Made in HK Restaurant (已結業)

唔平，兩個人埋單lunch set 差不多$300但d食物質素極低服務態度一般，員工態度極hea黑衫肥仔經理一路serve人一路唱歌，完全唔專重人個膊頭係咁un，好似抽筋咁，咁都做到經理，仲要俾加一服務費俾你地，完全無服務囉唔該成餐飯d野食好難食，完全唔值100一個set當中一次伏，仲要叫自己做made in Hong Kong，未食過d西餐咁難食個青蘋果吉列豬排飯好難食另一個牛柳磨菇飯叫做好少少，不過都係難食，食個茶記都無咁嬲呢間野揾一特色係裝修幾令，比d港女打下卡po上網

又係一間乏善足陳既餐廳，係大型商場入面、裝修靚靚仔仔、餐牌吸引但食物好一般果類要咗個田園沙律配檸檬蜜糖醬，個沙律幾新鮮，但個醬係敗筆，係，有三種醬選擇，而的確係我㨂呢個醬既，不過，唔好食既醬汁就唔應該推出啦，對不？個沙律醬係甜既，甜到好似食緊甜品咁，完全無食沙律既感覺... 真係知佢係健康食物，所以夾硬食晒佢...仲要咗個流心西多，認真，茶餐廳既西多好食過佢，佢真係除左甜味無其他香味...朋友要咗個卡邦尼意粉，佢話都ok既，所以總括呢間餐廳ok啦，唔好食又唔難食囉...

#小秘書 成晚囉囉攣瞓得唔好😪 未夠六點鐘已經爬起身等天光 💤 既然瞓唔返，就索性起身沖涼、洗頭🧖🏻‍♀️ 早啲出去食個早餐先去做massage🍽 平時假期起身一般都有遲無早😌好趕時間，所以只可以去快餐店求其食啲就行人，不過今朝大把時間，就搵個地方hea吓☕️嚟到 HK.apm 可能時間尚早，Made in HK Restaurant 暫時唔係太多人，見到餐牌上嘅食物都幾吸引😍 就入去試吓！一般放假嘅時侯，#小秘書 通常都捱到兩三點先去食嘢👀 不過今日實在太早起身，所以感覺特別肚餓😋 因為呢度嘅早餐選擇唔多，我好快就揀咗 #牛尾羅宋湯扭扭粉、#炒蛋 配 #蒜蓉多士 + #熱咖啡 做我個 #早餐 ☕️ 落單冇幾耐，咖啡先上枱，之後好快就輪到扭扭粉、炒蛋同多士🐣🍽 早餐份量出奇地大份，應該足夠我飽到去三四點再食下一餐😅 牛尾同羅宋湯都好足料，配埋扭扭粉味道好夾😋 師傳將牛尾炆得好淋滑，羅宋湯入面又多什菜、味道好香濃👍🏻 雖然 #MadeInHKrestaurant 係比快餐店嘅早餐貴少少，不過質料又真係好好多wow!

今日放學之後約佐fd起APM行街🤗，行之前我地hi佐個tea！一入黎環境唔錯。我打開menu就睇中呢個三層tea set好特別！因為我地兩個唔係好肚餓所以就單點了呢個set而已，送兩杯飲品🍹黎佐之後我好慶幸我地冇叫多個餐！有椰汁紅豆糕（唔好食），焦糖燉奶我最愛❤️肉醬薯皮，叉燒酥（一般）迷你熱狗（OK）芝士多士（好食）雞翼⋯野食總D黎講OK的，不過呢價錢就有D小貴！下次會黎距的晚餐，睇menu好似都不錯！

味道ok, 一般港式茶餐廳的味道。因為環境比較舒適，價錢當然貴d啦。二人份量的港式3層 tea set $ 188。 如果唔係好似我咁，冇食午餐，當late lunch的話，應該會好飽，或者食唔晒。。。 鹹點有mini hot dog, mini pizza, mini potatoes skin, 义燒酥， 4隻炸雞翼，味道不錯。甜點有玉桂多士，紅豆奶凍，焦糖燉蛋，每樣都幾好。凍檸茶令我好滿意。XD 一間茶餐廳的凍檸茶好唔好飲好重要㗎！依度嗰本，紅茶唔會太濃太澀，仲有半個檸檬。

今次同朋友到觀塘食野，我地叫左2個沙律同一個小食併盤~當晚大約係星期二晚，7：15pm, 門外冇人等位，所以一到餐廳就可以即刻入去，唔駛等餐廳燈光偏暗，環境都算大，食物種類都係西餐個d, 意粉，飯，沙律，併盤 etc..講番食物，我叫左西柚蝦沙律，味道都幾清甜，西柚唔苦，賣相都好colourful, 望落食落都好開胃~朋友就叫左芝麻醬帶子沙律，佢話佢個個都幾好食，帶子都係帶子味，冇咩特別~小食併盤: 有雞翼，腸仔，牛柳粒同薯條，望落去既感覺係好多肉同埋好多油，味道一般~總結，閒日不算多人，野食普通，但可以約埋三五知己聚下傾計都唔錯

今日下午我們約咗好朋友喺觀塘apm嘅「Made in HK Restaurant」見面兼下午茶！我們叫咗午餐肉炒蛋菠蘿包嘅包質好軟熟，頂層嘅菠蘿皮相當香甜酥脆，午餐肉嘅表面煎得都幾焦香，炒蛋亦好嫩滑，夾埋一齊食，口感相當豐富！牛尾羅宋湯扭扭粉配農場鷄蛋·蒜蓉多士嘅羅宋湯底味道非常濃郁，牛尾嘅肉質相當軟滑腍身，而且好入味，最好係唔會有「硬實實」嘅感覺，扭扭粉亦好煙韌彈牙，真係好正呀！呢個套餐原本係配蒜蓉多士，但變咗係菠蘿餐包！珍寶熱狗嘅包質好硬好乾身，一啲都唔軟熟，至於條熱狗腸祇係一條普通嘅鷄肉腸，而唔係一條特長腸或者司華力腸，呢點真係令我們覺得好失望呀！

約咗個舊同事前輩食飯，諗黎諗去唔知食乜好，七點幾行到嚟APM見到呢間餐廳都尚算有空位，於是決定坐低食個便飯由於我哋都唔係太肚餓嘅關係，都只係叫咗三樣嘢...烤蝦雜果沙律 $68份量好大碟，啲蔬果都好新鮮，有三至五隻鮮蝦，咬落爽脆焗牛舌飯 $88好耐冇試過食焗飯了，好懷念焗飯上面嘅個啲芝士，呢碟焗飯份量亦都適中，牛舌厚厚的， 10分有咬感流心吉列奶黃西多 $48呢個不得了，西多士炸得外皮好脆，一切落去入面的奶黃流出黎，唔算太甜，味道更香脆Peach Delight $38飲品方面就叫咗呢杯蜜桃梳打，好香甜的蜜桃味，消暑一流

只有個半鐘頭嘅時間， 匆匆忙忙去食個下午茶， 揀咗就近嘅apm裏一間香港製造嘅餐廳。流心吉列奶皇西多 $48外型好討好， 但係一切開便知龍與鳳 一啲流心嘅感覺都做唔到， 入面嘅餡料少得可憐， 冇咩味道。 炒蛋一般滑， 麵包過咗氣，唔鬆軟。 特餐2  $73 (連炒蛋麵包)蕃茄濃湯都可以， 可惜佢個價錢一啲都唔值囉。 呢杯嘢要加八蚊，味道好淡，又係唔值。 咖啡普普通通冇特別。 炸雞翼  $58雞翼真係好流呀! 現場環境都幾暗，加上出面又落微微雨， 坐嘅雖然係卡位，但係並唔係好舒服，要墊個咕先至可以挨住嗰個椅背。真的不可以有下次

最差嘅一次下午茶經驗今日點咗下午茶H餐，係肉醬雜菌意粉餐飲點咗cappuccino因為我哋2人用餐，又唔知有冇人均消費要求，於是另外點咗杯黑牛首先個侍應廣東話差到我哋問佢有冇人均消費, minimum change 都聽唔明個麵好勁味精，食完好口乾，又唔舒服我已經唔係特別對味精敏感嘅人，但係食完都好唔舒服。餐飲cappuccino 都好難飲，機沖出黎都咁難飲!杯黑牛就係成餐最失敗嘅嘢!! 成48蚊!!!但係收得咁貴杯嘢都仲可以咁垃圾!!!!😡😡😡😡黑牛supposed 係可樂加雪糕呀，雪糕改做cream 唔係問題，落咩爆炸糖可樂糖都唔係問題! 大佬杯可樂冇汽架!!! 我冇見過任何餐廳serve 完全冇汽嘅可樂架!!!😡😡😡😡杯嘢飲咗2啖就放棄咗!直頭想叫佢回水!!!唔會有下次!!絕對唔建議呢間嘢!!!

剛剛食了塊T骨16安士，叫7成熟，T骨到了，骨25mm左右，未食過咁厚，但兩邊肉係薄同尖，唔係平時骨同肉差唔多厚度果種，骨又大又厚，薄果度熟哂，近骨係5成熟，大家可以想像到，骨一定佔成塊扒一半以上，我做左8年廚，呢塊T骨係會趕客，我真係好想換，禮貌地說扒的問題，佢拿去廚房，之後原塊比返我：唔好意思先生，我地塊塊T骨都係咁切法,咁，唔緊要啦，無問題，我知道廚房叫你黎，唔關你事。Made in HK???????????????????

I stood at the door with no servers/managers to be seen. I actually have to walk inside the restaurant and ask for a table.Food was great! Especially the toast with custard filling. Heads up to the chefs👍🏾I ordered a latté, which was definitely filtered coffee with milk added. I asked to change, the server gave me a long face, and left my table while I was still talking. The 2nd one came, which appears to be the same. Then I decided not to drink it, even I asked to change again, it would still b

APM入面呢間早餐的確係必選👍相應食物質素味道同環境，價錢都好合理~坐bar枱仲有地鐵來來回回睇，啱哂小朋友👍少少陽光照著很有情調😂早餐menu，各有特式，B餐推介👍👍👍算係豐富幾飽，食完可以直接跳去tea time ， lunch 都慳返價錢包熱飲B餐，牛尾湯通粉，牛尾每一次食都咁正，煮得好淋好入味最鍾意佢比啲細細粒部份，可以直接食有時比大舊啲嘅，都唔難切，輕易食到羅宋湯底好好飲，食咁多次，味道都保持到水準次次飲哂，定必見碗底😂蒜蓉多士，脆口，正炒蛋唔使講，正F 餐，正正常常，唔會失望👍不過牛角包呢，有時會硬左少少很值得推介👍👍👍最緊要係咩時候去都招呼得好好👍👍👍

成日經過apm都會見到呢間餐廳 個名夠曬親切 made in hk🇭🇰💜好耐之前食過一次tea 但太耐了都唔係好記得 今次同朋友走去試多次😃夜晚6:30 咦 唔洗排wor 即刻走去食 值得讚既係服務好同餐具所有嘢都好乾淨👍🏻而且坐得舒服wor😄.餐湯普通 不錯既👍🏻但沙律🥗個汁好酸 自問自己本身都食得好酸 但佢醋既酸我就麻麻☹️ 紅茶☕️無糖 如要甜既可自己加糖.朋友食牛扒大蝦薯菜🐂🦐🍟 佢點5成熟 但就有啲un 普通好食 蝦就直情唔得😑食到係雪藏 肉有啲梅 唔新鮮彈牙 薯菜都係普通😪..我食既大蝦扁意粉🦐🍝好多菇 (小伏 menu無寫佢有菇) 我本身唔中意食菇 隔開左 大蝦同朋友既蝦一樣 都係2隻 都係梅身 扁意粉普通 個粉多三色椒 mix埋個味係不錯👍🏻..但總括黎講 性價比麻麻 可能唔會有下次🤦🏻‍♀️❌ 唯一好既係真係好適合gathering 而且地點方便 服務質素高 侍應們好有禮貌又不停斟水

向APM行到攰想揾個地方坐下順便食下嘢， 就嚟到Made In HK Restaurant， 入去睇下menu有乜嘢食， 最後揀咗一個HK Style High Tea Set (2人用) $178加一，Tea set入面有玉桂多士，紅豆椰汁糕，焦糖燉蛋，叉燒酥，炸雞翼，肉醬焗薯皮，夏威夷薄餅，迷你熱狗，再包兩杯飲品。 玉桂多士比較硬身同埋凍咗。紅豆椰汁糕幾好味， 好香椰汁味。焦糖燉蛋亦都唔錯， 燉蛋好滑。叉燒酥唔好食， 完全食唔到叉燒酥嘅味。炸雞翼夠脆皮，唔錯。肉醬焗薯皮 & 夏威夷薄餅，黎到已經凍冰冰。迷你熱狗還可以啦，味道普通。總括嚟講high tea set做得麻麻地， 如果佢送嚟嘅食物可以保持返個溫度會比較好， 至於甜品嗰一part都可以接受！餐廳環境坐得都幾舒服， 店員服務普通！