暑。👍🏻 酸酸甜甜的沙律菜，很開胃。南瓜湯-這個湯十分推介！入口很滑，南瓜都被打成溶，甚至打至起泡，香香滑滑的口感，又有濃濃的南瓜味道，又好味又健康！👍🏻BBQ燒豬肋骨-豬肋骨很多肉，咬下去筋位滿口油香！BBQ汁很好味，而且燒得不會過乾，仍然很Juicy!👍🏻 配菜的薯蓉和什菜也很可口。三文魚寬條麵-三文魚粒粒都很厚肉、肥美，白汁做得不錯，不會太膩，寬條麵的味道剛好。👍🏻牛乳布甸-十分興奮！甜品是牛乳布甸！又香又滑又甜😋十分美味！ 唐揚雞翼-我們還叫了唐揚雞翼，炸的脆卜卜，很入味，雞翼又大隻又滑，很快便吃光光。我和朋友過了一個愉快的晚上呢！✨

在晚上的時份約了幾個舊同事食飯，因為朋友推介，我地一行四人來到了La Vigne食晚餐。餐廳環境因為燈光嘅關係有一種好浪漫嘅感覺。雖然餐廳嘅空間唔係好大，但坐低都唔覺得好焗促，幾舒適食物方面我地叫左 2個set同小食 ，每一個set 都會有餐湯餐包沙律🥗主菜飲品同甜品，好豐盛。☝🏻挪威三文魚鮮菌意大利飯飯軟硬度適中，把所有材料放入口感覺好creamy好舒服☝🏻香煎脆皮鱸魚柳配意式燴菜有2大嚿魚柳，魚質都夠滑，脆都好脆卜卜☝🏻醬燒熊本一口牛肉串不得不提，牛肉串入口即溶，好味到我地叫左兩碟

今日同爸爸媽媽嚟咗呢間La Vigne 餐廳食晚飯，見佢係新開，而且老闆又落力推介，所以就入嚟食下老闆同老闆娘好落力咁樣推介廚師推介晚餐，所以我哋就叫咗一個紅酒燴牛肉，真係超抵食，百幾蚊就有沙律做前菜，是日餐湯，主菜同埋甜品，個沙律好新鮮，今日嘅餐湯係南瓜忌廉湯，都有好香嘅南瓜味仲有個小小嘅拉花 另外我哋叫咗四個芝士蒜蓉包，啲芝士入口即溶，蒜蓉亦都好香好值得推介飲品方面我哋叫咗65 percent朱古力 好重奶味，亦都係呢度獨特嘅飲品今日嘅甜品有芒果奶凍同埋牛奶布丁，我哋每樣叫咗一個，食得好滋味，係一個完美嘅句號

尋日見完客之後就喺附近揀一間餐廳食晚飯，咁啱見到哩間裝扮唔錯，食客碟上食物賣相好靚就入去試下。本身都已經有驚喜佢嘅Dinner menu内容性價比高，平時收工去食西餐都好貴又坐得迫，但哩間唔係。之後自己叫咗個set同廚師推介嘅小食俾自己，食物一上枱就勁香，忍唔住即刻清哂，所以食物相都未嚟得切影。非常推薦大家試我見佢店舖好似有一啲到會服務提供，附近嘅機構都可以喺大event到訂購後記：有同老闆傾計發現佢地係家庭式經營，別有一番風味。

見到呢間餐廳 係新開所以就同屋企人嚟食呢度啲嘢好大份我哋又唔算好肚餓 所以嗌咗兩個餐第一個係bbq醬燒豬肋骨pork ribs 除咗用bbq醬焗之外仲有少少黑椒令到成個餸都好香另外佢嘅配菜都唔會馬虎 因為佢啲薯蓉 好香又有 牛油味另外仲有唔同款式嘅蔬菜做配菜 另一個我哋叫咗西冷牛扒 五成熟肉質都幾鮮嫩 肉汁亦都 鎖到 其實兩個餐都係配沙律前菜是日湯同埋甜品所以覺得好抵食特別想讚下呢度嘅服務態度非常好老闆同老闆娘都好親切 佢嘅甜品係牛奶布甸同芒果布甸兩個都好 幼滑

今日同朋友行經大角咀，見到一間餐廳裝修幾靚，就入咗去試。店入面環境好令人放鬆。我同朋友坐咗喺一張大枱，位置好寬敞，坐得好舒服。侍應好好禮貌，好有心機咁同我哋介紹有乜嘢食。餐廳提供好多唔同嘅選擇，例如有dinner set （包咗餐湯、沙律、甜品同埋$20嘅餐飲）， 如果揀唔啱嘅話仲有得散嗌，同埋有啲小食。而餐廳仲會有廚師推介，仲要係定期更新㗎，今晚就有燴牛尾配意粉或者配飯嘅套餐，我同朋友就叫咗個嚟試。今晚嘅餐湯係甘筍湯，飲落去好香甘筍味，好正宗。跟餐嘅沙律都做得好有心機㗎，有唔同種類嘅蔬菜，又好睇又好食。個牛尾我哋揀咗配意粉，意粉好彈牙，牛尾炆得好林，同埋好入味，尤其是係啲蘿蔔。餐飲我哋揀65%朱古力，好濃好足料好好飲，但係記得搞勻先飲呀。我哋仲另外叫咗個西班牙黑豚火腿片伴哈密瓜，性價比都好高。 另外叫咗個蘋果金寶配焦糖雪糕。睇個賣相已經覺得小店好用心整，食落去好香牛油味，絕對值得推介。整體嚟講今次用餐經驗好愉快：環境舒適、啲嘢食好好食、侍應服務態度好好。食完飯之後，侍應仲特登同我哋攞feedback添。誠意推介大家黎試下，支持下小店。

見到新開業就試一試，當日家姐生日想簡簡單單食一餐。食物好味，擺碟用心，進食過程留意到廚師好用心。預早訂位，坐位舒適。最喜歡BBQ豬肋骨，肉質鮮味有咬口唔會梅，虎蝦櫻花蝦伴意粉好濃蝦味滲入意粉內，推介今次試左加拿大龍蝦尾芝士伴意大利飯家姐至愛，可惜生日未有安排預訂小蛋糕慶祝，但整體廚師用心擺碟唔係得個樣，食物品質有水準，色香味十足👍🏻。不過值得一讚是店員對客人態度，廚師對食物要求態度好好好。期待下次再食其他菜式！

🔍大角咀大全街6號地舖「抵食·用心·有誠意」- La Vigne大角咀既餐廳遍地開花，約咗同事喺附近酒吧Happy Hour之後就決定喺附近搵埋嘢食。朋友想搵間坐得舒服啲既舖頭就揀咗La Vigne~本來諗住求其食個意粉🍝，點知佢dinner set既選擇都幾多同吸引～有個大叔店員好有禮貌咁講解咗今日既廚師推介，見到呢種小店竟然有加拿大龍蝦尾意大利飯😲即管試一試！加拿大龍蝦尾意大利飯 $198拿破崙寬條麵拼羊架 $108Dinner set 既頭盤係甘荀忌廉湯+沙律🥗+蒜蓉包～主菜上場～先嚟加拿大龍蝦尾意大利飯🦞😍😍😍個意大利飯既presentation好靚！Chef好貼心咁將蝦肉起咗殼加芝士，我好輕易咁喺蝦尾切兩下已經可以好優雅咁將肉同殼分開🤣🍴～急不及待試埋個飯😲😆😋嘩～好濃既龍蝦味，直頭好似飲緊龍蝦湯咁，連埋鮮甜蝦味濃既龍蝦肉一齊食😲唔講真係以為自己去咗高級餐廳食飯！當我同朋友都仲陶醉緊喺個意大利飯既時候，個羊架拿破崙寬條麵都上枱喇～😲件羊架都幾厚身而且煎得啱啱好！唔會過熟，肉質仲好juicy，食落仲有陣陣既孜然粉味😋寬條麵係Al Dente口感，最驚喜係個拿破崙汁有好香既青椒味

好少黎大角咀依邊 想搵間cafe chill下 慢慢同靜啲咁食個晚餐 就入左黎依間cafe仔～有好多個dinner set揀 送湯、沙律、飲品 仲有甜品！好似好抵！嗌左兩個set~ 一個係羊胺香草意粉 一個係pork ribs首先 係湯、沙律、同蒜蓉包樣樣都好有誠意湯係紅蘿蔔湯 幾特別 仲好有心機咁畫左個花主菜 羊架好多肉有手掌咁大 仲煎到出面係脆 但入面係未熟哂 點解我係屋企煎唔到咁意粉都好出色！好香香草味Ribs就好大份 有兩條 味道似茄汁 不過附送嘅汁有啲大鹹 唔點都夠好食喇～甜品 有芝士蛋糕同牛乳布甸 芝士蛋糕係高質嘅 但太細舊喇 雖然都已經好飽飲品有好多選擇 有啲要補差價 例如依個勁濃朱古力 唔會好甜 飲到底仲見到少少未溶嘅朱古力 就知有幾濃啦依間cafe真係唔錯 性價比好高 食物有心機整又好食 值得支持啊！

假期就嚟到尾聲，所以特意揀咗間冇咁近旺區，位於大角咀嘅小店La Vigne食晚餐。Dinner Set選擇幾多，仲有額外兩款廚師推介定期更新。Dinner Set包括沙律、蒜蓉多士、餐湯、餐飲同甜品，喺旺區餐廳好難搵到咁抵嘅set。沙律配搭水果，以醋調味，感覺清新。甘筍忌廉湯幾有驚喜，因為甘筍嘅甘甜味好出，但唔會有草腥味。我同朋友湯上面嘅「拉花」唔一樣，喺細節度feel到廚師嘅warmth。主菜點咗$238嘅300g西冷牛扒，呢度唔係扒房，但都用上質素頗高嘅美國Prime西冷，價錢仲十分公道。五成熟嘅西冷表面煎得微焦，帶炭香味，滲油香而唔乾身。牛扒好易切開，內裏嫰紅、多汁。伴菜亦幾有心思，薯蓉富牛油香，有少少薯粒增添口感。跟餐嘅甜品可以揀牛奶布甸或者芒果布甸，但見到menu上面嘅特色甜品，我哋忍唔住加碼。我哋好想試鹹蛋黃雪糕可惜今日未整起，退而求其次揀咗相對普通嘅Apple crumble配焦糖雪糕，但估唔到幾出色同特別。呢度嘅雪糕係自家製，焦糖雪糕食得出香濃牛油香，而且好軟滑，估唔到喺餐廳都食到高水準雪糕。Apple Crumble微暖、香脆，同雪糕好夾，絕對值得一試！

約朋友聊天唔知去邊度好，諗起有朋友介紹一間位於大角咀大全街嘅西餐廳，聽講呢間西餐廳既環境幽雅，啲意粉又好好味喎，不如去試吓啦！一入間餐廳見到裝修簡單歐陸式味道，燈光小小暗，令人有浪漫的感覺。因朋友胃口細，故點了一個Dinner set :「醬燒熊本牛肉意粉」另外加一個「西班牙黑豚火腿片哈蜜瓜」首先上餐湯，朋友飲一啖即贊好味，原來餐湯用了紅蘿蔔做主角，加上薯仔磨成溶，飲到淡淡的紅蘿蔔香味，好特別👍沙律嗰買相唔錯，啲材料都好新鮮。「醬燒熊本牛肉意粉」啲牛肉燒得啱啱好，咬落一陣陣牛肉嘅香味，意粉煮得好乾身好好味，本人覺得呢個餐$108係非常之超值。「西班牙黑豚火腿片哈蜜瓜」當中的火腿片相信是用了上乘的食材，和哈蜜瓜一齊好夾好爽口，值得一提是店主熱情好客招呼周到，俾人舒服的感覺。