La Vigne (已結業)

大角咀出名多嘢食，第一次book 呢間餐廳，經OpenRice 有9折，即免加一，即管一試。先來個墨西哥脆片伴肉醬。牛油果或莎莎醬食得多，伴肉醬真是非常驚喜，香濃惹味。唯美中不足是脆片有點油膩，如果保持乾身更好。香草芝士焗蒜茸包好香口西班牙伊比利黑豚鞍，絕對值得推介。肉軟汁多，香氣四溢。伴碟的甘筍和薯蓉也絕不馬虎，油香滿滿。巴拿馬雞胸火腿意大利飯則稍遜。雞胸太嚡了。我反而欣賞意大利飯中加入蘆筍，令忌廉汁的飯很清爽，抵讚！Americano 很有水準，雖然我唔落糖，但 test tube盛糖也很特別3人埋單，豐盛滿足的一餐整體而言，環境舒適，服務有禮貼心，值得推薦

放假休息，一個人過來大角咀試試新店。總體感覺還不錯，店主很nice，默默地認真地安靜地整理餐具的擺放。因為一個人吃下午茶，點了一份tea set，芝士焗肉醬意麵及熱檸茶。整體還算對得起價格。意麵十分爽滑Q彈，火候剛剛好，多一分太硬，少一分太軟。芝士和肉醬可能是這道菜的不足之處了，芝士味道不太濃郁，所以無法與番茄的酸甜搭配出精妙的配合。而肉餡的選取有些過分追求瘦柴，咬起來不能有汁水甚至爆漿的感覺。總體還是不錯啦，對得起價格，會下次再來~

牛油果蕃茄沙律伴胡麻汁$53沙律菜新鮮，牛油果份量都多，係一個好開胃既沙律自家製蟹肉肉醬意粉$98肉醬配蟹肉依個組合比較少見，食落又唔差。肉醬同蟹肉份量都幾多，但始終肉醬味較濃，只食到些少蟹肉味，但加入左蟹肉個口感多左絲絲肉感，都幾特別唐楊雞翼 $40雞翼炸得啱啱好，皮脆肉嫩！熱辣辣無得輸安格斯肉眼扒 $198揀左五成熟，出到黎熟度都岩岩好，無過老/難咬問題。而且表面煎得香口，內裡仍然juicy，好食😋跟餐既薯蓉都好香牛油味，極邪惡～

之前食過哩間cafe, 今次落堂又再去食多次今次就叫咗個Lunch set食先介紹個餐湯（紫椰菜薯蓉湯）同餐包（蒜蓉包）.餐湯：整體質感軟綿，入口就感受到薯蓉嘅質感，非常滿足。本人平常沙律少食紫椰菜，但做成湯嘅製法很適合我.餐包：平常食嘅蒜蓉包經常覺得蒜味唔夠香，但哩間嘅蒜蓉包絕對冇哩個問題。蒜香突出但又唔會太激烈，配上柔和綿感嘅餐湯簡直一流。圖片都可以見到蒜嘅顆粒，真材實料.主食方面（五成熟肉眼扒配意粉；汁為黑椒汁）肉眼肉質夠嫩，容易咀嚼，煎得非常香。Size也非常大，即使沒有意粉，本人相信也能達致7成飽不得不提係個意粉，比想像中彈牙，不會煮得過熟，而且看圖就知份量也不差。.主食中的薯仔拼菜更是有驚喜，它竟然非常甜美，但又不是蕃薯。用來清清口中餘味再感受牛扒的牛香味更佳。.整體食物質素很高，然而價錢卻十分親民便宜。推介大家前往附近時，一定要試！

今日為咗要遷就兩位住係太子的朋友，又聽聞近年大角咀開咗好多平靚平的餐廳，所以係OpenRice 搵下搵下，就搵到呢間餐廳。環境清潔及舒服，睇咗餐牌後，都覺得dinner set 最抵。最後朋友一行三人，分別叫咗三個不同的set. 有寬條麵併羊扒，三文魚鮮菌意大利飯，及猪肋骨薯菜。首先沙律的賣相不錯，有生果及沙律菜，味道不錯亦新鮮。今天是南瓜甘荀湯，南瓜蓉很足料。朋友食的羊扒有點羶，但可接受，及幾厚肉。另一位朋友則形容他的三文魚意大利飯夠creamy, 雖然三文魚係切粒上，但粒粒都有擦字膠咁厚，很足料，份量好夠。而我食的猪肋骨，一上碟就嚇親，大大件有兩件，心想邊食得完。朋友話，通常都係骨多不擔心。但我想話我呢碟係骨同肉都各佔一半，夠淋，容易切，BBQ 汁很野味。因為太好味，所以最後真係食曬。但就好飽囉。最後仲有5款自家制跟餐甜品，有誠意！其中朋友食的紫薯撻雖然細件，但是即做的。因為撻底係熱，內𥚃紫薯蓉係凍的，加上紫薯蓉及撻不是黏到死實實，似係即時唧上去的。真夠用心！好彩今晚人不算多，我哋坐到收工，都不比人話。舒服悠閒，好耐無咁舒服不用趕住90分鐘交枱咁食晚飯啦！呢D 食品水準，份量及服務

預祝中秋節同生日晚餐，好彩有訂位同預訂斧頭扒！訂位時因天氣發生了小插曲，👍🏻👍🏻老板即時想出方法真的太好人啦！當晚全店滿座非常熱鬧，😖有點吵鬧這是意料之外的，因局勢問題市面變得冷清。上次來的時間感覺食物味道很好環境很清靜所以再一次訂座，今次預定了斧頭扒給家人嘗試，肉味濃郁但稍熟一點，但各人都評價不錯，有反應意見!其他各樣食品都各有特色，看相片內詳列，整體直得一試再試，一讚再讚，但其待甜品款式同數量有增設，每次介紹甜蜜點選後總是有些未能品嚐因爲冇晒啦，多數只有牛奶布丁！期待下次有完美的結局！💪🏻💪🏻😘😘😋😋

今天晚上和家人一起到這裡吃晚飯慶祝生日，叫了一份70安士 的戰斧扒，戰斧扒肉質鮮嫩，非常好味，又要了一碟海鮮拼盤，有帶子、蝦、生蠔、蜆等等，海鮮很新鮮，龍蝦尾意大利飯，龍蝦尾很鮮味，意大利飯有龍蝦的味道，也叫了其他小食，如唐陽雞翼、芝士焗西蘭花、白酒煮蜆。我們還預訂了一個芒果芝士蛋糕，蛋糕裏面有新鮮的芒果粒，整個蛋糕入口即溶，很有芒果味。吃飯完了，我們每人都很滿足地離開。

和朋友路過大角咀，發現一間新開西式餐廳 ，環境優美，食物質素好，賣相一流。我們叫了黑椒雞扒意粉，雞扒肉汁鮮嫩， 意粉爽口彈牙，黑椒汁可令另上，配上即磨黑椒粒份外香濃。白汁蒜蓉蜆肉意粉有白酒香味 ，另一冷盤菜式煙三文魚天使麵沙律伴香醋蕃茄汁 ， 有創意，味道新鮮。

朋友邀請到大角咀此餐廳吃飯，第一次到來，感覺氣氛不錯。一行六人點了：美國Prime西冷牛扒，牛扒牛肉味濃，又唔韌，勁正！香烤BBQ豬肋骨，估唔到禁大份，簡直大件夾抵食，我哋五個人分每人都有兩條骨，非常美味！龍蝦尾燴意大利飯，龍蝦啖啖肉，好味！西班牙黑豚鞍扒，豬扒好juice又滑，配上蘋果蓉燒汁，簡直係我全場至愛。另外要了幾款小食：西班牙黑豚火腿片伴哈密瓜，哈密瓜又甜又新鮮，和火腿片好夾：還有焗生蠔，生蠔有蒜蓉、香草和芝士三種味道，不過要預訂；另有溫泉蛋炸雞沙律伴他他汁，飲手工啤酒一流。由於朋友生日，我們叫了餐廳自家製的鹹蛋黃雪糕，雪糕很滑，又有鹹蛋黃的香味，又不會過甜，並特別要求寫上名字和生日快樂字句，給好友一個意外的驚喜。預訂仲有九折優惠！下次一定要再來！

同朋友去大角嘴食飯，大角咀食車仔麵日本野打邊爐就多，第一次去食西餐。原本真係無乜期待，畢竟呢邊既西餐開頭係預左茶餐廳level。但食完不得了，用料新鮮，食物好高質，連擺碟都好靚。牛油果番茄沙律啲菜好新鮮，汁左啲芝麻醬係面，個比例好好，所以食落好fresh同開胃。自家制肉醬蟹肉意粉個意粉醬既蟹肉味真係好出，口感豐富濃郁但唔會漏，因為我好鍾意食辣，所以加左Tabasco，酸酸辣辣仲正，個醬好多，所以唔會乾，食極都好多蟹肉味包住啲意粉。唐揚雞翼個雞翼個皮好脆，啲內好juicy, 好好味😍香煎美國安格斯肉眼扒我地叫既係五成熟，煎得岩岩好。個肉好嫩好滑，牛扒好多汁。本身食扒係唔點汁既，但佢個汁調得好高級，唔識形容，就係個味唔係茶餐廳既紅酒汁，而係高級餐廳個種味。所以忍唔住係咁點。希望餐廳可以一直保持質素，我地會再黎。

昨天晚餐，朋友提議來 La Vigne 慶祝生日，第一次跟朋友這間很有特色的餐廳，出乎意料的驚喜：法式香草酥羊扒⋯⋯有羊味但是唔蘇，調味料極度適中，好味。美國牛柳扒⋯⋯牛枊叫了七成熟，牛柳很淋，又很有牛味。海鮮拼盤⋯⋯有三文魚、海膽、刺身帶子等等。香煎脆皮鱸魚柳⋯⋯皮脆肉嫩，攞上枱時香味十足。加＄32 便可以包餐湯、蒜蓉飽、沙律、飲品和自家制甜品，真是很底食。我們還叫了幾支手工啤酒🍻呢！下次一定會再來！ Cindy Tang: 唔該放在OpenRice

快睇 menu 都似係d普通嘢，留心一下嗰雞焗飯用蜜桃，少少甜味道有驚喜喎! 仲有eggplant 响入面。Decor 舒服，服務 warm。有放心機入去嘅餐廳，唔係行貨，食得開心。

今晚同接姐去食飯，係大角咀一頭搵食，睇下有咩好食既餐廳。呢間西餐廳閒日已經坐滿日，我地就揀咗呢間。所有set dinner 都配上蒜蓉包、餐湯、沙律、甜品，呢個價錢性價比好高。先黎係南瓜忌廉濃湯，賣相好有心思，食欲大增。一入口已經有濃濃的南瓜味，忌廉的滑溜加埋甜甜的南瓜湯，香甜可口。沙律有火箭菜之餘，仲有鮮果、藜麥；健康豐富，份量剛好。紅酒燴牛尾飯一大碟牛尾，另上一碟飯；兩個人都好夠食。牛尾有成7-8舊，加埋紅蘿蔔，份量好夠。紅酒燴出黎既牛尾酸酸甜甜，好惹味，牛肉不韌，有咬口，火喉控制不錯。香烤虎蝦伴櫻花蝦意粉一上枱已經聞到好香蝦味，虎蝦煎得好入味，落咗好多櫻花蝦、配上蒜同牛油炒香的意粉，香味四溢，意粉軟硬適中，炒得相當有水準。最後的甜品係奶凍作結，食得出係3.6牛乳而製，高質奶凍一定要食晒去。

蘋果金寶焦糖雪糕 8⃣️分 今晚既主角肯定就係佢！蘋果金香外有小脆，食落去甜蜜蜜的感覺就如乾柴碰上烈火，係你口中不斷滲透。焦糖雪糕都一樣出色，味道竟然唔會太甜，但又有濃濃焦糖既味道。雪糕同蘋果一齊食既時候，好似所有煩惱都被拋下，怪唔之得人地話甜品可以令人放鬆心情啦！/唐揚雞翼 7⃣️點5⃣️分唐揚雞翼色澤同香味都非常吸引人，而食落去果陣都係抱持酥脆，聲音十分悅耳。雞皮內的肉同雞皮外層有鮮明對比，柔軟多汁，表裏不一。美中不足就係稍微對小編而言有點鹹，所以扣了小許分數。/挪威三文魚鮮菌義大利飯 💰28 7⃣️分三文魚份量尚算足夠，質感方面都叫「後生」，食落去唔會好嚡。整體味道亦有濃濃飯香同鮮菌既味道。而且飯入面既蘑菇味道同樣出色，配合飯食更滋味。/是日餐湯沙律及麵包 7⃣️分餐湯份量很足夠，而且賣相都好吸引，確實為你帶來一個好意慾去進食。但麵包沒有特別的驚喜，有點小失望。至於沙律方面，食材新鮮，有幾舊西瓜塊，可以係炎炎夏日食一兩口都好滿足，不錯的小心機。/是日甜品 - 芒果布丁 7⃣️分自家製黎講，芒果味唔會話超級突出，因為蘋果金寶太犀利，小編同友人差點淡忘左佢既存在。但布丁食落去冇膠味，而且算係入口好快溶既質

大角咀呢條街好多間嘅西餐，今晚試咗呢間，感覺都唔錯，性價比都幾高。餐廳唔係好多位，環境幾靜。我哋要咗set dinner 加一個小食。價錢都幾經濟實惠。先有沙律同餐湯。沙律有蔬菜同水果，非常新鮮，好refreshing !仲有埋蒜蓉包！小食係要左白酒煮蜆，一點都有好多隻，味道幾好！蜆肉飽滿無沙Set dinner的西冷牛扒賣相好好！生熟程度野控制得唔錯，旁邊啲配菜都好有誠意，幾重唔同蔬菜撈埋煙肉都炒得好好食。餐飲冇乜特別，最特別係佢樽糖Overall幾好！遲下轉左set dinner menu再去試吓