Mango Tree Kitchen (形點) (已結業)

冬蔭公海鮮湯河，椰汁青咖哩雞柳撈檬，炭燒豬頸肉，素菜春卷，蜜糖香茅茶秋高氣爽，登高郊遊過後，當然要補充體力。為了優惠券過期，於是入座嘗試未吃過的餐廳。入座時間，距離下午茶截單還有15分鐘，快快決定了下午茶餐，另加了兩款小食。上桌後，感覺像是在吃晚餐的豐富。青咖哩頗辣，可能我不太能吃辣，其實是好味的，不過加上了椰汁，會有點膩滯。冬蔭公湯算是夠味，辣味有但缺酸味，有點失色。海鮮是一貫的原味，配到湯中，不是混合而是各有各味。湯汁很快被河粉「索取」了，變成最後沒有了湯。春卷新鮮煮調，很燙口，內裡素菜沒有其他調味，只有菜的原味，清新。豬頸肉有「焦」點，是我較喜愛的部份，而且油肉分明，不會過油或過韌，更有彈口感。香茅茶反而沒有香茅味，雖然有切成粒的香茅，但不夠出味，只有蜜糖味，甜甜的當是去辣的飲品吧～

上次同屋企人嚟食堂食，覺得幾好味，咁岩見到佢外賣自取有啲一人餐二人餐會有八折！今次有機會就食下啦！OpenRice個外賣自取都有一人餐個餐牌，大家可以睇吓！而我哋就現場叫咗兩個餐，佢話要等15分鐘，我哋15分鐘返嚟嘅時候已經見到外賣擺咗喺度！真係好快手呀！依款係泰式大蝦炒金邊粉及素菜春卷，依兩款我上次嚟已經食過，覺得好好味，所以再叫！金邊粉炒得好香泰國料嘅味，但又唔會好龍，好嘢未啊！已素菜春卷不嬲都係我自愛，就算拎到返屋企都仲係脆脆地㗎 ！依款係辣炒肉碎配煎蛋飯，冬陰功雞翼！本身睇過肉碎以為普普通通，點知辣辣地幾好味呀！冬陰功雞翼都揸得好香脆，又唔會嗱！冇記錯都應該有四五隻單骨雞翼！份量好足！但佢個餐原價都成$98 ，竟然嘢飲只係紙包飲品…貴咗啲囉！不過依家有八折我哋都照食咗，因為真係好味呀！

由於趕時間，就不加思索的入了 Mango Tree。我曾經食過一次Mango Tree係 Elements既分店，都幾年前的事了，感覺佢係走中上價位既餐廳。餐廳既空間感非常好，完䞝唔覺得坐係裡面有種壓逼感，而且報置MODERN，感覺好舒服。我地兩個人，由於比較趕，所以好快點左菜。 金柚沙律鴨米卷咖喱海鮮面包盒芒果糯米飯大賽糕雪糕三色冰薄荷特飲個面包盒真係冇得頂，又夠飽肚，回味無窮

約左朋友去元朗yoho mall 食tea, 最後畀船粉吸引😍😍， 我叫左個泰式牛肉船河$68 包埋飲品，個粉有牛腩、牛肉、肉丸，好多料，食呢個最緊要落辣粉，辣椒魚露，超辣好正！個朋友就叫左青咖哩雞撈檬，另外再+18叫左個燒鴨米紙卷，配埋個醬好似片皮鴨噤，幾好食

Shopping完攞住啲戰利品好想搵個地方坐低休息吓，Mango Tree 地方大又寬躺，裝修新派優雅簡約。海鮮冬陰功湯$68，配料有大蝦、魷魚、秀珍菇、磨菇，河粉爽滑可口，湯底酸酸甜甜好開胃！泰式炸蝦餅+$18，即叫即炸，啖啖蝦肉，香脆可口。點埋泰式酸辣醬，就可以減低油膩感🤪！甜品叫咗斑蘭千層糕及椰汁西米糕套餐$48，兩款糕點都Q彈軟熟，層次分明，唔會太甜。兩杯跟餐飲品：香茅茶、奶茶，味道就屬一般。

由於疫情關係，No Pay Leave咗好耐...所以太掛住好同事，就約咗佢出嚟食lunch！我哋相約左去大家就近屋企嘅Mango Tree！中午唔係太多人，又唔使等位感覺良好！我哋嗌左Lunch Set泰式大蝦炒金邊粉同埋肉碎炒飯，賣相同埋味道都幾好！金邊粉唔太乾大蝦又彈牙，不過炒飯d料就普通咗少少！最後當然要叫返一杯我最鍾意嘅龍眼冰啦！味道好清，最緊要唔會太甜！呢間餐廳由開業到而家，水準都保持得好好，而且因為方便泊車，所以都係午餐嘅好選擇！

今晚食 #泰國菜 至尊牛肉船河大大碗，超濃湯底，有生牛肉 牛腩 牛柏葉 牛丸， 因為湯底比較濃，浸得耐會索水，如果真係唔夠湯可以叫服務員加湯俾你， 生牛肉唔好浸得耐，快食會比較好，如果唔係會太硬。泰式豬手分量夠大，豬皮軟滑，但豬手肉質就比較硬。泰式軟殼蟹沙律，食到炸軟殼蟹嘅同時又可以有泰式沙律味道。甜品有芒果糯米飯雪糕伴大菜糕，粒粒芒果，雪糕裏面食到粒粒糯米 ，而下面嘅大菜糕食到裏面有一條條嘅粗身椰子絲，2種層次口感，比較特別

食過依間餐廳幾次。每次都唔錯，但今次有啲失準。三色冰飲品 ： 正常 冇特別冬陰公 ： 冇乜冬陰公湯既味，只係顏色望落似，味道完全唔得馬拉盞炒通菜 ： 份量少仲要勁咸串燒 ： 雞同牛各二串，雞肉嫩好食，牛肉整到好老甜品（唔知咩名，拼盤黎）：我落單時店完話冇曬水晶果款轉埋千層糕俾我，我冇問題，但問左職員依款好芒果糯米飯果款size 差唔多定點，職員冇答我問題 話拼盤多少少水果同有黑糯米，所以我地照選擇拼盤。但個拼盤個千層糕好細舊；似一舊切開四舊。黑糯米、白糯米都好少，少到一啖已經食得曬圖中有芒果同士多啤梨，芒果半片偏細但甜，士多啤梨完全冇俾我地個人完全唔建議大家叫依款，$98份量仲少過兒童餐，個人覺得完全唔值以上只係個人意見

見疫情期間推出外賣自取優惠，近近地放工就買黎試下。叫左兩份青咖喱雞飯優惠套餐（包飲品），加一份炸蝦餅。失望到極， 近鏡影盒飯都算正常size，但實際係勁細盒，完全吾夠飽。炸蝦餅成$60得果3細嚿，又係一啖已經食晒。都未算最差，個飯都吾算平，竟然包既飲品係維他檸檬茶。 重要穿既，漏到成個袋都係。老實講，吾包好過包。其實咖喱味道吾算太差，但以中價黎講質素就真係太低，絕對吾會幫襯下次。

好正嘅 #黃咖哩炭燒龍蝦撈麵 食前記得要將麵撈勻啲汁，如果唔係食到底就會好辣，不過我食得辣覺得味道好好，龍蝦半隻睇落細細但都好多肉好多膏，我幾鍾意泰式配菜 扎肉末紙卷、斑蘭千層糕，仲加杯凍嘅香茅茶，呢餐OK依家太古店同元朗店喺特定時段仲做緊買一送一

今日嗌咗個海南雞飯lunch set🐔🐔, 有湯同飲品嘅。啲雞嘅份量都算多，同埋啲雞都好嫩滑，一啲都唔老同乾。另外個油飯都好好食，完全吸收哂雞嘅鮮味。但係個湯就比較普通，都係味精湯嚟，無咩特別。而個海南雞嗰醬汁都好惹味，同啲雞好夾，非常推介呢個set!!!🤤🤤😋😋

第一次外賣，叫了2個芒果糯米飯，1個甜點拼盆。回家打開一看，個拼盆寫有3款， 芒果鴛鴦糯米飯，玫瑰糕，千層糕。但只有2款。已經不是在繁忙時間下單又不是買很多野食。但也可以漏，太令人失望了。而且價錢不是平。

用OpenRice外賣自取有優惠乘機去試多間之前冇試過嘅舖頭Mango Tree Kitchen就係其中一間上網睇過食評之後，加埋自己嘅口味就決定以下三款食物：泰式炸蝦餅$46泰式去骨鹵水豬手$78香脆炸鱸魚伴青芒果沙律$150Total $274用OpenRice抗疫優惠再減$30泰式炸蝦餅：三小粒，肉質係實實的，一啲都唔爽，唔係我想食嘅蝦餅囉。泰式去骨鹵水豬手：分量都係偏細，豬手下面有菜心墊底，肉質口感都麻麻地囉，我覺得唔係咁好食。香脆炸鱸魚伴青芒果沙律：鱸魚一整條，鱸魚冇調味，要配上青芒果沙律一齊食，三款食物中，只有呢款係合格。

雖然唔係住元朗但係都會間唔中去元朗行吓，每次經過呢間mango tree都好想試吓，雖然唔係好食得辣，但係都幾鍾意食泰國菜今次終於有機會試吓，又估唔到味道都OK環境裝修舒服🙆🏻‍♀️枱與枱之間都好闊落一行六人坐圓枱都唔會好迫服務態度不過不失🤪叫咗以下幾款食物:👩🏻‍🍳大蝦金邊粉👩🏻‍🍳菠蘿炒飯👩🏻‍🍳泰式無骨鳳爪沙律 酸酸甜甜唔係太辣，啱我唔食辣嘅人👩🏻‍🍳生菜包 唯一覺得個生菜包比較遜色👩🏻‍🍳咖喱軟殼蟹配薄餅 薄餅好味再encore左一份🧑🏻‍🍳脆皮烤乳豬總括而言:份量唔算大份，但味道出色。會再encore

禮拜五收工7點左右到餐廳，冇乜人，可以即刻入去。呢間想食左好耐，所以一直都好期待。哎左個二人套餐，加多個招牌冬陰功湯。d餸講真味道同賣相真係麻麻地煲冬陰功湯成煲都係🍄，同埋小米椒，係有小小冬陰功味既，但真係飲左一碗後真係飲唔落；碟炒海鮮真係d海鮮少到咧，3個青口，2只🦐，2塊🦑咁就完啦，單哎都要$138架，真心唔抵，同埋唔好味；碟蝦膏炒飯，食左一半先發現塊青瓜上面痴住條小小條頭髮，真係要哎侍應換左佢，雖然唔咪係正d飯度，但都要比間鋪頭知道注意下先得架，新上過碟新既蝦膏炒飯，但都係食左一半就唔要咯，因為真係唔好味間鋪頭服務都好好既，冇話咩，不過張台真係好細，d餸上齊夾嘢真係要小心，成日要將飲品同餐具左移右擺先可以安全夾菜，食個飯姐，辛苦到連甜品都要食完先可以上。總體服務好，d餸就唔掂啦，食完真係對呢間鋪失望到極點，又貴又唔好食