Lamlam脷 (已搬遷) 新店位置

今日同朋友喺旺角花墟附近食完午餐之後就即刻行去搵呢間店， 聽講呢間店啲手製嘅千層蛋糕非常之出名又好食，於是慕名而來~果然冇令我哋失望！而且我哋非常之幸運，雖然去到得番一千零一件嘅百香果味嘅千層手製蛋糕，外表看起來非常精美，味道更加是出人意料外的好食， 不會太甜不會太酸， 感覺非常小清新，而且比外面的名店千層蛋糕相對價格很便宜，無論味道口感都更勝一籌最後，我同朋友食完之後都話下次再來試食其他味道嘅千層蛋糕

聞說這是超人氣千層蛋糕店，也看見不少食評說一件難求，所以趁平日放假姑且碰一碰運氣！這天下午一時多去到，已看到一條小人龍，心想竟然沒有大排長龍那麼好運？！但看見餐牌上本來的四種選擇中已有兩項被人手畫上橫線刪去，我便知道自己太天真，來得太遲了。由於每人限買兩件，我便只好買剩餘的兩款口味，一款朱古力流心外賣，另一款曲奇的則堂食，最後的一件曲奇被我買下了真夠運！堂食的位置不多，小小的桌子放有美麗的乾花曲奇千層蛋糕有水準！層次分明有口感，甜度適中，好好味！實在有資格同ladyM比拼一下！而且價錢上比ladyM差好遠！所以這麼好的質素確實物超所值的！朱古力流心千層蛋糕則沒有想像中的好，可能外賣回家才吃已不夠凍，影響到蛋糕的質感。

暑假時興起一股千層蛋糕熱，紛紛上哂報呢個月賺六萬，果個悠閒開舖不愁生意。咁啱lamlamli喺公司附近，好幾次午飯時間走去想買一兩件試下都碰釘講緊係佢一點開門，真係日日12點幾已經有人好神心咁排隊等？誇張到咁嘅程度，仲要鬥快排真係唔好搞我喇，上網訂算啦所以八月尾訂，等足一個月。抹茶流心千層 $190 切左刀先記得影切落感覺好厚實，feel到一層cream一層皮堆砌而成果種實淨嘅感覺。190$係大個d嘅，既然等一個月，心諗不如買大個d嘛流心嘅部分剛好佔蛋糕嘅前端。蓋面嘅宇治抹茶粉好香好甘，食得出係靚嘅抹茶粉呀。個人比較鍾意有流心嘅部分，始終crepe cake對於我黎講真係太多cream食到一半已經有d飽膩啦。欣賞店主嘅心機堅持同努力，希望你多返少少笑容啦。

Having this shop just few steps from my house, I had to go and try the cakes that they advertise on their front door. Firstly, opening hours are a bit different as it opens only after 1 pm. Secondly, it's a tiny tiny shop so if you expect to be able to sit to enjoy your cake, it might or might not be possible as the shop offers a counter for max of 4 people.Also, better go buy your cake early as they have limited cales on offer. The shop itself is cute and... well, white. Unusual for HK is that

呢間瘋魔IG 的cake shop 終於變成實體店～雖然已開了一段時間，由於太難買到😭 上次專程去不料已售罄 所以今次特地早一個月訂蛋糕⋯ send whatsapp 每次都要等1-2 日先有人回覆 希望可以覆得快少少吧～ 訂了個朱古力流心千層（$160）這價錢個人認為超值！ 終於等到取蛋糕的那一天（期待已久 等到頸都長）入到店裡 被香濃的牛油香味包圍著，聞多幾聞其實真有些少滯的感覺😬回到家裡，晚飯後便切蛋糕。從落刀的那刻大概知道口感如何～沒有認真數有多少層，👅👅 大約都起碼有20層～論「切落去嗰下」，此蛋糕是頗軟腍的（跟港女蛋糕相比，港女蛋糕是可以感受到手下一層一層的切落去，比較有彈性）論味道，我是挺喜歡這不太甜而香濃的朱古力味，而且這個有流心，但不會很漏。以價錢、外型、口感、味道去計，👅👅真的值得早早去訂購

我本身唔係話特別鐘意食甜品，但係因為身邊嘅朋友太多都鐘意啦，所以好多時候我都會陪佢地去食。而就係因為呢一次，我愛上咗甜品，尤其係千層蛋糕。朋友話我知呢一間千層蛋糕好多人幫襯，話買都買唔到，3個字就賣哂。我當時心諗唔係掛，會唔會咁浮誇。咁算啦，佢地咁有心，咁咪大家dayoff嘅時候一齊早d去排隊啦，一去到已經見到勁多人排。好啦到開門，店主就話一日有4,5隻味，咁我又冇所謂，就比我d friend揀。佢地揀咗4隻味，有香芋，抹茶，朱古力同cappuccino。第一隻食嘅係香芋，不得了，入面真係有芋頭，對我呢個冇澱粉質落肚唔舒服嘅人真係冇得輸，芋頭味好香，但係個蛋糕又唔會話好硬切唔落。第二隻係抹茶，我自己就好鐘意嘅，如果有埋紅豆就最好，食落真係好似食抹茶粉咁有回甘，又唔會好甜，食到抹茶自身應有嘅味道，甜味著重喺流心嗰到令個蛋糕都balance得好好。而朱古力方面，朱古力cream好香好正，好似食緊朱古力醬咁。個蛋糕silky smooth😍.最後cappuccino又係好正，自己平時都有飲開咖啡，直頭係齋啡，所以呢個蛋糕對我嚟講係4個入面最正嗰個。中間有d手指餅令到成個cake嘅textur

之前1點幾去到已售罄，今日未開門12:45就到達，已經有幾個人排隊了，1點未開門已有約二十人排隊，果然人氣爆燈。每人限購2件，我們２個人買到4件了，４種味道都好好味舔舔脷。

超濃郁抹茶千層蛋糕！仲有流心版！第一啖已經超感動 真心勁抹茶原本係網店既LamLam脷有實店位於太子界限街 平日walk in去買件裝超早就會賣曬呢個蛋糕係7月份訂左 9月先有得食抹茶流心 6' $160 / 7' $190我呢個係6吋size超正！第一次食到咁好食既千層蛋糕 抹茶味係濃而帶甘 食得出吾係普通cheap抹茶粉 真係誠意十足 抹茶忌廉抹茶味甘甜 而個抹茶流心醬更加不得了 先有苦澀滋味 後帶回甘 好似心太軟既感覺忌廉份量岩岩好 質感幼滑 班戟皮夠薄又夠蛋香口感仲帶點煙韌 呢個價錢 呢個質素 食得過吾係超抹茶愛好者一定覺得太苦抹茶控一定回味無窮飯後都好食到忍吾住獨食半個 真心好正！建議大家吾好walkin去買 多數撞門釘 都係訂左穩陣啲**千里迢迢拎返屋企既朋友最好放返入雪櫃雪返實淨啲cream 口感會更正

見到食評話依間蛋糕好好食，諗住試下。WhatsApp 店主問兩個半月後可唔可以訂到蛋糕。等左一個星期都冇回覆，但成日見佢上線中。究竟依啲係咩嘢服務，我知店主好忙，好多生意唔憂做，但用十秒覆message真的很難？嘗試打電話又長期冇人接聽。你可以唔接我生意，但我等緊回覆，如果唔可以訂到蛋糕，我可以再安排訂另一間。等左一星期，乜都做唔到。餐廳最緊要係服務同態度。最基本禮貌都冇，點信你，點幫襯你。唔會再幫襯。

由十九歲少女一手包辦創業的LamLamLi風頭一時無兩，下午一時開始營業，聽說不消一小時便旋即售罄。光顧當時實體店剛開張不久，下午三時許才抵達仍然口味齊全，而且沒有大排長龍能夠靜靜堂食享用。千層蛋糕每天供養口味不同，結帳時得知千層蛋糕每件只售三十多元的確令我感到詫異，畢竟親手製作過千層蛋糕，明白千層蛋糕的製作過程何其繁複麻煩，這個價錢單計手工費已實屬超值，何況味道的確出色，如斯著名大熱亦沒有坐地起價，大有良心。抹茶芝士千層蛋糕 ($32)粗略數過千層蛋糕大約有十六至十七層，班戟皮煎得透薄如紙，忌廉份量適中，而且質感方面稱得上係是輕盈軟滑。上層芝士濃郁醇厚，發現芝士和抹茶的比例經細心設計，分配約莫為一比二，但畢竟芝士本身始終與抹茶略為相沖，抹茶味無可奈何被削弱，兩者味道雖不至於平衡得相當完美，但分別而言皆屬水準之上，抹茶味亦帶淡淡回甘。抹茶流心千層蛋糕 ($32)同樣地千層蛋糕約有十六至十七層，班戟皮與抹茶芝士千層蛋糕無異，不同的是其中間位置有一層流心抹茶醬，雖不至澎派洶湧得有如心太軟一樣，但緩緩溢出的抹茶流心足以令賣相先聲奪人。抹茶忌廉其實與抹茶芝士千層蛋糕中的抹茶忌廉如出一轍，但撇除

講真小編今次真係有啲失望，因為驚喜不大。雖然叫做榛子朱古力，但查實冇乜榛子味。不過好彩雖然成個都係朱古力但係亦都唔會話太過甜，但係朱古力味又未至於話好濃。另外佢中間嗰啲朱古力忌廉食落嘅口感小編覺得有啲似慕絲。其實小編咁多年來都分唔到美祿同朱古力有咩分別，佢哋對於小編來講都係朱古力。可能下次小編是埋佢哋嘅朱古力流心就會知道隻朱古力有咩分別。佢呢個美祿千層蛋糕嘅朱古力味就會重D而且甜D，不過小編個人覺得隻甜味並唔係一味死甜，係真係可以食到一好香嘅朱古力味。另外小編覺得佢面頭嗰啲好得意，食食吓佢變咗啲好似朱古力醬咁嘅嘢。小編覺得佢哋嘅香芋味有少少似雀巢嗰隻。雖然千層蛋糕只有微微嘅香芋味，但當中又不乏牛乳味，果然襯晒個名。而且甜度亦都相對較低少少，食完都唔會話好滯好膩。另外佢裏面仲有一粒粒嘅芋頭粒喺度，芋頭味都幾出下，味道同口感都變得冇咁單調。---PS：依家佢哋嘅千層蛋糕比之前小編買嗰陣難買咗好多，以前佢哋一開門先去做都一定買到，而家冇呢支歌仔唱lu~小編已經試咗好多佢哋嘅千層蛋糕，今次就決定還原基本步試下牛乳千層蛋糕。BTW小編都係衝着幻彩兩個字去試。雖然佢叫做幻彩牛乳40層，其實實質都只

好耐之前已經由一個甜品發燒友口中聽聞過呢間由ig shop做起既千層蛋糕，最近係一啲報導上見到佢開咗實體店，好近返工嘅地點，就決定訂一個蛋糕試下因為呢間店嘅人氣十分之高，但只係得一個女仔負責整蛋糕，所以我個蛋糕都要等一個幾月先有得拎，而家嘅訂單就已經排到10月下旬啦大家想買原個就記得預早時間訂喇～（雖然鋪頭每日都有少量切件可以買，但係多數一開店好快就會賣晒啦～）7吋朱古力流心千層蛋糕 $190一切開嘅時候，發現個餡料唔夠流心，都有小小失望，但後來問返先知道，喺雪櫃拎出嚟之後要攤番5-10分鐘先會有流心～每一層嘅班㦸皮都做得好薄，而且個朱古力味十分濃郁，真係食到Lam Lam 脷呢～雖然相比之下未及lady m咁精緻，但係價錢平一大截之餘(切件$3x vs $7x)，呢間仲有獨家既流心餡料論質素，絕對係值得支持既小店！

今期流行 千層蛋糕～呢個夏天除咗水果茶 奶蓋乜乜乜開到成行成市外 千層蛋糕亦都喺其中一隻潛力股嚟～-流心抹茶千層蛋糕 ($32)呢個真喺全！城！熱！搶！事關開門唔夠半個鐘就賣哂😂好彩啊姐有早少少到去排隊～抹茶粉有回甘 唔喺街嗰啲hea 綠茶粉 無咩味又得個甜字🙈重點喺佢連cream 同餅皮都有淡淡嘅抹茶味 呢點真喺駛出真功夫 方為大師傅😂而入面嘅流心抹茶醬當然都無揸流攤 喺極度濃郁 將成件味道 再度昇華💓不過最出色嘅都喺佢地個餅皮做得非常薄 呢個價錢食到呢個質素 真心超值😍

由網上經營，到而家開左實體店嘅lamlam脷，人氣一直都好高，好評如潮。平日我都經常留意住小店嘅ig，得個睇字，雖然都算喺附近番工，但一直都未有去排隊，一來天氣咁熱，二百磅咁嘅身型要排隊唔容易，二來唔知要排幾耐，三來又怕排到差唔多嘅時候又冇哂，嗰種失落感不是咁簡單。週六剛好約左朋友喺九龍食飯，機會黎喇飛雲，於是我地打鑼咁早出門口，去到店外大約1:15pm，開門15分鐘左右，已經有十幾個人排我前面。小店只有店主一人做餅，切件味道每日不同，數量有限。為左等排隊嘅人唔洗空手而回，每人限購兩件，所以想食真係要花啲時間，準時一點鐘去排相信一定買到，只係唔知係咪想要嘅口味。店面位置唔多，單係一條人龍都夠逼爆小店，但其實有幾個位置可以堂食 (但可能太逼，所以我見9成人都係外賣)當日供應抹茶流心、朱古力流心、伯爵茶、香芋牛乳、檸檬芝士、芒果 6款口味。可惜排到我剛好兩款流心款式都沽清，真係omg的灰左，哈哈退以求其次，揀黎揀去揀左香芋牛乳同新推出嘅檸檬芝士口味，決定堂食。香芋牛乳千層 $32檸檬芝士千層 $32切件親民，以呢種人氣，我相信加價都有得做的。兩款千層細細一件，即時獨食兩件，都唔會覺得好he

1️⃣抹茶流心千層蛋糕其實小編覺得佢嘅抹茶味主要都係嚟自面頭嘅抹茶粉，因為佢中間部份嘅抹茶味就唔算太濃，但係佢嗰個流心效果真係超級正。第一次食流心嘅千層蛋糕估唔到原來個口感係咁特別，因為佢流心嗰部份會比較黏身少少。而且佢每層嘅班戟都好夠薄同埋軟熟。佢呢個真係完全一啲都唔甜，啱晒啲唔鍾意食甜野嘅人。2️⃣焦糖牛乳脆脆千層蛋糕小編覺得佢呢一個有樣地方做得比simplylife嗰個好，就係店主選擇左用朱古力脆脆波，有口感得來又唔會變淋，所以真係要俾個讚。另外千層蛋糕嘅焦糖味亦都好突出，超級鍾意呀！不過佢就會偏向比較甜少少，但小編覺得都係接受範圍之內。---PS：每人每次限購2件，仲可以選擇堂食添，雖然位就唔係好多。