MeeMeeMe (已結業)

星期六去左黃竹坑試新野，地點係MeeMeeMe，係一間亞洲菜餐廳，選擇好多元化。餐牌好似一本雜志，有麵食，意粉，越式冷檬粉，椰菜花飯，漢堡包，咖喱，沙律，小食，飲品。今日第一次黎，叫左兩個主菜同兩杯飲品。蟹膏蟹肉意粉 $148 另加一蟹膏蟹肉意粉份量好多，意粉係幼身spaghetti，醬汁豐富，令意粉好滑溜。忌廉醬汁味道帶微微蟹膏味，中間都食到白色蟹肉絲，上面加上少量蟹籽，芝士粉同香草。呢道意粉味道唔錯，夠飽肚，鍾意豐富醬汁意粉人士應該會鍾意。炙燒吞拿魚越式冷檬粉 $138 另加一炙燒吞拿魚有5片，顏色粉嫩，食落好腍，上面鋪上少少菜苗。檬粉好幼身，非常滑溜。另配大大瓶魚露，味道酸酸甜甜，呢度魚露蒜味輕d所以食完唔會口臭。下面墊底沙律雜菜多過，仲有橙色同紅色車厘茄，青瓜絲，同洋蔥片，仲有花生碎加添口感，食完成碗都感覺健康。芝芝Smoothie好吸引，寫明700ml，果然大大杯，有3款口味，仲可以加$8加料。芝芝莓莓加珍珠 $55 加$8 另加一芝芝莓莓味道酸中帶微甜，應該無落糖。而口感有粒粒莓籽咬，我加咗$8加珍珠，更加微微帶黑糖甜味，珍珠份量唔少，而且口感非常煙韌，正。芝士蓋又滑又香，

之前有朋友送咗兩張海洋公園免費門票，見佢就嚟到期，梗係即刻入場玩吓，可能太耐冇去，好似好多設施都唔同晒，天氣涼涼地都好舒服，玩咗成日，又有啲肚餓，就睇吓附近有咩好食，上網見到黃竹坑站有間泰國嘢都OK，兩個人一人叫咗一個主食,招牌咖哩香茅豬扒雞翼配煎蛋,個咖喱好香濃，唔會太辣同埋都有幾多豬扒，送飯一流，在叫咗個牛肉至尊（有豆卜、蘿蔔、豬肉丸、魚片等等），見過餐牌寫係用牛骨湯，份量都好大碗，在幾人叫咗一杯嘢飲泰式珍珠奶茶&芝芝莓莓，嘢飲都好大杯，我個friend勁癲，又話飽仲叫個蛋糕嚟食，不過估唔到又好鬆軟同埋勁多士多啤梨， Good Good Good

今日放假，專登入嚟黃竹坑食晏。本來打算翻兜上次幫襯過嗰間日式西餐廳，點知有人好眼利，發現隔離新開左間主打東南亞菜及西式美食嘅店鋪，話要試下。餐廳門面設有落地大玻璃，店內裝潢以白色為主調，間隔通爽，加上樓底夠高，就算坐滿亦唔覺嘈吵，氣氛極為輕鬆。餐單選項十分多元化，既有越式湯粉、韓式烤肉，也有招牌咖喱、意粉、漢堡和飲品等供應。點左個 Pasta 同一客椰菜花飯。軟殼蟹黑松露意粉 ($138)  率先送上，黑松露野菌汁份量十足，意粉煮得超入味，軟硬度剛好，頂頭嘅軟殼蟹炸至鬆化香口，但食落又唔會太油膩，令人一吃愛上！另外呢客三文魚椰菜花飯 ($128)  亦好有驚喜，不但賣相吸引，而且飯底用料亦唔單調，除了椰菜花外，還有南瓜粒、粟米、藜麥和牛油果等，mix 埋粉橙鮮嫩嘅三文魚肉同清爽嘅椰菜花一齊食，口感好豐富，絕對係瘦身恩物。飲品點左芝芝火龍果 ($55) 同 奶蓋泰式珍珠奶茶 (+$28)，火龍果味道好 fresh，飲得出係用鮮果打成，加上鹹鹹甜甜嘅芝士奶蓋，衝擊味蕾。另外杯珍珠奶茶用料亦不欺場，茶底回甘生津，珍珠軟糯有咬口，配埋面頭濃香幼滑嘅奶蓋，Perfect Match！

星期六的節目是和先生坐短程巴士去黃竹坑食個飯，然後走約一小時的平坦路回家。在黃竹坑沿香葉徑直達香港仔，香葉徑一旁是黃竹坑明渠，不時會見到小白鷺覓食，頭頂則是南港島綫鐵路高架橋，列車在橋上呼嘯而過。跟著途經香港仔海濱長廊，飽覽避風塘美景，順道在香港仔買點東西便回家。黃竹坑食肆不多，我們多數選擇對住球場的MeeMeeMe，貪它環境舒服，食物款式多，而且份量夠。餐廳有東南亞餐和西餐，它的手調飲品特別正。招牌咖哩配香茅豬扒、雞翼煎蛋飯（$128）招牌咖哩惹味醒胃，不會大辣，內有洋蔥和薯仔，絕對是白飯殺手。三隻大雞翼和一大塊有骨豬扒夠晒份量。雞翼嫩滑多肉，豬扒軟腍入味。肉醬意粉配流心芝士漢堡（$128）切開塊漢堡，真是流心的。肉醬和意粉份量都不少，意粉軟硬適中。泰式朱古力奶茶（+$28）這兒的泰式奶茶全用泰國茶葉ChaTraMue沖調，夠晒地道。平日泰式珍珠奶茶飲得多，今日試朱古力奶茶，特別香濃。芝芝火龍果Smoothie（$55）新鮮火龍果加芝士奶蓋，天然無奶精味，綿滑清爽。

之前聽港鐵黃竹坑站附近返工的朋友話呢頭食嘢唔係太多選擇，逼住要自已帶lunch返工。不過現在已逐步有改善，今日聽佢介紹來咗呢間“MeeMeeMe"餐廳。好易記的名字。來到先發覺唔係純粹嘅馬來西亞餐廳，而係fusion菜餐廳似D。叫咗個越式牛肉河，有生熟安格斯牛肉，有牛骨湯，有河粉，飲咗啖湯先，鮮甜無比，上檯前依然睇到半生牛肉的粉紅色，啲牛肉好新鮮，仲有D配菜，豆腐卜，魚片頭，食食吓，連埋湯都飲晒入肚，好滿足。配咗個特飲“椰青蘆薈特飲”，平時鍾意飲椰青食埋椰肉，但今次有椰青水，有椰肉，有蘆薈，而唔使自己“挖”椰子肉，好好吖！"軟殼蟹黑松露意粉"隻軟殼蟹好大隻，"芝芝火龍果"真材實料好靚又好味。

而家間唔中都中意黎黃竹坑食飯，因為呢度既環境比較清幽，上網見到呢度有間新開嘅餐廳，就約埋朋友一齊嚟試下。牛肉至尊牛骨湯河粉（＄128）：依款河粉有好多配料，非常吸引。牛展同牛腩都燜得好林，牛味又香，肥牛肥瘦適中，牛丸好彈牙，魚片亦都好好味，湯底好清徹，而且牛味濃郁，豆卜吸哂湯汁非常美味，河粉熟度剛好，唔會夾起就碎。羅勒植物肉碎椰菜花飯（南瓜粒，藜麥，粟米，牛油果）（＄128）：近年好流行食椰菜花飯，原來我朋友未食過，所以我推薦佢點來試一試，椰菜花飯帶有微辣，可以令肉食人士更加容易嚐試食素，配上羅勒非常香口，而且有牛油果增加風味。口感同吃飯真係好似，配埋藜麥真係非常健康。泰式珍珠奶茶（＄38）：通常泰式奶茶都會偏甜，我地冇叫少甜，不過甜度都啱啱好，而且茶底亦都好香，同奶味嘅比例啱啱好，非常好飲，而且珍珠好Q彈。芝芝火龍果（＄55）：呢杯係紅肉火龍果，果汁甜度剛好，面頭有芝士奶蓋，芝士相對輕型，同果汁亦都非常配襯。呢間餐廳食物種類好多選擇，最欣賞係佢連素食嘅選擇都有，而且環境同質素都好好，好適合同朋友嚟聚會。

好耐冇去港島南區喇 今次約咗住南區嘅朋友喺黃竹坑一間餐廳食晚餐呢間餐廳嘅菜式集結咗東南亞同西式元素部份菜式平時比較少見 感覺都幾特別💖******************************🥦羅勒植物肉碎椰菜花飯 ($138) 椰菜花飯低碳水化合物 啱晒健身減肥嘅人呀將椰菜花打碎當成飯 竟然仲保留咗入面嘅水份仲有南瓜粒、栗米、辣肉碎、牛油果同黎麥搭配牛油果醬食得出好新鮮 充滿果香味🥑植物肉碎香口惹味 辣度就似平時泰式辣肉碎咁幾樣食材加埋一齊食 口感豐富又有層次感係有驚喜嘅菜式 估唔到健康嘅食材都可以咁好味❣️🦀軟殼蟹黑松露意粉 ($176) 炒香左既蒜粒同黑松露二合為一配上蘑菇🍄同大大隻嘅炸軟殼蟹入口食到黑松露味好濃郁好香 醬汁比例啱啱好十分均勻 每一啖意粉都食到黑松露食幾啖意粉再咬落脆卜卜既炸軟殼蟹度 好正呀👅🧋奶蓋泰式珍珠奶茶 ($28) 迎合香港人甜度而調製 唔會過甜或過淡 茶底夠濃 仲有啲珍珠可以咬下 幾煙韌彈牙值得一提係佢哋嘅奶蓋係自己打㗎 好有誠意❣️為食嘅我忍唔住開蓋直接忽啲奶蓋嚟食👅食落感覺似食緊雪糕咁 好smooth😋🧀芝芝火龍果 ($55) 用新鮮火龍果blend成

🤓馬來西亞特色餐廳🤓平時好少喺黃竹坑 今個weekend同朋友嚟 見到呢間新開嘅餐廳都幾多人 所以就去試吓 嘢食種類都算多 環境舒服 諗住下次嚟試埋burger-🥘灸燒吞拿魚椰菜花飯 $138吞拿魚算新鮮 有四大塊 呢個飯用椰菜花代替 好健康 調味都比較清淡 另外有南瓜 粟米 牛油果 mix埋一齊都幾好食-🦀蟹膏蟹肉意粉 $148推介大家叫！ 個意粉超級多蟹肉同埋蟹膏 意粉汁好Creamy 不過一啲都唔漏 意粉軟硬度又啱啱好 份量幾大份 好滿足 🤤-🍹接骨木花蘋果特飲 +$28雖然唔知咩係接骨木花 不過佢同蘋果Mix埋一齊酸酸甜甜 好Refreshing-🍸椰青蘆薈特飲 +$28椰青味好突出 而且好多蘆薈 好飲-📍meemeeme黃竹坑香葉道2號one island south G07號地下

同朋友玩完，突發其想不如係黃竹坑食埋嘢先回家。行左一轉最後選擇入左呢間餐廳。軟殼蟹黑松露意粉，大大隻香脆的軟穀蟹，黑松露醬汁混埋同菇菌，再配合埋軟硬適中的意粉，聞落已經食指大動，份量仲要好多好抵食，超推薦，最值得一試。牛油果流芯芝士漢堡配薯條，漢堡牛肉好juicy, 同番茄青瓜牛油果搭配好清新不膩，一咬仲有芝士流出來，薯條亦炸到外脆內軟。芒果味好濃，配合少少鹹香的芝士奶蓋，飲落去好順滑，仲有少少楊枝甘露的感覺🙈朋友叫左杯泰式珍珠奶茶，唔記得左叫少糖。但個甜味唔死甜，仲出乎意料地啱啱好，珍珠勁有咬口。唯一美中不足，比較早就停止營業。