Lamlam脷 (已搬遷) 新店位置

朋友話呢間cake shop嘅千層蛋糕比得上lady m,咁我襯今日lunch就搭幾個站過去排隊，1點開門，我1點10分去到已經排左20幾人。原來散件每人限購兩件 ，我唔理肥唔肥啦，食左先算。買左抹茶流心同earl grey,淨係賣相已經令我流哂口水。等唔到返屋企食啦，我去左花墟附近個公園開餐真係覺得自己好為食。一打開見到兩年咁靚嘅cake,更係要相機食先，玩完一輪之後即刻試earl grey先，因我估抹茶味會濃好多，唔想比佢distract左件earl grey嘅味。嘩，好正，甜度剛剛好，cream好滑，蛋皮唔會硬，出面好多千層cake個蛋皮都有硬化跡象好明顯呢間cake shop係真係新鮮製造，不過呢你話同lady m比較，當然都係lady m好食d，因為cream的確會滑d濃d。始終爭一倍有多嘅價錢。而lady m係大件d嘅。但公道d講，$36食到咁嘅水準嘅千層cake,真係邊度搵!好，講埋件抹茶流心，係堅流心嘅，仲要個流心cream好正，又係唔會過甜，我最怕太甜嘅甜品，而抹茶味係岩岩好。唯一不足係上面太多抹茶粉，過於苦澀，唔好抹茶嘅人可能會覺得唔好食。總括黎講，我下次都係會繼續

係Instagram見到有間千層蛋糕店係屋企附近，又有網站網媒介紹，網上仲有人話拍得住LxdyM，幾好評價，所以就去試下。第一次去4點幾5點，未閂門，但門口已經貼住售罄，所以想試就要早啲去。門市營業時間係下午1點，12點45去到已經排緊隊，有六七個人左右，等左陣就已經買到。可惜每人限購兩件，想試唔同味就要再排過隊。店面好細，雖然話有堂食位置，但只有四個，只好外賣拎走。兩件蛋糕盒仔細細，包裝都得體有幾款味選擇，每日都會轉，價錢統一＄32/35，最後我揀咗美綠脆脆同焦糖牛奶。賣相都唔錯，兩者嘅調味都幾好，甜度適中。首先講下美綠脆脆，蛋糕食落有層次，口感唔錯，唯獨球狀脆脆同蛋糕不太搭配，而且脆脆份量偏少，食落冇乜感覺。(6.5/10分)而焦糖牛奶千層，蛋糕入口偏滑有焦糖香，但我覺得忌廉太多，千層口感唔夠突出，整體感覺普通。而且裡面竟然有同美綠脆脆千層蛋糕相同嘅脆脆，感覺誠意不足。(6/10分)整體而言，味道確實冇想像同網上評價般好，有點名過於實。但勝在價錢親民，支持一下小店也好。

食開就知, 無預定要早少少去等開門, 大概12:40到門外排隊, 今次看到有些外藉人士在前面排, 似乎這小店越來越出名了, 買了我的至愛抺茶流心(都忘了第N次食了), 另買了焙茶, 其實一早想寫OPEN RICE 讚小店了, 因抺茶流心CP 真的很高, 皮薄, 奶香, 抺茶味濃, 不會太甜, 更難得的是生意很好都沒有特別提高價錢, 我幫襯了2年, 只是加了一次價,就是預定了下年4月取的整個蛋糕加10蚊, 真是很難得的小店, 作為一個抺茶控, 其實試過很多不同鋪, 出名的另外2間都好味啊!不過價錢相差很遠呢!

呢幾年社交媒體嘅盛行有好多唔同嘅自家製小店都應運而生當然都要靠人傳人嘅口碑先可以繼續營運生存呢一間小店都係由我嘅朋友share出嚟當時我都有啲奇怪點解唔係乜嘢大日子但係佢買一個大蛋糕返屋企呢原來呢一間鋪頭非常之受歡迎訂蛋糕嘅客人非常之多就算係舖頭嘅切件蛋糕，唔夠一個鐘就會賣曬所以我亦都訂咗一個蛋糕返屋企試下朱古力流心千層蛋糕的確係令我幾滿意雖然唔算好多層，但千層蛋糕嘅皮好薄忌廉亦都好多，所以食落去口感濕潤豐富朱古力味好香加埋朱古力流心就更加突顯到香濃嘅朱古力味要試呢個蛋糕就要早啲決定早啲訂啦

焦糖牛乳🍰真係好好食！好重奶味蛋香味勁重 Cream好好好好食😍非常推介😍綠茶流心🍰反而一般般可能個人唔係好好好中意綠茶味，同埋有點苦，cream有點過多。

之前係朋友介紹，話一定要開門前去排定隊，如果唔係好快就會賣晒😂初時以為佢吹水，點知第一次三點鐘去到真係乜都冇得賣😭所以之後每次都係12點45左右到達😅務求買到想食既蛋糕🍰🙌🏼今次同朋友去，所以買咗四款蛋糕🤤由我最鍾意嘅味道開始介紹先啦～～1.百香果芝士味味道夾得好好，酸酸甜甜好開胃👍🏼朋友都話好好味㗎💕2.伯爵茶味我自己本身好鍾意伯爵茶味嘅產品，所以之前迷上lady m既earl grey cake。一直想搵下有冇代替品🙈呢件都唔錯，值得一試☺️不過茶味都係lady m出啲3.檸檬芝士一樣係酸酸甜甜，食得出好新鮮既檸檬味🍋4.綠茶芝士流心我一向麻麻地綠茶產品，因為有時都幾澀。而呢件第一二啖係ok既，不過會愈食愈澀，我個人麻麻地😝不過好似都好受歡迎架～各花入各眼啦～下次要試下其他味道

一直想試好耐係開鋪前早左半個鐘排隊 都已經有幾個係門口等緊好好彩全部味都齊試左earl grey, 焙茶, 抹茶, 檸檬芝士 佢茶味好濃最重要係 唔甜!流心都好正檸檬芝士亦比一般的清新 同冇咁膩不過一定要好快食完就算係堂食食到大半 earl grey都溶溶地但以呢個價錢係超值

試過幾次收工經過，都見佢寫住售完，心唸，咁一定無得食啦！有日下午經過 2點幾，見到有個學生妺攞住，心唸，唔通仲有散件買?即刻飛去望下。果然，門口無寫住售完。即刻入去，見個版寫住得返流心抹茶千層，正好係我最想試嘅款，就買一件食。佢寫住最多散件買2件咋，不過一個人又無理由食2件啫。返到屋企雪左陣先食。雪左陣，個千層皮依然無硬到 流心出晒黎，個皮用叉一就分開又唔靭，入口丰茶味好濃，流心又好滑，仲之一句。。。。好好味呀！可惜佢釘一個，要3星期，有D難預時間買，希望下次可再買到散裝食。$36件，下次要一個人買晒2件嘅quota,肥死都係咁話。

家姐今日收工無啦啦拎左個蛋糕番黎，但明明無人生日，又無野要慶祝，覺得幾奇怪，點知佢話，呢間野好出名，出名到訂單要等幾個月先有得拎。佢公司同事請過佢食，覺得好正，就訂左。仲要特登去一個唔係咁方便既地方拎。咁巴閉，即管一試。朱古力流心7吋$190話千層，但其實唔係真係好多層果隻，比起lady m果類名店，係少左好多層，但可能因為少層ｄ，而皮又超級薄，Cream既比例就多左，層層疊疊，做倒入口即溶既感覺，好正呀。朱古力味唔係超濃，而係行好滑好creamy路線。入面流心好正，真係好好奇到底點整倒，好特別，一家人都幾鐘意，仲想試其他味，家姐食完當晚再訂，已經排到下年啦，果然真係超人氣。

琴日食完飯經過呢間店舖見到好多人排隊就知好野，我自己本身對小店情有獨鍾，再加上朋友話好出名所以無諗就去排隊。我排時差不多12:50，等到13:00佢開門就入得。原來佢只賣千層蛋糕！仲要賣到32-35蚊咁平。Sorry, 因為無諗過好食到要打食評所以無影Ｍenu。我叫左抹茶芝士奶蓋心，朋友試左伯爵茶。個抹茶芝士奶蓋試左真係返唔到轉頭，邊諗到食千層蛋糕好似飲緊抹茶芝士奶蓋咁…不過朋友個伯爵茶有啲令人失望，點都唔會係難食，但可以話係無驚喜。呢間小店受歡迎又價錢合理，高質，不得了，我諗離緊都有段時間成日食。

在電視看到介紹這間甜品小店，係一個後生女做老闆，自己做的千層蛋糕👍🏿👍🏿。我們下午2點到附近食野，好彩我地先到這買完千層蛋糕，叫店員幫我地留起先到附近食野😋😋，因為食完野行返過去時，佢已經賣完了😅😅，好彩咋，唔係就下次先有得食喇😝😝。我點了2個千層cake🍰 ，一個係焦糖😍😍另外個個係玫瑰🌹🌹，2個都好好食😋😋😋，一個係$32另一個係$35，超值👍🏿👍🏿👍🏿。而且佢呢度都有好好嘅影相位比客人影下d cake 相。仲有今年的預訂全部已🈵️，如果想訂整個蛋糕要得出年喇。

来这种人气旺店就要选工作日的工作时间，周二下午1点多到，唔使排队，不过4个堂食位都满座，只能站在另一侧吧台进食。点了一份抹茶流心千层，流心好诱人看得出非常足料，奶油都是抹茶绿，上面还加了厚厚一层抹茶粉。之前都好爱食Lady M的抹茶千层，不过75一份就太贵。这个一份32，都不到一半价钱，可以说是完美的平价替代味道就输少少，主要是奶油加得太多，边角都涂满，入口都好似吃了一大块奶油，会有一点腻。可能是为了中和甜腻感，上层抹茶粉又落咗好多，顶部又有点干，不如Lady M那么恰到好处。其实抹茶味是几乎冇差的，只是过犹不及，少点可能会更好味

對於食，我可以好神心的。「Lamlamli」係我恨食左好耐的千層蛋糕店，由ig店紅到開實體店，店主係個年輕妹妹，真係佩服佢的成功同毅力。事前做過功課，d人話開門前去到已經要排隊，但果日係閒日，12:30到，門口一個人都冇，唯有係附近徘徊到夠鐘先去。12:55到達，門口已有幾個人，不過都冇我想像中多。佢固定的口味有朱古力流心、抹茶流心、焦糖牛乳、伯爵茶、Tiramisu，另加兩個新款式，每人限購兩件，大部分都係賣$32，幾乎平Lady M一半。第一次去，先試最招牌口味。先唔講味道，單睇賣相同蛋糕的層數，絕對可以同我的愛店Lady M媲美，只係相對地細小小。食的時候就由左邊淡味開始，伯爵茶的cream做得幼滑，不過茶味唔重，蛋皮煎得夠薄夠軟，用叉好易篤開。抹茶流心應該係最出色的一款，流心效果雖然一般，但充滿茶香，一點都唔苦，又唔會好甜，唯一扣分的是，面頭的抹茶粉多左d。朱古力流心反而有點小失望，朱古力味唔太香，雖然有流心朱古力醬幫忙，但味道始終還差一點點，同樣地，面粉的粉太多。店內有4個位可以堂食，我坐底食左幾分鐘，已經見店主不斷擦走黑板上的蛋糕款式，即是已賣完了，剩下的只有抹茶同新口味，

冒著一號風球也想一試的 #千層蛋糕，還神心地在12:25分已經排隊等候。因為每人限買兩件，更有人一家三口出動。13:00 正式開店，人龍排到街角，難怪蛋糕 14:00 已經售罄。終於買到喇，一吃⋯⋯結果呢？非！常！值！得！綠茶流心的食感出奇地輕盈，皮薄抹茶味香，cream 絲滑。流出的抹茶（漿？）滑溜溜又濃抹茶味，不會過甜，好好吃呀！大愛 💕定價非常非常合理！而且蛋糕盒的設計簡約漂亮，糖果色系叫人看了就雀躍！小提示是，想買回家享受的，可自備冰袋。聽說造餅師是位小女生，妳好有才華呀！🌟

好耐之前已經有唔同朋友試左話好好味，但由於少去太子又講到要開門前去排隊先會買到，所以就一直都懶得去但一直都心思思好想試。今日去開太子食lunch，食完見到開舖無耐，就去碰下運氣點知真係買到！不過真係好受歡迎，今日閒日開店一個鐘都無就只得兩個味未賣晒，而且得少量。-• 抹茶流心千層 (5/5)抹茶味夠，而且不會很甜，又係我中意既唔甜甜品！覺得好高質好新鮮，cream同皮既比例好好，真係名不虛傳。• 香蕉朱古力千層(5/5)朱古力味好香濃，香蕉味都突出，好平衡，好足料，真係無咩可以挑剔。-同類型既甜品比較Lady M都好食但太甜太膩，而呢間完全無呢個問題。Holam Bakery有啲味道太甜，有啲味道無味，有啲口感係ok，但又有幾件可能擺過夜比較乾硬，呢間就今次兩件都完美。