Mee...lemongrass (已結業)

今日喺青衣城睇完戲, 落番去 2 樓呢間餐廳食馬拉菜今次主要係為佢而黎, 由於晚市限量 30 隻, 所以想食嘅話一定要早 D 到馬拉盞炒通菜馬拉盞嘅鹹香加上香辣嘅味道, 完全滲入通菜, 香噴噴, 非常惹味軟殼蟹米紙卷米紙卷晶瑩剔透, 透視到入面嘅食物, 餡料有炸到脆卜卜嘅軟殼蟹, 再加入牛油果、三色椒、芒果、生菜, 芒果嘅酸甜味中和左軟殼蟹嘅油膩感, 既清新又好味 原隻波士頓龍蝦喇沙終於都到左主角出場, 大大碗, 份量超多, 差唔多夠兩個人食｡ 麵底用左米粉 &  油麵, 而湯底散發陣陣椰香味, 味道濃郁, 且帶 D 香辣, 惹味十足龍蝦亦都大大件, 而且原隻上, 肉質彈牙, 味道鮮甜, 大愛雞絲扎肉撈檬粉又係大大碗, 而且雞絲 & 扎肉同樣夠多, 配料有青蔥油、花生、炸蒜、甘筍絲 … 口感爽口清新, 再撈埋酸甜汁一齊食, 超級開胃龍眼冰加入大量龍眼肉, 唔會過甜, 非常解渴, 而且夠晒透心涼

青衣城有兩間泰國餐廳，這間泰國餐廳位於青衣城二期， 坐位寬敞，可以坐室內或室外。餐牌有很多款式，目不暇給。馬來蜜汁炭燒厚切豬扒配喇沙 $72很喜歡這個喇沙，因為它是由米粉和油麵造成的，可以一次過滿足兩個願望。喇沙味非常好吃，豬扒有少許脆口，甜甜的，燒得很惹味。馬拉盞炒通菜 $64是傳統的馬拉盞通菜。地道串燒 $66可以選牛或羊肉，合共四支。我們點了牛肉，意外地竟然有四塊脆麵包及菠蘿配料。香脆鱸魚配芒果秘製醬汁 $118鱸魚原條炸至脆卜卜，很細心地把魚肉切開了上碟，容易進食，我覺得必須點上秘製醬汁味道更好吃。香芒椰汁糯米飯 $48很有趣的器皿，是一隻拖鞋款式，擺放四口芒果糯米飯。糯米飯較軟身，我比較喜歡吃硬一點，點上椰汁是絕配。

放假經過青衣城，岩岩開門既Mee...lemongrass唔洗等位，即刻入去坐定個靚位食lunch,中午套餐抵食選擇多，晤怪得平時咁多人排隊了。東南亞風味，總有一款岩，勁吸引。馬拉肉骨茶套餐，大大一碗肉骨茶賣相極佳，馬拉的肉骨茶湯汁系藥膳煲成的湯。八角茴香味純正濃郁，肉排好冧，豆卜也超級好味，伴白飯，大大的滿足。湯汁不會太油，最鐘意藥膳排骨的香，加上超級多的杞子調味，湯汁香甜可口。另外豬扒撈檬都係賣飛佛，仲要一d唔小氣，跟一整枝檬汁，貼心吖！我就係鐘意用成枝檬汁酸咪咪食撈檬的吃貨，他們是怎麼知道的....哈哈豬扒燒得好香，份量不俗，檬粉好好味。套餐價加32蚊跟茫果糯米飯，賣相吸引，不過茫果有d酸，糯米新鮮。跟埋餐飲，抵食！

青衣人口多，今日好早食晚餐大約六點鐘，都已經坐滿半間餐廳了。其實，我係畀芒果糯米飯的圖片吸引入去餐廳的。🍤 「mee 喇沙」，好多料，我鍾意佢唔係好辣，沙嗲醬特意放在匙羹上，讓我自己調節辣度，好有喇沙香味，好似不太肥，沒有一層紅色的辣椒油在面，所以我差不多飲曬所有喇沙湯！！🐔 小食點了我的至愛，「酸辣鳳爪沙律」好大碟哦，酸辣度剛剛好，鳳爪又爽脆。😋 甜品是「香芒椰汁糯米飯」， 盛載在一個好靚的「拖鞋碟」上， 芒果都幾甜夠熟，擺設成壽司的樣子，賣相好吸引， 但係我要求比較高，我覺得糯米飯太稀，椰汁又太稠，都係唔及在泰國般好食。最後一提，我好鍾意有社會企業責任的餐廳商店，餐牌上寫上如果點小食拼盤，會捐十蚊畀「基督教信義會」很有意思哦。總體而言，都幾好食，好滿足。

今日約左朋友食飯，青衣城2期開了很多新餐廳，今次就試了2樓的泰國餐廳門口見到menu選擇多，而且有特價菜色，就決定入座。門口還有小玩具提供給小朋友呢，感覺不錯。由點餐到上菜速度算快原隻波士頓龍蝦喇沙賣相非常吸引，而且第一次見龍蝦配喇沙，龍蝦肉非常厚實，喇沙亦微辣夠濃味呢地道串燒有鮮菠蘿及麵包配送，雞肉嫩亦有醬汁一同吃，很美味馬拉盞炒通菜微辣菜色，非常開胃，每次來快點馬來海鮮炒粉絲粉絲味道炒得均勻，另有不同海鮮配料，值得一試牛柳粒非常濃烈醬汁的菜，微辣，有口感的牛柳，必點香芒椰汁糯米飯上枱造型: 拖鞋，很可愛吧而且一口一粒，夠甜又好味，非常喜歡這甜品

原來好耐冇行過青衣城，都唔知道開咗個青衣城2期，經過2樓電梯邊嘅呢間馬來喇沙專門店，裝修好有綠樹林陰感覺，馬上醫肚先。Mee 喇沙材料豐富（大蝦、蜆肉、蟹柳、魚蛋、豆卜、雞蛋同魷魚），份量算幾大，喇沙湯底只有少少辣，味道帶少少甜，我食完麵後都空口飲咗1碗。無骨酸辣鳳爪沙律亦係好大份，可能有超過10隻以上鳳爪，酸辣比例平均，如果在辣少少會更加好，鳳爪煮得入味又淋。自己煮芥蘭比較難煮得好，呢度馬拉盞炒芥蘭煮得好，好少芥蘭嘅苦味，亦炒得淋，我最鍾意芥蘭上高嘅蒜蓉碎，增加食物層次。最吸晴係芒果糯米飯，擺設精美，造型好似壽司，一口一件芒果糯米飯，好豪氣；另外加多半份左右嘅芒果碎，芒果又香又甜。珍多椰汁冰亦十分傳統又正宗，椰汁香濃珍多嫩滑。

經過門口 ， 初頭係畀佢嘅擺設吸引， 繼而見到裏面嘅客人都叫一款喇沙，內裏都有一隻大龍蝦，非常吸引 ！！！喺門口睇餐牌先知道係每日限定嘅，而且只需84蚊！！問咗店員confirm仍然供應， 我同朋友就立即入去！！！波士頓龍蝦喇沙 ～主角到喇！真係極大碗！ 睇返張墊枱紙同佢嘅比例，就知道佢真係超！級！大！除咗湯底夠味香濃之外 ，麵底係用咗兩款唔同嘅麵！所以口感非常特別！「拆哂啲龍蝦肉出嚟！」心裡面一直想著呢個動作！！真係非常熱刺！！馬來蜜汁炭燒厚切豬扒撈檬～ 豬扒非常香脆，而且蜜糖味非常重，是甜甜的， 而且佢註明咗係炭燒， 所以別有一番風味！ 檬粉份量都非常多！ 真係超值！馬拉盞炒通菜～ 出街食飯點都要叫返碟菜嘅！ 通菜分量非常多！ 感覺係堆滿加壓實哂！而且都非常惹味！飲品方面， 點咗一熱一凍， 天氣開始轉涼 ，我想飲紅棗杞子茶暖暖身而 朋友就熱底， 叫咗個cool爆鮮士多啤梨冰冰特飲！2杯都好出色，而鮮士多啤梨嘅份量都好多， 絕對真材實料！

這間餐廳已經光顧多次，今日又再次來。大約七點來到，餐廳門口已有不少人在等候入座。我們等了一會終於到我們入座了。由於之前已經來過頗多次，今次就想試下之前未吃過的菜式，不過有一道就每次都會點的香菜蝦仁米紙卷，喜歡它有清新的感覺，米紙煙韌。蜜汁燒豬扒喇沙，喇沙湯底有陣陣椰子味，有微微辣，燒豬扒加上蜜汁很脆香，又有絲絲蜜糖的甜味。無骨海南雞飯也不錯，雞肉嫩滑又沒有很肥膩。最後點了一個馬拉盞炒芥蘭，馬拉盞炒菜最怕會太鹹，這道菜正合我意，鹹淡適中。

今日跟媽咪食個早lunch，去到已好鬼多人，坐底揀咗個無骨海南雞喇沙、燒豬頸肉撈檬粉，呢兩個都係套餐有飲品、配一份前菜+甜品👍🏻 ~ 燒豬頸肉撈檬粉，味道正常，豬頸肉都厚身唔乾，唔錯！~無骨海南雞喇沙湯底濃，配上油麵+米粉混合，海南雞肉質嫩滑👍🏻, 湯底最後係飲晒😅

MEE Lemongrass 雖然多分店，但我都係鐘意去青衣城呢間，因為我啲朋友多數住喺葵青荃，呢間地店喺巴士站上蓋嘅商場裹面，超級易找兼易去，因為青衣城2期唔大，其實入到商場唔洗1分鐘已經到達，我推薦去開青衣食飯可以考慮呢間。我今次約咗一個朋友食晏，我早早已經比佢嘅超級龍蝦吸引住，果然湯嘅味道好濃郁，好味。雖然好大碗但其實份量唔算好多，但勝在價錢合理，女仔食嘅話，飽嘅。朋友叫咗個海南雞配叻沙，海南雞配飯聽得多，配叻沙都幾特別，但雞肉點咗醬之後浸落碗叻沙到就失咗味，所以本人認為配返飯會開心啲，但係雞嘅肉質都唔差，而且仲有去骨醃鳳爪，好開胃。套餐配意大利芝士餅係有點騎呢，太過港式，基於本人有執著症加上強逼性格底下，有啲接受唔到個整體外觀之外，實際上味道係唔差嘅。假日一家大細想行行商場食個便飯係一個唔錯嘅選擇。

野係正常 夠味 之前係青衣城食過覺得幾大份 價格還好啦至少啲食物正常 又唔會性價比太低但今次係第間分店食就中曬伏食唔飽都算 炒飯個份量都細不過個味道係合格既啲位岩岩好 肥少少都坐得落就起左身都走唔到計埋飲品 我諗人均要100😑

有朋友推介這間店的喇沙湯麵，特意前來品嘗。於門口等位時，已注視到poster宣傳的足爆版喇沙Mega Laksa。覺得十分吸引便點來試試看！果然冇誇張！真的是大大碗喇沙！與男友二人吃這個mega size喇沙，真的有點擔心吃不完。碗裡材料也十分豐富，充滿多種海鮮。最大讚之處就是點喇沙麵附上一個壺，是可以任添喇沙湯底的！其實麵底和豆卜都很易吸湯底，可以任加湯底，這是十分細心。同時，作為「湯怪」也可以大飲喇沙湯。很欣賞這家的喇沙湯底，椰汁味重，微辣，不會啃喉，味道也很好但之後再幫襯，點了龍蝦喇沙沒有給壺任加湯，應該只有足爆版有特設壺任加湯了。

星期日去咗the mee, 埋單209。叫咗金邊粉，芒果糯米飯，椰汁冰，同埋一個士多啤梨特飲。5係第一次食架啦，不過都真係因為佢夠好食，價錢又ok，所以先令人想一而再，再而三咁幫襯。我地到嗰陣係5點半，職員話要6點先可以入席。咁我地差5多6點再返黎啦，嘩估5到已經排晒長龍啦👏好彩都5洗排好耐。menu未睇完，我地已經入得啦～金邊粉上面擺咗兩隻蝦，well，5知係咪特登擺個心形啦Haha。側面仲擺咗啲花生碎，白糖，同紅色，少少辣既調味料。5係好食得辣既人最好“畢”走佢。芒果糯米飯擺到一舊舊壽司咁ha, 有啲痴底架，要小心啲夾囉，好似玩層層疊咁小心。士多啤梨個特飲係好飲既，甜而不溜，仲好似飲極都飲5完添👍

#wings美食分享 😜😜.🍁馬來蜜汁炭燒厚切豬扒配特式菜飯（L10）對泰國菜呀越南菜呀馬來菜呢d菜式冇太大與趣嘅我比我呀媽拉左去食~估唔到又唔錯！🙆首先一上菜見到有咁多野都有d驚訝，呢個set有一大塊豬扒同菜飯，螺肉小食甜品仲有一碗湯，還有飲品❤️！豬扒係厚切嘅，食落超滿足😆，肉質又唔會好乾，蜜汁比平時食嘅蜜汁叉燒淡，而飯係菜飯，媽咪叫嘅海南雞飯set唔係菜飯但仲有一碟菜心，健康又好味😛，伴碟嘅仲有沙律，酸酸甜甜好開胃！😗而螺肉小食就係同爭鮮嘅差唔多，湯係蘿蔔湯，味道比較清淡！甜品方面係椰汁班蘭糕，味道正常，冇咩特別~成個set好滿足！😍.🍁青檸梳打（+$8)接下來講下飲品，跟餐飲品方面有4款選擇，除咗普通嘅咖啡奶茶，連泰式奶茶同泰式檸檬茶都係唔使加錢😙，我就偷飲左幾口爸的泰式奶茶，感覺還不錯，但我很少喝，不知道傳統嘅味道是怎樣所以不懂形容，但跟港式奶茶挺大分別🤔！我自己就叫了青檸梳打，感覺青檸都好新鮮，飲落都好新鮮夠酸，我媽喝了一口表示好酸連樣子都變了🤣~我自己就係喜歡酸酸的！😋.🌱地點：馬來喇沙。海南雞飯專門店（有其他分店）新界青衣青敬路33號青衣城2期2樓223號.價錢：$72+

青衣城二期的東南亞餐廳，好多人等位，好彩也等了二十分鐘左右就有位。係公雞碗，好靚呀。海南雞飯套餐，有一大碗飯，我們叫了白飯，一碟菜芯，一碟海南雞，一碗中湯，青紅蘿白，有辣醬同甜豉油，雞肉滑身唔肥，有花生，紅白蘿白絲。炒金邊粉，濶身的，有雞蛋，魷魚，炒得幾香口，深啡色，感覺似干炒牛河。香葉蝦仁米紙卷，好味健康，加d酸味味的汁食好夾咖喱牛腩，好吸引呀，好入味的牛腩同薯仔，咖喱夠香又惹味，牛腩勁淋身入味冇筋，薯仔粉身OK喎，咖哩加薄餅好正！煎葱油餅，幾薄身，煎到金黃色，有好多葱花好好味的。夠晒熱！馬拉盞炒通菜好香，唔辣份量又夠多，顏色好鮮綠的。好惹味。