maze Grill (已結業)

Here to celebrate the "White Valentine's Day".  Nice ambience and view of the Victoria Harbour in the night.Buffalo Chicken Fillets $128Chilli & limeNot as tender as chicken wings, but you could enjoy the fabulous feeling of having a mouthful of meat!Taste of sauce was just right, a great balance of sweetness, sourness and spiciness.Grilled Diver Scallops $158Jalapeno, green apple, coriander Apple is always a good friend to scallops. The sweetness and sour taste of green apple escalate the textu

兩大重點:1) Beef Wellington名過其實，好生，無牛味...似雪藏牛...唔好食... $888唔值2) 限時2小時，趕客未齊人嗰陣 : 每隔15min提你快啲order🙄食緊 : 就提你準時交枱，要order甜品就快食完到我地order甜品: 就話 “甜品黎到如果夠鐘，你地可以考慮出去outdoor食”😨好講下嗰日食左咩先喇...1)View係幾靚嘅，但都幾噪下，枱又細，枱與枱好近，坐路口嗰兩位要成日讓餐車過...好disturb2) 凍豬肉批大概$200/一個slide 幾驚喜嘅係，因為.....好少見😆😂但皮好油同𣺉😣肉就好食嘅，不過不失伴菜.......唔知咩事🙄蘿蔔酸到食唔到😂蛋係薑醋蛋😂芝士係普通好食嘅芝士😂3) 西瓜鴨肉沙律$200/一碟(有一隻鴨肶嘅份量)鴨肉即場拆肉比你睇，鴨肶係炸嘅，所以有啲油膩但配埋沙律食，有啲酸酸地咁，就無咁油但同時，佢橄欖油都落左好多🙈西瓜...error not found sorry🙄😂少得可憐3) 威靈頓牛$888/4件 佢好正宗入面有好多蘑菇碎但個牛真係無乜味...好有雪藏feel😞仲有啲過生...應該3成熟都無...Si

失敗咗嘅 signature dish... "beef wellington" 食了一片後，發覺蘑菇有啲異味, 同埋燒窿咗味, 和服務員説了後, 經理馬上過嚟二話不說, 將全部食物回收了... 隔籬枱聽到我們的投訴後也對經理説, 經理馬上也收回..之後聽到經理和別臺的客人説今晚不會再出beef wellington了, 因為焗爐出了問題...😓.。 經理，都過嚟同我哋解釋, 之後只好轉了牛扒和餐廳的compliment desert..要賺嘅就有頭盤，嘅帶子，好好味，個醬汁非常之好。牛扒好香，甜品好好正。下次就要去山頂嗰間GR試下啦。

今日同屋企人慶祝媽咪生日飯，試下Gordon Ramsay旗下既Maze Grill，叫左一個classic Caesar salad 但無影到 作為前菜，味道好清新！三個人叫左兩個main，一個係slow cooked pork rib，一個係Aged beef cheese burger 嗌左medium well。因為人太少所以就無嗌到Wellington， 個豬肋骨煮到好淋，啲肉唔會痴住啲骨，仲有啲脂肪，令佢更加juicy，個牛漢堡就不過不失，牛肉真係7成熟，略咸。最後因為訂座時因生日會送個小蛋糕比我地，因為太飽既原故，無試到佢啲甜品，值得下次會再黎！

本身都好鍾意廚神Gordon Ramsay 成日睇佢既YouTube & TV show但認真講句 呢間餐廳純粹食名 好失望食物質素好麻麻 完全食材都唔值呢個價連賣相擺盤亦好求其 $888食咗D乜～～～兩個人怕Beef Wellington四件食唔哂我地揀左tasing menu 包含5 courses 其中main係一件Beef Wellington 📍牛油入面有融入牛骨髓，所以餐廳亦有用心思用真牛骨去擺牛油📍Course 1 -芝士撻 （味道係超濃烈既車打芝士，但單一味道層次，好普通）& 魚子醬配青豆 （配搭好特別，我自己覺得唔太襯，而且咁既價錢比青豆我做starters，會唔會難登大雅之堂）📍Course 2 - 半熟蛋、蘆筍配蛋黃醬 & 脆米（呢個course放上黎真係O咀😨😑，好似食緊早餐咁，而且賣相好核突。完全唔係fine dinning 既水評，食材勁cheap，味道無驚喜，真係ramasy既餐廳整既野嗎？）📍Course 3 - 炸蠔配銀鱈魚 （蘑菇汁帶點花椒八角味，個蠔真實係超細粒睇唔到咁制，而且炸粉超厚，放題既炸蠔水準😑我想像中既銀鱈魚係好滑，但呢個相反好實好鞋）📍

訂左七點枱,我們大約六點五十分到。即刻有枱亦是我訂了的全海景二人枱，整個維港夜景盡在眼前。點了一份餐前沙律及兩客主菜加一份dessert，主菜分別是原隻燒春雞及肉眼扒（medium rare）。燒春雞味道很好及賣相不錯，牛扒就比較差，切開見到是大約是三四成熟但入口要咀嚼很耐才可以吞下去。食完齊件牛扒咀真的有點攰。可以一讚的waiters 嘅服務很不錯，齊體來説除了牛扒未能達標其他的也很好，可以再多給一次机會再試其他出名食物。

The beef wellington is way too rare for me, don’t think that’s Gordon Ramsay’s standard to serve this at his restaurant. Disappointing

適逢嚟到情侶之間嘅大時節，你嚟到依間世界名廚開辦嘅西餐廳，對住維多利亞嘅景色，感覺非常浪漫。入到餐廳我哋特登打電話預約左個海景位置，如果冇預約嘅話睇怕就要坐入啲嘅位置。威靈頓牛扒份量太大，兩個人食或者太多，所以我哋冇點到。我地點左一份牛扒，燒豬肋骨，薯蓉，薯條同埋粟米忌廉。食物質素未算好有驚喜，但係我自己好推薦粟米忌廉，口感好滑身，而且牛油味好濃，燒豬\骨嘅肉亦都好嫩滑，煮得啱啱好，呢樣樣都好推薦比大家。

呢餐真係食左好耐今日碌番相先記起Gordon Ramsay嘅maze Grill話說佢啱啱開時book過一次 但嗰時一個月前都book唔到點知今次一個星期前就book到冇理由唔去啦一入去已經望到個海景心情都好啲最後坐左喺對住海景嘅圓枱心情舒暢當時我一心諗住試最出名嘅Beef Wellington啦不過驚叫左Beef Wellington已經飽試唔到更多野所以最後嗌左以下幾樣野同兩個朋友一齊share首先黎左麵包包就冇乜特別最特別係個牛油係裝喺牛骨入面 好香滑前菜 - 烤八爪魚八爪魚超級煙韌 配埋Ajo Blanco醬 超香濃沙律 - 慢煮鴨肉西瓜沙律呢個沙律絕對要推介 非常好味仲要有專人幫你拆鴨肉 再幫你撈埋首先鴨肉係乾身 啲肉有咬口得黎 又好香脆 然後個配搭清新得黎又好味主菜 - Chateaubriand 全份厚切牛柳個牛柳係店員不斷推介佢即場喺我地面前一邊切一邊講解佢仲話Chateaubriand係佢最鍾意食嘅牛睇個色澤都知吸引唔洗任何汁 都勁香勁juicy至於乾式熟成豬扒 腍到一個點加埋芹菜蓉 椰菜沙律 好夾好好味配菜 - 牛仔骨約克郡布甸見到有咁英式嘅side dish點都要

當日係我朋友生日，想同佢食好啲所以就諗住帶佢嚟呢間大名鼎鼎嘅餐廳食。我哋一早就透過OpenRice訂咗位，非常方便。當日去到見到個環境都好靚，而佢都俾咗個海景位我哋，就算係個環境都抵晒。我地點左最出名嘅beef wellington同埋佢個鴨肉沙律。鴨肉沙律就係starter，個waitress都好用心咁解釋佢個烹調方法同埋幫我地處理左嗰啲鴨肉，佢話佢用咗超過二十四小時去烹飪呢個鴨肉，所以特別腍，食落都幾入味，鴨肉嘅份量都好多。之後佢就會上beef wellington，牛肉嘅味道都唔錯，亦都唔韌，不過略嫌佢有太多蘑菇，但係個酥皮都係好脆。佢送個薯蓉都好好食，好creamy總括來講佢哋個環境真係好靚，係對住海景，食物都還好。如果你哋有budget都可以嚟試食下。

難得一年一次既週年紀念日 簡左呢間餐廳誰不知一開始明明有訂位都無紀錄當係walk-in客 之後我地要求坐窗邊位 佢睇都無睇booking簿就話唔調得 但之後全晚個窗邊位其實係吉左係度 最後隔離枱因爲消費比我地高 於是就比佢地調過去 而且啲侍應經常性聽唔到 起碼叫三次以上先有人過黎另外食物質素認真麻麻 又無咩簡 簡岩想食生蠔又無除左個前菜帶子唔錯之外個肉眼牛扒同西班牙辣肉腸多士都好一般其實呢個價錢可以食其他同類型餐廳了

This is the first time I ever dine in maze grill.I can say their staff are nice and constantly checking if you need anything from them.I ordered quite a number of dishes yesterday including diver scallops, duck salad, grilled octopus and beef wellington of course.The first three appetisers tasted good especially the waiter presented the duck salad in a fairly nice way. He explained to us how the duck meat is marinated and mixed it with the salad in front of us.However, it was a mess with our bee

食完一次念念不忘杯紅酒同個環境，今晚帶埋屋企人黎食，又可以試多幾樣野食。我哋坐咗喺餐廳最入嘅位置，依然望到美麗嘅維港景色。今次個餐包同上次一樣今次係 sourdough 麵包再加牛骨髓牛油，依舊好好，encore左幾次。慢煮鴨肉西瓜沙律Waiter 邊係我地枱前將鴨肉拆骨，加入火箭菜、西瓜粒，邊介紹鴨肉係經過12小時調味再加12小時慢煮。鴨肉有少少脆皮，個汁係甜酸，好開胃。推薦可以一試。烤八爪魚🐙有一條巨型八爪魚腳，上面有香草醬，下面有乳酪，唔係太夾。煙燻牛扒他他生肉加入洋蔥番茄，脆片我就覺得唔太好食，反而配sourdough 麵包更加夾。媽媽本身唔食生肉，佢食完先知係生肉都冇吐，仲話好食🤣人多梗係叫埋個beef wellington, 第二次食我都係覺得唔錯既。家人就覺得三樣野，個皮、菇、牛唔夾。成餐飯大家都食得好滿足。食完飯仲走咗出露台欣賞維港夜景，仲影咗好多靚相。

一提到英國菜大家第一印象應該會係—🤢 Fish and chips，black pudding 更加不會是我的最愛只因為我嘅其中一位好朋友十分喜歡Gordon Ramsay呢位英國地獄廚神，所以今個星期六下晝兩點幾，無訂位walk in唔洗排隊嘅情況下我哋就入咗嚟呢間位於海港城嘅英國餐廳—maze Grill首先講下個環境，望住景色一流嘅維港海景真係好relaxing，好多食客更會同家人朋友係呢度聚埋一齊把酒談心，好好享受周末嘅下午。來不及慢慢欣賞外面嘅景色，一位外籍嘅waitress便提醒我哋兩點半就截單，所以我哋事不宜遲馬上先決定今日要食嘅野。落完單之後，侍應會先準備麵包同牛油比大家，由於我哋太肚餓嘅關係相都唔記得影就已經食晒落肚🤣Grilled Octopus 烤八爪魚🐙HKD 128味道：🌕🌕🌕🌕🌑Beef Wellington 威靈頓牛扒🥩HKD 888味道：🌕🌕🌕🌑🌑Sides - Cauliflower Cheese 芝士焗椰菜花🥦HKD 58味道：🌕🌕🌕🌗🌑總括黎講我認為Beef Wellington試一次已經足夠，牛肉沒有太重嘅牛味和其他調味，外層嘅酥皮同牛肉亦都好容

想試呢間餐廳好耐，今日終於打去有位喇，今日食完後感係Beef Wellington係好味一入席有個無敵大海景想走去outdoor地方睇下景拍拍照，只可惜下雨呢～面包同隔離牛油造型好搞鬼，係一條牛骨盛住牛油，本人都不喜愛食包，所以都比曬友人食～芝士漢堡叫左5成熟，但黎到係78成熟，失望至極，很干，如果5成熟應該會冇咁干同juicy d，不過都好再牛肉味好重！再熟d就真係不好食了～粗薯條角入面薯仔未熟曬，唔似平時薯角咁好食～Beef Wellington 職員提示要需時45mins，但牛口感同面包非常好味又夾，一脆一嫩口感不錯，再淋上醬汁，食落去好配合好正哦～