Mad for Garlic (已結業)

明明很西式感覺又將自己定為韓國菜，加上以蒜為主題，足夠驅使我來一試。同時要了三款食物。先上薄餅像粟米片的蒜片焗得很脆很香，薄餅上有層芝士，加入了菠蘿和蝦去掉油膩感，食物比例很好，就算兩人分吃也不會感到很漏或滯肚，整體香口，芝士與蒜各佔一半。然後是gimmick 的蒜味麵包山會先原個上檯，侍應會在你面前把上面的蒜粉壓入法包，攪拌，再分成四份。食入口就失望了根本就是吃麵包，沒有味道 ^幾十蚊食一舊法包^ 貴，不值。最後的是意粉份量不大，所以海鮮佔有率高，味道濃郁，正常水準。很喜歡吃那綠色不知名的菜，爽脆還是不錯吃。Pizza是值得讓你到訪的一道菜，paste 是不錯還能填飽肚子，那麵包就免了。吃完滿口蒜味這沒提供我們一向應為韓國菜必備的任何食品，覺得應該當成以蒜入饌西式餐廳，免得想食韓國菜的人誤會了。

Mad for Garlic 來自韓國；風靡亞洲；於新加坡及香港🇭🇰都設有分店🤩🤩顧名思義大蒜係餐廳既殺手鐧；同時大赫係好多料理的靈魂 ，要突圍而出一點都唔容易... 裝潢的感覺走的是歐陸酒窖的風格 ，色調搭配的裝潢  ，色澤非常整體 ，天花板上的燈飾更是一絕，讓你會有一種高雅感覺.. 加上座位區非常的典雅 ，用餐起來非常舒服。牛扒和蒜頭係最佳組合，我當然唔會錯過.. 所以今次點了牛扒set.... 香嫩肉眼扒烤香後再配上龍蝦，賣相搶眼，未食已經流曬口水😋😋

落雨濕濕，拍拖梗係揀商場啦！好少黎呢度才有新鮮感，呢個檸檬西柚特飲估唔倒咁得，又比女友飲左四份三。可以想像到的味道。西柚呷味被檸檬酸拉下來，而令到整體味道上有所提升！唔係間間死都要落好多糖醬先叫好嘅。好耐無食意大利飯。呢個飯粒口感女友喜歡而我一般，可能係為左大眾化緣故。但整體個汁好有清新感覺，檸味？酸醋？個尤魚又好冧，不錯！呢個有得玩，又有得食，仲要幾好食先係上品。辣醬烤牛味濃，蒜味忌廉醬汁清爽，放入個饀皮度加埋啲黃青椒同牛，必試！帶女友出外食，食親都好正常之「悶」就唔可以啦。等位就一定要，大商場行下就可以入去。店員服務態度不錯，店內設計感覺舒服，燈光營造氣氛，很好的飲食體驗。

以蒜頭做噱頭的韓式餐廳，裝修大氣，座位舒適寬闊，食物款式新穎，加上韓風盛行，難怪人流不絕，中午時間等了十五分鐘才有位。餐牌菜式琳琅滿目，主打其實是西餐食品，要不是餐牌上有韓文，在食物選擇中絲毫感受不到一些韓國風味。蟹肉意粉，份量是可以的。一試之下，一股海鮮味道搶著鼻來，有些突兀，說腥也不算，總是有些人工添加的感覺。但所謂蟹肉，吃不出有何鮮味，整體來說就是怪。招牌蒜片薄餅，鋪上滿滿芝士，大量脆炸蒜片，賣相吸引。試一口，其實味道不俗，皮夠脆，唯獨無甚配料，咬下去只有少量菠蘿，滿口除了蒜就是蒜，吃一塊，感覺新奇有趣，吃多了，就太膩。此店以蒜頭作主題的餐廳，噱頭加上韓風不難吸引食客，不過噱頭還噱頭，食物質素始終有待提高，否則只是一間適合打卡的餐廳。

下班時間很肚餓，打算找附近餐廳食，去到這間Mad For Garlic好像不錯，排隊不算等太久，就食這間吧！終於到我們了，快看了餐牌就點了蒜香忌廉汁蟹肉及龍蝦肉意粉，蒜頭蕃茄白酒汁炒八爪魚及蜆 配法包片，熱板烤香草美國肉眼扒 配法式芝士薯蓉。首先先上八爪魚及蜆，醬汁酸酸辣辣有點酒味，法包片點汁配合一流。意粉的忌廉汁很香濃，估不到蟹肉和龍蝦肉都有很多，很好味。再來就是用熱板上的肉眼扒，上菜時熱辣辣熱油的彈跳聲令人食慾大增！肉眼扒肉質香嫩，牛肉香味十足，還有兩個醬汁配搭，十分好味！

今日往又一城買嘢，由於並非假日，遊人較少，行街購物比較自在。購物完畢之後在附近嘅mad for garlic 食過遲來的午膳。這個時間客人較少，比較容易揾位。食肆裝修簡潔，座位闊落舒適。點了五成熟熱板烤香草肉眼扒配法式芝士薯蓉和蒜香忌廉汁龍蝦肉蟹肉意粉。烤香草肉眼扒煎得唔錯，肉汁都幾豐富，最滋味是原粒煎熟完全没有蒜腥味，口感有點似薯仔，夠晒香甜滋味，熱板上保持温度。龍蝦肉及蟹肉意粉味道唔錯，蒜香忌廉汁煮得幾濃郁香滑，龍蝦肉和蟹肉和意粉拌勻，意粉夠晒腍滑，整個组合很和諧。

喜歡食蒜頭既你唔好錯過呢間餐廳因為佢既賣點就係蒜頭🤣🤣1️⃣garlic steak 🥩 喜愛食牛扒既我緊係要試下呢度既扒啦！一黎到就已經好大陣蒜香味，同埋牛扒係好淋同入味架🥰加埋蒜片一齊食勁正👍🏻👍🏻👍🏻🤤2️⃣sautéed baby octopus with clams 鐘意食蜆同8爪魚既我見到呢款小食就想試！食落去辣辣地，加埋8爪魚勁爽口！🤤蜆就唔算太多但食落都好新鮮😍3️⃣crab and lobster pasta 🍝 都係果句 海鮮控既我揀左呢款意粉有蟹肉同龍蝦肉岩晒我😍份量都算多，而且配埋個忌廉汁食得好滿足🤤👍🏻👍🏻👍🏻

休閒的下午，逛逛又一城，經過這甚有古典風味的餐廳，傳來蒜香，就進去休閒一下。座位算闊敞，也很安靜，適合談天説地。餐牌選擇也算豐富，看到餐廳的大烤箱，相信pizza也不太差，就選一款大家分享。天氣開始熱，來點開胃的，就點個墨西哥風味的。上菜了，七彩繽紛，光視覺就使人很有食慾。薄餅的餅底是薄薄的，上面有粟米脆片，墨西哥辣椒加點辣辣酸酸，再上肉末，還有莎莎，整個配搭起來南美洲的熱情都來了！點了份燒牛柳配餡餅，牛柳是鐵板上的，熱騰騰蒜香，配上餡餅，頗特別。這樣又暢談一個下午。

呢間野成日見到都想試，見幾靚又唔係好貴。今次終於搵到愛人陪我食。我揀左我最鐘意既忌廉汁煮藍青口、蒜香忌廉蟹肉龍蝦肉意粉、蒜香石斑帶子同埋意大利芝士餅。青口好好肉，又鮮甜。我最鐘意個汁，點法包一流。食到唔夠法包。意粉我都幾喜歡，因為我好鐘意佢個蟹肉，好鮮甜，意粉又好掛汁。石斑帶子亦都出色，帶子大大粒，煎得好香好正。魚又唔會好鞋好乾。不過我覺得最最最好食係tiramisu,第一次咁樣食tiramisu，餐廳將咖啡同酒分開，點黎食好得意，甜而不膩，濃濃既芝士味。好有創意。總括黎講不枉我期待左咁耐去食呢間餐廳，我覺得係好好食，好有驚喜！

好耐之前食過一次😋已經覺得好正今日再嚟覆桌😋😋😋果然仲係咁出色👍🏻叫左3樣嘢：特色蒜蓉包塔 - 有少少辣但好惹味，因為太肚餓唔記得影相😂Garlic steak - 好多炸蒜喺塊牛扒上面😗鐵板上香噴噴，一定要叫嚟食蒜頭香蕉朱古力薄餅配雲里拿雪糕 - 呢個甜品我畀100分👍🏻加左蒜頭但整體個味好夾 lamlam脷下次再去食其他菜式

三大一細午饍，叫左個二人餐，沙律好新鮮，前菜蜆＆八爪魚配法包亦好好味，主菜mfg 招牌牛扒，做到要求的5成熟，甜品香蕉牛古力 pankage亦好好味。加左個意粉亦味道可口。不得不贊賞服務，大方得體，態度殷勤，每次食完的餐碟都適時收走。因為在座有朋友生日，甜品加祝賀字句插蠟燭之余，更細心詢問主角，埋單時更親切祝壽星女生日快樂， 真係好用心👍咁嘅服務貭素，以一間商場的餐廳，今時今日好難請人的香港已實属難得。

蝦子餅愛吃蒜頭，今日就帶他來到吃過夠吧！又一城的mad for garlic, 晚上又頗有情調，我們仨被安排坐在一小圓枱，較寬敞也坐得舒適。平日7：30來到，餐廳已九成滿座。一坐下就送上香脆的蒜蓉包，焗得金黃香脆！今天由我來發板，點了沙律，意粉和意大利麵。特色雞胸沙律配雪梨酒醋汁 $138侍應生在人客面前製作沙律 ，各樣配料即時混合 ，十分新鮮 。沙律菜新鮮爽脆,內有大量芝士粒, 雪梨酒醋酸酸的，很是開胃。 Garlic snowing pizza $138大量的蒜片，pizza 內裏有蝦及菠蘿 ，待應在客人面前灑上大量的芝士條，尤如下雪般，極個pizza都很惹味， 薄薄的餅批 ，又香又脆。牛柳闊條麵香蒜忌廉球 $168混合香蒜忌廉後，整個意粉更加幼滑， 牛柳粒分量很多，闊條麵煙韌彈牙，味道不錯！這裡的菜式份量不少，食得我們飽飽的，而且餐廳也相當體貼，reception除了有薄荷糖外,洗手間還有漱口水，客人餐後可漱一漱口，不怕口中傳來蒜頭味的尷尬呢！

嚟到呢間位於九龍塘的Mad for Garlic 食晚餐。首先叫了個烤MFG招牌肉眼扒配蒜頭山， 一上到黎， 鐵板烤 香噴噴， 旁邊有菇和洋蔥, 半成熟的牛扒， 可以見到少少血絲， 送入口， 有咬口很好味.我們點了一份菠菜野菌雞肉韓風意大利飯。意大利飯雞肉十分大份，而且煮得十分creamy。我和朋友你一啖我一啖，很快就吃完。食完有小小口痕，叫多了個蒜香忌廉汁煮鮮活藍青口配法包片。 面包很脆， 青口很鮮甜， 重點是忌廉汁好濃，配面包食不停。 最後來到最愛的甜品，特濃咖啡配自家製雲呢拿雪糕感覺特別，，雪糕還要很大的一球， 看圖十分decent。我們又點了一份蒜頭香蕉朱古力醬薄餅配自家製雲呢拿雪糕。薄餅上有朱古力醬、香蕉和雲尼拿雪糕，十分滋味。

韓國菜我一向都好少接觸，因為唔太岩食，不過見呢間係fusion 既韓國菜就即管試試。係又一城既餐廳，我覺得一向氣氛都幾好，可以係因為商場設計開揚，坐得好舒服。我地叫左個忌廉汁煮藍青口+法包，蒜香忌廉蟹肉龍蝦肉意粉，蒜香扒石班配香煎帶子。青口分量都幾多下，個醬汁有小小辣幾惹味，青口亦鮮甜，好味道！食完青口用法包點忌廉汁，好香好好食。個意粉既蟹肉同龍蝦肉相當足料，兩種咁甜既海鮮加埋一齊令味道層次變得好豐富。到左我既至愛—石斑加帶子。所有野煎得岩岩好，做到外脆內juicy, 加埋蒜片就更香口。韓國fusion 初體驗非常有驚喜，極之滿意！

媽媽係蒜頭界嘅擁躉😂平日煮餸非常鍾意用蒜 就連零食佢都會同朋友焗黑蒜來分享 所以我一早就鎖定要帶佢來呢間餐廳試一次 上次來人龍超長 今日收工我即撲到去 好彩順利入座😋在我們猶豫選擇什麼食物之制 侍應送上烤到脆一脆既蒜蓉麵包 外脆內軟 滋味又打開胃口 立刻要點菜！藍芝士野菌長通粉配原個烤蒜頭 喜歡芝士的我等唔到相機食先😂芝士味濃 尤其藍芝士味道獨特 配埋一樣重味的蒜頭原來互相輝影 冇搶咗對方的風頭 醬汁濃稠度滴中 多吃都冇滯的感覺 而蒜頭烤香後好軟熟 帶甜 👍🏻至於檸檬忌廉魷魚意大利飯 帶些少辣度 同忌廉平衡返 魷魚亦都鮮嫩唔最欣賞既係TheMad Mexi Nacho Pizza🍕醬料基本上係帶辣既免治牛肉 上面佈滿墨西哥脆片！ 廚師落重本呀 加埋凍凍地既Salsa醬 so refreshing🤩本身既pizza脆上加脆 好特別既口感 仲要有8大份 兩個女人仔真係食到捧住肚走 大滿足😋