MOS Burger (已結業)

今(22-10-2011 Sat)朝同男友起身後去葵芳食早餐,o黎到,男友揀$21.00o既西班牙庵列漢堡,加$3.00要凍咖啡,我o係冇乜選擇下,都要呢個,但唔加錢只要杯可樂.等o左5分鐘,o野食到o黎.睇睇漢堡,嘩!乾爭爭o架,睇到厚厚o既庵列有啲薯塊o係o度.好,食喇,成個庵列都熱o既,包括庵列包,因為佢o地烘過,不過味道淡淡,庵列裡面有洋蔥粒同火腿,薯塊腍o左o既,食食吓,原來有茄醬o係面但唔多,成個覺得好淡好乾,麻麻地.味道: 1.5分而飲品size同麥當勞o既細杯庄飲品一樣咁細.隔離枱o既女客人見男友飲咖啡,佢就教男友問人攞多兩包奶,一包唔夠o既.哈哈.食完後,我覺得好似唔夠,冇乜o野落肚咁,男友又重有時間,於是提議買多一個早餐share食.我出到去睇,咦?!轉o左午餐喇,咁就買同男友睇到$21.00o既海老Puri Puri漢堡啦,咁加$21.00要埋北海道抺茶雪糕,飲可樂.好,再等多5分鐘,o野食又到o黎,今次杯可樂大杯啲喎,我先食漢堡,漢堡包又好熱同脆啲,但原來千島醬係凍o既,而海老呢,係一隻原隻彈牙蝦仁,呢個比較有誠意.味道: 4.5分而抺茶雪糕呢,男友話食到牛奶同

Mos burger呢個名 對我黎講唔陌生。日日都經過新都會呢間漢堡店，每次都好想坐底飲啖綠茶食個包。奈何無論假日或平日都係滿座(可能係間店細)今次一支公睇完戲行過，拿拿聲罷左個靚位就慢慢品嚐。係餐牌極力推薦之下，終於揀左呢款 海老漢堡。睇張相，料係好足既，而實際上都係。而入面塊肉，每一啖都充滿蝦肉，加埋D秘制醬，生菜。真係令人回味無窮。唯一缺點就係個包太細(可能小弟大食)總括黎講無論質素上，環境上都好過其餘2間漢堡連鎖快餐店。只係價錢上稍為貴。不過相信只係下午茶既用餐係推薦的，而LUNCH 就可免則免(食唔飽)。

黑醋雞 , 我的最愛 葵芳的MOS Burger 比起青衣城好味得多即叫即做的黑醋雞 , 每次都令我好滿足 跟餐的沙律 , 好新鮮而且份量足 (不是間間份量相同架 )配埋凍O茶 好美味的一餐

每次想吃漠堡飽，MOS Burger是必然之選，水準穩定，當然不能與麥當勞比，一分錢一分貨。每次也是相同款式MOS Burger - 大塊蕃茄，漢堡扒再加醬汁，完美配搭炸雞塊 - 從未試過不熱，每次也是超熱熱咖啡 - 比不上麥記即磨，也不太差服務態度好，要等15-20分鐘漢堡飽，但從未見人投訴，因為等是值得$40左右(吾記得幾錢)

呢日 lunch 因為要去銀行, 攪完已經無左半個鐘食 lunch...唯有食最快有得食又可以好快食完既野...lol結果就同朋友仔去左 MOS 度食~一去到....咦!!又出左個新包包喎, 咁就梗係要試啦, 呵呵!!呢個新包包叫做: 檸檬 SakuSaku 雞肉漢堡望落似乎都幾吸引的說....再試埋新飲品叫: 檸檬蜂蜜特飲食又檸檬, 飲又檸檬, 今日真係檸檬日, 哈哈哈~!! XD熱呼呼既包包響大約 10 分鐘之後就有得食嚕~熱到....仲出緊煙的耶... @o@一啖咬落去....wow咁似小菜......西檸雞既!? = =+再咬多幾啖.....的確係西檸雞味耶...... = =!至於杯飲品....wow係一杯....無咩蜂蜜味既...檸水囉 = =!哎呀, 呢 2 樣新產品....真係有 D 失望喎!!!反而上次出既果個八爪魚包包好好食呀....^v^期待下回新出品......

早餐ORDER了火腿雞蛋漢堡早餐, 付款後, 給了牌, 等一陣就有STAFF取食物到, 好細心.火腿雞蛋漢堡: 包細細, 新鮮暖暖的, 雞蛋是即叫即煎, 熱騰騰, 火腿加上有新鮮生菜, 豐富口感, 味道好好.粟米湯: 同樣是熱騰騰, 日式的粟米湯, 沒有栗米粒, 但有好濃的粟米味, 好味道.環境: 一般, 在商場入口及在銀行隔壁, 好多人.

本來，對MOS Burger的印象只限於綠茶Latte很好飲，包類的印象並不深的；但某早發神經看錯鐘，早左一小時去到葵芳，百無聊賴下的一頓早餐後，就此對它改觀!　這裡不同麥記，早餐都是即叫即製的，而點餐付款後會有專人送餐，過程中食客可以悠閒看看報紙，感覺不錯。日藉的MOS Burger，出品的包類向來都較麥記／Burger King的出品少一份油膩，早餐的選擇更加健康，如這首次點的吞拿魚蕃茄漢堡($19)，既有大大片新鮮生菜，又有新嫩厚切蕃茄，加上沙律醬特少的吞拿魚，感覺非常清怡，比起平日吃的三文治也更營養健康! 每份早餐套餐又包一杯飲品或湯，首回點的就是粟米湯，原來相當甜美香濃，十分好飲，與漢堡也很配，是個滿分的元氣早餐!驚喜的首試後，之後也陸陸續續的幫襯了十多次，堂食／外賣（一般等5分鐘左右）都有，基本上把所有的早餐款式都試勻了，感覺大多不錯，下面慢慢介紹吧。先由包類講起，火腿雞蛋漢堡($19)又是一款很適合當早餐的包類，除了附加的新鮮生菜，這裡難得連煎蛋也做到不油，對於需要吃清淡的大肚婆太體貼了! 不過有得揀，似乎有件厚蕃茄會滿足一點呢。所以，整個早餐餐牌上，最便宜的火腿芝士漢堡

過往只知道有麥記，今次是被弟弟帶去食MOS，據說早在泰國開業。以為在CASHIER 購買食物後要等候自取，後來才知道服務員會把食物送來，我們坐在户外太陽傘下，一邊享受初夏不熱不冷的天氣，一邊享用食物。一籃子包括3種不同口味的漢堡包，招牌MOS、魚柳及牛蒡米飯。我品嚐了魚柳包，口感新鮮鬆軟，魚柳外層炸至金黃香脆而內裡柔軟，Juicy，有魚肉鮮味。弟弟吃MOS，有一片厚蕃茄和很多洋蔥粒的醬汁，看他吃得津津有味，味道應該不錯。舅父吃牛蒡珍珠堡，除了牛蒡絲，中間夾有一塊紫菜，是素食唯一之選。除了主角漢堡，還可以自選小食配搭:沙律是材料新鮮的菜絲和蕃茄，伴以日式麻醬，健康又清新的滋味。北海道綠茶雪榚，綠茶味十分濃，口感冰凍滑溜。日式炸雞，包裝有心思，紙袋可吸取多餘的油份，吃時把紙袋上半部撕掉即可。熱咖啡味道卻一般，這裡沒有咖啡糖供應，下次來食我會選擇其他飲料。

呢日又同幾個同事落去葵芳食 lunch...佢地既目的地係 MOS burger!!響 lunch 既緊張時間, 梗係要分開散人手啦 1) 搵位坐低 2) 買餐落 order呢期出左新野!!! 八爪魚 burger!!!!wowowoo...一定要試~!! \^o^/然後仲要左杯 (凍)綠茶奶....等左一陣子....黎啦黎啦 = =+個八爪魚包包好香, 好香八爪魚味, 個香味....有 D 似八爪魚小丸子~一啖咬落去.....吾~~~~包包好軟, 八爪魚脆脆, 熱呼呼....真係多重口感, 讚!!至於杯 (凍)綠茶奶, 有少少失望, 綠茶味唔太夠, 奶味尚可...八爪魚包包, 推介!! ^v^

真的好好食！本人用了0分鐘等位，因為我一個人ja。但看到兩人或以上要等一等。7：30pm 到達，因為要快食趕看show，所以快快點了個“酸汁雞扒漢堡”（$22.8) + 薯條及湯 （加$16)。等了5分鐘就有人送過來，很好！漢堡內的菜絲很幼細，不會食到很狼狽！雞肉一咬超juicy，和酸汁非常夾！麵包鬆軟容易一啖咬成個包！湯：是日有周打蜆湯。超濃，creamy，多料！薯條就因為我放耐左，所以無新鮮甘好食。但總括係有95分的！唯一不好是地方小。 快餐能有這水準已經非常好了！用餐時間：15 mins價值：$38.8btw，我激讃此店真的只因食物好。如有做假，呢世無味覺。>v<

今日喺三八婦女節, 咁緊係要同番婦女嘅朋友慶祝一下送咗小朋友番學, 就緊係要食份Big Breakfast, 我今日發覺Mos Burger係首選, WHY!!??因為隨咗便宜外, Mos Burger嘅南瓜包又香又鬆軟, 還有包內有很多生菜和蕃茄, 味覺清新, 胃部清爽吞拿魚茸醬再另灑上些黑椒粒......原諒我忍不住想食埋你嗰個粟米湯好甜, 飲得出係日本嗰種粟米湯, 即係甜得嚟無渣, 有點像合成品的(開粉)粟米湯最衰環境太過開揚, 旁边有數之不盡的上班族......「kick」「Kick」 「Kwok」「kwok」腳部聲破壞了場內悠揚的歐西樂曲

18/11/2010 (星期四)今日要OT，跟住要上堂，所以放工後去附近的商場食飯。今次試Mos Burger，咁啱皇牌特級漢堡做特價推廣，我就叫咗皇牌特級漢堡套餐 (皇牌特級漢堡+ 沙律 + 汽水)，轉飲抹茶鮮奶(加$5)。皇牌特級漢堡： 即叫即做，所以要等大約10分鐘，店方亦很體貼，特別做了一個温馨提示牌。漢堡用紙包着，紙的設計很好，除咗保溫外，仲幫助固定包的位置，令到佢唔會咁易散開，而且唔會滴d汁出來，係一個好好的設計。包的味道好好食，即叫即做，新鮮熱辣，牛肉用料佳，再加上配料的新鮮生菜和蕃茄，比較健康。沙律： 有很多不同種類的菜，材料好新鮮，係健康之選。抹茶鮮奶： 有抹茶味，而且好滑，都幾好飲。店內坐位不多，地方比較細，付款後侍應會將食物送到你的枱面，服務幾好。

今日(12-9-2010 Sun)同男友起身,爸爸尋日又叫我買今日o既餸,男友話不如o係葵芳百佳買,重可以o係o度搵早餐食.啊,咁好啦.o黎到, Mos Burger竟然開o左門,已經有o野食,好吖.我揀o左$20.00o既照燒牛肉漢堡,要可樂.男友要$20.00o既烤牛肉珍珠堡,加$19.00要可樂同緑茶味北海道雪糕.又北海道雪糕,三個禮堂前我o地o係北海道已經密密食喇.男友買完返埋o黎坐,我睇吓張單,哦?!原來我o既可樂都要加$9.00,真係貴.等o左陣,所有o野都到喇,我o地影完相就一個先食雪糕,因為怕被射燈照住會熔晒,一個就食漢堡先.男友話雪糕好硬,唔太甜,緑茶味足.我o既照燒牛肉漢堡有生菜,沙律汁,呢個味道好甜,食到啲汁都流晒.牛肉漢堡都仍然鬆軟,有肉汁,唔會乾爭爭.而男友o既烤牛肉珍珠堡呢,兩年前o係朗豪坊都食過,知道都食得幾論盡,今次就好少少啦,因為啲飯都幾實,唔散,牛肉片就依然係咁長,一食就要成件食,但牛肉味仍濃.而呢個係鹹包o黎o既.不過飯就冇味,因為啲汁滲唔到入去.但其實食漢堡包到底多汁好定冇汁好呢?可樂就問題啦.

初開業時這家mos burger葵芳店是沒供應早餐的,曾令我白走一遭,事隔多月現在終於有早餐供應了!早上時間人流稀疏,跟午飯時間的座無虛席是兩回事;踏進店內,日式早晨問候語就已經由姨姨店員帶點機械化但有禮的道出。點了早餐B後,半開放式廚房裡的員工開始流水作業式的製作早餐,看到將漢堡放進紙袋的最後工序,我的早餐準備好了。即磨熱咖啡顏色深黑,表面沒有什麼咖啡油,當天味覺遲鈍也感到有點咖啡味,但不算得濃香,是有點香味又不酸的普通即磨咖啡水準;每杯咖啡配砂糖兩包,但只有一小盒奶精,加進後也只是微微令咖啡變得淺色一點,增加香滑方面就幫不了忙,這個份量真的不足夠,有機會要多加一盒才可以。火腿雞蛋漢堡的包子質感柔軟,抹上牛油後加重了香味,好香!除了牛油還加了沙律醬,令麵包味道更豐富出色;粉紅色火腿雖沒煎香,因而感受到火腿本身那特有凍肉味道;炒蛋炒得層層疊疊沒甚蛋汁在內, 但吃來又不會太粗糙還有點蛋香;最妙是加了一點新鮮西生菜,中和了火腿蛋的膩口,令整個麵包變得清爽之餘還多點纖維,不錯的配搭!!不過還是覺得樓下車仔檔的港式即煎腿蛋治更好吃。

晚上九點先食晚飯, 叫咗個set dinner.$20鰻魚飯 + $19包飲品同雞件, 我另外加咗$3飲品轉粟米湯鰻魚飯: 勁正, 超熱, 鰻魚好厚身雞件: 超熱, 因為剛剛炸起, 有4件, 一d都唔乾身粟米湯: 好好味, 好似我去日本買既粟米湯, 有水準