Mee...lemongrass (ac四期) (已結業)

鮮有經過香港仔，在商場內發現經常光顧的檸檬草，裝修有點分別，但熟悉的親切感依舊，按捺不住的入座了環境企理，新淨寬敞，彩色吊燈吸睛點了 Mee 喇沙 $78，材料豐富，有大蝦、蜆肉、蟹柳、魚蛋、豆卜及雞蛋，湯底味道濃郁滋味，再配油麵加米粉的“慘慘”，必食之選。招牌無骨海南雞半隻 $118，押上招牌的菜式，加上無骨，正合我這種懶鬼的心意，這麼吸引，又怎能錯過。金黃肥美，肉汁豐盛，味道如一，好食😍😍😍點一點特制的甜豉油，完美啊～😍😍$76 的肉骨茶，其實相當超值。冬菇大大件，排骨也大大件，湯底亦非常好味道，個人而言，錯過這客肉骨茶會是一個損失。平日咖哩總是跟牛腩或雞肉，今晚的緬甸咖哩薯仔雜菜 $72，頗有新鮮感，其實咖哩配雜菜，味道也尚好。離開時才發現有珍珠奶茶、水果茶外賣處，還可以自行購票，認真貼近潮流 😂😂新張期間買一送一，直接回饋食客比賣廣告來得實際 🖒💖我亦不甘後人，即時買了2杯外賣回家去……😁😁

是日在香港仔放工,難得黎到就四處行下,順便食埋晚飯先走行下行下見到有個叔叔舉牌叫人食Mee咁我地就上去望一望再睇下門口既餐牌都OK既,所以同同事就入左去喇睇完餐牌叫野食先叫左個肉骨茶,雞油飯,馬來蜜汁炭燒厚切豬扒撈檬,馬拉盞炒通菜肉骨茶-非常足料,排骨都好入味,再配合埋其他藥材個湯仲好味道,豆腐卜吸晒D味更加正雞油飯-唔算好油,不過都幾香口馬來蜜汁炭燒厚切豬扒撈檬-豬扒燒到好香口,軟硬岩岩好,都幾好食,加埋醋去食撈檬可以話一流馬拉盞炒通菜-少少辣辣地都幾香口好味道,菜都好新鮮

新開張咁耐，前排都未有時間去試新野，難得有收早，緊係同友人去幫襯下啦。坐低打開餐牌，款式都好多選擇。我地揀左招牌無骨海南雞飯，話明招牌菜，一定要試下啦。碟雞既份量都算多，起碼有5~6件，肥瘦適中，又滑身，一D 都唔膩，配埋碗黃油飯，絕配！而且個餐有埋菜同湯水，咁既價錢真係好抵食。不過都另外叫左個炒雜菜，即刻炒出黎，熱騰騰，好味。另外叫左個軟殼蟹米紙卷，入面包住好多餡料，有主角軟殼蟹，紅椒，生菜，青瓜，粉絲，甘荀等等，食之前沾上配有醬汁，酸酸甜甜，好開胃。而且成道菜都好健康。再黎多個雞翼，有5隻，都幾大隻，啖啖肉店舖都幾多人，要預早BOOK，如果唔係要早D去，好多街坊落去食，而且又有大圓枱，岩岩一家人去！最後叫左4樣野食二百八十左右，都幾抵，真係大件夾抵食，走個陣左幾張COUPON俾我地，好NICE呀，值得一讚！！

今日同朋友lunch hour 去左mee...lemongrass 食泰菜，lunch hour 都要排隊 等我同朋友試下先😆原來香港仔分店係同旁邊既珍珠奶茶店合作緊， 如果我在mee...lemongrass 食lunch 可以以優惠價嗌一杯野飲，身為港女既我當然同朋友一人嗌一杯，我地兩個都叫左一杯鮮果東方美人茶，裏面超多新鮮水果，杯茶唔會話好甜，都係水果既甜味，岩哂我地扮減肥人士haha 介紹返我地食左咩先！我叫左個炭燒厚切豬扒撈檬粉而朋友就叫左個無骨海南雞飯💕先講海南雞飯，佢既海南雞真係好滑好好食，唔會話硬哂，肉質好鮮嫩好好食。仲有碟菜心比你，均衡營養👀而我既撈檬真係好大碗，豬扒都有好多塊😂女仔真係未必食得哂，落左超多撈檬汁，真係好好食☺酸酸甜甜咁好正 而佢既豬扒都燒得剛剛好 🤪好入味又唔會太濃🤘🏻🤘🏻好好食人均大概$100一個，但真係好好食。香港仔飯堂呀!

新開既泰式餐廳，午市大排長龍，即使午市亦要加一，加一後價錢大約$6X至7X，抵唔抵就見仁見智，食物賣相靚，味道亦係泰國食物既口味。叫左雞絲扎肉撈檬粉($58)，馬來蜜汁炭燒厚切豬扒撈檬粉($68)，lunch set包前菜，甜品，餐飲。跟餐加$8有珍珠奶茶，跟餐加$12有芝士奶蓋，出自隔離鋪頭叫里的茶。每個餐都各自用托盤上菜，賣相精緻。而且每人有1樽甜酸汁，自己加入去撈。雞絲扎肉份量多，而且切到厚厚一條，有口感唔係薄片。配料都唔馬虎，有紅蘿蔔絲，椰菜絲等，夠健康。檬粉份量夠男仔食，煮完唔會痴埋一pat。前菜有一小碟海藻，清爽。仲有甜品木糠布甸，雖然小小一杯，不過有得食好開心。而豬扒真係厚切，大份而且好厚，燒完都唔乾，帶點焦脆。lunch set望見都好豐富。整體，環境舒服，好似香港仔得尼1間泰式餐廳(?)，所以好多人去食，加上新開，多一個選擇。跟餐飲品就會將食評放係該鋪頭。

Mee…lemongrass呢間餐廳講到明係海南雞飯專門店，中意食海南雞飯既我一見到就梗係要試下喇~☺叫左招牌海南雞飯，佢係成set野上，碟雞有花生，蘿蔔絲同主角雞肉，佢既肉質好嫩滑，點左佢既醬食好香丫☺佢碗飯唔係平時個d黃油飯，但又唔係白飯，上面加左d應該係炸左既蔥，咁我估佢應該叫蔥油飯喇，我食海南雞其實主要係想食個黑色醬撈飯，次次食完都想encore唔夠喉丫但好在佢仲有個湯同碟菜，個菜份量好多好新鮮，碗湯又好好飲喎，呢個set cp值好高丫😋之後仲叫埋海鮮炒粉絲，佢好大碟，仲有好多料，有蝦，青口，魷魚，蛋，紅椒，黃椒😆好豐富丫，佢d粉絲唔會太鹹太重味啱啱好，但實在太多喇，兩個人食都有d飽另外仲叫左個小食，成日見人包d米紙卷都好想食，但都係唔自己包直接落order食☺佢有六舊米紙卷，d料多到爆哂出黎，入面有軟殼蟹，菜，牛油果同芒果…佢仲配左個汁，酸酸甜甜好開胃呢度好特別既係仲有賣d特飲係外賣杯個種，見咁飽就叫個紅茶喇，但估唔到佢有加奶蓋，飲落又幾香幾特別最尾埋單每人百幾都食到好飽好滿足，想食海南雞飯個時會再黎食下😋

適逢朋友仔生日，特登入香港仔係佢屋企附近請餐生日飯，結果我地就決定左食新店開張嘅Mee。繼上次已經好耐無食過，食物種類依然咁多，因為唔太餓，兩個人叫左一個喇沙、一條魚同一個甜品就算。喇沙好快就黎到，熱辣辣色彩鮮豔好吸引！湯頭好濃，大蝦好彈牙好新鮮，魚蛋同豆卜索曬啲湯汁好入味，麵嘅份量適中質感都唔會太淋，值得一試。[朋友仔無魚不歡，條魚煎得好脆唔算太多骨，不過我嫌佢油溢味略重，配上酸酸地泰式醬汁就好好多。椰汁糕個玫瑰造型好呃like！椰香再多啲啲會更加好，不過口感好Q彈而且椰汁味都好夠！[新張優惠飲品買一送一，我地兩個食太飽了都未有機會試飲，下次再去一定要試吓隔離檯個碗香濃咖喱同碟好似好清新嘅海南雞飯，實在太過吸引！！！

香港仔 mee lemongrass 新店，次次經過商場下面都聞到好香好香！終於都有機會試下！沙嗲串燒有牛、雞兩款，可任意配搭串燒嘅沙嗲醬，甜甜辣辣，十分香濃惹味！無論雞定牛，肉質都好嫩滑，一啲都唔靭！配菜好豐富，有鮮菠蘿同多士，多士有明顯嘅炭燒味！無骨海南雞飯配湯係青紅蘿蔔湯飯有係少少油，但冇黃薑，亦冇雞油味，同白飯差唔多白灼菜心啲海南雞係過老嘅，而且唔係完全去骨，同食白切雞無異醬汁係濃甜豉油同辣醬，不過不失！雞絲喇沙份量十足，有少少菜，有半邊蛋，兩隻蝦，兩粒豆卜同好多雞絲！喇沙湯底香濃，偏甜，上菜時湯勺附有惹味馬拉盞！雞絲嫩滑得不得了！出色嘅係，麵底唔係一般嘅米線/金邊粉，而係極具東南亞特色嘅鴛鴦粉，即係米粉+油麵！另外，店內附有「里的茶」，開張期內，買一送一！可以買入店內飲用！揀左鮮果茉莉茶清香果味，但百香果籽欠奉奶蓋伯爵珍珠奶茶奶蓋鹹香，珍珠煙靭，黑糖濃郁

-1️⃣Lobster Laksa HKD$84原價HKD$168既Lobster Laksa 而家半價優惠84食龍蝦 平到爆龍蝦勁大隻，仲大隻過碗一黎到嚇一嚇 心諗會唔會大隻左小小...肉質鮮甜爽口彈牙 配埋laksa味道一流laksa勁鮮甜惹味好重椰香麵條係油麵同米粉兩溝個人中意油麵多D 油麵同喇沙湯好夾米粉夾喇沙會有小小食完就無既感覺但油麵就好滿足 麵條索曬喇沙湯豆卜更加吸曬D精華好想飲哂成碗.2️⃣招牌無骨海南雞飯HKD$74無骨海南雞肉質嫩滑可口雞皮金黃色又有光澤兩種醬汁一甜一酸 勁野味仲有油飯、鮮甜冬瓜湯同爽口既油菜成個套餐好吸引.3️⃣馬來蜜汁炭燒厚切豬扒HKD$72一上檯見到豬扒分量勁多炭燒勁香口 豬扒嫩滑又有咬口配上辣汁好野咪.———————————————唔貴又好食

Mee lemongrass好似有好多分店，今次就畀我地係香港仔搵到，就一於去試下。前菜就叫左個無骨酸辣鳳爪沙津。唔係講笑，係鳳爪多過沙津咁濟，鳳爪好爽口，D酸辣汁都入晒落D鳳爪到，好惹味！食泰國野點少得喇沙湯麵，叫左招牌MEE喇沙湯麵。材料好豐富，有2隻大蝦、蜆肉、蛋、蟹柳、豆卜等，個湯麵好特別，因為係用左2種唔同既麵︰有米粉同麵條，我就鍾意米粉多D，因為佢索晒D喇沙湯；靚女女朋友就鍾意普通麵條，因為彈牙D，因人而異啦~大蝦好爽，蜆肉OK，豆卜就索晒D湯。個湯唔算好濃味，食完唔會好口渴。見到餐牌上面個蠔仔蛋好吸引，所以就想試！蠔仔蛋個份量十足，有個鐵板熱住令佢keep住香噴噴，蠔仔都唁少又大隻，好香口，點埋D辣醬，層次就更豐富。最後叫左個芒果燸米飯，鍾意個燸米幾黏口，而且都多新鮮芒果食！叫左4樣唔同鍾類既野食都唔洗300蚊，算平民化啦！

之前係銅鑼灣都見過呢間食店每次經過都想試但成日都好多人排隊今日放假去香港仔買日用品見到有呢間仲要冇人排隊即刻勁興奮其實好想試佢個龍蝦🦞湯麵但可惜今日賣曬😭所以我地唯有轉嗌其他野食但都一樣冇令我失望呢個小食拼盤有串燒、蝦🦐餅、春卷、雞翼、泰式鳳爪😂不錯不錯呢個牛骨湯河♥️落埋啲青檸辣椒🌶️好香♥️好濃嘅牛味正👍🏻仲有呢個大蝦炒金邊粉都一樣出式我地叫飲品，店員好好人話我地知外賣飲品買一送一叫我地去買，買完可以拎入嚟飲我地揀咗一杯芝士芒果🥭茶同埋芝士草莓🍓茶芝士好香濃♥️飲品係做得唔錯嘅有驚喜

之前去過九龍灣分店，見香港仔新開張有優惠，就決定同朋友黎試下。一黎到好多人等位，下次要用app拎定飛先得喇😣呢間鋪特式係連住台式飲品，可以一路飲一路等，等到有位可以拎埋杯嘢飲入去繼續嘆。炒金邊粉 ($68)炒得好有穫氣仲有兩隻大蝦，抵食地道串燒 ($62)雞同牛肉質嫩滑，配菜有菠蘿同麵包，有誠意馬拉盞炒通菜 ($62)份量足，好有穫氣，抵食香芒椰汁糯米飯 ($48)甜品必叫之一，份量啱兩個人食，唔會太漏太飽。芒果香甜，糯米軟硬度啱啱好。甜品做到好似壽司咁放上拖鞋造型嘅碟上，新穎有趣飲品做緊優惠買一送一，可一試。總括，連鎖餐廳果然有保證，個人認為呢間好食過九龍灣分店，住南區嘅朋友想食星馬菜又多一個選擇喇，週末晚飯時間記得要喺app到拎定飛喇

同屋企人食下午茶，兩點幾去到唔算太多人，叫左兩個tea set, 軟殼蟹撈檬粉凍檸水（$48+$2)招牌無骨海南雞飯熱蕎麥珍珠奶茶（$62+$8）海南雞飯先到湯無無味好似水咁，雞肉凍但都算滑，油飯都可以，整體味道還可，軟殼蟹撈檬，雖然要等一陣，但軟殼蟹熱辣辣，好食，撈檬亦正常。海南雞飯雖然係主打，但唔太驚喜，個人比較推介撈檬，另外見台式飲品亦好多人買，味道唔算貴，可一試。

經過香港仔有呢間Mee...lemongrass，就醒起之前係cwb都見過呢間餐廳，今次終於有機會試下啦。餐廳主打東南亞食物，價格親民，食物水準甚高，色香味俱全。餐廳裝修簡單，燈光通明，環境舒服。招牌無骨海南雞飯 ($64)海南雞好足料，去哂骨，肉質嫩滑，雞皮金黃有光澤，用酸汁配合，加上香噴噴的油飯，絶配！套餐配埋雞湯同埋油菜，雞湯鮮甜，油菜爽口，呢個套餐健康又抵食。香葉蝦仁米紙卷 ($62)薄薄的米紙包著生菜、粉絲、青瓜、蝦仁、甘筍絲、炸蒜乾、一粒辣椒，再沾上酸辣汁，酸酸甜甜加點辣，好開胃！Mee...喇沙、大蝦、蜆肉、蟹柳、雞蛋、魚蛋、豆腐卜、魷魚 ($84)大量鮮甜海鮮配料，好足料，湯底惹味，好重椰香味且無腥味，味道香濃。麵條用面同米粉兩溝，一粗一幼，好有口感。麵條索曬香濃喇沙湯， 豆卜吸曬個喇沙既精華，每一口咬落去都充滿濃郁的香料椰奶味，食完一啖接一啖。

呢間lemon grass係其他地方都食過，今次黎到香港仔又見冇咩選擇，決定再食多次，果然都冇令人失望。原來呢間係新開張，仲要有新開優惠。龍蝦喇沙半價，只係80幾蚊好抵呀！即刻叫個黎試下！上到黎個size令人好驚訝，超大隻同超大碗。味道都好好，好香椰味，麵底係米粉同油麵。龍蝦唔算新鮮，但都爽口，呢個價錢算幾唔錯！另一主菜叫左炒貴刁，炒得幾有獲氣，色水非常好！仲有好足料海鮮！但味道就可以再濃啲小食我地叫左軟殼蟹米紙卷，有4大舊。甜酸汁好開胃，蟹份量都多，米紙煙煙unun硬度適中另一樣叫左雞串燒，有肉汁！加埋沙嗲汁好好食！好香麻醬花生味最後叫左馬來蔗蝦。大大舊啖啖肉👍🏻入面夾好甜既一齊炸好好食！有甜有咸咁呢間連埋台式飲品店，所以我地決定叫杯芝士奶蓋黑糖珍珠鮮奶試下。20幾蚊咁大杯好抵呀而且味道都幾好，唔會太甜，珍珠都好香黑糖味，係略厭芝士奶蓋可以再濃芝士味多啲！呢間整體質素都好好～去其他地方有分店都會再食!