Mad for Garlic (已結業)

蒜粉既我一直都好想試，是日晏就行過見唔多人就入去一試～3點至5點係下午茶時間，就點左兩個tea set既pizza同意粉，pizza 一到濃郁芝士味撲鼻而來，加埋香濃蒜片味，正呀！另外點左蒜香卡邦尼意粉，份量都唔算少，味道一樣超濃，雖然tea set價錢唔算平，不過咖啡、茶同埋汽水係無限添飲，抵返晒啦！

之前在銅鑼灣食過Mad for Garlic，水準唔錯，今日在九龍塘上課，約左先生在又一城晚膳，今晚光顧這間分店，顧客甚多，等左一陣终於有位。點了辣免治牛肉墨西哥脆片意大利薄餅，惹味香口，辣免治牛肉夾著脆片薄脆餅底，辣中有脆，很有嚼口，淡淡莎莎醬更可提升薄餅汁感，好味!地中海式雜香草香蒜素炒意粉清淡香口，淡脆蒜片香草沒有蒜青味，正好減輕其他食物嘅油膩感。熱板澳洲牛肉炒韓國牛油飯配太陽蛋吱吱聲奉上，撈匀嘅蛋飯在熱板上產生陣陣蛋香和飯焦香，牛肉滑嫩鲜味，好有煲仔飯感覺。

今日放假，約左朋友Ａ係九龍塘傾前程問題，睇左陣Openrice就選左呢到，諗住環境ＯＫ又坐得舒服。朋友Ａ係附近準時收工，６點就到達餐廳，人不多，侍應一早講清潔９０分鐘要交枱，ＯＫ無問題，要左個最角落既２人枱位，一坐低就有面包食，叫左以下３樣野:-1) 藍芝士， 蜜糖義大利薄餅 $158 (餅薄, 芝士味易入口,  加上蜜糖就好好食, 好似華夫餅,食呢個唔易飽, 可以食下其他野)2) 鐵板烤香草美國肉眼扒配法式芝士薯蓉 $258 (肉眼扒同個蒜頭煮得好好食, 3個最好食係呢個, 薯蓉就失色得多)3) 肉醬意粉 $168 (普普通通)食物整體上都好食, 雖然CP值不高, 但都叫對得住個價錢, 可惜服務之差不吐不快.PS: 事源入場時已講好90分鐘交枱, 我地六點入場, 食物亦上得好快, 但六點尾七點前已經有侍應見我地停左手傾野想幫我地收左D野, 亦見有碟清左亦立即收起, 七點過後, 我地只餘下最後既食物:一片薄餅, 問多左次仲要唔要, 最後在星期三平日既晚上7點05分, 在仲有大量座位既情況下, 侍應帶來另一枱二人客坐係我地旁, 亦給我們最後通諜"唔好意思, 有人要,要交枱", 我地都只快

媽媽生日，講明想食下新野，記得上次行過又一城見到呢家MAD FOR GARLIC, 覺得好像幾特別，所以今次就帶母親大人來一起食下新菜式。主菜餐牌真係好多都是用蒜頭做的，不論意粉、PIZZA、頭盆麵包，都是用蒜頭主題。MENU中英韓文，先知道原來是西韓FUSION的菜式。都幾特別。周一晚8時，店內都唔是好多人，也不用排隊，而且都安排左一張好大的位，我們一行人都坐得幾舒服。侍應生服務都很好，好NICE而且耐心介紹食品，最後埋單時，仲建議我地入會，因為有甜點送，的確是好介紹。GARLIC PANCAKE上有球雪糕，而且可以即時寫HAPPY BIRTHDAY. 來之前問過，如果自帶蛋糕，要收$150切餅費。呢個奶凍都有GARLIC元素，就是入會送的。每一個人入會，就會送一個。牛扒面上的蒜頭係好好食，從來未食過咁有口感又咁甜仲要唔臭既蒜頭，我覺得真係好SURPRISE, 比起個扒仲吸引呢~前菜送的GARLIC BREAD都好脆好好味好多脆卜卜的蒜頭片~~~

來自韓國的大蒜主題餐廳【Mad For Garlic】可以說是第一家以大蒜為主角的義式餐廳，以不同款式的蒜頭入饌做菜，端出各式各樣的美味大蒜料理，今天晚上終於能夠品嚐令我滿心期待，相信⋯喜愛大蒜的人一定不能錯過這一家主題餐廳喔！地理位置方便位於九龍塘又一城，門面非常開陽有一種是開放式的設計，入口進來的右邊是酒櫃！整體裝潢的感覺走的是歐陸酒窖的風格 ，餐廳內部空間挑高設計，以銀金調與木頭色調搭配的裝配上天花板上的燈飾更是一絕！個Menu…好吸引呀，見到有大蒜會以烤、油漬、或糖化、脆化等烹調方式。雖然是韓國的牌頭，實際卻是韓式混意大利菜。有多款食品表面都鋪滿蒜片/蒜絲，很符合餐廳的名字喔。店員先送上餐前法式麵包，烤至金黃，有著香蒜味道香濃，吃起來滿滿的蒜香。先到的是⋯🔹微辣檸檬忌廉魷魚韓風意大利飯 配醃漬蒜芯     Lemon Calamari Cream Rsotto $138外表看來普普通通味道會比外表更吸引，不過口感就欠奉了。意大利飯整體用上忌廉汁煮,然而所有水份有點多,表面濕潤黏黏的，飯身較淋而沒有想像的口感和韌性。配料則用上韓式辣椒,魷魚圈,檸檬角,和醃漬蒜芯。有韓式辣椒在,每

餐廳以蒜頭名做招來 我留意左好耐！ 辣免治牛肉墨西哥脆片莎莎醬pizza，重味朋友岩哂！最中意綠辣椒夠辣地道！ 之後係蒜片辣椒銀魚意粉。個種辣的刺激係令人精神為之一振既！最愛之選！香草肉眼扒，滑溜充滿油香。未食過咁多汁，予人新感覺。最中意係香草黑椒鹽，鹽最簡單帶鮮味，呢到更一次過滿足三種感覺！芝士薯蓉一拮落如芝士蔴薯！口感煙韌！正！ 牛柳蠔油吸管粉既粉，吸汁入味，夠特別！ dessert蒜頭香蕉朱古力薄餅雲呢嗱雪糕，雪糕濃郁，蒜頭冇難入口的味！

我一向都鍾意食蒜，所以知道有 Mad for Garlic 就一定要去試。早前在又一城睇完戲，立即去試試。因為唔係好肚餓，所以只係點左三樣食物每人會有一塊蒜蓉包，面頭的牛油蒜蓉好香Pumpkin spicy cream pizza南瓜片好甜，雞肉加埋微辣少甜嘅汁，味道豐富。薄片pizza 好脆，好似餅乾，好鬆化，所以食三塊都唔會太飽。肉眼扒配法式芝士薯蓉肉眼扒超厚，肉汁好多，五成熟剛好。仲有個焗左嘅蒜頭，可以弄碎做蒜蓉，配上肉眼扒食，有點點嘅甜味。薯蓉超多芝士，好濃厚好滑Affogato特濃咖啡配自家制雲呢拿雪糕，一倒熱咖啡落雪糕上，雪糕慢慢溶化，甜甜苦苦的，有種百般滋味在心頭嘅感覺，好棒下次要再來試，見到旁邊食客的食物，好吸引

又來到又一城shopping,不經不覺已行到二時，於是便到了L1 的Mad for Garlic 吃個遲來的午餐。Garlic Snowing Pizza ($138)我為「蒜」來這店，必然要選這個MFG招牌意大利薄餅；薄餅皮是脆脆的，上面豐富的餡料有爽滑的蝦仁，甜甜的菠蘿和大量脆如薯片的炸蒜片。 上抬的時候，服務員即場加入大量芝士在薄餅上，就像下雪般；相信就是此薄餅名字的由來。吃的時候，皮脆餡既爽又軟，拉絲的芝士配餡料極有口感，滋味無窮。Grouper Steak ($258)賣相頗爲美觀，石班扒頗大塊和厚肉，煎得皮脆而肉爽，帶子亦煎得恰到好處，食味和口感甚佳，伴碟的蔬菜和蒜子醬汁微辣，配海鮮來吃，最為恰當。

朋友話有間餐廳專門用蒜頭加入菜式，咁特別就嚟試下點左辣免治牛肉墨西哥脆片配莎莎醬薄餅，材料充滿墨西哥風情，鋪滿脆片同辣椒，脆卜卜又火熱嘅感覺即時出現烤香草美國肉眼扒，要讚牛肉嘅鮮嫩多汁，肉味濃郁，只需簡單配上鹽或醬汁就可，而芝士薯蓉嘅芝士味十足，食落似蔴薯口感牛柳蠔油吸管粉就似中式口味，粉煮得剛好，帶出中西合璧嘅感覺甜品必點蒜頭香蕉朱古力醬薄餅配雲呢嗱雪糕，從未試過甜食蒜頭，好有驚喜今次叫左芒果果茶，清新又開胃餐廳以蒜頭為噱頭果然夠有趣

今日同朋友去又一城溜冰，呢個星期溜冰場$10入場費，超級抵！玩左成個上午，好肚餓，要揾地方食飯，剛剛行過Mad for Garlic，見有位就入左去食！環境好好，坐得好舒適。今天叫左個Caesar Salad，呢個比較特別，真係成棵菜好新鮮咁放上碟，超級多芝士同夠晒新鮮！另外Garlic Snowing Pizza，主要有蝦菠蘿同蒜片，個Pizza底好薄👍👍藍芝士野菌長通粉配香烤完個蒜頭，黎得呢度就一定要叫一款有成個蒜頭嘅菜食下啦！啲芝士同蒜頭都好香好好食😋

放工後約了一個朋友在又一城的Mad For Garlic食飯。店如其名，這間餐廳以蒜頭為主題的韓國風西式食物。剛剛坐下，侍應就隨即送上兩件蒜蓉包，雖然只是餐前小食但絕不馬虎，麵包脆口而又充滿濃郁的蒜蓉味，令我十分期待這間餐廳的主菜（PS 張餐紙設計得很靚！）我們首先點了一份招牌肉眼扒。肉眼扒以鐵板上，並鋪滿了炸香的蒜片，蒜片的份量非常多，堆積滿了整個鐵板。五成熟的肉眼扒煎得恰到好處，肉質鮮嫩多汁，配上蒜片一起進食，滿口蒜香，極度美味，非常推薦，即使你不特別鍾愛蒜味，也會愛上。另外，也點了牛肉炒韓式牛油飯，同樣地這個飯以鐵板上菜，一來既可保溫，二來又可以熱力確保牛油不會凝固，令飯變得油膩。食之前先戳破太陽蛋，將蛋漿和放在一旁的番茄莎莎拌進牛油飯之中，就如傳統的韓式拌飯一樣。每顆飯粒充滿牛油的香氣，牛肉也炒得淋身嫩滑。後來鐵板上的飯慢慢形成了飯焦，變得香脆，口感一流。來到韓式餐廳，我們當然要點杯韓國啤酒！

由細到大都好鍾意食蒜頭，一直都好想搵一間專食蒜頭嘅餐廳，咁啱女朋友同我講有同事試過仲要好好味非常值得一試嘅西餐，收工就即刻過去撐枱腳啦😃裝修好有文青氣息，環境非常好👍🏻如果多人食嘅話可以選擇SET，非常抵食👍🏻話明係蒜頭精肉精就梗係揀返廚師推介嘅蒜蓉山肉眼扒👍🏻五成熟非常啱啱好，超級好味！👍🏻😋跟手再叫忌廉龍蝦肉蟹肉意粉，真材實料，啖啖蟹肉，唔係平時市面上見到既蟹柳蟹絲，非常之CREAMY，推介！貼心嘅地方係食完之後，餐廳怕客人個口會充斥蒜味，放咗好多薄荷糖喺門口俾你清口氣，加分！！下次一定會再試！😋😋😋

平時好鍾意去九龍塘又一城商場行街兼食飯，因為太多舖可慢慢行， 通道又闊，行得好舒服。 行到攰，搵間餐廳都唔困難， 今日行了幾粒鐘便食這間Mad you garlic, 坐得舒適，食得美味，絶對幫襯得過。蒜香白酒海鮮湯意粉， 食材有海蝦、鮮魷和蜆肉，材料新鮮， 海蝦彈牙、鮮魷爽口、加上蜆肉陣陣白酒味，食落好開胃。菠菜野菌雞肉韓風意大利飯， 黏口的意大利飯配上韓式嘅煮法，非常特別，味道也錯，衹嫌雞肉醃製得比較鹹啲，否則更美味。甜品叫芝士蛋糕配藍莓醬,芝士味道香滑，食落不膩口，配上藍莓醬一齊品嚐,正。最後梗係要返杯熱嘅cappuccino慢慢嘆，慢慢坐， 簡直人生一大享受。

首先本人係一個蒜迷，食乜都加好多蒜頭蒜蓉落去。我都幾出奇我到而家先去呢一間Mad for garlic到試，的確令到我冇失望！我哋揀咗又一哩一間分店，過咗八點鐘食飯時間都仲要等位。等左大約20分鐘先有位。一坐落嚟飛鷹就即刻俾咗頭盤蒜蓉包我哋。但係我覺得個蒜蓉包冇乜蒜蓉味，但係係送既就算啦另外我哋仲帶咗兩杯野飲，我記得我叫左個雜果飲品，個嘢飲就太甜而且啲生果雪到好似沙冰咁，食到我敏感性牙齒發作。哈哈但係主菜方面餐廳就做得比較出色，我哋叫咗一個蒜片牛柳同埋蒜味蕃茄青口食。 哩一個蒜味牛柳真係不得之了，啲蒜片有成座山咁高㗎，上菜嗰陣成浸蒜頭味撲埋你，我諗鍾意食蒜頭嘅朋友一定會覺得好正。個牛我哋叫咗medium rare，餐廳唔幫我地煮到個牛咁熟。一口牛再加多幾塊蒜片食好食到不得了。哩個牛得會比9分另一個蒜味番茄青口就不過不失啦，始終青口我都係覺得用白酒煮會好食啲。因為今次我覺得返佢番茄嘅酸味蓋過咗青口嘅鮮味。搞到我個青口冇乜特別。下一次你我會選擇食其他有蒜頭味嘅嘢多過海鮮。唔好浪費左自己的quota丫嗎最後我哋叫咗個好特別嘅甜品，蒜頭味奶凍。呢個甜品同埋蒜片牛柳一樣留下好深刻嘅印象比我。奶凍

今晚來到了這間韓式Fusion菜餐廳，主打食蒜！炸蒜片薄餅：看了openrice，似乎這個是每個食客都必點的菜式，所以我們都要一試。Pizza的主要配料是蝦仁和菠蘿，並在表面放滿了大量的芝士，以及這間餐的招牌炸蒜片。餅底超薄香脆，仲有淡淡的牛油和蒜香，完全沒有想過炸蒜可以和pizza咁match。一定要趁熱食，凍咗之後餅底就會煙煙韌韌，冇咗香脆的口感。秘製豬腩肉配牛油餡角：這個是朋友的選擇，平日的我很怕肥膩的豬腩肉，但這間菜與我原先想像的有很大反差。食法是將肉沾上以蒜配製的醬汁，加上洋蔥、蘑菇、蒜片等，夾在烤餅內。菜式配以兩種醬料，包括韓式風味醬和蒜香乳酪醬，我自己非常喜歡韓式風味醬，非常野味，很配合這個烤肉夾餅！焗脆糖漬蒜蘋果金寶：Apple crumble好多地方都會有，但這裡的就加入了以糖醃製過的蒜，非常特別。酸酸甜甜的蘋果，配以餅碎、提子乾、香脆的蒜片一起食，再加上雲呢拿雪糕，十分滿足，為這頓晚餐寫上完美的句號。