Makuma (已結業)

今日同男朋友去荔枝角買完寵物嘢就順便食埋個晚飯，唔想行咁遠就揀咗D2 one 樓下嘅依間日式cafe。香煎大蝦明太子意大利麵，個菜名望落好西式，佢就加咗啲紫菜碎喺面頭，成碟意粉既刻變日式洋食，大蝦都煎得幾香，意粉掛汁，啖啖都沾滿明太子忌廉，幾好食，賣相同擺盤都好靚，色香味俱全。男朋友叫咗灸燒慢煮24小時日式叉燒 •月見冷烏冬，叉燒有三塊，size大約都有我手掌心咁大，同埋都幾厚切，食落好淋同入味，相信真係慢煮出嚟。今次我哋都冇叫嘢飲，就係為咗留肚食甜品，朱古力窩夫・麻糬・黒糖蒟蒻・海鹽焦糖醬。估唔到有4塊窩夫，食落外脆內軟，最鍾意就係個麻糬，超煙韌，佢整到好似一張被冚喺窩夫上面，打卡一流。唯一覺得美中不足係冇雪糕，我諗加埋雪糕成件事會好開心。餐廳環境裝修幾靚，座位都幾舒服，加埋餐廳播嘅音樂整件事好似去咗日本居酒屋咁，氣氛幾好，我諗我會帶朋友下次都會再嚟多次。

今日收工同啲同事食下嘢,公司附近有間西餐廳居酒屋D食物好好,今日趁住得閒同啲同事去傾下計放鬆下。Makuma 地址喺荔枝角長義街9號d2 Place one地下G03餐廳裝修得好有格調,空間感足夠,有日本風情,喺度食嘢感覺都幾舒適好放鬆。日式芝士年糕 58元日式年糕外面炸到金黃色好香脆,入面嘅芝士有拉絲嘅口感,芝士味香濃配上沙律醬令到味道更加有層次。西京燒銀鱈魚 108元銀雪魚魚皮煎到脆卜卜,入面嘅魚肉仲係好juicy好嫩滑,入口魚肉味香濃,有少少油脂味道更加鮮甜。香烤本菇雞胸味噌豆乳意大利粉 128元賣相勁吸引,雞胸肉肉質嫩滑,入口雞味香濃,配上香蔥味噌味道出奇地夾,味道好有層次,意大利粉煮到啱啱好,軟硬度適中。香煎大蝦明太子意大利麵 128元明太子大蝦味道鮮甜,蝦肉爽口彈牙,明太子令到蝦嘅鮮味更加突出,味道好有層次,明太子大少少鹹香味真係好好食。

🔸Makuma🔸🔆今次又翻黎荔枝角，食一間開左幾個月嘅西日餐廳。一入去氣氛好舒服，明明唔係星期五食，但我同朋友都以為係星期五，好想一直吹水吹落去。🤣🔆酥脆准山條。明太子。美乃滋 $78可能食慣左薯條，我個人唔係好接受到炸准山條，一入口個下准山味唔算好重，食落好爽口，咬咬下准山嘅滑潺潺口感會出左黎。但真係我個人唔係好接受到准山，所以要點好多明太子美乃滋先handle到😗。但！中意准山嘅朋友仔，可以一試呀!🔆日式玉子燒。明太子。美乃滋 $78依個好好食！玉子係甜玉子，佢面頭有一層薄薄嘅焦糖，玉子口感嫩滑唔會又乾又鞋。食落好似食緊焦糖嫩蛋嘅味。再加埋又再次出場嘅明太子美乃滋，令玉子唔會一味得個甜字，帶番出少少明太子的咸香。🔆角切油甘魚醬油漬。三文魚子椰菜花米丼 $128油甘魚份量好多，漬油甘魚自身已帶有微微醬油味，油甘魚自身甘香新鮮，加埋三文魚子每粒魚油嘅魚油鹹味，好適合配埋無咩味道嘅椰菜花米，好食！而且椰菜花米真係好適合我依啲口講要減肥但又好想出去食飯嘅人🥹。🔆蝶豆花芒果乳酪梳打 $48上枱個陣係好靚咁分開左2層色，啱哂大家打卡。飲落芒果味唔係太濃，乳酪味強烈好多。🔆士多啤梨檸檬梳打 $4

轉角遇到⋯好野食😌係D2轉個彎到後面 就會見到呢間日式食店🍱用上簡約既木系設計 入門口會見到一個小bar枱內裡播放住既係比較輕快既音樂 氣氛都唔錯 幾輕鬆🥰晚市既選擇主要係以兩個唔同既二人前為主想散叫都冇問題 不過如果見到個二人前 都係會忍唔住叫🫢➷🪐 幕間鍋物二人前▸ 前菜·沙律由前菜已經可以睇得出 食店係有心機去做出品👍🏼爽口鴨胸肉配上凍豆腐加柚子汁 非常開胃🤤沙律上有北寄貝同特大赤蝦🦐鮮味十足 大有睇頭§▸ 小食·唐揚拼盤吉列蠔｜唐揚炸雞｜玉子燒｜芝麻雞翼呢個小食拼盤同樣都好唔話得 份量豐盛 有成4款炸物🤩每款炸物都炸到索索聲脆卜卜 炸粉份量都控制得好好一次過可以食齊經典日式炸物🍗食完都開始飽咁😆炸蠔唔會食到腥味 炸雞又唔會乾身 樣樣都可以發揮到水準👍🏼§▸ 幕間鍋物·壽喜燒·USDA極佳級肩胛牛小排終於黎到主菜喇 我地揀咗食鍋物 貪佢自由度大🤪由湯底到配菜都可以自己選擇 咁又幾開心仔🥳因為我地想食牛 所以就揀咗壽喜燒湯底😋夠晒襯喇牛小排肉味夠突出 油脂唔算好豐富 但肉質軟腍加上同壽喜燒係絕配🤤完完全全吸收晒啲精華配料有超過15款既選擇 而類別都係適合日式火鍋亦都可以揀啲吸湯既配

係荔枝角做野，同同事經過咗好多次，終於的起心肝行入去食。食完因為椰菜花飯再食Rose Latte:香濃既咖啡帶甜甜既花蜜味，重點唔會好淡。角切油甘魚醬油漬配椰菜花飯：呢個相對比較特別討喜，因為食落會比較飽肚，椰菜花取代白飯，成件事都變得健康！入面仲加咗三文魚子令個白多咗魚脂味既食味。配埋漬蘿蔔、青瓜、大蔥絲，成件事都好清爽自然～其實我個人encore咗幾次香煎大蝦明太子意粉：意粉煮得彈牙，岩岩好掛汁，每一口都食到鮮味！炸八爪魚足：呢個個份量都出奇地大抹茶窩夫🧇：呢個值得一試，因為用咗坊間少見既年糕皮，配埋紅豆🫘、黑糖醬，平衡得幾好幾輕盈，演繹到和式美味～

醬烤飯糰 二味 三文魚籽 粉仔魚乾同朋友去慶祝生日叫左個飯團試下未加一 要$88畀佢吻仔魚乾吸引咗想試下係咩嚟一上碟係兩嚿飯團飯糰嘅飯係煎過 所以飯面係脆既但係個吻仔魚乾其實冇乜特別亦都冇乜味成個飯嘅醬唔多所以都幾乾身飯糰顏色似係有好多醬油味但係其實冇乜味所以有少少失望不過三文魚籽飯團就好食啲可能係因為本身三文魚籽既魚油令到成個飯團添加番d味道但係都吾係特別好食個人認為華禦結既飯團煎熱左可能仲好食仲有叫左個個甜品賣相都幾吸引嘅 有啲富士山嘅感覺因為佢係鋪有麻糬喺上面嘅而且佢啲麻糬上面仲有朱古力粉睇落就好靚但係佢有四舊朱古力窩夫同女仔朋友食其實係食吾哂睇返餐牌先知原來仲有個海鹽焦糖醬但我覺得冇乜海鹽味 焦糖味都吾重唔睇餐牌仲以為係普通嘅cream成個甜品要未加一要$128吾推薦

D2 Place一向是文青商場代表，開設了不少特色食店，今次就來到新開朝啡晚酒的日式和食屋Makuma，亦是尖沙咀Ukiyo 的姊妹店。室內面積不大，以白色木系為主調，簡約文青風設計呈現素雅恬靜風格。店門的戶外座位可帶同寵物入座，環境更開揚。菜品提供和洋口味的主食及甜品，入夜後就從Cafe變身成酒吧，供應各款居酒屋料理和日式調酒。 3pm-7pm有Happy Hour優惠，一杯酒精飲品及一款小食只需$88。除了單點之外，晚市時段供應幕間特選二人前套餐 $638。西京燒銀鱈魚 $108銀鱈魚豐腴雪白，豐富的油脂使肉質更嫩滑細緻。配上微微甘甜的西京燒醬汁，調味不會過濃而蓋過本身的魚鮮味。栗子巴斯克蛋糕 $68Basque Cheesecake最大的特色當然是其焦黑的表面，焦香味與濃郁的芝士味完美匹配。發糕口感濕潤綿密，表面舖上栗子忌廉，瀰漫著濃厚甘甜栗香。抹茶窩夫·麻糬紅豆·黑糖醬 $128一場來到又怎何錯過招牌麻糬窩夫？！一大塊軟糯麻糬就如棉被般覆蓋著四片窩夫，窩夫烘得外脆內軟，帶有微瀝回甘茶香。麻糬以自家配方混合糯米粉、白玉粉等製作，口感煙韌黏軟，不會過甜，還有突出的拉絲效果，強勁的拉

D2餐廳不嬲幾多嘢食！今日同朋友嚟食呢間。日式芝麻雞翼菜式嚟到嘅時候已經聞到濃郁的芝麻味。這些雞翼烤至外脆內嫩，每一口都能品味到肉質的鮮嫩多汁！日式咖哩吉列雞胸珍珠米這道菜結合了日式咖哩的濃郁和吉列雞胸的嫩滑口感，搭配著珍珠米的口感，讓人好滿足。香煎大蝦明太子意人利麵這道料理結合了新鮮大蝦、明太子和意大利麵，為你帶來一場海洋的味覺盛宴。大蝦香甜，而且冇雪味，搭配濃郁的明太子醬汁！意大利麵則完美地吸附了醬汁，好邪惡！玄米茶巴斯克蛋糕這款蛋糕結合了玄米茶和巴斯克風味，蛋糕內裡濕潤細膩。玄米茶的香氣融入了蛋糕，簡直係必叫！

><友人之前喺musea食過ukiyo表示麻糬窩夫正正子 咁嚟到荔枝角分店當然必點喇抹茶窩夫•麻糬•紅豆•黑糖($128)剛焗起時烘焙味頗香 窩夫微脆軟綿Mochi黏糯口感好好 仲有紅豆黑糖lotus餅碎配搭焙茶蒟蒻蘭王卷蛋($68)卷蛋切件份量慷慨 中間有蒟蒻粒粒質感十分濕潤鬆軟 唔知唔覺就食晒底下一抹係勁濃抹茶醬栗子巴斯克蛋糕($68)芝士蛋糕綿密得很 面頭係粟子蓉都幾飽下 要同人shareHojicha Latte / Uji Matcha Latte($48)茶粉與鮮奶融合唔甜膩><><><><><><><><><><Makuma荔枝角長義街9號D2 Place ONE 地下G03號舖

👍🏻今日係D2 Place 睇戲，睇完就緊係搵野食，見到門面好日式舒服，燈光氣氛又好好，就食下新餐廳啦❤️睇餐牌二人套餐係好抵👍🏻好多野食，因為睇戲食咗好多爆谷🍿🍿，所以睇黎我地都食唔哂，就散叫香烤本菇雞胸味增豆乳意大利🍝，呢個超好味，上枱就好香噴噴，擺盤仲靚靚打卡🤩而雞胸完全好淋，又唔鞋，味增豆乳意大利配合起上黎好夾，味增好香濃，係好特別既味道，正正仔👍🏻灸燒慢煮日式叉燒鳥冬🍜慢煮叉燒好入味，我覺得仲好味過日本拉麵啲叉燒添，而鳥冬好滑身，撈埋溫泉蛋一流🥚🍳呢度招牌🧇甜品朱古力窩夫，窩夫唔會太硬，上面仲有成大塊麻糬，好正，配料仲有黑糖蒟蒻粒粒，🍪焦糖脆脆一齊食，幾種層次好好味🍫🍹飲品係白桃乳酸梳打，飲落唔係好假既白桃，唔錯唔錯😙

日式風的咖啡店來到D2 place 發現一間日式咖啡店 外面好靚好有打卡feel 唔怕熱其他可以坐出面 入到去被幅日式畫吸引左，水bar area 好靚 成間鋪都好高質好有氣氛 飲酒聚會傾計都幾好所以即刻叫返杯highball 。「一」 灸焼牛油果・明太子・美乃滋牛油果點豉油聽得多，第一次食灸燒 令到個牛油果好香配上明太子 蔥 同埋美乃滋 口感好豐富「二」 角切油甘魚醬油漬•三文魚籽椰菜花米丼平時食開普通三文魚丼，今次呢個可以keep fit /生酮人士都岩食，係椰菜花底 食落唔會有罪惡感 配埋油甘魚醬油漬同三文魚一淡落口 好新鮮「三」醤油鰹魚湯煮花膠・日本大根前兩道都係較凍既野食 所以都叫返個又暖又厚既口感花膠配上鯉魚湯咬落鹹鹹地但食埋大根D汁流曬出黎「四」 栗子巴斯克蛋糕粟子本身個人麻麻地 但老公話要食就就佢一次但其實喜出望外 因為碟搽上綠茶醬係底 加上芝士既濃度較高 所以食落其實好好食 仲搶曬黎食

D2近來嘅市集幾吸引去完睇戲, 市集, 再食飯, 要消磨一日完全冇難度呢間居酒屋好食又好坐難得係餐牌選擇非常多無論係同幾個朋友定兩個人健康定邪惡都總揀到嘢啱食今晚我地兩個人揀咗份兩人餐$799連飲品甜品飽到上心口✦ 前菜鴨胸+日式豆腐✦ 沙律係去殼嘅牡丹蝦沙律自從開始注重健康後發覺餐廳肯俾大大份新鮮沙律真係好難得好多時出去買沙律都貴過肉✦ 唐揚拼盤（吉列蠔、唐揚炸雞、玉子燒、芝麻雞翼）未到主菜已經極豐盛難得在炸物嘅炸漿做得好薄好脆玉子燒甜度同熟度剛好 熱辣辣又軟綿綿咁芝麻雞翼芝麻令薄脆嘅雞皮再增添一份口感✦ 醬油鰹魚湯煮花膠日本大根真係不愧為招牌菜之一燉煮花膠好厚身想唔到鰹魚湯風味咁濃郁咁厚身嘅花膠都可以煮得同大根一樣入味✦ 鐵板風蒜片牛柳粒鐵板燒後嘅牛柳粒仍然保持到飽滿有肉汁✦ 鐵板炒野菜好多居酒屋都有呢個做法先燒牛再燒菜菜就會有非常濃香嘅肉味✦ 黑松露蘆荀炒飯係粒粒分明嘅炒飯混和住蔥香, 蛋香同黑松露香味, 食落仲有爽脆嘅蘆荀✦ 抹茶麻糬窩夫估唔到窩夫居然咁夠份量窩夫嘅餡都係抹茶餡好細緻嘅甜品!麻糬好靚好平均咁鋪面食落仲好煙靭+$88唻講呢個甜品超值

下午茶休閒時段，想嘆吓甜品，知道這間店獨有麻糬窩夫，好吸引。點咗朱古力麻糬窩夫，上碟賣相好靚，四塊厚身窩夫，焗得脆身，上面鋪住煙靭麻糬，超濃朱古力味，冇得彈 。搭配海鹽焦糖醬及甜甜餅乾碎，再有另一種口感黑糖蒟蒻，爽甜清新，好食到不得了。叫咗一個飽肚嘅醬燒飯糰，廚師好細心，將飯糰每邊都煎香咗，入口香脆，零舍好食。一個上面鋪滿吻仔魚乾，鬆鬆脆脆；另一個就有大大粒鮮味爆燈嘅三文魚籽，入口爆脆，雙重口感夠特別。一杯玫瑰檸檬梳打，漸變嘅粉紅色，有幾粒玫瑰花瓣點綴，晶瑩清澈，檸檬清新，梳打清涼，一飲就透心涼，愛不釋手。凍焦糖鮮奶咖啡好香濃，焦糖甜度剛剛好，配上幼滑嘅咖啡好夾侍應服務夠細心，日系設計，環境舒適。好期待下星期再嚟試下 “二人前火鍋” 或餐牌上各種日式美食。

今日一支公想食日式風味嘅晚飯，就去咗Makuma。點咗一客日式咖哩吉列雞胸配珍珠米，平時絶大多數係吉列豬扒，呢度供應嘅係雞胸，冇所謂啦！一樣食到脆香嘅效果，肉質嫩滑，蘸上日式咖哩汁，風味一流，混和珍珠米一齊食，更加滿足口胃。另外點了甜品，抹茶麻糬窩夫，賣相極之吸引，窩夫焗得脆脆，抹茶味濃，麻糬軟糯，仲有紅豆及黑糖醬，完美組合，一定要加配呀！叫咗一杯凍榛子鮮奶咖啡，少冰，一飲就即刻有榛子嘅香味衝入口腔內，配合醇厚咖啡及軟滑鮮奶，整體變得濃郁又夠rich，順喉滑溜。呢度地方唔算大，但情調優雅，食材質素高，而最令我深刻印象嘅係餐廳所用嘅餐具非常講究，十分精緻，不但提升品味，更令客人增加食慾，實在值得欣賞。食物嘅選擇都唔少，有咸有甜，好味程度值得支持

喺荔枝角D2 Place One我揾到一間寧靜舒適、可以好好享受愜意美食嘅餐廳。今晚試咗 “幕間特選二人前 ”，前菜係和風刺身沙律，有兩份，擺盤好靚，見到已經流晒口水，刺身有赤蝦及北寄貝，新鮮甜美，為今晚打開美味之門。小食係唐揚拼盤，有吉列蠔、玉子燒、唐揚炸雞及芝麻雞翼，非常豐富，每款都炸得甘香可口，齒頰留香。一品係六選一，揀咗醬油鰹魚湯煮花膠，花膠炆得極之入味，軟滑有彈性，日本大根吸收鰹魚醬汁，鬆化淋甜。主菜三選一，必選鐵板風蒜片牛柳粒，因為牛柳粒非常juicy，有牛肉鮮味，份量十足，蒜香撲鼻，絕對食到舐舐脷。鐵板炒野菜，係將椰菜同菇一齊炒到金香，調味適中又爽滑。主食有二揀一，可以選黑松露蘆荀炒飯，蘆筍好爽甜，蛋粒加黑松露好夾，飯又炒得粒粒分明，冇油膩，好好味。另有兩杯飲品，凍焦糖鮮奶咖啡及凍榛子鮮奶咖啡，香濃幼滑，配任何食物都無懈可擊。極盡完美的一餐，不亦樂乎。