Mee...lemongrass (ac四期) (已結業)

因有朋友同我講，有機會一定要去食呢個餐廳嘅早餐，去到坐低發現原來Mee其實有好幾間分店，但係只有香港仔分店有早餐供應！ 於是，與屋企人去嘆個靚早餐，打開個餐牌點解A類有沙嗲牛麵， 薑絲豬潤麵，B類有牛角酥 腸蛋， Oh my God 原來A＋B各選一， 不得了，不得了$36有牛角包有牛肉麵，凍飲吾加＄！我早上10點，周圍都坐滿人，現場多為師奶，有師奶會打包牛角酥，即係飽到冇人有啦！牛角酥微熱好好味，豬膶麵有級數，湯很清甜，忍唔住飲咗好多啖湯！炒蛋腸仔餐肉嗰啲做得吾凍已經係可以合格㗎啦，泰式凍奶茶如受得甜，會覺得好好飲，因為係泰式奶茶不是常常有得叫，好食到我連續去咗兩日，所以能試齊牛肉麵和豬膶麵，早點有你！比個Like 你!

Happy Friday Lunch 😋😋又到開心星期五，忙忙碌碌咁過左一星期，又係時間去食下好味嘅野啦🤩 呢個Mee.... Lemongrass 其實時不時都黎幫襯下，今日先突然發現1pm開始會多人，仲要排長龍添😱😱不過呢間餐廳都算係附近性價比高嘅餐廳黎既👍🏻👍🏻今日叫左無骨海南雞飯，份量好多，有湯，有前菜有菜，有半隻海南雞同油飯，包埋野飲，都只係$68喳！海南雞份量好多，無骨淡淡肉食落好方便👍🏻👍🏻

今日係同事last day, 我地去左 mee......lemongrass 同佢食lunch, 見到佢有好多個菜式都好似好吸引咁。跟住我叫咗個檳城炒貴刁， 同埋凍咖啡。一個價錢有前菜，有湯，有主菜，有甜品，仲有嘢飲。 佢個炒貴刁都幾有鑊氣，海鮮都唔少， 有三粒大蝦同兩粒青口 ,普通一個女仔都未必食得曬。 價錢唔算平，不過有咁多嘢食，同埋坐得舒服，我覺得貴少少都係值嘅，加埋一大約要七十幾八十蚊左右。但佢環境舒服又可以傾下偈我個得貴少少都可以接受。

香港仔呢個咁細嘅地方住咗咁多人，係各餐廳兵家必爭之地，有好多我諗都冇諗過嘅餐廳都嚟咗香港仔開分店，呢一間馬來喇沙就係其中一間啦。呢間店以前我已經喺銅鑼灣嗰間食過，覺得性價比幾高，咁佢嚟咗香港仔開分店我梗係要支持吓啦。入正題之前想先稱讚下佢喺商場樓下派傳單嘅嗰位叔叔，好落力，絕對唔係Hea住做，一定要比個like 佢。同埋佢傳單入面夾咗張coupon，有得減$20，如果大家見到可以拎左先上去。今次我哋叫咗無骨海南雞喇沙，馬來蜜汁炭燒厚切豬扒配特色菜飯，同埋芭堤雅蝦醬炒飯。三個飯都好值得推介炒飯炒得好惹味，但係怕肥嘅女士就要三思喇，因為佢都有啲油同埋啲面頭啲腩肉都幾肥。個飯另外跟咗啲蒜頭洋蔥辣椒，你可以根據自己喜好加黎食。我就覺得全部加哂之後個飯仲正，升多2個lv。炭燒豬扒菜飯塊豬扒係厚切既，加上燒到少少燶，好香口，食落好有口感。而喇沙一如以往的出色。喇沙麵由兩種面底組成，一種粗啲有趙口啲。另一款有啲似米粉嘅感覺，會比較索湯吸味。撈堆埋一齊食係夾既。而因為我個人唔係特別好海南雞，就唔comment啦。順帶一提，午餐係跟前菜，甜品加嘢飲，嘢飲加幾蚊就可以揀珍珠奶茶，都好抵飲嫁

Happy long weekend 後的上班日，咁岩呢幾日都好熱所以lunchtime 就去左香港仔嘅Mee...lemongrass 到食lunch !銅鑼灣都有分店，香港仔分店唔係開左好耐，所以係樓下有個uncle 會派傳單同cash coupon! 用埋coupon 就最抵啦🤩🤩Lunch set 選擇好多，價錢都算大眾化，大概係60幾蚊到80蚊幾不等。唔想叫set 嘅都有單點，但同一個item ，lunch set 價錢仲平d，基本包左前菜，野飲同甜品🍮朋友叫左無骨海南雞喇沙，雞肉都好滑，份量好大我就叫左馬來西亞燒厚豬扒，豬扒燒到好香脆，唔會太乾，yummy yummy 😋 60幾70蚊有咁多野食，仲包野飲甜品 性價比好高！

難得黎一次香港仔，緊係食番餐好既一黎就比佢買一送一既野飲吸引左，30蚊都吾洗就2杯野飲，真係係人都忍吾住行近啲野，野飲十分高質，好先進既泡茶機，仲有濃滑既好蓋，直接吸引到我地坐低食個晚餐，好好試下佢先講個環境，可能新裝修，環境十分舒服同乾淨，餐牌都好有心機，佢話自己招牌係海南雞同喇沙，咁緊係叫佢海南雞喇沙先海南雞，雞本身不過不失，我比6分，不過不過，個汁真係好正，點完好加分，我覺得應該係叫招牌海南雞汁😂而喇沙就真係冇得彈，喇沙入面正宗既2種面底，米粉同油面，完全吸哂湯汁，但係最滋味既，緊係個湯汁，香味十足，雖然湯汁香濃，但吾會好“漏”以湯面黎講十分舒服。整體而言，lemongrass係fusion菜，但每一款都十分出眾，總有比人好既特色，而且價錢相宜，值得成為平日飯堂👍

南區居民都知道本區食物選擇實在吾多一係就出銅鑼灣 一係出香港仔食飯 說起海南雞飯 平時多數只會想起連鎖快餐店的他們質素吾錯 但香港仔就是缺海南雞飯店知道終於開左間 來試一試未夠7點已經有不少街坊 鐘意雞仔圖案碗 一種在家食飯既感覺 家裡必備既玻璃碗圖案今次第一次食 我目標就係海南雞飯海南雞飯 配湯 菜 雞 醬汁 及白飯 相當齊存份量亦相當大份 雞係精髓 雞是海南雞飯靈魂雞件滑嫰 入味 不沾醬都有濃濃雞味雖然雞皮好邪惡 但連皮食真係好好食成碟雞都好好味海南雞飯本身就係有味飯 今次也吾例外仲叫了個喇沙share 食 有蝦 有蜆 魷魚 蟹柳 豆卜 雞蛋 湯味濃厚 海鮮亦相當新鮮足料 豆卜雖然一向吾係顯眼食材 但佢吸收喇沙同海鮮精華 有時都係制止自己不停飲湯 雖然好好味 但小妹體重已經不能再高呢蝦好大隻 連同蜆同魷魚 軟殼蟹米紙卷裡面有牛油瓜 芒果 蘿蔔絲 夾住炸得爽脆既軟殼蟹踏入4月已經有點熱 正好食新鮮 酸酸的開胃野實在不錯 軟殼蟹大大件 冇偷工減料最後配以椰汁千層糕做甜品玫瑰花形 椰汁味重 有咬口 熱辣辣最後不用300蚊 食到飽一飽 下次想試肉骨茶

今次唔係第一次嚟啦~ 上次匆忙食過呢間，覺得可以覆桌，平時見好多人排隊，趁今日人少啲 把握機會再食，以表支持。上次試過大路野喇沙同海南雞飯，滿意！今次就試下無咁熱門嘅菜式：緬甸咖喱我好少見，同泰國/印度會有咩唔同呢？原來似泰國風格，椰汁為主，雖然唔知是否正宗，但我就係鍾意佢椰汁重，小小甜而唔辣；我揀錯咗雞油飯做配搭，撈埋咖哩味就cover咗雞油香，其實唔需要雞飯，送白飯就夠。大蝦炒金邊粉賣相同香味都令人開胃，兩隻大大蝦，飄來茄汁香，食落第一啖酸甜味調得剛好，碟邊仲有青檸砂糖同辣椒粉，但我高估咗自己食辣嘅能力， 將全部辣椒粉撈埋咗.....但係第一啖俾我有好好嘅印象。一口牛柳充滿鑊氣！惹味之選！除咗應該有嘅青椒黑椒同洋蔥去爆香之外，佢仲落咗一種青豆樣子嘅香料，唔知咩嚟，不過應該係令牛肉粒整法更東南亞feel嘅調味料。成餐飯唔貴，大眾化價錢，餐廳門口仲有一間飲品店，相信係佢哋嘅合作夥伴，如果行出去買，就有買一送一嘅優惠，剛好俾我哋做呢餐飯嘅配送飲品。得閒嚟食下都滿足了~

我地一行三人Book咗7點鐘，啱啱入到去嗰陣未算多人，揀完嘢食，等緊嗰陣個場就開始慢慢爆！我揀咗Mee...喇沙（好耐冇食喇沙啦）湯底不過不失，都算濃香，不過個人鐘意辣少少嘅。麵底反而有驚喜，軟硬適中，重點係佢有米粉同油麵混合，食落去口感相當有趣！朋友就分別揀咗蝦醬炒飯同大蝦炒金邊粉，可能係隔離飯香，試完覺得佢地嗰兩碟好食過自己碗喇沙！蝦醬炒飯好香，會食到有少少甜味，而大蝦金邊粉雖然有少少乾身，但味道都係好惹味！嘢飲方面，我同其中一位朋友想飲草莓芝芝冰茶，個士多啤梨冰茶底有啲甜，但係芝士奶蓋方面俾得好足，應該有連鎖飲品店嘅兩倍呀！平時三兩啖個奶蓋就飲曬，呢杯個奶蓋好飲得嚟都好襟飲！另一位朋友就叫咗黑糖珍珠鮮奶，試咗啖覺得都係偏甜，但係黑糖味好香，珍珠亦都不錯！順帶一提，呢到啲餐具都非一般，有木亦有瓷，因應住菜式而配搭餐具，連牙籤筒都係木嚟咖，有心，讚！

香港仔新開左呢間連鎖東南亞餐廳，餐廳入面都好大，可以容納好多客人。雖然要等位，但係好快就有位了。我地3個人諗住叫足爆喇沙開心share，不過可惜已經售罄了，唯有叫Mee喇沙啦。下單時，預先同職員講我地唔係好食得辣，職員貼心地幫我地安排把辣醬分開上，俾我地食到幾辣情度自己加。老公比較食得辣，但一加左一pat都係甘叫好辣，要去買飲品。我地都叫多左海南雞飯做主食，雞都算嫩滑，配清菜同清湯，整體味道都唔錯。另外，叫多左2個小食開心share。串燒可以下單時，豬牛羊肉自由配搭，上菜個有啲驚喜，估唔到串燒會配送多士，菠蘿同埋青瓜呀。唯一扣分為係為一串牛肉燒到比較生，同職員講完之後立即換過一串新嘅俾我地。軟殼蟹春卷味道係好好呀，軟殼蟹炸得酥脆，配菜又新鮮。唯一一張唔好係製作時間非常之耐，我地食曬所有主菜同串燒，呢個春卷都未嚟。餐廳內開左間飲品外賣店，買一送一，好抵飲，仲可以買完入嚟係餐廳內飲呀。

雖然餐廳係個名好似主打星泰菜居多咁，但係都有好多特色既亞洲菜，成間餐廳嘅環境都好舒服又光猛。我地就叫左招牌無骨海南雞飯、秘製特色牛骨湯河、凍伯爵珍珠奶茶、凍火炙芝士黑糖珍珠鮮奶同一個小食馬來蜜汁炭燒厚切豬扒，嗌左冇耐嘢食都好快就黎到，碗牛河就好似越南河粉咁，成碗河雖然都係牛，但個湯底好清甜，如果加埋青檸汁就會有一種清新感覺，即刻令成碗牛肉河粉既層次提升左，令牛肉更加鮮味，所以食完都唔會覺得好膩，反而令到我更加開胃😍我好怕啲牛肉好韌，但呢到啲牛肉又唔韌，最正係啲牛柏葉😍完全索哂啲湯超入味同非常爽口，而且啲牛筋丸彈牙好juicy，牛筋就係好易咬好軟林林，好似食左勁多骨膠原落肚咁。河粉都好稔滑，唔會痴埋一舊。我好中意啲芽菜芫茜辣椒用另外一個碗仔裝住好正，因為好似我咁唔中意芫茜就可以唔加落去😂招牌無骨海南雞飯唔中意lur骨既我可以大大啖食雞肉，啲肉好滑 唔鞋 勁中意啲汁 可以撈哂成碗飯。而飯係油飯黎 香噴噴 配埋碗豬骨湯 飽哂～珍珠奶茶啲珍珠好有彈牙唔會死實，伯爵茶味重，唔會太奶 我中意。我朋友個杯奶蓋好多 佢中意勁有奶味 表示好滿意😝亮點蜜汁豬扒一定要食 好出色豬扒有炭燒同蜜糖嘅味道，豬扒邊

今日去咗香港仔嗰頭感受一下漁村氣息原來呢一帶既商場好多野食行咗去香港仔中心嘅呢間東南亞餐廳裝修好有味道 裝飾嘅燈係用越南草帽去做 非常有趣 而枱櫈都係木 燈光同裝飾品都勁有心思 叫咗個海南雞飯 飯嘅份量唔大 但由香十足 而且香料味恰到好處 雞肉嫩滑 雞皮爽口 而且味道濃沃 加上仲有青菜好清淡 值得一提係黑醬油勁有風味 用嚟撈飯一流 炭燒蜜汁厚切豬扒菜飯 豬扒真係勁切 而且做到鬆化又多汁 難度更高 不過菜飯略嫌有啲油 加錢仲可以升級甜品有芒果糯米飯 竟然係壽司造型 勁可愛

嚟到香港仔嘅Mee...lemongrass午餐, 因為係午飯時間, 嚟到需要等位, 不過都好快, 等左一陣就已經有位，我哋要咗兩個美味套餐, 除主菜外, 仲有沙律、餐湯，甜品，咖啡或茶，都非常豐富，除左飲品可以加錢升級外，仲可以加錢升級香芒糯米飯😋😋招牌無骨海南雞飯🍚🍚咁寫住招牌，就咁梗係要試吓啦，佢個無骨海南雞，肉質非常鮮嫩，唔會話有浸油黐住喺i塊皮度，油飯一啲都唔油膩，面頭加咗一啲炸蒜頭，味道更豐富馬來蜜汁炭燒厚切豬扒配特色菜飯😍😍呢個係令我覺得有驚喜，豬扒面頭煎得脆脆的，非常香口，而且肉汁豐富，配埋個泰式辣醬，真係非常惹味香芒椰汁糯米飯👍🏻👍🏻我哋呢啲芒果愛好者，見到呢個升級甜品，梗係唔會放過啦，上枱賣相非常之靚，芒果香甜西柚凍餅烏龍茶🥤🥤呢個飲唔會比其他嘅台式飲品店差，茶味清香，配埋西柚，清新可口

突然想食泰國菜，就來左香港仔呢間開左無幾耐既泰國餐廳，見外面都幾多人等位應該會幾好食所以就試下。由於係新開既關係，仲見到有花牌係門口，環境都好光猛，裝修又新淨，坐位都算舒服zzz。餐牌選擇都多，而且價錢唔貴。呢排食得多肉，想食反多小小菜，所以叫左個馬拉盞炒菜，通菜好幼嫩，辣辣地好開胃，炒得幾夠火喉。Me 喇沙 入面有大蝦，蜆肉，蟹柳，魚蛋，豆卜，雞絲，雞蛋，一碗麵入面有咁多料都好豐富，雖然得兩隻大蝦，但好彩蝦既size都算大，而且食落幾爽甜新鮮，唔會係唔新鮮既蝦，而且食落肉質都爽甜。最後甜品叫左椰汁西米糕，呢個甜品係兒時最愛，味道都食得反當年既口味，椰汁味夠，食落好香又唔會太溜，好回味。整體都算好滿意，未食過既朋友值得試下.

之前都有去過Mee...lemongrass度食野嘅 食左一次之後就愛上左呢度嘅食物🤩今次叫左個無骨海南雞嗽沙 好鐘意佢個湯底 雖然係唔辣 但好濃郁好正宗😍d麵都好入味 滲入晒d湯嘅精華👏🏻同埋d雞好嫩滑👍🏻👍🏻 份量又足👍🏻好抵食啊 下次要試埋個波士頓龍蝦喇沙先❤之後仲叫左個馬拉盞炒芥蘭🤓份量多到兩個人都食唔晒🤣辣辣地好惹味🤤同埋d芥蘭都好新鮮👍🏻之後仲叫左個Mee...香茅雞翼 有5隻嘅 好好食 啖啖肉唔會淨係得d骨🙈岩晒我口味又唔會太咸👏🏻至於飲品 我就叫左鮮橙高山翠綠茶 好正🙈d橙好甜好fresh❤ 香港仔呢間d飲品同其他分店係有d唔同 呢間有手泡純茶 海鹽芝士奶蓋茶 珍珠奶茶 鮮果茶 仲要有黑糖珍珠鮮奶😍下次一定要試下