Mee...lemongrass (ac四期) (已結業)

對於無飯夫婦而言，我們很高興香港仔有新食店進註，讓大家有更多選擇! 食物而言，價錢大眾化，種類選擇不錯，味道亦可。但是很可惜的是....帶位及收銀員態度惡劣,只想把所有食客，擠在一起! 最重要是....唔理你枱面是否放得下所有食物，他都一於好少理！😡😡

今日收工之後，相約了住係香港仔朋友食晚飯～隨便行下附近，見到新開了的泰國店，內裡又貌似坐得舒服，可以坐得耐聚舊，決定一試。餐廳好大，座位與座位相隔都開，私隱度不錯。一坐低，我地即刻睇餐牌點菜！佢有喇沙即有馬拉西亞風味，亦都有泰國菜口味，亦有d越南風。我地兩個人各叫了一碗麵，再加一個小食！我叫了全牛河粉！有新鮮牛肉、牛拍葉、牛丸、牛腩同牛筋！湯是濃味的！牛腩都非常軟！不錯！但要話非常好味，就談不上啦。算不過不失啦！我朋友叫了海鮮喇沙！我試了魚蛋，有點太腥，辣度可以算是小辣，亦算合格吧！至於小食，我地叫左軟殻蟹米紙卷！好味！朋友還叫了一杯特飲。如果係出面外賣店買可以買一送一，但因為我想飲水，所以就直接係餐廳叫咯以佢價錢，味道環境可以接受的

是日同朋友行山，一落山就係香港仔，大家都肚餓決定係度食埋嘢，見到呢間餐廳先知係香港仔開左分店，之前喺其他地方食過都唔錯。一嚟到就見到龍蝦喇沙做半價，咁啱想食就叫佢，坐咗一身啲嘢食好快到 。一品牛柳粒，個人覺得鹹咗少少，鐘意濃味既我諗會喜歡。跟住厚切豬扒，豬扒唔太燶，而且口感都幾Juicy。叫咗個大蝦炒金邊粉酸酸may may咁好好食，又夠開胃。大家仲可以按個人口味，加埋旁邊嘅配料。龍蝦喇沙一黎就見到好大碗，份量幾多到驚食唔曬，好彩我哋夠肚餓。喇沙食落好惹味， 龍蝦仲要有膏，真心唔錯！食飽之後，我們再叫咗兩個芒果糯米飯。嘻，呢個簡直係我嘅至愛，其拖鞋造型夠曬搞笑。今次芒果有少少酸，但都好好味。椰汁味夠香濃同芒果加糯米飯經配搭，滿意嘅一餐。總括價錢的確係比其它分店平嘅，食物質素都幾好，同其他分店沒有大分別！所以好抵食！

見附近商場最近開咗一間馬來喇沙專門店， 平日見到都幾多人排隊。 門口仲寫咗有新開張優惠， 相當吸引，當然要試一試啦。門口侍應哥哥態度親切， 滿面笑容， 好快安排咗我哋坐卡位。Mee...lemongrass 裝修設計新穎， 牆身主要用木條相間， 用原木色同綠色做主調， 用上咗芭蕉葉圖案做壁紙， 好有東南亞 熱帶森林feel。 餐牌上不論食物同飲品選擇都幾多， 價錢都幾合理。馬來蜜汁炭燒豬扒撈檬 ($66)首先上枱嘅係豬扒撈檬， 好大碗！ 一上枱已經霸咗半張枱。 撈檬份量十分之足料， 一碗已經係兩人份量。 豬扒密麻麻鋪滿碗面， 厚切豬扒畀焦糖包裏著， 入口鬆化多汁，蜜味濃郁， 仲有炭燒香味。 檬粉軟硬適中，另外仲配有大量嘅碎花生，炸蒜同埋生菜，配合甜酸汁食非常開胃。地道串燒(牛雞) ($62）雞肉嫩彈帶焦香，肉汁豐盈。牛肉外皮香脆，肉味濃厚又彈牙。蘸着沙嗲汁食更加香辣惹味。😋緬甸咖哩牛腩（$74)咖哩汁微辣，椰奶味香濃。 牛腩和牛筋燜十分之腍， 用嚟撈飯食完全停唔到口。😉呢一間新開張嘅Mee.. Lemongrass 實在係非常有驚喜， 原本仲想試下甜品。 點知食物既份量實在太足料， 食

新年去左朋友香港仔既屋企拜年。本身諗住香港仔冇乜野食選擇，點知佢就帶左我黎呢間算係食fusion菜既餐廳度食。餐廳野食都有好多選擇。馬來喇沙海南雞飯應有盡有。我地就每人叫左個主菜，另外叫左個肉骨茶。首先上菜既就係海南雞飯。賣相不錯，而且有埋菜同湯，非常豐富。雞肉好嫩，而且跟左3款醬汁比我地點來食。然後就係肉骨茶。個湯非常足料，而且份量好多，夠每人飲3碗。最後就係我個芭提雅蝦醬炒飯。聽個名好似有d頹。但係佢響menu張相係非常吸引，個炒飯係有少少肥豬肉又有蛋絲，餸飯非常正！因為有買一送一優惠，我地仲響外面個飲品站買左2杯野飲，一杯奶蓋一杯珍珠。奶蓋既奶好厚，直程仲正過喜茶，而且份量又係好大杯。最後我地2個都好飽啊，非常抵食！

今日家人生日，近近哋就去咗香港仔中心， 屋企人就鍾意食泰國嘢，揀咗呢一間mee lemongrass。7點半去到門口勁多人，等咗四個字就有位喇， 喺門口已經見到啦龍蝦喇沙半價好吸引 ，決定嗌佢嚟試一試。有太多選擇個個左揀右揀， 最後嗌咗幾樣嘢。屋企人係飯桶所以嗌咗個雞油飯同白飯用嚟送咖哩薯仔雜菜 。，最快嚟嘅 馬拉盞炒通菜，通菜食落夠味，味道不過不實唔太鹹，攞嚟送飯都唔錯。跟住豪仔蛋嚟咗，呢個略嫌爭少少 ，如果啲蠔仔在再鮮啲就好，比住七十分先，因為蠔味唔夠。跟住係龍蝦喇沙，呢個真係必叫，龍蝦大大隻放係個碗 ，視覺享受非常一流，切開龍蝦好多膏，湯底亦都好惹味，米粉同油麵嘅配合真係好夾，呢個係最滿意。跟住咖哩薯仔雜菜都嚟埋，咖哩唔太辣，咖哩味香而且薯仔好入味，攞嚟撈白飯一流。跟住黎一隻海南雞， 無骨海南雞啖啖肉，雞肉幾滑溜點埋個汁零舍開胃 。食埋個芒果糯米飯完美嘅結束。

今日去左香港仔一間新店食飯，都幾多人幫襯，好彩位夠多唔洗等好耐。食物方面都幾多選擇，尤其係小食！我就叫左一個海鮮喇沙，小食拼盤同芒果糯米飯，上菜速度正常。首先講下個喇沙，又真材實料喎，有蜆青口魷魚魚蛋同兩隻大蝦，麵就溝左兩款，一粗一幼有口感！小食拼盤有五款小食，包括雞翼泰式鳳爪炸蝦餅雞肉同牛肉串燒同春卷，岩曬我呢啲樣樣都想試下嘅人。炸蝦餅彈牙好味，無得輸！串燒配埋醬汁非常惹味，個人比較鍾意雞肉，有燒烤嘅香味但又保留到肉汁！最後個芒果糯米飯，擺到好似壽司咁樣好可愛食落亦好方便，唔好睇佢好似好少芒果，其實另一邊仲有，椰汁加上香甜嘅芒果同黏韌嘅糯米飯，好快已經比我地清空！

誤打誤撞嚟咗香港仔中心搵食，見到呢間餐廳新開張無耐，就「貢」咗入去食lunch。門口post張有啲新開張嘅優惠，好飲似幾抵咁，不過今次第一次嚟呢間餐廳食，我同友人都係普普通通咁叫lunch set算。我揀嘅係軟殼蟹撈檬粉 $64，跟餐仲有沙律、甜品同飲品，飲品我加咗$12轉飲芝士黑糖珍珠鮮奶 (呢啲特飲係門口嘅飲品店「里的茶」沖製嘅，十幾蚊加配都算抵👍🏻)友人叫嘅係招牌無骨海南雞飯 $72，跟餐仲多我一個餐湯𠻹！飲品方面，佢就加咗$18轉飲西柚凍頂烏龍茶。飲品同食物好快就送到嚟，沙律係中華沙律，我叫嘅檬粉份量勁多，連隔離枱嘅姨姨都驚嘆😂，軟殼蟹好香口，又脆，為個檬粉增加咗好多口感👍🏻 檬粉勁多，啱哂我呢啲狂撈汁食嘅人，食得好滿足！食飽後再食件甜品☺️ 飲品嘅芝士咸香好正，配埋黑糖珍珠鮮奶我都係第一次試，又咸又甜咁好過癮😳友人叫嘅海南雞飯都好出色，我偷食咗啲，雞肉好嫩，我無點到醬都已經好好食，同埋無骨真係好方便。油飯夠香，簡簡單單已經好美味☺️ 佢嘅飲品西柚凍頂烏龍茶亦都好飲，西柚酸酸哋，配埋清新嘅烏龍茶，又健康，又解膩，食完飯飲超爽👍🏻

香港仔開新食店係好事，又多一個選擇，點知。。。諗住成team 人去食開年飯，一行九人，必定要等大枱，全場得兩張大枱，心知不妙，即刻拎多兩張細枱飛，分枱食啦，3張飛一齊等，結果等左45分鐘，竟然有大枱，真係等到餓死，lunch 放飯時間真係多人到不行了，如果要等大枱真係lunch time 完都未有得食，唉，我當佢新開，又新年個個都出黎食lunch , 就算數啦等位耐仲可以包容佢，漏單就難d 包容，叫左野食後，職員放低張單，出事了，叫左9個餐，張單得5個，職員話print 錯單姐，明顯唔係啦。。 漏左個4個餐之後等左勁耐先到，係到左3個渣，最後一個餐，漏單第二次，再催左幾次先到，我地食哂，呢位同事先開始食我叫左海南雞喇沙湯麵，係4個漏單的餐既其中一個，所以我真係等左好耐先有得食老實講，味道唔差既，海南雞肉質都夠嫩，個喇沙麵係米粉加油麵兩溝，兩溝的又真係第一次食，有d 驚喜，不過，碗麵係唔熱架！！ 同事都表示佢地個餐都係唔熱的我加左12蚊餐飲改要凍頂烏龍芝士奶蓋，茶底好淡，得個甜字同事叫左其他野飲都表示唔好飲成個餐total 90幾蚊，都算貴

講到食泰國野! 點都唔可以唔試下 海南雞飯呢! 呢到既招牌無骨海南雞係香港食泰國野黎講唔算貴! 半隻雞都係110到~ 當然我同朋友2個就食唔哂啦! 所以我地嗌左1個海南雞飯, 一碗喇沙! 真係要試真下究竟係本地同當地食有乜野唔同! 喇沙最講究就係個湯底同配料! 嗯! 試左1啖湯已經覺得幾好! 甜中帶少辣! 香料好足夠! Btw 配料先係重點! 成碗麵一送到黎! 全部都比d配料蓋哂d麵! 真係好足料wo! 有好多海鮮~ 2隻大蝦! 墨魚環, 魚蛋, 蟹柳, 糖心蛋, 蜆肉! 我個人就超鍾意海鮮既,d配料浸哂落個海底到真係好入味呀! D麵都幾特別,有d米粉又有d粗麵,而海南雞亦都不失霸主之位! 啖啖肉之餘仲要好鬼滑嫩~ 仲要配埋雞油飯! 全部瞬間掃哂! 跑多幾個圈都唔緊要呀!哈哈!呀! 我地仲嗌多左個香芒糯米飯,都幾好,芒果夠新鮮,椰汁夠濃,但個飯就可以再黏D就好! 我見出面有個飲野Bar排滿人~咁無理由蝕底唔整返杯野飲既! 加埋杯野飲! 白桃奶蓋茶! 真係好滿足呀!!

今日年初九去探家姐順便同佢拜年，因為家姐一個人住，我地2個人唔煮飯喇，落樓下見到有間新開既餐廳，所以就入去試下，間餐廳名叫做Mee...lemongrass，心唸都幾特別喎，行到去門口都見到有好多人排隊，真係勁驚要排好耐，但家姐話附近餐廳都食到厭真心想試下，好在最後只等左15分鐘就有位啦。入到去見到新裝修同埋好乾淨真係抵讚呀，我地2個人點左四樣野，原隻波士頓龍蝦喇沙、無骨海南雞飯、馬來蜜汁炭燒厚切猪扒、同埋黑糖珍珠奶茶，落單時服務員係好好禮貌啊，我地有野改都完全無咋型，仲係笑住服務我地架，又再抵讚下。上菜時間都好快，第一度上既菜係原隻波士頓龍蝦喇沙，我一見到隻龍蝦真係眼都突，因為隻龍蝦實在太大隻喇，只係$84蚊就可以食原隻波士頓龍蝦，真係香港邊度都搵唔到，隻龍蝦勁多肉，啖啖肉真係好正呀，個喇沙湯底亦都非常出色，少少辣好野味，麵底係用米粉同幼身既油麵，2種麵底都係第一次食好特別，湯底仲有豆卜同肉碎非常夾，因為碗麵真係好大碗，要餓定個肚先好食。跟住上既係無骨海南雞飯，套餐有一碟雞、一碟菜、一碗湯及飯，個湯係無味精既，清清地幾好飲，海南雞就唔係舊舊都咁滑，呢度係有d扣分，但伴菜既青瓜同埋花生

起香港仔朋友屋企拜完年, 跟手同朋友食埋晚飯。食過銅鑼灣分店覺得唔錯所以對香港仔分店都有一定信心。香港仔店既價錢比銅鑼灣店平少少。但就連埋 " youn cup of tea"  飲品鋪一齊開。首選無骨酸辣鳳爪沙律, 酸辣度剛好、沙律菜好新鮮, 好開胃, 必食之選!另外主食叫左檳城炒貴刁, 夠鑊氣、色香味俱佺。配料充足,有大蝦、魷魚、青口及蛋等等。分量適中, 河粉亦夠入味。甜品方面叫左個香芒椰汁糯米飯擺盤好似壽司咁, 好精緻 , SIZE 可以一啖食曬。糯米飯有淡淡的椰香。不會太甜食落唔會溜口。而且重有D 芒果肉粒可以點椰奶食。飲品: 白桃烏龍奶蓋 , 茶底清新, 有淡淡的桃香味,飲落喉嚨好舒服。奶蓋分量適中打至滑身好CREAMY, 香甜得黎帶少少咸香。

哈哈 又係我vn 帶大家介紹一下一間泰國幾有水準既餐廳!\情人節前夕緊係要食餐好既對自己好d啦!呢間餐廳最出名既就係招牌無骨海南雞飯!配料都好豐富~ 而會有個托盤裝住哂~包括有雞油飯,湯,醬料, 無骨海南雞一碟!雞肉一咬落~嗯~ 好滑! 油飯亦好甘香! 再嗌多左個喇沙! 配料都相當豐富呀叫做mee...喇沙 相信應該都係招牌菜啦! 有墨魚圈,魚蛋,豆卜,蟹柳,2隻大蝦~ 超正 湯底好入味~帶少少辣!驚我朋友唔夠飽! 又嗌多個 椰汁香芒糯米飯! OK啦!咁當然無係泰國當地咁好食既~ 不過都收貨!見到入門口位有個飲野bar 好多人排隊! 好咁我地都嗌左杯野食試下!\白桃奶蓋茶~!茶味好濃! 好清香! 超鍾意~ 係略嫌奶味唔夠重!BTW!!期待下次再黎 !

香港仔中心新開左餐廳，就係ac4 一樓，上左電梯轉右再轉右最入。同家姐8點左右到，等左10分鐘，好快就有位。環境光猛，清潔衛生，地方大，都好多位。首先叫招牌無骨海南雞只係叫左半份都好大隻，份量十足，雞肉嫩滑，無骨得黎都好多肉，雞肉唔係好肥，啖啖肉又冇咩肥膏，雞皮滑捋捋，連家姐唔鍾意食雞皮都食晒成舊。之後叫左 Mee...喇沙. 碗喇沙好多餸！有大蝦，蜆肉，蟹柳，魚蛋，豆卜，雞絲，雞蛋，一次過滿足多個要求~個湯好creamy，一啲唔辣，當湯飲都得，對於怕辣既我啱晒。大蝦好厚肉，蟹柳夠大條。大大粒魚蛋彈牙，都鮮地喎；麵底係彈牙，米粉油麵撈埋，咬口一流。香芒椰汁糯米飯一上台的時候，好似成隻拖鞋咁樣，真正拖鞋飯，真心笑左出黎，哈哈。用左鮮芒果，少少酸， 但加左椰汁就岩岩好，糯米飯仲熱，飯煙韌又有椰香，Size 啱啱好一口食哂，喺香港算係幾唔錯嘅質素。隔離有間飲品店唔知係咪同間餐廳係friend， order飲品可以送入餐廳畀你，於是我哋買左一杯芒果芝芝冰茶，同炙芝士黑糖珍珠鮮奶，今日成個晚餐完滿了。

今日跟朋友來香港仔這間新開嘅餐廳, 門口餐牌上有好多特色嘅東南亞美食，店面環境清新優雅, 地方大空間闊。打開menu見下午茶餐好多選擇，我們點了MEE…喇沙-大蝦, 蜆肉, 蟹柳魚蛋, 豆卜, 雞蛋，裡面有好多餸，大蝦連殼煮保留蝦的鮮味，蟹柳大大條，口感軟綿綿、墨魚丸彈牙，半邊蛋煮得剛好，蛋黃蛋白也滑溜, 仲有海蜆、豆卜等配菜。喇沙有咖哩和椰香既味道, 配麵非常棒。另一味可以話只要喜歡食牛既人都會喜歡, 有多種牛既部位，秘製特色牛骨湯河, 牛骨湯煲左十個鐘，牛肉和牛肋腩炆得夠林, 牛丸夠牛味, 牛柏葉爽口, 鐘意牛既絶對能滿足胃口，配埋炆得夠火喉既清甜白蘿白，絶配。 庶蝦撈檬粉係好出名既越南地道美食，主菜係庶蝦，庶既天然糖份清甜，配上炸到香脆彈牙既蝦膠，口感正，其實這道菜好多功夫，要剝蝦殼、挑蝦腸、撻蝦膠, 仲要釀埋落條庶度再炸到香脆。跟住配菜既撈檬粉看似簡單，但要好味就要配上多種配料,當中有香脆花生, 紅蘿蔔絲、白蘿蔔絲、青蔥粒、蕃茄仔、沙律菜、炸香咗既蒜片，撈好之後再加上檯面上嘅醋，讓各種味道混和在一起, 帶出讓味蕾滿足既豐富口感和味道。另一味香口既炸軟殼蟹，炸得酥香連殼都不用剝