Monster Sushi (已結業)

已經唔係第一次黎，以前黎過兩次都覺得好好食...點知今日再黎真係令我大失所望...以後都唔會再黎...成間嘢d 服務態度超差，d 嘢食就咁放低，刺身黎嘅時候都未放低個侍應就想走，碟刺身差d 跌！d 位好逼，完全聽哂隔離講乜，個feel 仲差過去食元氣果d....埋單超亂，一d 就叫你出去cashier 埋（其實根本唔知邊度先係cashier),一d 就叫你係枱叫人埋，亂到無朋友，令客人無所適從！到食物，真係超級失望，帆立具刺身同你係超市買果d 無咩分別，海膽壽司雖然有厚厚嘅海膽，但d 海膽完全無味，其他壽司都好一般！monster 壽司不外如是，d 味唔夾，只係食到帆立具味！唯一覺得好食係吞拿魚壽司！但最最最最最難食係鵝肝和牛花之戀，難食到真係吐左返出黎，佢果個酸酸地嘅醬汁，食落口似"叔"味，無煎過嘅鵝肝好酥，加埋生和牛嘅味同成件壽司好林嘅質感，真係令我好反胃，真係好難食！！呢個價錢呢個服務呢d 食物，真係好唔抵，唔會再去！

聽講好好食聽講好多人排隊聽講壽司好大件今日終於有機會一試無一樣野符合我之前聽回來的"聽講"食物質素其實只係叫唔錯但要稱得上好好食尊登去食就免了壽司刺身質素比放題好一點小食反而唔錯，"小"巧有誠意以上

好晏食飯，點了午餐壽司定食，餐飲咖啡不用一分鐘就來了，之後約十後壽司就端來，可惜壽司並不新鮮，用餐完畢都未見前菜和湯，一問之下才發現要補單。這時段只有四、五枱客，但亦有五個樓面，這樣大意實在意外。

好耐之前去過monster sushi食晚飯，今日去到朗豪坊食lunch，諗住搵間坐得耐D舒服D嘅餐廳，因為想食嘅都full左，見到monster sushi唔洗等就入左去。餐牌set lunch都算選擇多，揀左牛肉鍋飯定食，定食，包麵豉湯，一份小型沙律，茶碗蒸和小食。Order唔洗兩分鐘，麵豉湯和前菜已經嚟到，眼見侍應邊傾計邊上菜，感覺極不衛生。牛肉飯就等左至少十五分鐘，好彩唔趕時間。至於味道，麵豉湯淡而無味，茶碗蒸嘅蛋算滑，牛肉鍋飯嘅牛肉偏韌，飯超爛。只可以話，唔怪之得，食飯時間都唔洗等位啦！

i've order some urchin sushis but it looks not fresh and after eating it was really not tasty. Even our neighbors didnt finish their urchin sea sashimis. The rice is a little bit too hard not so soft.

星期六下就時間幫襯，鋪內得好少客，但等食物時間極耐，下單時間1510，但到1540都無食物黎過，無侍應理，叫追單，又無人理，再追先有野食。明明壽司一早整好，又無人岀。食物黎到，真接放上我朋友電話度！食物放落枱時仲要大大力。口渴想加水又無人理，明明飲緊綠茶，再加又好似變左味，連埋單都要三催四請！講返食物，食物味道ok，但火炙壽司鰻魚壽司，上面戈塊係凍既⋯唔知係廚房問題定係出餐位放得太耐選擇算多，價錢合理，但服務真係好趕客，上到openrice先知好多都有相同經歷，但都無改善，如果你忍受得到以上種種，都可以黎食野，但真係唔好奢望有好服務。

Monster 商務便當(二人） ($228)＊＊＊＊＊前菜 x 2茶蒸碗 x 2京風豚肉生薑燒 x 1油甘魚鹽燒 x 1和風鮭魚凱撒沙律 x 1吞拿魚米紙卷 x 2刺身盛 (5款) x 10件鮨盛合 x 16件飲品 x 2甜品 x 2＊＊＊＊＊Monster Sushi的日式餐具別緻優雅。前菜每人一份，有和風汁雜菜沙律、茶蒸碗及三文魚丸。京風豚肉生薑燒，甜甜的汁令配料的洋蔥和蒜芯都很好吃。油甘魚鹽燒，魚皮香脆，魚肉幼滑，沾上日式酸汁，美味香口。和風鮭魚凱撒沙律、吞拿魚米紙卷 及 刺身盛，再來的一粒三文魚丸有點多了，若換上漬物反而更好。鮨盛合陣容強大，食之不歇，質量俱備，壽司的刺身不乏高價食材如和牛、海胆和吞拿魚、劍魚和牡丹蝦等，令人喜出望外。友人不吃生牛肉，四件和牛鴨肝卷就全由我一人包辨了，正中下懷。餐飲我們都點了熱檸檬茶。最後還要附上甜品～每人一粒雪米糍。兩人飽得你推我讓才吃清所有食物，撐着肚子離開。

行完街心血來潮想食壽司，又記得之前黎過環境幾好，可以一路食野一路望住朗豪坊既天幕，所以今次再黎幫襯.壽司，熟食，小食都有好多選擇，食物尚算不錯，價錢可接受！特別喜歡鰻魚壽司，好juicy.野飲最差

剛剛係朗豪坊行完街，見餓經過monster sushi，決定入去食，當時大約22:35。。門口侍應話23:00 last order。。咁我地都唔會嗌太多，快快食完就走。。於是就話 “無問題。。2位呀唔該”。。但企左幾分鐘位侍應都無理過我地，繼續做自己嘢。。於是我地再講多次 “兩位呀唔該”，位侍應都係堅持繼續做佢嘅嘢，過咗一陣，終於抬頭講句“等等” （當時入面有好多已經set好嘅枱）見佢完成埋手頭上嘅嘢就帶我地入座。。以少於5分鐘時間極速點餐入紙。。食物亦好快到咗。。味道都冇太大問題。。但其中海膽軍艦好深色（比深泥黃色更深）所以先夾起一小撮試味，發覺味道特別腥臭，應該唔太新鮮。。侍應話 “呢個係加拿大海膽，顏色同味道會同馬糞海膽唔同” （其實我地都唔係第一次食加拿大海膽，呢個真係太深色同太腥）侍應幫我地退番俾廚房再換。。10分鐘後，一碟新嘅海膽軍艦出現喇！顏色正常番，一食落口，今次pork guy了，即刻嘔番出嚟（強調: 係嘔。即嘔）差d連之前食嘅都嘔番哂出嚟！呢件最新海膽，夾雜咗強烈嘅洗潔精花香味！唯有又要搵侍應（另一位）同佢講，官方回覆 “呢個係加拿大海膽，顏色同味會同馬糞海膽唔同

等位、等落單、再等食物上，都算等侍應，仲要我睇返佢面口轉頭，不知所謂，唔明點解未執。叫佢拎野，聽到當聽唔到，叫佢加單，加完又漏，無又唔出聲果個黑衫高大經理，叫佢取消佢話唔得，一定無下次！

今日自己一個人嚟食個午餐，入座律約7成唔使等，但係想點餐就叫極都無人理，就算叫到侍應都要我等陣先跟住唔知走咗去邊。最後從入座計到成功點餐已經花咗十幾分鐘。送餐速度屬正常無問題，但係要埋單又係叫極都無人理，成五分鐘終於叫到埋單但係等咗五分鐘都未有人收錢，卒之要捉住個侍應再叫多次先埋到單，剩係埋單前後又花咗十幾分鐘。其實數埋侍應數量又唔係少，但係就總係叫唔到人，真係要檢討一下。

壽司明顯比以前質素低，味道差咗又細咗。星期六下午四點幾非繁忙時間，都要催幾次先出齊壽司，等食物時間長過食嘢時間兩倍，侍應話因為得兩個師傅做嘢，但我眼見其中一個企喺度冇嘢做。應該唔會再幫襯。寧願落四樓元氣壽司冇咁嬲。

我由一個Monster sushi 嘅fans，直到今日，對佢毫無留戀。回想起初初食Monster sushi，價格同其他壽司店相約，而且自創款式獨特，選料新鮮，令我一試難忘，成為左佢嘅fans。唔知幾時開始，發現佢嘅size細左少少。當時我諗，唔緊要啦，而家咩都貴，要經營落去難免要咁架啦，度度都係咁架啦!後來，又發現佢size又再細左，食材又間唔時麻麻地。我都安慰自己，咁岩架姐，咁岩架姐...之後有一次，去尖咀果間食，食到啲海膽臭嘅!臭到你想吐出黎，又腥又有尿味嘅果種唔新鮮，食完之後胃口大減，已經咩都唔想食，超失望，仲要價錢唔係平果下食到你反胃果下...但當時嘅我仍然唔心死，覺得佢下次會更好，好用心咁email左封真心意見加投訴比monster，真心希望佢改善。但只係得到佢copy and paste嘅多謝你意見云云嘅內容，冇道歉冇人真心睇都冇話send張優惠coupon比你，總之就係超敷衍。上星期左右，我最後一次去旺角果間食。size已縮至得返你一節手指咁短，睇黎最近連米飯都好珍貴，比啖飯我食都好丫，又唔係收得平。本身我好欣賞嘅三文魚子軍艦，我稱佢為大波波，一上枱就濕到好似瀨尿咁，

星期六晚經過，由於之前Join左Storellet，見差幾分就可以換客蝦刺身，所以就拎飛啦。等等下見無咩人出黎都叫飛入去，已經覺得唔對路。等左半個鐘入到去，真係得7成滿，附近d位騰空45分鐘先有人入~~太過份!!!坐坐下竟然有個職員A係樓面大大聲講粗口，雖然唔知佢係話同事定話客，但都奇怪啦。食完晒重有2碟未黎，叫A幫手跟一跟單，佢睇都唔睇就話“黎緊喇”，但到最後埋單 竟然係漏左單囉!!!!真係完全不能接受。講起埋單，叫幾次不但只，明明一早比左會員號碼比職員，最後竟然冇積到分。咁我一早就唔洗黎食啦，附近有大把日本野。太太太太差了！

突然想食壽司, 可惜旺角沒有太多選擇, 經人介紹就選了朗豪的 Monster Sushi。我8點去到攞飛 J67, 當時叫到J25 有夠誇張的, 好在好多人走了, 當我們入去就坐時, 已經是9點, 點餐等送餐又多了半個鐘, 足足等了90分鐘才有o野食。之前聽說這家壽司不錯, 但一直興趣不是很大。等了這麼久, 當然對食物的期待也特別大, 這間店個門面一看就知是走花俏路線, 食材質素確實一般。好多一般壽司, 譬如吞拿魚劍魚腩都不夠鮮。 間店咁多人, 其實店的人手不太夠, 服務態度自然不好, 問佢o野 ignore o左我...最後兩個人 $400 埋單以這個價錢食到這個質素, 尚可接受。