MGB by Manhattan Grill & Bar (已結業)

Happy Friday，又可以與家人去享受美食，這家環境有特色，還有戶外環境，可以飲杯酒，情調不錯。每點一款主食，可以半價點一款小食，好抵食。燒鱸魚柳西洋菜意大利飯胡椒奶泡 鱸魚柳兩大片，非常足料，西洋菜意大利飯質感煙韌有咬口，胡椒奶泡提升視覺。蕃茄芝士薄餅薄脆餅皮，蕃茄醬酸甜，芝士濃郁又可以拉絲，香脆滋味。焗美國芝士薯皮 粉嫩薯仔，加上芝士、煙肉焗好，薯皮增添口感，香嫩芝味。唐揚魷魚鬚配他他汁 魷魚鬚炸得酥脆，肉質彈牙，鹹香惹味，送酒一流。Pineapple juice 香甜解膩,Cappuccino hot 奶泡幼滑。

MGB by Manhattan Grill & Bar網上一致對Beef Wellington好評 所以朋友生日就黎左試整體感覺氣氛唔錯 唔會有太多客 都幾舒服店員好有禮貌服務周到 食物整體不過不失 雖然Beef Wellington唔算好好食 但性價比都不錯-Beef Wellington ($288)-

週末放假就想出街食下好野！朋友話想去一間有啲情調嘅西餐廳佢住喺九龍灣諗諗吓，不如就去觀塘食下啦～觀塘呢間裝修環境幾好睇，而且都有折頭午市套餐一百幾蚊就食到，配前菜，飲品，湯。而且一個主食可以半價配搭食物！仲可以加$30食咗兩隻生蠔都真係幾抵，生蠔就唔係好大隻，不過夠新鮮！我哋選擇再加錢飲龍蝦湯，龍蝦湯味道好濃，食到龍蝦肉！仲有個法式蝸牛配薯蓉，朋友話冇食過蝸牛，個感覺都幾特別，蒜蓉入味而且蝸牛夠香！前菜夠豐富主菜都幾大份我哋個澳洲牛扒就要左五成熟，大大嚿而且都幾夠牛肉味！識落好有口感，而且配搭嘅醬汁都好正！仲有一份就係和牛漢堡包配薯條，和牛大大件但就有少少乾啦，薯條如果冇炸咁耐嘅話，可能會冇咁乾身比較好D一定要加$16食甜品呀因為呢個芝士蛋糕好香濃嘅芝士味道，而且擺盤都有心思！

如果話去觀塘食西餐，我第一時間會諗起MGB,因為依幾年同同事偶爾都會食吓晏晝，個水準都keep到，今次就帶女朋友嚟試依度嘅晚餐。                                         我自己本身好鍾意食牛的，MGB提供左十一款牛肉/牛扒選擇俾客人，由MGB 招牌安格斯牛肉芝士漢堡，美國安格斯肉眼扒/西冷，威靈頓牛柳而至烤美國/澳洲草飼斧頭扒等等都有，我哋選左10安士澳洲M6-7和牛牛臂肉（$168）這部位嘅牛肉質比較結實,香濃可口，理應係偏瘦位置咬起來會硬一點，要起勁一點，但我點了medium rare，加上跟本這肉是澳洲M6-7和牛，油脂會相對多，所以一點也不難牙，另一方面十分欣賞佢地煮嘅生熟度簡直一百分，真係煮到medium rare,有少許血水，好靚！ 連埋自家製帶皮薯條同新鮮沙律菜一起食感覺好滿足！另外選擇左挪威煙三文魚薄餅 $148，每片猜得薄薄的薄餅面層都平均舖了煙三文魚片，而蕃茄和芝士層也很厚，啖啖滋味又夠曬飽👍。   甜品選擇都唔少，樣樣都想食，左想右想，最後選擇特濃朱古力蛋糕配開心果（$58）和雲石芝士蛋糕（$58）,兩碟嘅presentat

今年生日好姊妹揀了MGB by Manhattan Grill & Bar 同我慶祝生日🥰， 雖然我經常在觀塘出入， 但今次都是第一次來這裏用膳。 我們大約八點到達，現在十點鐘關門時間都比較趕， 但店員服務周到真是非常貼心的👍🏻。 當晚我們兩個的生日晚餐有Bottle Rose $252、Mango Avocado Salad $88、Linguini Blue Mussels Pasta $158、Grilled Australian Moisture Pork Rack $178、MGB Antipasto $74 ＆Birthday dessert 。🔴Bottle Rose🍾～ 味道不會太甜， 價錢便宜。🔴MGB Antipasto🧆～ 頭盤有兩款火腿，燒雞翼好惹味， 再配上新鮮沙律菜。🔴Mango Avocado Salad🥗～ 沙律菜、芒果和牛油果都很新鮮， 份量超多。🔴Grilled Australian Moisture Pork Rack🥩～ 豬鞍扒厚切， 肉質嫩滑， 烤得剛剛好，配上蘋果無花果醬， 帶有清甜的味道更好吃。🔴Linguini Blue Mussels

是日去觀塘因為想去睇下outlet有咩平野買～ 去之前約左嗰頭街坊一齊食餐好既先～～ 呢間 MGB by Manhattan Grill & Bar 係喺APM附近棟食廈，位置方便～～我地一人叫一個lunch set ，再另加左焗蒜香蝸牛配薯蓉做小食($78)超好食個焗田螺，熱辣辣上碟蒜油滿滿加埋薯蓉一流lunch set 有前菜拼盤，入面非常豐富其中有發達芝士，雞中翼，凍切肉，醃橄欖，甜椒，車厘茄。set 跟埋餐湯，仲可以加18蚊轉埋龍蝦湯添～～～ 我哋呢次就轉左龍蝦湯，湯味鮮甜，濃稠適中，湯中嘅龍蝦肉都頗多，差不多啖啖都有龍蝦肉。Luxury all day breakfast 呢個全日早餐真係超豐富，有兩隻焗嘅日本糖心蛋，蛋味甚濃，厚厚大塊嘅太陽茄，香脆煙肉，雞肉腸，大菇，厚切牛扒，牛扒肉嫩，有炭烤嘅味道。朋友既澳洲草飼西冷牛扒配鵝肝紅酒汁及薯條牛扒牛味非常濃，油脂甚豐，脂香味極香，肉質稔滑，鵝肝紅酒汁用上牛骨加埋紅酒鵝肝煮成，醬汁充滿牛味亦有紅酒風味，更有鵝肝獨特嘅味道。套餐仲可加16蚊配是日甜品，今日嘅係朱古力慕絲蛋糕，香濃朱古力味甜度適中，蛋糕質感軟硬適中。最後仲有兩杯飲

午餐4送1，抵食兼有驚喜 +$30 的2隻的法國生正、鮮、爽脆藍芝士和牛漢堡夠重口味，回味無窮雙牛泡泡意大利飯味道有層次。每人$100幾蚊4道菜，又抵又夠質量，雖然不夠顏值但夠正宗的西餐

呢度真係由湯到主菜到甜品都可以片啊！！！首先講吓個湯，如果以紅豆沙標準去睇呢個湯，呢個會係一個好好飲嘅湯，因為佢真係起沙，仲有少少陳皮嘅餘韻添。其實你是但俾個紅湯或者白湯我，我都收貨㗎啦，點解要比呢個飲落有黑豆味，吞完有陳皮味嘅湯我呢？跟住到個主菜，我哋叫咗一個牛扒同埋一個羊架，但係學Gordon Ramsay話齋，it’s f**king raw!!! Raw嘅程度係俾啲草佢，隻牛同羊都可以翻生。隻牛生前好似係燒炭死咁樣，啲炭味臭到苦！最後當然唔少得個甜品啦！佢上左一疊疑似雪糕嘅物體。點解我話佢疑似雪糕呢，因為佢一啲都唔凍，食落仲有啲酸味添！無論係嗰舊疑似雪糕，抑或係底嗰舊餅，都好酸呀媽咪！！！

前排趁著初四假期最後一日和屋企人去食好d，就選了觀塘這間西餐廳。餐廳內好有特色，而且中午時分都好多人，可能是大家都吃了太多日中餐，要吃西餐了！這裡的set lunch價錢亦非常合理，價錢只是$100-$160，而且加$30就可以有2隻生蠔做appetizer😍因為太喜歡吃生蠔的關係，除將套餐的頭盤換成生蠔外，還點了多隻法國淺水蠔no.4，extra點的非常高質，好爽甜，吃下去後鮮甜味留在口中。套餐的生蠔🦪亦相當高質，肉質肥美之餘好重海水味和鮮味，而且好夠凍，感覺好新鮮，不用落檸檬已經好好食。如果不轉成生蠔的頭盤拼盤亦非常豐富，還有好creamy的「發達芝士」，沙律菜好新鮮。套餐加$18便可轉成龍蝦湯，有好多龍蝦肉，而且味道好香濃，絕對值得加$18轉配！慢煮美國豬鞍配無花果及青蘋果醬的豬鞍煮得好軟熟，而且烤得好香，點上好甜香的青蘋果醬，襯托出豬肉的鮮味。焗蟹肉，露荀，巴馬火腿黑松露通粉賣相精緻，而且加了好多蟹肉鋪面，還有好重的芝士味。煎銀鱸魚柳配紫椰菜意大利飯及胡椒奶泡的魚柳煎得好香之餘配上椰菜意大利飯，感覺好健康！原來甜品的水準亦相當高，甜甜朱古力的配上紅梅汁，帶出朱古力的香濃層次感。

臨近新年找一家西餐廳慰勞一下自己，MGB by Manhattan Grill & Bar 位置處觀塘中心、環境衛生企理、價錢也合理，一試究竟。現疫情新年期優惠，下午三點前 7折，三點之後即半價，套餐除外。中午當然點午市套餐、價格由88至158不等，包頭盤、餐湯、主菜、餐茶。午市套餐更可加Hkd30改為季節生蠔，加Hkd16可享額外甜品，選擇還算多樣化。Hkd18 升級龍蝦湯季節生蠔底殼闊扁、蠔身乾淨潔白、個頭較小、蠔肉較清瘦，蠔邊爽口、蠔肉清爽鮮甜，入口順滑清新，絕對抵食。澳洲草飼西冷牛扒配鵝肝紅酒汁配薯條（五成熟）西冷屬腰脊位置，大片厚度適中，肉質緊緻爽口。師傅炭烤牛扒，入口淡淡炭燻香，配上濃郁鵝肝紅酒汁，牛脂香與鵝肝香混雜。是日甜品朱古力慕思朱古力味濃郁、甜度剛好不膩，質感柔順細膩密度較高，濃厚柔軟化在嘴間。青檸梳打整體來說，食物質素在觀塘區屬優質之選、服務態度佳、環境氣氛高檔、價錢卻算實惠，性價比可說是很高，很值得再回頭品嘗。

年廿九諗住食好d, 特登揀間靚西餐lunch set 大約人均百幾蚊，包前菜，湯同主菜，野飲前菜拼盤都有幾多野食雞翼，沙律仔，ham, 味道都唔錯我地再叫多左個炸魚薯條薯條夠熱同脆身，屬於幼薯條個種炸魚細細舊，當小食就岩岩好餐湯見加$18 就可以轉龍蝦湯，入面仲有d 蟹肉添，龍蝦味都幾濃主食就叫左一個飯一個豬鞍鱸魚上面有d胡椒泡泡，視覺好特別鱸魚煎得岩岩好，仲有外脆內嫩意大利飯味道淡淡地，溝埋d 魚一齊食，就平衡番慢煮豬鞍好厚，切落去就知夠哂嫩身慢煮就係唔同d, 又夠豬味，好食餐飲叫左青檸梳打，熱檸檬薑茶兩杯都好飲，夠哂味最後叫多個心太軟作結尾有流心效果加埋雪糕，係個完美午餐❤️

A Day Without MGB, is a Day Wasted🖤...觀塘區APM 隔離有一幢亞太中心，食肆都好多。今次就試左一間西餐廳🍽，環境坐位舒服，仲有Outdoor 露天地方⛱，假日來吃個lunch 都幾捨意。今次就同朋友黎左APM 順道來吃個午飯，試試他家MGB Lunch Menu。.ll $88Mango Avocado Walnut Salads先來一客沙律🥗，清新大碟，芒果🥭 帶酸甜，仲有琥珀合桃 & 熟嫩度剛好牛油果🥑，增加口感，幾鐘意個Salad 夠fresh。.再來每人一客小食拼盤。.ll $118Wagyu Beef Blue Cheese Burger served w/ French Fries & Pomegranate Dressing藍芝士獨有既味道💙 大概唔係人人都受到，但卻帶出整個Burger🍔 既味道，口感豐富，包皮亦夠香脆。.ll $158Grilled Grass Fed Sirloin Steak served w/ Foie Gras Sauce w/ Potato Chips另一款Steak🐮，朋友點左5成，有點Overcook

今日去觀塘行街街，lunch我哋去Manhattan Grill & Bar食。Manhattan Grill & Bar我不嬲都keep住去，不過由於疫情關係，lunch都係喺公司叫外賣解決，差不多成年冇去過。今日心情靚啲梗係要食餐好架啦。MGB最抵食係SET LUNCH，最平$89-90就有啦，有齊頭盤、餐湯、主菜、餐茶，相當豐富，加少少錢就可以轉我最like嘅龍蝦湯同甜品，而且食物高質素，CP值超高。【水牛芝士焗蠔$88/5隻】芝士焗得好香好軟滑，入面嘅蠔肉新鮮，圍起都係十幾蚊一隻，啲蠔幾大隻，相當抵食。【頭盤】係小食拼盤，有Feta cheese、醃橄欖、甜椒、車厘茄、雞中翼、凍切肉，多種滋味~【餐湯】我哋加咗$18升級龍蝦湯，加咗忌廉同少少橄欖油，口感更滑，入面有蟹肉，真材實料。【主菜】【烤美國慢煮豬鞍配芒果牛油果沙沙醬$128】，超厚切嘅豬鞍，慢煮出嚟肉質好嫩滑，脂肪唔算多不過均勻，加埋本身肉汁豐富，所以都好juicy。味道方面，慢煮令肉香更突出，加上香烤味，完美~配菜嘅芒果牛油果沙沙醬，雖然係甜味但同肉味幾夾，而且營養豐富，好有心思嘅配菜。【烤澳洲草飼西冷牛扒配鵝肝汁及薯

以前在觀塘工作了一段時間，最令我懷念的餐廳就是在亞太中心3樓的「MGB by Manhattan Grill & Bar」，他們的高質牛扒最討人歡心。難得聖誕前放假與好友再訪此餐廳，重拾昔日的感覺。是日午餐套餐有8款選擇，套餐包沙律、湯、主菜及餐茶，另加18元就可享用是日甜品。我與朋友order了兩份午餐share，最吸引我們當然是「 西冷牛扒配蒜蓉蝦」及「 上等日式甜麵豉醬焗波士頓龍蝦薯蓉，法邊豆」前菜是「大蝦杯」賣相很美，內有配料是牛油果、芒果及芝士酥條。蝦鮮甜彈牙，牛油果及芒果味道很夾，芝士酥條都很香口。餐湯是「香檳周打蠔湯」，質地creamy，入口鮮甜香濃，味道不錯。主菜「 西冷牛扒配蒜蓉蝦」，蝦超爽脆，牛扒烤得好香，切開後肉汁馬上流出，相當juicy，肉質嫩腍，配上秘製醬汁，滋味十足。另一道「 上等日式甜麵豉醬焗波士頓龍蝦薯蓉，法邊豆」也很優質， 龍蝦肉彈牙， 麵豉醬汁味濃郁，水準超高，個人當日最愛之選。餐飲點了熱咖啡，質素也很好，可說是這餐的完美作結，我們二人十分滿足，值得下次再來幫襯。現因疫情及限聚令，餐廳外賣自取套餐在做優惠，另如訂A La Carte 也有30% of

第一次寫食評，，竟然係為左要俾個差評！！！今日同朋友叫外賣自取野食到左，但真係難食，完全吾值個個價！- 個汽水罐又污糟，抹到成張紙巾都係污垢（有圖）- 雞未熟，仲紅緊，仲要似用白水洽雞肉完全冇味之餘，個皮仲要有陣燶味- $50 蘆筍得幾條，同少少芝士係面頭- 龍蝦risotto 先好食d，都有龍蝦味-Ribs 正常都吾會難食得去邊，佢只算正常$700蚊甘俾真係垃圾完全覺得俾人呃左！！！食完要煮個辛辣麵仲好過佢！