Miss Tira

營業中

休息中

經過南豐中心口痕見到Miss Tira就想買件返屋企當生日蛋糕，有唔同味，有一口size同大件size，最後揀咗港式糖水楊枝甘露提拉米蘇大件size，有漢堡包盒包裝📦，仲有個靚靚保溫袋。返到屋企放雪櫃，食完飯當生日蛋糕🎂食。打開盒仲有蛋糕形，有大粒芒果喺面好甜，正。入面都有芒果同西柚，個cake實在足料

見到社交平台嘅宣傳 吸引左過去嘅一間甜品外賣店主張零卡糖的韓式現切tiramisu 款式很多 好多款都很吸引 好想試哂😆·🍡北海道豆乳丸子提拉米蘇配年糕夾心是一個不甜的提拉米蘇 對於我嚟講 食起上嚟好似都無咁大負擔感😂🤭個Cream都幾滑 中間蛋糕口感有點厚實 另外仲有入面夾了年糕夾心 很大一舊麻糬 每一啖都可以食到👍🏻口感煙煙靭靭最上面有三粒白玉丸子口感都係好煙靭 食完依個份量晏就可以不用吃其他了 哈哈 很好👍🏻

【0卡糖現切Tiramisu蛋糕店🍰🎂】/////Miss Tira每月都推出獨家款式嘅tiramisu蛋糕🥰買嘅過程可以望到店員即場切蛋糕 放喺靚靚便當盒 材料方面就用左天然零卡糖代替砂糖 幾健康 食多都唔會有過甜感覺(o^^o).👉🏻北海道豆乳丸子提拉米蘇 ($58)一串丸子鋪係蛋糕表面 口感煙韌🍡蛋糕夾住一層層忌廉以及年糕 豆乳香味做得幾出色 拉絲軟糯😁一啖一啖放入口輕鬆食晒hehe.👉🏻海鹽焦糖蜜栗子🌰 ($58)哇！有滿滿嘅Lotus餅亁、原粒栗子同栗子蓉😝 栗子香滑 甜度適中 呢款蛋糕似傳統蛋糕 比較多忌廉 質感較濕潤 再調整下會更好～———📍Miss Tira (荃灣)荃灣青山公路荃灣段264-298號南豐中心地下A119號舖

MISS TIRA係全港首家現切提拉米蘇專門店，有好多款口味，選擇困難症嘅我揀咗好耐，最後買咗四款試吓～▪️厚手工芋泥芋泥綿密，有淡淡嘅芋泥味。面頭灑滿紫薯粉，不過有少少蓋過咗芋泥嘅味▪️小山園抹茶椰椰🍵🥥抹茶甘香，配上椰奶味，幾特別▪️海鹽焦糖蜜栗子🌰栗子蓉順滑，入面有啲栗子粒，配上鹹鹹甜甜嘅海鹽焦糖醬，味道層次豐富▪️草莓海鹽芝士奶蓋🍓🧀士多啤梨醬偏甜，好彩海鹽芝士奶蓋嘅鹹香，中和返少少個甜度。入面仲有啲士多啤梨果肉，增加口感。不過呢款係四款入面最甜整體嚟講，比較多cream，食得多會膩，適合多人share～Miss Tira (荃灣)📍荃灣青山公路荃灣段264-298號南豐中心地下A119號舖

荃灣地鐵站落車 又唔想篤魚蛋見到新野 又有野飲 就即管試試我揀左🍓牛奶草莓味 入面仲有爆珠有得飲 有得食 不過略嫌甜左少少大大件 - 北海道豆乳丸子提拉米蘇外面主要係好creamy嘅cream，中間夾住煙靭嘅麻糬一個人食就太膩喇 食唔晒🙈整體不錯不過多啲人分享 會比較好

d預訂服務錯到離曬鋪我星期五落單比埋錢要求星期二拎蛋糕同飲品你星期日先覆，我都唔緊要啦我都早成四日落單 比你地要求兩日再早多兩日寫就寫全年無休，落單就無人理到星期二早上問你地夜晚係咪有得拎蛋糕9點問你地 2點先覆我 都算 我當你開2點隔一個鐘頭都冇3點都未夠你荃灣分店同事就打黎話 今日冇得拎蛋糕仲好意思同我講叫我去旺角拎我問點解冇得拎你同事仲要話工場個面因為尋日整出黎隻味唔岩就冇要咩理由黎 唔岩咪整到岩？大佬你係鋪頭黎架，個客落曬單比曬錢一句師傅覺得隻味唔岩就唔要。咁個客點？我個係買黎做生日蛋糕洗唔洗我同朋友等到你師傅整到岩味先約食飯？？如果你係唔夠一條唔做既出聲囉…咁你就唔好寫一件都訂得你想品質好就做到岩味先比客呀麻，唔洗人教啦下麻當然最後係你地同事旺角，拎反荃灣比我去拎貨，但我認為係應該咁做唔洗打黎就應該自動自覺去，我仲要係左訂一件蛋糕一支野飲我去到拎蛋糕個陣你地店員好似唔知我訂左d咩咁，最後飲品又係冇既。要我換第二款乜都冇。我都唔知我提早咁多落單做乜野

📍 Miss Tira (荃灣南豐中心)🗓️ 2 February 2023最近荃灣南豐中心開咗間新嘅「韓式現切Tiramisu專門店」。位置喺荃灣地鐵站同圖書館附近，非常方便。見到咁多唔同味嘅Tiramusu放哂喺到，我嘅選擇困難症又發作了🤭 好彩係使用0卡糖，可以減少罪惡感。大部份嘅Tiramusu都係$58/件。你落單之後店員就會喺你面前切一件，然後裝落盒比你。新開張嘅時候，仲會送罐裝咖啡添～ 我之前已經有試過三隻味，分別係原味、海鹽芝士奶蓋草莓、同埋厚手工芋泥Tiramisu。個次最令我驚艷嘅係芋泥，因為除咗鋪喺面嘅紫薯粉之外，中間都有好多芋泥，味道平衡得好好。反而士多啤梨味，我個人覺得偏甜。今次都買咗兩款嚟試吓：🥭 港式風味楊枝甘露Tiramisu 呢款已經成為我嘅最愛！西米粒、柚子和芒果肉平衡得好好，又唔會過甜，夏天食就啱哂。🌰 海鹽焦糖蜜栗子栗子味都出，不過我個人認為偏膩，因為cream嘅比例較高，而我個人麻麻哋忌廉。好開心荃灣開咗間咁正嘅Tiramisu店，之後希望會有多啲唔同味啦🥰

58蚊一件tiramisu, 就咁睇價錢有啲貴,不過好大件兩個人share都好夠味道同份量都好對得住個價錢甜度岩岩好,白玉丸子同入面夾住既麻糬都好煙靭味道:10/10性價比:7/10推薦指數:10/10

依間據悉由網店轉為實體店既人氣蛋糕店， 韓系味濃既裝潢同名字 絕對吸引到不少客人。 位置上係荃灣南豐中心， 係落巴士站隔離既位置，外觀上都係好搶眼既黃色，唔怕搵唔到。 而依間人氣蛋糕店， 只賣不同口味既Tiramisu ，口味選擇都相當多同新穎， 例如：草莓芝士奶蓋、芋泥、Oreo 海鹽等，一般會提供大約8款口味，岩哂甜品控今次自己就簡左「伯爵茶焦糖可可」（$68） 其實一舊都幾大個 同埋係滿滿既cream 勁飽肚 第一下係勁香既伯爵茶味 原因係啲cream就正正係伯爵茶所整成。 唔好以為會好甜 反而比想像中係岩岩好既甜度。 個人幾中意佢既外賣盒 因為好有韓系feel

🍰🍰🍰今次介紹既蛋糕店係現切韓式tiramisu專賣店 ，而且主張零卡糖，每件$58-$68，今次買左原手工芋泥、楊枝甘露、海鹽焦糖粟子、伯爵茶焦糖可可起初見到以為都細件，但食落口唔似tiramisu，80%都係忌廉，蛋糕部分佔20%，一個人食一件，忌廉會太多，需要同人share價錢及份量一同按比例減少就會比較適合伯爵茶焦糖可可味($68)伯爵茶味唔濃，而可可亦都唔覺得有，可能係只靠放係tiramisu上面既可可粉，適合唔太中意甜既朋友

📍Miss Tira荃灣南豐中心嗰度前排開咗間現切韓式tiramisu專門店，之前成日見到排晒隊😱Tiramisu有好多唔同口味選擇，包括🍓草莓海鹽芝士奶蓋🥭楊枝甘露🌰海鹽焦糖蜜栗子同🍫朱古力等等，全部都係用天然零卡糖整㗎～食完都冇咁大罪惡感😇Tiramisu嘅賣相真係超吸引，搞到我都忍唔住一次過買咗兩個返去試😍🍓草莓海鹽芝士奶蓋 $58/件一見到呢個就即刻比佢嘅粉紅色吸引咗，真係好靚呀💗第一啖食落有香濃嘅士多啤梨味，後嚟慢慢散發出淡淡嘅奶香，cream嘅口感亦非常綿滑輕盈，配埋面頭酸酸甜甜嘅士多啤梨果醬，食落會冇咁膩，成個組合都超級夾😋唯美中不足嘅係海鹽鹹味唔突出，未能中和甜味，令成個tiramisu味道有d太甜🥲好彩留返粒士多啤梨最尾食，可解去口中嘅膩感👍🏻🥭楊枝甘露 $58/件呢個港式甜品嘅口味真係好特別呀～第一次見所以搞到我好好奇😆呢個一食落就有好濃嘅椰香味，而芒果味亦好清甜💓餡料除咗有芒果之外，仲有柚子肉同西米，口感豐富，味道真係好似楊枝甘露💕呢個配搭係幾新穎，𣎴過試一次就ok，下次都係食其他味😌整體嚟講，由於係韓式tiramisu，所以唔好期望會好正宗，食落比較似忌廉蛋糕🍰

平時慶祝生日來來去去都係買果啲蛋糕，今次朋友生日反傳統買左依間近期大熱嘅Tiramisu蛋糕。4個人買4件其實有啲太多，特別係食完飯之後要食得晒真係有啲難度，但係買得黎就預左影相，影得相就要有visual standard。今次揀左以下4款：1. 厚手工芋泥提拉米蘇2. 北海道豆乳丸子提拉米蘇年糕夾心3. 宇治金時配年糕夾心提拉米蘇4. 伯爵茶焦糖可可拿破崙提拉米蘇本身好鍾意食正宗意大利Tiramisu，以前得閒就會自己整，又香又軟滑嘅mascarpone cheese加cream再加雞蛋，又有酒香再加可可粉提升味道層次，creamy到難以抗拒。Miss Tira標榜用零卡糖，可以減少負擔同罪疚感，不過始終入口都係覺得佢似cream多過cheese。個人最鍾意芋泥味，因為真係食到好天然嘅芋泥味仲有芋頭顆粒。第二選擇會係宇治金時，茶味可以解膩之餘都令個蛋糕整體甜度減少，而且個年糕夾心整得好好，好軟糯好好味。另外果2款就一般般，冇乜特別。$58/件都算中規中矩，平時買個蛋糕都要$2XX。慶祝生日想搞啲新意思，多啲人share幾個味食係唔錯嘅。始終都有好厚下嘅cream，食幾啖就會開始膩，所

有日行過見到開咗間新tiramisu 店。一望$58件都唔係平，所以當刻冇買。😦滿心期待，週年紀念買慶祝食蛋糕。賣相唔錯買咗一個北海道豆乳會同草莓海鹽芝士奶蓋返屋企。已經係食完晚飯落晒格之後先開蛋糕。第一啖都食到有小小豆乳香味，忌廉好杰身，甜度屬於一般甜品嘅20%甜度。 再食落去就唔對路啦😓一啲都冇Tiramisu嘅特質，口感屬於好漏嘅忌廉蛋糕咁，感覺好似將一支忌廉接住唧晒落口😵‍💫。因為唔甜所以更加漏忌廉一d都唔香，豆乳同草莓都係非常淡淡嘅味只食到忌廉嘅漏🤢，感覺浪費左百幾蚊換來失望又滯住個胃😵‍💫食咗一半都唔夠頂唔順了。感覺佢有少少侮辱咗tiramisu 呢個甜品🤥

今次食到幾驚喜嘅散水餅,發現原來有地鋪係荃灣😳價錢都唔太貴~ .一口可愛裝 4款 $48/ 1盒1️⃣北海道豆乳丸子提拉米蘇年糕夾心年糕超有咬口,豆乳又唔會太甜~ 食完印象好深刻好想食多舊🥹2️⃣楊枝甘露提拉米蘇正常味道,不過有點甜3️⃣草莓提拉米蘇配海鹽芝士奶蓋有點過甜🥲雖然我好喜草莓的🍓4️⃣伯爵茶海鹽焦糖可可都係有點過甜🥹.總結: 北海道豆乳丸子提拉米蘇年糕夾心好好好好好食🥹都真係幾推薦大家試一下

經過荃灣南豐中心 試試位於一個唔太顯眼既角落，最終要打電話問問先去到店舖小小的，但各款tira 裝飾都好靚，顏色色彩繽紛最尾揀咗一款特別嘅楊枝甘露味用料都算豐富 但係似食緊一般嘅海綿蛋糕加忌廉唔係好食到平時整tiramisu用個重chesse ge 味 所以總體感覺好肥膩，一夠兩個人食都會覺得好飽包裝幾靚 ，小朋友可以攞啲貓貓貼紙玩下，經過都可以一試嘅！