M3 Italian (已結業)

 好耐無去食意大利餐啦。趁今晚準時放工，訂左沙田圍嘅M3意大利餐廳同屋企人晚餐。餐廳擺設整齊幹淨，環境寧靜，適合一家大細享受天倫之樂🎉又或是情侶傾心💕。餐牌提供多款不同食物，有沙律丶意大利薄餅丶焗飯丶意大利粉、香口小食、甜品等。樣樣都好吸引未點餐，服務員先送上餐包🍞，仲教我哋點醋或橄欖油，會更加好味。餐包外硬內軟，而且微暖，好有口感。吾知有無得Encore呢酥炸大蝦🍤大大隻，色澤金黃，炸粉薄而香脆，蝦肉新鮮彈牙，再點埋沙拉醬，非常惹味。而配菜同樣新鮮幼嫩。值得一提：酥炸大蝦的配角有兩種特別的蔬菜，一種係櫻桃蘿卜(白色紅邊)，味道同白蘿卜差不多，不但清甜爽口，而且完全無苦澀味。另一種係雞尾洋蔥，外形似蕎頭，酸酸甜甜的好開胃。焗阿拉斯加長腳蟹意大利飯，蔬菜新鮮，芝士香濃，蟹肉肥厚，意大利飯爽口煙韌，加埋酸酸甜甜嘅蕃茄汁，味道好夾意式香草醬海鮮薄餅，餅邊香脆可口，餅底夠薄，上面鋪滿蝦🍤、八爪魚🐙、蟹肉、帶子、蘑菇🍄等豐富材料，再配上芝士烤焗。海鮮吸收芝士嘅香味，再加上香草醬，美味香口。最後又點可以少得甜品呢，大大杯嘅法式雲呢拿梳乎厘，上層焗到少少焦香，加上糖霜。梳乎厘充滿香噴噴嘅蛋白味，軟綿

今次係第一次黎M3食飯，聽同事介紹話係一間價格中等的西餐廳，就約埋一大班同事去食lunch。M3只得兩間分店，一間係沙田，一間係大圍。Set lunch 有好多種選擇，但我地都不外乎揀牛扒（$89）同羊架做Main Course,另外包沙津/湯（今日係磨菇湯），熱飲，凍飲加$4，特飲加$6，甜品加$6法式焦糖燉蛋🍮。先講沙律🥗，好豐富，有水果同蔬菜，醬汁食唔出係咩野，但酸酸甜甜，好食😋。而同事叫左磨菇湯，好多都要自己加鹽，話無味😞。至於Main Course,份量都幾多，味道唔錯但牛排太熟，超韌😣，食到一半放棄左。但拌菜值得一讚，黑松露薯蓉，好香黑松露味，薯蓉夠滑夠creamy👍🏻😍。至於烤南瓜就正常水平，不過不失。飲品方面，試左「碟豆花檸檬水」，自己加檸檬🍋，可以睇住佢由藍轉紫，又靚又好玩，味道都ok。甜品限量，先到先得，個焦糖燒得好脆，但蛋味唔夠濃，平平地算係咁😌。

今次三個人嚟食，啲嘢好食番，似啲以前初期。 T骨5成啱啱好，沙律，四式芝士簿餅推介。 海鲜拼盤同生好新鲜，有期呢度生無味嘅，煎扒永遠過熟，今次重遊舊地，啲食物水準番哂嚟。不過個别員工要訓練下，好似有個男侍應去攞走個融咗冰嘅盤，手震震倒瀉水枱度，唔聲行咗去。因為冷氣唔夠，唔好彩叫同一位侍應可唔可以調下對正我嗰部冷氣，咁啱有一家人連细路嚟到我旁邊枱坐，佢答我較底會凍到细路？？？我流緊汗呀，你話有枱客因凍所以調高，我还可以。 而家係我見你唔識攪部冷氣而揾籍口呀。 倒瀉水又得過且過行咗去，唔識攪部泠氣又揾啱啱坐低嗰枱客做籍口呢度算高價西餐，但員工一半好一半弱，另今日餐生日飯失色

沙田河畔花園連同附近幾個私人屋苑形成一個小社區, 這個小社區有各式各樣的食肆, 近幾年漸漸有些具水準的餐廳落户在這區, 其中一間正是M3 Italian，在飲食網站是好評如潮, 心想試試也沒大不了。約晚上八時來到，餐廳內的環境不錯而且簡單企理, 氣氛輕鬆隨意，很切合意大利菜的風格。拿餐牌一看, 食物分幾欄的列在內，選擇也算多。飲品方面, 點了一杯藍橘子青檸梳打, 為炎熱的天氣消消暑, 感覺唔錯。先來一小籃香草餐包, 包拿上手不算很熱, 香草味道不太濃，麵包外層有點兒硬, 不過幸好中間位還是帶點煙韌,味道還不錯。餐牌上有一味令我有興趣的意式炸雞翼, 每隻都炸得外層香脆無比, 但內裡的雞肉還是嫩滑和肉汁豐富，再配上小許辣味，惹味之極, 有意外驚喜。再來一味煙肉忌廉流心蛋意大利粉, 煙肉的鹹香味配上蛋汁的香滑, 效果唔錯, 最欣賞意粉的質地, 咬勁十足而爽口彈牙，也是美味。甜品有梳乎厘，用羹子挖了一口來吃, 口感是鬆軟的, 咖啡酒的香味可濃郁，是有水準的。吃得滿意的晚餐，原來大廚也花心思, 堅持製作出高質素菜色給食客,難怪食物的平均水準如此高。

好耐無嚟過沙田河畔花園食飯啦！呢日就被M3 Italian 嘅門面吸引，於是就決定入去試吓啦！餐前附送嘅香草餐包，賣相好可愛呢！侍應話加埋黑醋橄欖油嚟食就更加好食，不過包嘅質地有啲硬...幾十蚊嘅價錢嚟講，呢盤芝士煙肉焗半殼青口真係算抵食！芝士味都算濃，非常滿意呀！之後我哋都點咗個意大利飯同意大利麵。個飯嘅賣相都吸引。味道其實唔錯，不過個飯嘅質地太硬啦，有點可惜同失望呢...！不過呢個意大利麵都不過不失嘅！個青口都令人好回味呀！

之前行過，發現河畔附近多左好多新餐廳😄😄雖然M3都唔算新，不過今次都係第一次食餐廳環境唔錯呀，座位又闊👍👍一坐低店員好快就送上水同menu，手腳好快！又有禮貌好意外有餐包食呀！以為係冷冰冰嘅包，錯啦，係又熱又軟熟嘅包加埋醋同Oliver oil真係好正胃口大開！即煮藍青口有番茄味同芝士忌廉揀🤔🤔都好難決擇呀，我地最後揀左芝士忌廉青口入口充滿忌廉味！仲要粒粉青口都好肥美卡邦尼意粉鍾意食卡邦尼嘅原因好大機會係我鍾意食溫泉蛋😆😆所以食卡邦尼嗰陣，都幾着重佢隻蛋會唔會太熟，係咪未一上枱，隻蛋已經爛左。M3嘅卡邦尼蛋嘅生熟程度岩岩好！撈到個意粉㗎！因為我之前試過喺另一間餐廳食，隻蛋太熟，撈唔到😑😑😑意粉軟硬度適中！碟意粉好快就俾我地清曬20oz T boneT bone做緊優惠$298，原價$498!!見佢平咁多，所以叫左黎試下！揀左5成熟一上枱就聞到牛嘅香味！急不及待即刻切黎食肉質好淋呀，又唔會太血腥！牛扒係我最愛，我覺得我下次可以自私食，一個人食一塊20oz t bone食完簡直太滿足👍👍下次想試埋pizza

今日收咗工去沙田探親戚，親戚話見我成日食好嘢，帶我試吓呢間佢成日食的西式餐廳前排有dinner set 做緊，今日去就見唔到了， 但main course加$60可以轉做套餐餐包熱熱的，係香草口味， 點醋+橄欖油前菜我地點左白酒忌廉汁煮藍青口，青口粒粒都有肉，而且肉質唔柴，幾好食， 個source煮得好好， 濃稠適中我地點左一塊T-bone (20oz)，做緊特價 好平，$298大塊到兩個人食都好夠！我地點左5成熟，靠近中間有少少血水， 但肉質幾嫩，有牛味沙律菜係有調味的，酸酸地幾開胃，有解膩作用煙肉忌廉流心蛋意大利粉呢碟係我親戚每次黎都必點的，忌廉汁好夠，好juicy, 令成個口感好順。而且煙肉碎都幾多，增添左咸香味。篤爛個流心蛋，拌好個麵，變得更吸引了 好好味Special drinks 好似幾吸引，下次試埋先！

去沙田圍搵朋友食飯，經過見到呢間西餐廳門面幾好就入咗去黎到果時都係得六點有啲早再夜啲就多咗唔少客地方寬敞，坐得幾舒服，啱曬三五知己吹水，或一大班朋友黎聚會坐低就送上餐包由於果陣掛住講野，無留意到自己好弱智咁用緊把刀當食扒咁切包，熱心嘅侍應行埋黎提醒，建議個包可以用搣嘅方式黎食，再加上圖中嘅橄欖油同黑醋提升味道。舊包食落幾軟糯，添埋黑醋確實更好吃炸雜錦三式有炸蝦，雞翼同炸薯條，旁邊附有沙律醬同茄汁炸物幾新鮮，熱辣辣上枱，雞翼香口得黎好似有淡淡蒜香味四式芝士薄餅主菜食Pizza，menu有個廚師推介logo就點咗所謂四式芝士就係camembert, cheddar, mozzarella同 blue cheese襯熱咬一啖，確實嚐得出有各款不同的芝士味道同口感，大混合得來幾有層次芝士好足料蛋白餅伴鮮果 附熱情果汁比較少食蛋白餅，所以甜品就order呢個試試餅上有一層忌廉，添上藍莓，芒果等等賣相吸引，擺盤有心思食落味道偏甜，但配上熱情果汁後平衡不少，亦更添風味順帶一提，入座本來打算上openrice望下有咩推介見有set dinner打算叫，點知原來已經無咗，全散叫好好人的我又要貼餐牌俾大家

因為之前身體抱恙, 有心嘅朋友遲咗成個月都仲話要同我補食生日飯, 呢位朋友真係好窩心, 仲特登揀一間近我屋企嘅餐廳, 等我唔使行咁遠, 真係多謝佢收工都要入嚟陪我食飯💖💖💖之前同老公Anniversary都有食過M3, 感覺良好, 所以朋友話揀呢間嘅時候就即刻拍板啦!因為唔食得生冷嘢嘅關係, 望住好想食嘅生蠔都唔食得真係好傷心, 唯有叫住焗蠔嚟頂下癮🤗🤗🤗蠔味好夠, 加埋芝士同煙肉好香好好食!!!食2隻真係唔係好夠喉🤣🤣叫咗個大啡菇意大利飯, 味道好濃郁, 絕對係我鍾意食嘅嘢嚟😋😋😋😋但係對個肉眼扒就有d 失望.....叫咗7成熟, 但係熟得滯, 幾乎all done...所以"un" 咗少少😢最後嚟到甜品, 全部都有雪榚, 又係唔食得, 唯有揀我食得又係我最愛嘅焦糖燉蛋💖💖💖💖💖好味!!!朋友都叫咗個Tiramisu, 賣相好靚, 咖啡味好香, 偷食咗一啖都好好味😋😋😋😋😋下次有機會都會再嚟食😘😘😘😘😘😘

平時放假踩單車經過花園城, 都留意到一晚成日都要排隊既西餐廳M3, 朋友話平日去就唔駛排隊, 而加仲做緊原價$498 而加特價$298, 一份22安士既T-BONE,真係唔去試都對唔住自己啦~ 咁實扺~星期三既七點到步~ 真係唔駛排隊, 直入有位, 環境幾好~ 一心LAM到佢盡兩個人叫兩份T-BONE啦~點知, 2位只能叫一份, 咁為有叫其他野SHARE黎食啦~ 叫多咗一個M3 沙律, 同紅花忌廉海鮮意大利飯.食意大利野, 餐前實有橄欖油+陳醋點包包食啦~ D油同醋食得出係靚野~之後上咗個M3沙律, 有GRILL咗既雞扒, 火腿, 煙三文魚, 再加埋D咸香既GOAT CHEESE, 仲有三種唔同醬汁俾你配,好有層次既味道~ 好味既~之後上 紅花忌廉海鮮意大利飯, 首先唔講味道~ 擺碟已經好靚~ 食得出係意大利米, 中間有微微生既米, 增加口感~ 上面既海鮮用牛油煎得好香口~ 個飯我俾好高分.最後上T-BONE, (其實已經飽飽地, 如果塊扒係一早上會GOOD好多) 牛扒係靚扒, 有肉味~ 高質同扺食既~ 整體食物同環境都值80分, 可借有加一服務費~

今日約左沙田朋友食飯，上openrice search下，見到呢間甘多好評，就試下佢！呢間M3 Italian係一個寧靜既住宅區入面，但裝修布置一d都唔街坊，唔講都唔知佢係沙田第一樣叫左個M3 salad . 除左菜同goat cheese之外仲有煙三文魚，雞肉同ham做配菜；隨碟仲有3個醬汁：沙律醬，黑醋同酸醬Goat cheese十分濃芝士味，加番d黑醋落沙律食，感覺清新主菜叫咗紅花忌廉海鮮意大利飯，一上枱已經嘩一聲，擺盤好靚，濃濃嘅醬汁有海鮮鮮甜嘅味道，配埋煎過嘅帶子，蝦，青口，加上煮得微硬既正宗意大利飯，完美重頭戲叫咗20安士T骨扒，超大份！兩個人食絕對足夠，叫咗七成熟嘅T骨扒切開有微微嘅紅色，食落十分軟熟多汁，肉味亦十足，$298絕對自己煮都要呢個錢呢間餐廳絕對推介，值得一試！

行開大圍搵到呢間食意大利菜嘅餐廳，睇落好似唔錯就同朋友入左去食。呢間餐廳都開左一段時間，不過每次都係匆匆而過，今次終於入去嚐一嚐啦M3都幾多食客，大大增加左我地嘅信心！M3嘅環境都幾舒服，介乎酒吧與餐廳之間。柔和嘅燈光亦增添了不少嘅情調。最岩小聚傾計啦！入面都有好多唔同嘅意式食物可以選擇，價錢就屬中位價，唔算平。諗左好耐，最後我決定點「烤美國安格斯肉眼扒（10oz)」。$268。上菜速度都幾快，大約點了15分鐘就上菜。餐廳方面都有用心處理過件肉眼扒，因為上菜前有將牛扒稍微閒置一會，這樣可以減少肉汁的流失。可以明顯發現肉眼扒流走的肉汁不算多。依家好多餐廳為左上菜快，已忽略了這一點。M3仲保持這下做法，這點值得一讚。肉眼扒本身都有一定厚度。外皮煎得亦很香脆，用有坑紋嘅鍋煎出黎，份外有感覺呀。睇到我都食指帶動。食落肉眼扒牛味濃厚，加上本身少許嘅脂肪，煎出了油脂嘅香味，再配以濃郁嘅牛肉味，真係正！我就點了7成熟，煎得岩岩好，外層熟透，入面有一線紅，但又唔會有肉汁浸出。時間把握得岩岩好。當中嘅配菜就唔算多，有凱撒沙律配以黑醋，酸甜酸甜咁。仲有兩款唔同嘅小蕃茄仔以及小薯仔。味道清淡，岩曬配搭口味濃

今日難得放假去搵朋友食晚餐，去左呢一間西餐廳食飯，坐地鐵過去好近！一坐低佢就俾左個香草包我地食，加埋醋同橄㰖油，鬆軟，好清香，好開胃，食得出個餐包係用心自制另外我地叫左個小食，個小食有炸蝦，雞翼同暑角，個單骨雞翼仲要用薄荷香草醃製，好特別。全部都好香口而個煙肉忌廉流心蛋意大利粉，好令我意外，一撈起個麵好香蒜蓉味，食落去好重芝士，如果攪拌埋個流心蛋一齊食，岩曬鐘意食重口味的人個汁好好味吖，食唔停口！最後我地叫左個心太軟雪糕，講真呢個甜品不太甜，仲好香滑，一凍一熱甘撈捚一齊食，感覺好正👍可以下次再來！

河畔花園有唔少餐廳，食意大利西餐嘅就好似只有呢一間m3。之前試過大圍嗰間分店，覺得幾好食，今次就食河畔呢一間。喺平日嘅晚上嚟到，好好彩有位。餐廳嘅環境寧靜，有少少暗淡嘅燈光，增加咗浪漫嘅氣氛，都幾啱情侶拍拖食飯傾計。我同朋友點咗二人套餐，五百蚊再加一。套餐包兩碗餐湯、一個前菜小食、兩個主菜同埋兩個甜品。1) 凱撒沙律 (⭐⭐⭐⭐⭐):賣相十分唔錯，啲麵包粒大大舊，好有口咁。我哋揀咗配三文魚，三文魚嘅鮮味同沙律嘅醬汁融為一體。2) 烤美國安格斯肉眼扒 (⭐⭐⭐⭐⭐):肉眼扒五成熟，好大塊肉質鮮嫩，又唔會有好多肥膩嘅部分，幾好食。個人認為咁多款主菜，入面揀呢個比較抵食。3) 野菌意大利飯 (⭐⭐⭐⭐⭐):意大利飯配有野菇，用烤嘅形式煮成，非常入味。另外有黑松露嘅成分，增添咗意大利飯香味。最後甜品揀咗雪糕球，當晚係雲呢拿味道雪糕球，有兩嚿，可以同朋友share。整體嚟講，餐廳嘅味道唔錯。一個二人套餐，就可以組成一個豐富嘅晚餐。

一早於Open Rice 訂左檯, 去到唔駛等, 即刻有位,咁就叫左個2人Set, 頭盤個面包加埋佢啲黑醋, 好好食跟住個沙律都唔錯, 去到Main Course, 個安格斯都幾好食, 但最正係個四式芝士Pizza, 推介!最後甜品個食埋就好滿足了另外個經理好好, 事源係, 我地食緊野, 點知隔離檯黎左一個家庭有6個人, 其中有個係小朋友, 小朋友玩係正常, 但玩到失哂控, 家長都由得佢唔理就真係幾過份,但當我失望緊, 諗住食好野但見到有失控既小朋友, Mood都無哂, 好在經理出手, 佢走埋去同家庭講呢度重有其他客人, 要控制一下啲小朋友, 家長先郁下, 讚下個經理