Munch Now

營業中

休息中

大埔係多野食不過唔執著食名產，見到咩就食咩，行經見哩間店幾型就入左去，set lunch＄40－70不等。 環境：木同紅磚組合而成都幾型似酒吧。 食物：洋蔥豬扒意粉，豬扒有幾件份量多，有咬口唔韌味道中中地都OK，夠飽，價性比高。

逛累了，想寧靜悠閒的休息一會兒，進了此店點了下午茶餐，選了酸忌廉沙律焗薯蓉配熱檸蜜。不一會兒，焗薯送來了，熱騰騰的，配上香草雞蛋沙律，薯蓉的暖和軟與沙律的冰凍感和微酸互相交錯，有特色而美味。熱檸蜜裏的檸香和蜜糖甜味剛好，喝下感滋潤舒暢。

第一次黎食野想講下呢度好有性格既服務態度時間約下午三點，餐廳半滿一入門口，企喺店舖最入面既女侍應生神情呆滯咁同我對望，良久示意1位後，侍應生指一指一張有食客既兩人桌示意我搭枱。由於餐廳只有半滿，喺唔阻人發達既前題下我揀左一張閒置既空枱坐低。坐低五分鐘後女侍應忙住玩手機，而我仍然冇餐牌冇水冇人問我食乜。主動追問下終於有餐牌同水，決定食物後亦揚水示意落單，可惜女侍應仍未從手機世界抽身，只站在吧枱後示意我要叫穿整間餐廳大聲落單。我表示希望她稍移玉步過黎落單後，她亦不甘示弱以澳牛大叔口吻問我「食乜呀」。等食物時還聽到該女侍應向另一枱食客解釋廚房犯錯，與她無關。除左杯咖啡奶多過啡，食物其實ok，但應該冇下次。

相約朋友們短聚食個靚飯，上次試過十分滿意，今晚介紹朋友們齊齊嘆一嘆。訂左位都要等？算數，等一陣。相隔只不過三個月，推出大量 Set dinner 噃，但 menu 不怎麼吸引，我都係決定散叫。原來散叫加 HKD30 可以轉餐，包餐湯、麵包同餐飲，食到後半先知道，Menu 無寫而且侍應肥妹又無解釋清楚呢。紐西蘭石蠔，menu 上面無架喎，侍應們亦無提供名稱或作任何介紹，我估係 Irish rock 囉。質地爽而味道偏淡，似乎有點沖水過度。偏瘦，肥美欠棒，無 after taste 可言，新鮮就夠新鮮喇。法國生蠔 white pearl，今晚只有兩款法國蠔 Gillardeau 及 white pearl，我替大家揀左 white pearl。肥美鮮甜，滑滑 creamy，剛剛濃濃香不過份的海水味，但眼前既生蠔紿終未能達標，只可說是不過不失啦。辣肉腸羅勒芝士 pizza，一望一索就清楚知道係新鮮焗起，熱騰騰香噴噴，氣勢迫人 ﹗剛剛出爐見到已經夠開心，顏色鮮艷奪目，鮮黃加鮮橙再加點綠色點綴，簡直錦上添花。香氣撲鼻，拙拙迫人。芝士味道濃郁，底蘊散發著酸甜蕃茄醬，羅勒清香味道夾雜其中。餅底又薄又

剛開業不久既西餐廳，行中高檔路線，試過多間大埔類似既餐廳，Munch Now 算係坐得最舒服、氣氛最好既一間喇。裝修既顏色、燈光、擺設、佈局既協調性都較高，環境比到種好 warm 既感覺，舒服。香港吋金呎土，租金越升越不合理，所以舖面較細，枱櫈都要細一點。幸好餐具碗碟不是誇張地巨形，能夠同時放到兩個 main course、兩碗湯連個麵包籃都尚可接受，但想放多碟小食就有點困難喇，有點屈質。酒牌還在處理中，所以暫無酒精飲品供應呢，不過餐廳都好識做，歡迎自擄紅白酒、香檳、whisky 用餐，暫不收取任何開瓶費。可能初開業既關係，侍應們顯得有點生手，要落下苦功先得喇。跟瑪雅妹妹遲來的飯局，好好享受美食吧。今晚有新鮮生蠔供應喎，兩款法國、一款韓國，我都未試過韓國出產既生蠔，一定要試試。Main course 真係好多選擇，雞牛羊豬、意粉、risotto、pizza、等等，好多野想試、好多野想食，點算好？意想不到有即焗 pizza 供應，聽見都口水流 ﹗隔離枱 order 左我最喜歡既即烤薄脆餅底 pizza，引死人咩，下次一定要試，依度仲要有 margherita pizza，我的至愛，正 ﹗

大埔★Munch Now幾次食完飯經過都諗住下次試下，今晚終於的起心肝黎食西餐預祝下情人節Munch Now係一行舊式店舖既橫街之中顯得格格不入，但正因為咁又份外突出。好彩7點半左右黎到walk in都咁o岩仲有張2人枱唔洗等位～室內設計簡單唔花巧，啡色既石磚牆、天花既吊燈同牆上既昏黃燈光、啡紅色既梳化同枱上既西式餐具都為餐廳加添一點點浪漫既情調只不過我地坐緊既２人枱係由１個四人位分拆出黎，同隔離枱既距離只有一個手掌，略為狹窄左少少同埋好似同隔離枱互相聽到大家既對話有少少尷尬搵食時間除左望下個set dinner，仲好努力係德國餐廳搵下會唔會有pizza食好彩依到原來真係有得食多國菜～- 餐包（跟set dinner）：絕對係令人喜出望外既暖笠笠小餐包！睇個樣以為佢係硬掘掘既法包，原來外脆入軟，仲要因為已經落左鹽同蔥去整就咁食都好夠味，好似食緊（唔油既）蔥油餅咁- 餐湯（跟set dinner）：同個餐包一齊上但完全失色既忌廉湯。應該加左少少黑松露，不過飲落都係好稀偏淡...- 沙律（set dinner加$15）：嗌之前望到隔離枱都知只係簡單地加左沙律醬既罐頭水果，不過聞落食落都唔錯

今天是大假的第一天，幸福地睡至自然醒，然後才和仔仔来过遲来的午餐。這間餐廳名為' Munch Now', 質素極高，绝对超值！室內顏色配搭很有氣氛！壁燈和紅磚牆很有格調！午餐有很多選擇！價格只是$50至70不等！磨菇湯很香滑！香煎纽西蘭牛扒調較成數剛好！肉質鬆軟！煎牛舌黑椒汁！外脆內軟！牛舌味濃，加上黑椒汁更惹味！最後來一杯香濃咖啡，香滑無比！

晚上在大埔揀了這間德國餐廳本想叫"芝士肉醬薯條" 侍應說沒有貨,那我問她前菜有什麼推介, 她只求其說最多人叫的是 "巴拿馬火腿蜜瓜" 跟另一款茶就走了...我以為自己去了茶餐廳而不是德國餐廳我叫了凱撒沙律, 侍應說可加 $30變套餐, 有湯, 餐包跟飲品。我試了一口朋友的忌廉湯, 淡如水, 包變形....不要也罷。最嬲是凱撒沙律做法很 hea 又太咸!只有4 款材料....雞蛋, 芝士同火箭菜都不見了, 不用黑醋又用好咸的mayo ....炸麵包又很油, $78 完全不值 朋友叫的咸豬手好一點, 只是雪藏味太重, 未能整走 

每次經過Munch Now入面都坐滿食客, 相信質素會唔錯的一間食店, 今日趁假期, 訓飽就落街試下先,4點鐘去到, 好彩有一枱食客走人岩岩好有位, 望望menu, 都幾多選擇, 統一價錢, 全部$43費城牛肉三文治, $43估唔到除左個包之外仲有薯條, 老公切左少少比我試,麵包好香脆, 牛肉係切粒粒既, 無咩點醃, 完全食到牛肉本身既香味,同埋好"林"手指魚薯條, $43相信係即叫即炸, 夠晒熱, 魚手指好大條, 仲要有3條咁多, 魚炸完後仲好有肉汁, 完全唔乾同好滑, 脆醬好薄, 配埋沙律醬更加好味, 而薯條都唔錯, 夠熱, 值得一提既係d沙律菜入面既醋, 好香濃, 好醒胃,食完炸物後配少少菜,係好舒服既餐飲, 即磨咖啡杯即磨咖啡真係無得彈, 未飲前已聞到咖啡香, 香濃, 飲完後即刻醒晒

接呀媽放晏食午飯嚟間近近地嘅餐廳食下，menu大部分嘅價錢都唔平，但係個西冷排就相對比較平，見6十幾蚊就有塊排食就同呀媽叫一人一塊。是日湯係普遍白湯，不過不失。嚟到主菜牛排，我配左薯菜。牛排叫左7成熟，可能因為價錢，所以唔會太高期望，我覺得都煎得冧，易入口，但就冇咩牛排味，個味主要嚟自佢個汁，但個汁有少少苦，但味道都ok的。總括嚟講，6十幾蚊食到塊排都算係唔錯。

想食哩間野好耐，次次經過都無時間停低。今次終於比我可以係度停留片刻。哩間野個格調好好，high tea時段沒有爆場，帶比我地兩個一份舒適既寧靜。咁舒服既環境食落D野食都變得好好味，仿佛野食帶比我地既營養都全部被吸收曬咁。野食正常，未算超級美味，但份量好夠，食到好飽。我叫左杯熱鮮奶，好creamyyyyyyyyyy阿~~~~~~~~~~~~~~~~~~~~~~~~最後好滿足好飽！下次黎試埋晚餐先得！

一直都有聽過住大埔既朋友介紹大埔墟既呢間西餐廳 - Munch Now 好受街坊歡迎可能係因為大埔無乜差唔多類型同級數定位既西餐廳, 而且價錢都算合理, 所以朋友話每逢午飯, 晚飯時間都會大排長龍今日特登入黎試佢既午餐, 大約中午12:30到達, 已經有人龍係門口等緊, 果然好受街坊熱捧!午餐選擇都唔少~ 價錢由$48-$68不等 (未計加一) 呢個價錢包埋餐湯但餐飲要加錢叫是日餐湯係忌廉磨菇湯, 飲落有淡淡既菇香, 不過唔會食到有菇, 質素還可以!我地4人食, 其中一個叫左洋蔥豬扒配意粉 $58, 另外三個都係食牛扒~!有兩大塊豬扒, 煎得甘香, 肉質夠嫩, 意粉軟硬適中.. 呢度都有提供芥茉, 茄汁等等, 要問侍應拎香煎紐西蘭西冷牛扒跟燒汁餐(配飯/薯菜/意粉) $63上枱已經對塊牛扒好有期望, 煎得好靚~~雖然塊牛扒一D都唔"韌", 不過真係無乜味... 而個燒汁味道亦都唔算香..飯粒少少硬身, 唔夠綿香.. 薯條係粗身既, 唔會太咸~總括 要係大埔搵間環境唔錯 價錢合理既西餐 可能真係只有呢度只係塊牛扒令人有少少失望, 不過佢有咁多選擇 下次有機會會再黎試佢其他款式 (仲要再早

6時半到餐廳, 沒有人,但過了7時,全場滿了。滄海遺珠-在大埔墟的德國?餐廳: Munch Now。 地點有點特別, 在街巿小店附近中有一突兀的西餐廳, 早上成日見有好多人在那吃早餐,不知原因何為, 原來是那杯咖啡,豬手一流,配菜竟然一絲不苟,沙律菜用黑醋點綴, 矮瓜撒上胡椒粒, 甜品是自製拿破倫, 餅皮不肥, 上面的芒果是台灣定呂宋芒,? 香芒四溢, 肯定不是平時的那種。唯獨牛扒一般

其實都係朋友介紹先去，我初頭入到去已經覺得好迫同好唔舒服，我哋一行五人坐張六人枱，後來再搭多個人落嚟，我叫咗個三文魚白汁寬條意粉，來到只係得一塊大慨兩寸闊嘅三文魚喺啲意粉上面，而我朋友叫吞拿魚意粉，啲吞拿魚就少到暈，意粉咩道唔錯，而個午餐係唔包嘢飲，要另加錢，至於我朋友叫咗杯咖啡，來到時覺得少奶同埋苦啲，所以再叫佢比啲奶，佢話要加三蚊，呢間嘢個老闆都算得好盡，材料夠少，乜都要加錢，都知道生意成本高，本人食過好多呢類餐廳，但覺得真係唔會再去食，但我見到有好多人等位。

與朋友一行6人到此晚餐點了6份set dinner不跟飯､意粉的配包及蘑菇忌廉湯蘑菇忌廉湯挺好味很香的菇味湯亦不會太稠或太稀,,恰到好處問侍應推介什麼pizza然後就介紹我們吃煙三文魚金不文pizza果真不錯！濃濃的芝士配煙三文魚的鹹香,,味道很好6份餐分別有羊扒,,豬手,,西冷,,豬鞍及松露野菌risotto我點的是羊扒,,騷香味足吃完後仍齒頰留香朋友說豬鞍也煮得夠稔很好吃！就是西冷太韌不好吃之前爸媽也光顧過..爸也是說這裡的牛扒不好吃～加錢加甜品問有什麼甜品結果order後才說沒這沒那的應查清楚才答覆比較好..反正只剩2枱客chesse cake很難吃！！！一點芝士的味道也沒有！反而焦糖燉蛋味道不錯總括來說，還是有可取之處的～～只是少部分食物味道較差～～