Munch Now

營業中

休息中

這是一家性價比高嘅小型西餐廳，雖然味道只屬一般，不過勝在價錢平，茶餐廳價錢不過有餐廳嘅享受。呢個醬燒豬頸肉滑蛋蓋飯賣相真係靚，開頭見佢咁多飯咁少蛋都驚佢會唔會太乾，不過食落又幾好食，d飯唔會乾爭爭。豬頸肉就厚身少少，幾有咬口嘅同時亦有少少un。有餐湯有餐飲$56再加一，抵食。下午茶餐嘅蜜糖雞翼配薯仔雜果沙律都ok，開頭見d雞翼黑黑地都有d擔心，但係原來唔係燶咗，食到蜜糖味，另外佢個薯仔雜果沙律都唔錯，加埋杯野飲，$49再加一，合理。

昨天上午到訪了這餐廳，原本希望能支持本地小店，專程入大埔四圍走下食下，但這次的經歷卻令人極度失望。首先，餐廳的服務態度非常惡劣。服務員不僅缺乏基本的禮貌，對顧客的要求也表現出不耐煩的態度。整個過程中，完完全全係想話你知叫你唔好幫襯。至於食物方面，只能說質素一般。菜式的味道平平無奇，並沒有特別出色之處。考慮到價格，性價比實在不高。綜合來看，即便是想支持香港的小店，我也絕對不建議光顧這間餐廳。有太多其他選擇可以提供更好的用餐體驗。希望餐廳能夠改善服務和食物質素，為顧客提供更愉快的用餐環境。

正如題目所講，呢間嘢服務差到核爆，饑荒都唔會再食，分店都可以再考慮，但係大埔果間就千祈千祈千祈(重要嘅事情講三次)唔好再去食唔好再食，唔好再去食(重要嘅事情再講三次)，真係唔好浪費時間。一家人兩大兩細拎住一抽二掕，有張大枱大小小嘅枱都唔俾我哋，都係比張四人枱我哋，算數。因為有小朋友食嘢，就問佢嘅意大利飯會唔會好硬，戴眼鏡嗰個阿姐劈頭就話「一定唔會硬，呢啲飯點會硬？」咁我食過正宗嗰啲係有啲硬嘅，算。叫咗三樣嘢，一個係黑松露意大利飯，另外一個係菠蘿豬扒焗飯，最後就係雜扒意粉。其實都唔錯嘅個意大利飯就真係唔硬嘅，好好。焗豬扒飯嘅豬扒，軟腍腍，好好食。雜扒就係牛扒，豬扒雞扒牛扒雞扒就冇乜特別啦如果豬扒呢佢係用半肥瘦嘅豬扒，食起嚟有啲爽口，同焗豬扒假個豬扒有得對比，真係唔錯。跟住等嘢食嘅時候，好頸渴，出面成30幾度玩咗成日，張枱剩係得熱水，係俾個熱水壺你嗰啲熱水，攤咗勁耐先至叫到大人飲得落，我有見隔籬枱有啲裝凍滾水嘅膠水壺，就問侍應可唔可以俾一壺我。冇諗過，佢俾咗一杯冰，真係一杯冰…倒完一杯熱水都融晒啦，算，涼啲果杯，我留俾小朋友飲。最後埋單俾咗錢，其實我都係想你哋有返啲笑容，但係你冇不特止，多

剛剛收工，路過，發現這間餐廳，在門口睇咗餐牌之後，價錢合理，在門口見到，客人唔算多，諗住味道都係麻麻地，膽粗粗入去試一試，我們兩個人，冇叫晚餐，叫了三個單點餐，第一個鰻魚飛魚子炒飯，第二個闊條麵，第三個標準和牛漢堡餐，可能人數唔係太多，所以好快上餐，首先食和牛漢堡餐，已經覺得有驚喜，幾十蚊，食到百幾蚊嘅味道，跟住食鰻魚飛魚子炒飯，這個飯不算有驚喜，但係都係中規中矩，最後食闊條麵，這個真係有驚喜，佢的白汁同埋闊條麵，非常之夾，三個餐埋單，都係二百幾蚊，喺現在這個環境，三個餐二百幾蚊，真係超值，講真-如果這間舖頭，位於大埔中心附近，已經發咗達。溫馨提示：如果散餐，加少少錢，可以提供飲品，這樣就100分

這次會永久block 。因為集體服務態度極差。原本幾年前有個黑面神，所以就無再去。之後黑面神離開，有新服務員，就繼續幫襯。2024年，所有服務者都變，所有服務員都黑面。30➕個個好似係幾年前個個黑面神，40➕係新請黑面神。因為我唔知道前面有人排隊，30➕黑面神當我係空氣，同40➕黑面神話，唔係需要排隊嗎？我自己行出去，她們又要我同小朋友坐一個極差位置，我話我可以繼續等。40➕，就話咁就無位。連續講好幾次，咁樣無位。其實，我已經講自己拒絕，而且可以等，都係不停趕我走。街坊有眼，就唔好繼續幫襯黑面餐廳。

態度十分惡劣，打電話去叫外賣個位有口音嘅呀姐，自己接收唔到，就話人煩，大佬你咁嘅態度仲想人幫襯你，個老闆多得你唔少😡😡😡😡😡😡😡😡P.s後生個啲態度好好多

門口見到以為講緊星期六日公眾假期先要加一🫣～後尾俾完錢再問店員先發現意思係日日都加一，星期六日公眾假期再加錢🤣🤣🤣大家如果去食就要留意番啦！！！！嘢食方面就叫咗咖喱吉列豬扒滑蛋蓋飯，不過黎嘅時候係熟蛋🤷🏻‍♀️加埋一$71，唔包嘢飲～性價比就好一般，午餐嚟講喺大埔貴唔貴就見人見智。另外叫咗卡邦尼意粉～正常，意粉冇太過淋！睇嚟西餐廳都係叫西餐會穩陣啲！🤣🤣（本身都冇諗住會打comment 所以嘢食冇影相）

呢間嘢開左好耐，即使過了疫情都未幫襯過，今朝見裡面有位就幫襯個早餐。豬柳蛋芝士漢堡配熱香餅，額外加錢配多個薯餅，整體冇乜事，個包好熱，焗過的，正常味道。到比錢就覺得奇，原來配凍咖啡要加八蚊，張單就寫話即磨咖啡，兼且要收加一，承惠59元。即係咁，係個門口餐牌吸引到我入內幫襯，也可能我冇睇哂整個餐牌，冇留意週五晚，週六日全日要加一，只見假日早餐要比多2元，加薯餅8元，以為凍飲只是加3元咁啦。早班果位員工勤力的，唔會質疑態度。

位於大埔舊墟橫街唐樓地鋪, 位置不太起眼, 但我身邊曾經光顧過的朋友都認為這家是值得再來的餐廳。 晚飯套餐有飯面或牛羊鐵板等選擇, 有超過二十款之多, 梗有一款合你口味。套餐包一客餐湯, 主菜和飲品。小食   炸物拼盤拼盤有炸魷魚, 炸洋葱圈及炸雞各2-3件, 值得一讚的是其含有蔬菜片的乳酪蘸汁, 酸酸甜甜的, 能消弭炸物的油膩感。  餐湯是忌廉磨菇湯, 並非罐頭湯, 湯底香濃軟滑, 如磨菇能大片少少可增加口感。主菜一   焗黑椒牛柳絲意粉意粉彈牙, 牛柳絲醃得軟腍, 黑椒味重, 最最重要是面層厚厚的拉絲芝士, 甚有焗意粉的風味。 主菜二   焗黃咖喱牛油果鰻魚龍利意粉意粉彈牙, 牛油果是大大隻的南澳貨色, 沒有想過牛油果切片焗仍能保持軟滑口感。我有點奇怪怎麼會把兩種不同魚類混在一碟菜內, 可能是要將貨就價的關係。相對貴價的燒鰻魚鹹甜適中, 可惜太薄身, 無太多肉食, 相對平價的龍脷魚柳肉質較散。飲品 雜果賓治如此懷舊的飲品令我感到很驚喜! 套餐價ON TOP 加$15點了雜果賓治, 賣相平平無奇, 以為只是罐頭雜果及橙汁先生, 啜飲兩口已發現用料竟然全是新鮮香橙粒及鮮榨橙汁, 正!飲

真真正正質素高的早餐今天真係可遇不可求，今日經過呢間餐廳就係俾佢門口嘅餐牌吸引，主要係因為價錢平但係早餐嘅內容有異常豐富，於是入去試吓。$36的豬柳蛋芝士漢堡配熱香餅，個漢堡包竟然係熱嘅，咬落去仲有少少脆口，芝士唔係求其夾塊四方形芝士，睇吓幅相入面芝士用成咁嘅狀態估計到。個pancake都整得好食呀真係非常有誠意。$48的煙肉蘑菇芝士焗大啡菇配牛角包原來仲有一隻煎蛋，煎蛋係隨便嘅，煙肉同蘑菇估計係先炒香再攞去焗，兩個餐都配一杯熱飲，性價比極高。

大埔<MUNCH NOW>這間餐廳現在除了普通下午茶餐外，原來還有三層的high tea，於是相约了知己來試試。這high tea原來也不分什麽時候，anytime都可以叫，這真不錯。而最大的好處就是可以選擇想要的食物，以下是high tea的餐牌。我們選擇了牛肉墨西卷、香煎鱼柳、牛柳雜菜沙律(胡麻汁)、鲜菇帶子牛角飽、蒜味虎蝦、和雙色雪糕牛角飽，整體來說不差，牛角飽脆，沙律新鲜，但牛柳不夠香;而飲品可加$18飲花茶，挺不錯，有玖瑰花十菊花，有很多组合。環境以紅磚做牆，有點Bar feel,事實上也有洒精飲品供應的。價錢加埋一都是$305兩人，所以都算一處吃high tea淡天的好地方。^^

週末就最適合食brunch，但平時嘅Cafe都比較貴🫣今日見到大埔有間平民嘅brunch性價比都幾好😆忍唔住要推介俾大家🙆🏻‍♀️—————————————————————🥪牛油果醬碎蛋沙律煙三文魚牛角包 （$51） 港女最愛嘅牛油果醬牛角包🥐😍一上枱第一個感覺係好足料🤩所有材料嘅比例啱啱好，唔會爆餡爆到好難handle😝但係又唔會搞到冇餡乾爭爭咁，好食！😋🍳全天候王牌早餐$88男朋友嗌嘅All Day Breakfast😋🤩價錢已經比Cafe平30%，但係一樣非常高質。Egg Benedict 係調校過適合香港人嘅口味，包底雖然唔係正宗嘅英式鬆餅，但係都好夾😋擺盤冇Cafe咁靚咁澎湃，但係最特別係有牛柳粒 （本身有多幾粒都係太期待食咗先記得影相所以得返一粒😂) ，$88嚟講都不錯！可以成為大埔人嘅飯堂啦😝

今日黎左呢間食lunch，會包餐湯同野飲，今日餐湯係忌廉蘑菇湯，湯都幾棉滑，點左芝士焗肉醬意粉，唔洗等好耐就食得蕃茄味好香濃，仲見到一粒粒蕃茄粒同埋紅蘿蔔粒，真材實料

同阿爸阿媽去咗呢到食午餐，呢到有好多午餐選擇，我哋等咗大約10分鐘就有位，位唔多，地方比較小。我叫咗個雞扒豬扒餐，主食可以選飯，意大利粉，薯菜同淨菜。淨菜份量都唔少，係爺菜同埋西蘭花，豬扒有一塊塊，雞扒半塊，汁係洋蔥汁，味道有啲怪，好似燶咗⋯⋯。個餐要飲品原來要加錢，唔expect …。個餐大約70幾蚊，有餐湯，多數係白湯，質素係呢個價錢多說可以接受嘅，份量都好足夠。如果熱啲上更好。

星期六放假，諗住輕鬆食個豐富早餐，就揀咗呢間唔算多人嘅餐廳，外面望入去環境唔錯，餐牌嚟睇都吸引，整體食物質素係可以，但侍應態度散慢又差，啲嘢黎錯晒叫佢跟進又冇左件事，多士換塊薯餅半個鐘都換唔到，最終等埋唔要塊薯餅我埋單走人…嬲嬲😡