M Kitchen (已結業)

餐廳個裝修幾靚，有啲位影相都唔錯；環境光光鮮鮮，應該唔係開咗好耐。而且都有幾多座位，環境尚算舒適。有經濟下午茶餐，亦有散叫。叫咗熔岩芝士焗豬扒飯$88 ，望落去賣相都唔錯。面上邊有好多芝士，鍾意食芝士嘅人就啱，豬扒都算幾大塊，係厚豬扒。飯嘅份量都唔少，撈埋啲熔岩芝士同茄汁一齊食，仲有少少配菜，蕃茄、椰菜、西蘭花🥦再散叫咗個蘑菇忌廉湯$38。加$20可以揀唔同嘅特飲。叫咗凍百香水果茶，酸酸地，裏邊有椰果、菠蘿等。

荃灣有一間西餐廳，都幾得意，裏面啲嘢食感覺好fusion，價錢唔貴，而且喺千色匯，都算係幾近地鐵站。最近因為疫情，佢哋都早左關門（19:00關），我哋五點幾嚟食，就可以食到下午茶同埋晚餐。餐牌選擇好多，不過分類唔算非常清晰，要慢慢睇，好多資料!原個蕃茄濃湯安格斯牛肉湯烏冬$68呢個我都幾推薦，有好多件牛肉可以放落去整熟佢，有好濃厚嘅番茄湯味，番茄湯味酸酸地幾開胃呀，味道清新，而且可以加啲脆米，旁邊亦都有其他蔬菜，健康啲可以食埋裏面成個番茄，加埋啲烏冬夠彈牙，好似自己DIY咁真心吸引！石燒肉眼扒配薯條$128肉眼扒就普普通通，不過不失，有調味，口感也夠林，加啲黑椒汁或者燒汁就香啲，比較鍾意食佢個薯條，口感香脆熱辣辣，點埋個獨立包裝嘅番茄醬夠衛生！ 流心芝士西多士$32加$10有特飲 揀咗士多啤梨法國牛乳特飲$42流心芝士西多都幾香喎！裏面芝士個份量都好足夠，所以每一粒切開都有好香濃嘅芝士味，無論係熱辣辣嘅時候流心，定係攤凍咗變咗硬身芝士，一樣咁好食。士多啤梨飲品我都幾鍾意，佢個甜味非常適中，唔係出面嗰種咁甜嘅飲品，而且食到少少一粒粒口感，吸引！雪糕楊枝甘露$48（因叫咗主菜，加$20就有

依家放假得閒冇嘢做就會周圍去搵食外賣自取仲做緊七折添，一般餐廳都只係做八折，今次真係好抵公司三文治嘅餡料有蕃茄、芝士、生菜、雞扒、風乾火腿呢個餐係第一個回本位，成個餐有一整個蕃茄、一大堆意粉、有塊特大豬扒，仲有隻煎蛋都只係$52餐廳真係落足本，用咗成個蕃茄黎煮呢個湯底，所以湯底係特別健康，特別鮮甜仲有呢隻剪得好靚嘅太陽蛋，同埋下邊塊巨型可以話係T骨嘅豬扒， 如果外賣叫呢個餐就仲抵而漢堡包嘅餡料有煙肉、安格斯牛柳、芝士、番茄、生菜最後就到我呢隻巨型嘅炸雞髀，成隻手掌咁大，雖然佢係咁大，但係佢嘅雞皮食落去有種酥脆嘅口感， 下面仲有一大堆薯條，可以配埋個黑松露沙律醬添最後呢兩杯飲品都好值得去嘗試，因為呢度有我最鍾意嘅奶茶紅豆冰，而右手邊嗰杯係鮮榨嘅呂宋芒果果汁

返工蛇王去咗high tea，見到間舖靚靚仔仔就咁入去幫襯，於是去食返個我的最愛雞脾沙律舒緩一吓返工嘅壓力。侍應服務態度好又不在話下，啲餐具擺設好啱feel，我的最愛一上嚟，真係有驚喜，出晒煙！乜野冤屈氣都隨之煙消雲散。個沙律亦係用心製作，唔係水汪汪，絕對值得重點推介，食物用心製作，價錢公道又實惠，仲要送埋強肺湯水，認真貼心。下次約埋三五知己齊齊過嚟解鬱，見到隔離枱又有岩熔芝士豬扒、個番茄下面仲有個火燒住，見到都好happy，有得食、有得玩、又有得打卡呃吓like。

平時好少黎荃灣都好少黎依個商場，今次咁岩想行下就見到依間新餐廳，menu仲好吸引添，所以就同朋友黎試下喇！每人都有一杯welcome drink，係類似清補涼涼茶既野飲，甘甘甜甜都幾好味嫁。熔岩拉絲芝士焗厚切豬扒飯... It’s Raclette Cheese焗豬有芝士白汁仲未夠！仲有即刻刮落黎既raclette cheese 豬扒好厚身！夠淋又唔會乾柴，底下仲有d椰菜花、紅蘿蔔仔🥦🥕balance番哂~ 如果係炒飯底仲正啊！特濃蕃茄龍蝦湯食配熱辣辣脆米... raclette cheese好吸引？依個蕃茄龍蝦湯飯仲正啊蕃茄湯底好杰身！茄味濃郁，雖然一定有加茄汁定茄膏之類既野，但比起淨用蕃茄少左份草青味唔夠湯仲有得自己加添！將d飯浸落湯一齊食好鬼正der...除左半隻龍蝦 仲有兩隻青口、鮮冬菇、金菇 仲有原隻蕃茄啊🍅蕃茄控必嗌！

我好少去荃灣區搵食，唯獨是呢間餐廳我去過幾次。雖然佢唔係一間高級餐廳， 但環境舒服 ，食物質素高同菜式擺盤 好精緻，色香味俱全！上次同 啲侍應傾計，原來d廚師係來唔5星級酒店 以佢哋收嘅 價錢 ,真係冇得輸

雄記的關係，近來去荃灣的次數係幾年嘅總和。可能因為呢排發現去荃灣交通非常方便，於是常常去下商場買日用品，買一些必要的物品。當然，無可能餐餐雄記同米線，荃灣也有好多嘢可以食，本身想食幾出名嘅江湖小棧，可惜，去Donki已經要排隊，還是選一些不用排隊的餐廳吧。之前看到M小姐的page看到這間餐廳，千色匯的新開餐廳，相信沒有太多人知，知的原因都係因為網上有飲食雜誌拍左video推介佢。我唔否認係因為睇左朋友嘅推介先過嚟，佢寫得應該不會太差嘅，最重要係價錢吸引，外表包裝都好對辦。四個人來到，當晚已經係飲食新時代來臨，隔張枱先可以坐，幸好餐廳環境幾大，感覺非常寬敞。呢排餐廳受歡迎一定係講社會責任，餐廳雖然新開但已經做得唔錯，每位食客都會送一碗增強免疫和強肺的湯水，65歲以上嘅長者更會奉送一支，剩係呢個都抵讚。坐下唯一的不安，就係餐廳食物選擇太多，Menu也太過雜亂，揀嘢食有少少難度。前菜點了一客特色龍蝦湯，味道係有點鹹，不過都算係龍蝦湯的原裝味道，湯附上的不是粒粒嘅龍蝦肉，反而是蝦肉，呢度就帶點美中不足，記得IKEA 曾經推出嘅龍蝦湯價錢平好多，都有小龍蝦肉，當然，可能你覺得我吹毛求疵。但你繼續

今晚行完荃豐買玩具，跟住就同朋友去了這裡食晚飯，外觀餐廳整潔新整，近排食物都係想搵間舒適乾淨嘅餐廳，入到餐廳地方闊落座位舒適，而這裡比較出名嘅就係熔岩拉絲芝士焗飯系列，今次就點了個熔岩拉絲芝士焗厚切焗豬扒飯，今日份外有胃口，所以餐前點了兩個小吃，蒜香一口牛，同埋個瑞士汁雞髀，蒜香一口牛放在一塊熱湯湯嘅鐵板上，香噴噴嘅芝麻同洋蔥氣味撲鼻，入口牛肉軟熟，加埋在鐡板上嘅蒜片同洋蔥入口，味道更佳！而瑞士汁雞髀都好大隻，外面浸得夠色水，一口咬下去啖啖肉，如多一些汁，味道更正！接住就係今晚嘅主角熔岩拉絲芝士焗厚切焗豬扒飯，先上枱面見到厚切豬扒已在香軟嘅芝士上，跟住店員再手持已熔化嘅大芝士，在上面將已熔化嘅推在豬扒上，嘩！絕對係芝士控嘅選擇！趁熱食時芝士軟熟香滑味道濃郁，加埋塊厚身豬扒口感十足！上面被熔化嘅Raclette cheese包住下面又有軟滑嘅cream cheese 承住，真係十分流！跟餐可以半價點餐牌飲品，點了杯藍蝶花雪梨伴愛玉，賣相幾特別，藍色底入口有香濃嘅雪梨味道，還有杯內煙韌愛玉，夠晒口味！又發現多個好地方搵食了！

呢排都去過幾次荃灣，開始會喺OpenRice搵吓有啲乜嘢好食。見到一篇文話有間新餐廳個鰻魚飯好好食，你知而家基本上冇得去台灣吃我最愛嘅鰻魚飯，所以喺香港要搵番心靈慰藉。餐廳好適合一班女仔嚟食，Tiffany blue 的色系，看得人心花怒放。先叫了兩個湯做前菜，法式洋蔥湯同蘑菇忌廉湯都已經好出色，你知有時西餐廳呢啲所謂嘅餐湯係好Hea，好似水咁清。呢度全部都好有實力，特別愛洋蔥湯，濃郁味道，飲完都半飽。最平最好食，我一定推介的有這個原個蕃茄濃湯安格斯肥牛肉烏冬，而我最想食的日式照燒鰻魚飯，可能這裏改了Menu，之前睇好似有唔同嘅size嘅鰻魚可以揀，不過今日就只有一個選擇。鰻魚非常大件，呢個價，絕對係佛心價，當然我特別喜愛佢嘅燒汁味道濃郁，同紅磡好出名果兩間比較，呢度乾淨又靚好多。最重要係舊鰻魚非常厚切，而且大條，肉質鮮甜美味一點都唔覺將貨就價，值得一試。熔岩芝士焗厚豬扒飯又係我favorite，呢個又係心心眼之作，店方係你面前將成條熔岩芝士流落去個豬扒到，加上炒飯底，呢個真係好好味，而個豬扒大塊到好似面咁，真係好正。甜品點了流心紅豆西多，本身想叫芝士，不過唔想食太多芝士，流心流出來全

朋友推介呢間餐廳，今晚終於有機會試吓。 餐廳超貼心，一坐低就每人先提供一杯抗疫湯水，味道都唔錯。 我哋今日點咗金蒜香雞飯、蟹子楊州炒飯、黃金賽磅蟹飯。金蒜香雞飯 - 呢個飯非常香口惹味，啲雞外脆內軟，雞肉仲有肉汁，唔會煮到好乾好柴，個飯配埋啲乾蒜一齊食真係超好味，呢個下次一定會再叫嚟食。蟹子楊州炒飯 - 雖然好似好普通，但個飯係炒得好好，個飯炒得夠乾身，炒到一粒粒，好有咬口，味道亦剛剛好，好夠鑊氣。黃金賽磅蟹飯 - 呢個係配白飯食，超好送飯。份量都唔少，仲有好多粒帶子仔同西蘭花，出面其他餐廳點會有咁多吖，咁嘅價錢真係非常抵食呀。餐廳環境亦坐得非常舒服，枱同枱之間距離唔會太近。員工服務態度亦好好，好有禮貌。真係好難得而家仲有呢啲食物質素好、坐得舒服、價錢又唔貴、服務態度好嘅餐廳，下次一定會再嚟呀。

M kitchen 一間都算闊落嘅西餐廳， 環境感覺好乾淨 侍應都有禮貌👍🏻我哋叫咗， 奶油蘑菇伴辣肉腸 奶油香滑 辣肉腸味香濃😊 炸雞翼爽脆海蜇拌海膽醬， 雞翼脆口冇油淋淋嘅感覺 海膽醬味道特別， 推介 熔岩芝士 配巨雞髀飯， 有專人埋嚟幫你落芝士， 雞髀真係超巨大 仲要唔鞋 入口 嫩滑 略嫌飯唔夠多🤭， 香煎安格斯紐西蘭西冷牛扒 肉汁味濃 雖然已經七成熟 但仍然 口感唔錯 唔會覺得食柴皮🤣🤣🤣， 雜果雪糕窩夫， 正常雪糕 窩夫仍然係脆嘅， 整體嚟講價錢合理👍🏻👍🏻

太座要去千色店買肥媽煮餸夾，為咗個肚著想，梗係要車佢去啦，原本諗住都係去綠楊搵飯食，心血來潮不如掉轉方向行，過條天橋一路搵，行到尾見到門口放咗愛心抗疫湯水，話送俾老人家飲，咁有心一於入去捧場撐吓!睇吓餐牌中，見到D菜式都幾特別，“奶油磨菇伴辣肉腸”配合得唔錯，奶油唔會太稀，肉腸唔係太辣;“炸雞翼爽脆海踅配海膽醬”雞翼唔會炸得乾身，海踅真係好爽脆，配上好少食到嘅海膽醬，特別;“熔岩芝士焗巨脾飯”個仔最鍾意，芝士送飯加上巨脾，係非常受歡迎嘅配搭;“香煎安格斯紐西蘭西冷牛扒配日式燒汁”真係估唔到整得好出色，7成熟真係7成熟，唔會亂嚟，豐富肉汁唔“鞋”口，好驚喜!最後梗係要叫個甜品雪糕窩夫啦，食到比卡豬好開心!

今日同男朋友去荃灣食晚餐，這間新開的西中日式fusion餐廳好似幾多選擇，所以入去品嚐一下。環境都幾寬敞，用以葉子綠白色為主色的簡約設計，座位舒適又整齊！餐具及醬料都放在枱下櫃桶，好方便自行取用。服務都唔錯，坐下後就有一杯熱的藥材湯讓客人補一下，更細心提醒孕婦、感冒者不適合飲用晚餐款式選擇都唔少，可點小食、西多、中菜、一鍋牛肉鍋、日式、西餐、熔岩芝士焗飯、扒類，飲品有特飲、紅豆冰、健康茶等等。1. 日式照燒鰻魚飯喜歡鰻魚的我見到有鰻魚就想試試，口感不錯的香軟厚身鰻魚配上惹味照燒汁及蛋絲加木魚，喜歡夠熱的溫度，紅米白米飯在鰻魚下吸了照燒汁及鰻魚精華，但如果醬汁更多更正，配菜有爽口開胃黃蘿萄紅薑、紅蘿蔔仔西蘭花椰菜花，健康豐富2. 香煎安格斯紐西蘭西冷牛扒配薯條點了5成熟，牛扒厚度可以，咬口不錯又大件，但筋多了點；薯條是另外放在鐵架中，外脆內軟脆卜卜，薯味香滑，更有配菜（紅蘿蔔仔、西蘭花椰菜花及芝士焗半個番茄）3. 點了凍檸茶（走甜）檸檬4-5片正常的味道

朋友吃過說好好吃又不貴，今天人在荃灣就過來試一試。晚餐menu，中西日韓美食應有盡有，價錢合理，點了一份all day breakfast和肉眼扒，這個價錢有這樣的質素，實屬驚喜。這裡不是cafe形式的西餐廳，所以這份all day breakfast我本來就不會expect太多，但以 $78來說，真的很高質。牛奶炒滑蛋，雜菌，脆皮腸，四片煙肉和兩片火腿，少許沙律菜和薯角，芝士焗蕃茄和牛角包，非常豐富！味道方面就是現成貨的程度，個人覺得這個價錢已經是一分錢兩分貨，不錯不錯！肉眼才 $128，也不會期望是頂級靚牛扒嘛。但真心質素不差，帶陣陣炭燒味，伴菜方面是烚熟，這裡我覺得少許雞肋，如果可以落鑊烤一烤，應該會更出色（也不會多很多功夫...）牛味不俗，我給這一件牛扒8分（10分滿分）要一讚這裡說5成真的做到5成熟，火候控制得宜。這裡的甜品menu說真的我覺得是有點遜色，但他們的小食menu卻非常吸引！紅豆西多士直接充當甜品吧！多士中間也塞滿了紅豆，一切開就湧出來了～邪惡的甜品...很胖很胖的樣子。吃到中途，店員送上潤肺湯水，沒聽清楚是甚麼湯，不過很欣賞他沒下味精，的確是很潤喉呢。這裡還有不

放假要見下朋友先，今日去荃灣行街，咁啱係荃灣千色匯I期2樓2032號舖見到間綠綠地色，店內環保好似好多樹葉🌿包圍自己既店舖 - 【M Kitchen】門口擺放咗店舖自家製 "增強免疫力及強肺湯水售賣🥛餐牌好靚呀，仲有好多不同款既美食選擇。午餐時段去，人流比較多，等位都等咗約5分鐘到。枱上已放置水樽及水杯。當我同朋友睇緊餐牌時，有職員放下兩杯湯水"淮山靈芝補氣血"，清甜好味，健康又對身體好。餐牌上寫上不同系列既美食比你選擇，必選既系列有：🌋熔岩芝士系列🍅蕃茄濃湯系列☄石燒系列🐟鰻魚飯每個系列都有幾款不同選擇愛🧀既我揀咗熔岩芝士系列🌋熔岩拉絲芝士焗雞脾飯🧀 $88職員攞住一舊好大舊又整溶咗最面個層芝士倒入個飯到，一倒落個飯到，芝士既香味即刻沖入我既嗅覺，完完全全覺得自己被一堆🧀芝士包圍住。香濃既🧀芝士，加上嫩滑肉質既雞脾🍗，食一口就即愛上。再配上軟綿綿既飯🍚及配菜🥦。口感一流。🥩重量級石燒牛柳☄ $118牛柳選擇全熟，仲要係好大塊又厚又香，嫩滑入口即溶既🥩牛柳，配上蒜蓉醬汁，醬汁配上牛柳係最好既配搭；可跟飯或薯條，選擇香脆既薯條🍟，脆口又好味。仲有多款配菜🥦。🐝蜂蜜柚子茶(熱) $32 (