Luna Kaffe

營業中

休息中

約朋友收工之後旺角食飯，行過通菜街25號地舖『Luna Kaffe 』店前，見到好多人食完行出門口，行入去又都見到好多人🤔，咁多人一定好，就食這間😬坐低拿餐牌睇，好多不同美食，同埋知道人多原因之一系👉，價錢大眾化，好抵食😽先來個例湯「黑松露忌廉湯」，熱騰騰入口香滑👍再叫咗二個小食「芝士煙肉焗蠔」及「香辣魷魚」，@$38咁嘅價錢可以食到，讃👍主食系：「白布烏冬配咖喱吉列豬扒」，烏冬口感好正🤤，豬扒炸得香炸，水準之作👍另外主食：「紐西蘭殼飼肉眼伴燒汁」，鐵板上，牛扒超熱又軟腍，不錯👍一定要提一提飲品，我哋叫咗👉「藍色庫拉索葡萄柚冰沙」，非常吸引眼球的一杯飲品，一個字🤩靚🤩另外一杯系👉「菠蘿橙汁」，又係好好飲😍成晚同友人邊食邊傾，食得開心傾得又開心，又渡過愉快的一個晚上，開心🥳

今天又到了旺角工作，晚上約了老公到附近食晚餐，走過通菜街，看見這間西餐廳，裏面坐滿是客人，看到餐牌的價錢很合理，賣相也很吸引，一於在這裏吃晚飯！香蒜欖油海鮮意粉意粉煮到剛剛好，很彈牙，用爆香的蒜蓉來炒意粉，蒜味超濃郁！用的也是橄欖油，很健康。簡簡單單配上各式各樣的海鮮配料，十分滿足。紐西蘭殼飼肉眼伴燒汁肉眼鮮嫩多汁，剛好是我喜歡的熟成度，咬落去很有口感，而且牛味香濃，食肉獸的老公大讚滿足！另外我們還加點了兩款小食，分別是牛肉薯餅和酥炸軟殼蟹！牛肉薯餅看似非常特別，決定一點。薯餅炸得非常金黃又香脆，內裏滿滿是牛肉，很少見，挺特別的。酥炸軟殼蟹非常大份，足足有一整隻大軟殼蟹。請將的厚薄度剛剛好，不會太厚，咬落外面非常香脆，內裏是酥脆的軟殼蟹。價錢相當合理，性價比絕對高，可以有下次！

自費同男朋友去食，大概6:30去到唔使等位。先講吓環境，其實就唔夠光，本身個裝修都黑蚊蚊。不過係乾淨嘅。食物種類唔算多，男朋友揀威靈頓，我就揀128嗰個漢堡。咁其實都等咗幾耐先有得食，但係好嘅位係佢真係需要時間整，薯條係真係好食嘅。我覺得128嗰個漢堡完全唔抵食，個價錢根本唔值呢個價。頂盡$90。。。威靈頓牛扒一般般，不過價錢嚟講都OK店員服務麻麻，冇咩笑容，放啲嘢落嚟好大力，其實真係唔驚焫親我哋嘅咩….. 同埋就係啲粟米放喺威靈頓牛扒隔離，但係個鐵板就好熱。啲粟米真係有彈出嚟。。。整體嚟講：價錢唔抵 服務中下 環境一般唔推介，不過唔知點解好多人排隊，到七點幾已經排長龍

約左朋友去旺角搵食-經過這間cafe 都多人排隊所以入去試試😉當時係lunch time 都有好多lunch set 揀👍每個餐都有餐湯送-黑松露蘑菇湯 🎉夠creamy 好飲。我哋揀左卡邦尼意粉， beef burger and chip , 同埋威靈頓牛扒 ，碟碟熱辣辣薯條又好味。冇諗過cafe 都有靈頓扒仲要係好juicy😋 價錢仲唔貴冇加一 是不錯的選擇

通菜街有好多餐廳，揀黎揀去見到佢有白布烏冬幾吸引，於是同朋友一於試下~餐湯係蘑菇栗米濃湯，豐富又香濃。白布烏冬 配咖哩吉列豬扒，第一次食白布烏冬，口感黏黏又彈牙，夏天冷沾非常清涼。吉列豬扒好大塊，炸得非常香脆。威靈頓牛柳，估唔到依度連威靈頓牛柳都有。鐵板一上黎就滋滋聲，叫咗7成熟，一開頭大概5成，用鐵板再將佢煎到7成。酥皮非常酥脆，牛柳好大份，好腍一啲都唔韌，肉味濃郁。可以追加小食，依個香辣魷魚係用貝殼裝住，少少辣辣地好開胃。最後再追加焦糖燉蛋，超嫩滑，蛋味好香。飲品揀咗sky blue同fruit punch，即刻要打卡，清新消暑。

餐廳非常受歡迎，晚市時段一直滿座。等位等一陣先入到去，想食嘅朋友可能早少少去避開晚市時段會好啲。威靈頓牛柳$98鐵板熱辣辣，黎到嘅時間鐘有滋滋聲。鐵板本身會有威靈頓牛柳、粟米同埋翠肉瓜。鍾意食重口味啲嘅朋友仔可以點埋隨餐附送嘅黑椒醬，黑椒味好重，同埋牛柳一齊食嘅時候會有好強嘅辛辣感。威靈頓牛柳好軟熟，而且完全冇跟。蒜香牛柳粒$38 呢一款小食都好多牛柳粒，同埋有一邊傾偈，一邊咁樣一粒一粒咁樣食好適合。蒜頭切到薄片之後煎炸到脆口，脆脆嘅蒜頭同牛柳粒口感做成對比。而且炸到好脆之後嘅蒜片味道會冇咁刺激，反而加多咗一陣惹味落啲牛柳粒度。Fruit punch $48 Fruit Punch飲到橙同埋菠蘿味，唔會太甜。大大杯咁樣好適合同朋友慢慢傾偈慢慢食飯。

旺角女人街一帶好多野食，最近去左一間Café試試佢手勢，都算驚喜！首先，隨餐會有忌廉餐湯，接住，試咗脆炸軟殼蟹，外層炸得金黃香脆，蟹肉鮮嫩多汁，咬落去唔油膩感。香辣魷魚就係另一個驚喜，魷魚煮得剛好，口感彈牙，香辣的味道令人一口接一口，特別適合喜歡重口味嘅朋友。海魷墨汁意粉，意粉煮得恰到好處，墨汁醬汁濃郁而不過鹹，配上新鮮嘅海鮮，味道非常豐富，食落去好有層次感。紐西蘭穀飼肉眼伴燒汁（五分熟）有驚喜，肉質鮮嫩多汁，燒汁味道恰到好處，輕輕一咬就能感受到肉香。飲品點左菠蘿沙冰清新爽口，完美解膩，而焦糖燉蛋則滑得來又香甜，食完後令人心情愉快。呢度環境舒適，光線亦足，不論三五知己都非常推介可以黎傾計食飯呢！😀

Luna Kaffe📍旺角通菜街25號地舖放工又約咗朋友去旺角搵食，今次早早預約好去前上司介紹嘅Luna Kaffe食晚餐。佢非常推介Luna出品嘅Beef Wellington，話算係佢喺香港食過數一數二、性價比高嘅選擇。見佢咁滿意，我都特登約朋友嚟，睇下係咪真係值得咁高評價。 💰$88白布烏冬配香烤油封鴨脾 🍜🦆估唔到一心嚟係食西餐，居然發現近排餐廳主打白布烏冬，喺西式cafe食日式美食，居然無太大違和感！我同朋友都未食過白布烏冬，所以無辦法評價佢正宗與否，但以CP值嚟講，呢個烏冬算好抵食。西餐廳食油封鴨脾，無一百幾十都落唔到樓，仲要多數配薯菜，唔算飽肚。呢個套餐除咗有隻烤得非常靚仔嘅油封鴨脾外，仲配有滑溜溜嘅白布烏冬，用托盤上菜更顯和風，頗有特色。烏冬set配有昆布湯同芝麻醬兩款沾汁，隨個人口味冷沾，因白布烏冬有薄、闊嘅特色，所以份外掛汁，入口順滑，好味道。 💰$128黃金脆香雞堡伴薯條 🍔🍟另一主食揀咗黃金脆香雞堡伴薯條，隻碟有幾大，塊雞扒就有幾大，稱佢為巨無霸雞堡都不為過！漢堡包鬆軟香脆，兩邊都有塗牛油煎香，芝麻粒亦增加口感、香氣，唔錯！主角無骨大雞扒肉質滑嫩，面衣炸至金金黃

今日好開心同屋企人去咗一間好高質素嘅餐廳，喺門口，已經見到好多人坐滿晒位，排晒隊，證明呢一間餐廳真係好受歡迎，而且生活質素好高，真係好有驚喜呀，而且食物質素種類好多，而且分量十足，價錢經濟實惠，真係好啱一家大細，情侶嚟食飯，而且佢哋嘅裝修都好靚，好有格調，而且衛生程度好高，質素都好好，侍應都好主動去為客人服務，而且我真係好推介佢哋嘅紐西蘭肉眼扒伴燒汁，個牛扒非常之彈牙，而且好惹味，配襯真係好好呀，仲有焗蠔非常足料，個肉都好多，香辣魷魚都好好食，個魷魚係非常香啦，好惹味，非常單啊，仲有佢哋最特別嘅就係八寶烏冬配輕柔鴨髀，個鴨髀個皮好脆卜卜，而且啖啖肉，仲有個昆布湯好正，個芝麻醬都好突顯到鴨味，真係好特別，出面市區都食唔到啊

Fafafoodblog為食花太郎 🍴紐西蘭穀飼肉眼伴燒汁 148 蚊🐂牛扒好彈牙 牛味夠 上枱熱辣辣 有茄子甜粟米拌碟 燒汁好香 🍴芝士煙肉焗蠔 38 蚊🧀 焗蠔芝士足料入味 蠔肉juicy 🍴香辣魷魚 38 蚊🦑魷魚香辣度夠惹味 魷魚彈牙 新鮮🍴白布烏冬88 蚊 配香油封鴨脾 🦆鴨脾個皮幾彈牙 鴨肉味香濃 點d芝麻醬突顯到鴨味 烏冬好爽口夠彈牙 點d昆布湯好正 🍴SKY blue 48 蚊🍴yakult 48 蚊呢兩款沙冰好冰涼足料 夏天飲正#魷魚 #沙冰 #益力多 #烏冬 #鴨脾 #芝士 #焗蠔 #燒汁 #肉眼扒 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#lunakaffe 旺角通菜街25 號地鋪~~~~~~~~~#fafafoodblog #為食花太郎 #fafafoodblog旺角====================

今日我同朋友喺旺角行街，咁啱見到一間幾精緻嘅西餐廳，於是即刻決定去試吓。首先上嚟嘅係今日嘅餐湯——白汁忌廉蟹柳湯。呢碗湯味道濃郁，蟹肉嘅鮮甜同忌廉嘅香滑完，飲落味道都幾好跟住試咗白布烏冬配咖喱吉列豬扒。白布烏冬口感幾特別，咬落去彈牙又爽口，加上香濃嘅咖喱醬汁，咖喱吉列豬扒份量都好大，豬扒仲要係外脆內嫩！我哋仲叫咗紐西蘭穀飼肉眼，揀咗五分熟。牛排一上到嚟，真係大到驚人，肉質鮮嫩，牛味濃郁，厚度份量真係好足！無論直接撤離食食定加上燒汁，都好好味。最後仲點咗幾樣小食，芝士煙肉焗蠔味道濃郁，蠔肉鮮美，配上cheese真係好正！脆炸軟殼蟹外面酥脆，裡面肉質鮮嫩，仲要啖啖肉，成個食都唔會好油膩！焦糖燉蛋就係西餐經典嘅甜品，香滑又唔太甜，加上蛋味都幾濃，值得推介！

之前喺舊舖食過一次 覺得性價比好高於是今次再同朋友食跟餐可以加錢轉酥皮湯 酥皮湯都係啱啱焗起所以塊酥皮好脆 加埋啲湯度都好飲湯就係忌廉蘑菇湯 起碼忌廉湯唔係好稀主角 威靈頓牛柳 雖然唔係好大嚿真係得酥皮包住個牛柳 中間冇蘑菇醬或者包住ham咁牛柳咬落慢慢先食到牛味 而且真係做到裏面5-7成熟 唔會太韌 咁嘅價錢 我覺得正常啦不過其他主菜就一般般叫咗黑椒汁豬扒意粉就真係正常普通出面食到嘅快餐味道意粉偏乾 豬扒都幾厚身 好香豬味嘅 但係都幾難咬總括而言 我覺得小店咁嘅價錢有咁嘅質素 真係性價比好高 要支持吓

女人街呢度相對上比較少cafe西餐，前排行過見過呢間簡單裝修無起眼deco嘅cafe，見餐牌啲食物吸引咗我去試🤭Dinner Set餐湯 黑松露忌廉湯🥣餐前湯尤其白湯好怕太濃味影響之後嘅胃口，呢個味道適中很可以👌🏻紐西蘭穀飼肉眼扒$148超平價🥹但份量好大好足夠肉質係幾好，鐵板上保持溫度海魷墨汁意粉同出面食開有啲分別 唔係成碟黑色魷魚係另外放上去 味道香辣惹味會為咗呢碟意粉再去😍🙂‍↕️小食香辣魷魚同意粉上面放嘅係一樣的完全唔介意🫣味道好令人回味！焦糖燉蛋係好食而唔膩嘅燉蛋👏🏼檸檬菜蜜跟dinner set免費🆓凍飲+$3益力多乳酪 +$15好濃益力多味 推介⭐️Overall性價比超級高下次試埋其他菜式🚩

Luna Kaffe位於旺角通菜街，地鐵站步行幾分鐘就到，非常方便。價錢親民，選擇都多，餐廳有鐵板燒，威靈頓牛柳 , 意粉、沙律、咖喱.............最近見有人推介呢間餐廳新出左2款白布烏冬，今日就同朋友黎試吓,星期六下午2時左右到 , 餐廳已經排緊長龍 , 好彩等大約10分鐘到就有位 , 所有套餐已包括餐湯及餐飲，餐飲有升級優惠，又可以用優惠價加配小食/甜品。而飲品方面，我地叫左2款沙冰唔記得影。我地食到好飽 , 食物質數高, 價錢相宜，值得再回頭 , 要支持本地消費 , 好食嘅餐廳真係買少見少

📍旺角喺旺角行完街好攰，見到呢間新餐廳就試吓。人山人海，都排咗幾個字。跟咗湯方，係忌廉湯。$38 炸軟殼蟹$38炸雞鎚加咗錢要咗呢兩款小食，炸雞鎚都好大隻，有三隻。炸軟殼蟹有成隻手掌咁大。熱辣辣勁好食。$88 炸豬扒白布烏冬冷沾烏冬，係咖喱汁，白布烏冬其實都出咗好多年，今次都係第一次食，口感好得意，打卡一流。另外仲有兩款沙律汁，配炸豬扒，炸豬扒勁大塊，兩個女仔share都好大份。$148 肉眼扒叫咗五成熟，啱啱好，落啲汁落去嗰陣，好似出去食花園餐廳嘅感覺，好懷念。仲有啲粟米，翠玉瓜做配菜。$48YAKULT勁好飲，係益力多沙冰，唔會太多冰，味道啱啱好。食炸嘢飲呢個好爽。$48 FRUIT PUNCH朋友就揀咗呢杯，感覺甜度啱啱好，而且漸層都好靚。