NAM NAM VIETNAMESE CUISINE

營業中

休息中

位於Airside嘅越南餐廳，可攜帶狗狗一齊食嘢！星期日人頭湧湧，好多人排隊舖頭細細，餐枱都好迫，服務員唔夠人，見佢哋都好忙，有甩漏。不過性價比高，價錢唔貴，食物質素唔錯，仲好大碟！燒豬頸肉濱海 $88有生菜，豬頸肉，同埋濱海生菜好大塊，包好豬頸肉同賓海，沾上魚露同甜酸醬，非常滿足。咖哩牛肋條配白飯 $118牛肋條炆得好軟熟，薯仔都好入味，咖喱唔夠濃郁，爭少少！堤岸蔗蝦2支 $78好食，亦都好抵，以為兩支原來上枱其實係四舊，蝦肉爽口彈牙有甜甜嘅甘蔗味越南地道艇仔蟹粉 $108呢個超好食！非常鍾意！材料有軟殼蟹，豬紅，扎肉，豆卜湯底有濃濃嘅蟹同蝦味同蕃茄味有香蔥芫荽做配料，增加味道層次食到一口接一口非常惹味，推介！冰凍新鮮椰青 $48清甜好飲，唔錯

我哋weekend去食lunch，超級多人以為咁好生意一定好嘢。佢俾咗一張條路中間嘅枱，我哋喺正廚房出嘢食個位（其實我都好難相信行路咁窄嘅位都擺幾張枱😅），坐咗條路中間食嘢嘅時候會不停feel到左右手手踭0.5 cm就會有職員行嚟行去捧餐。我都明白出嚟食嘢一定濃味，又味精同好鹹，但係呢間嘢真係好鹹味，不停飲水五六個鐘仲口渴😰我哋都唔係食海鮮定乜嘢只係一人一碗麵再加個小食，差唔多$200一個人。我覺得坐到咁樣收呢個價錢有+10%真係好誇張。😭一定唔會再去。

三個朋友加兩隻狗一齊食飯，每個都叫咗杯嘢飲三個主食三個小食，覺得份量都算合理，開枱張單係52分，食咗40分鐘已經開始執我哋啲嘢，未夠一個鐘已經同我哋講話好多客喺出邊等，其實好想知關我咩事？大佬，我平時自己一個人食飯都食40分鐘啦，仲要係出嚟同朋友食飯都未夠一個鐘就叫我走係咩事？不如改名叫快餐店？lol雞肉串燒冇乜味、米紙卷芒果同蝦超細，海量粉絲，好難食坐位好迫，連啲侍應送餐嘅時候都會自己撞到自己嘅員工

屯馬綫系列 朋友話namnam越南🇻🇳餐廳的牛肉🐮特別好味，今日午餐來試一試❗️~$100 的午市套餐有十多廿款選擇，今天品嚐了生牛肉金邊粉😋Appetizer ：春卷及扎肉蒸粉包Drink：香茅斑斕薏米水Main：生牛肉金邊粉🍲 ～ 湯甜，牛肉新鮮，味濃有嚼口🌟🌟🌟🌟Dessert：芋頭西米露🌟食評指數：7.5/10💁🏻‍♀️人均消費～HKD100 (lunch)🗺️ 地址：NAM NAM VIETNAMESE CUISINE (九龍城)九龍城啟德協調道2號AIRSIDE 1樓L119號舖

服務好，食物味道當然好。精選二人小食拼盤 $148有蒸粉卷、春卷、蔗蝦、香茅雞翼、豬肉蝦片樣樣我都好鍾意食😍春卷檳海 $88咖哩牛肋條可以配法包，好嘢味，牛肋條炆得好淋，食到唔停得口😋必試越南地道蟹檬$108甜品就一定要有先至圓滿芒果糯米飯 $68，芒果夠新鮮，糯米飯加上適量嘅椰汁，味道夾得啱啱好。服務超級貼心，上菜效率高，座位舒適，傾偈一流，菜式可口。法包外脆內軟，用料十足，比得上越南當地的出產。唔使去越南，都品嚐到正宗嘅越南菜。

星期天一人一狗行啟德Airside商場，行至一樓見到一間非常旺的越南菜，過去看了下，見到商店門口可以帶狗坐食東西，因為行得攰了，所以排隊拎了個位帶 著狗狗試下。等了10 分鐘左右就有位了，叫了個蟹肉蟹糕焗蛋飯，剛上的時候賣相，心情有點忐忑，不知好唔好味，但試了一口頓時覺得非常不錯，整整一大碟飯都俾我食得乾乾淨淨，蟹膏蟹肉有加了胡椒粉，蟹肉焗完後非常之香，非常之好送飯，飯也非常之鬆軟，雖然店舖地方不是太大，但有一個可以俾我帶到狗仔食飯的地方，也非常之滿足了，下次會再去試其他食物，也會介紹朋友去食，希望老闆能一直keep住食物質素佢會唔會？

AIRSIDE都有唔少餐廳, 今晚試左越式菜兩個人分別叫左唔同款既主食, 咁就可以試多D野啦!朋友食春卷撈檬,我就食左燒豬頸肉湯檬湯檬跟餐既豬頸肉係分開上既, 咁就唔會浸到淋曬唯獨豬頸肉無乜調味, 好彩台面有幾種醬汁, 而辣椒醬唔算辣, 豬頸肉即時昇華左,朋友聲稱上次食既春卷同今次唔同今次鬆脆既外皮係咖哩味睇黎係餐廳有改良食物雖然QR code 下單, 係要收加一服務費店員幾友善, 會提醒餐廳有邊個位無咁大風我地一坐低店員就主動比左兩杯水, 值得一讚

這裡服務員態度很好，但可能訓練及經驗不足。 例如我們不小心倒瀉水，他們會幫忙抹抬，但不懂把 濕嘅布由枱邊拎走，而係把濕布由食物上方拎走，由得啲濕布水滴返喺食物上面。。。我們三人訂了枱，但可以比兩張唔同高度的細枱拼埋一齊畀我哋， 其中張摺枱勁輕 ，搞到我哋 一係跌筷子，一係倒瀉水， 最後連個碗都跌埋落地下。。。食物質素方面，以咁嘅接近大連鎖店價錢， 唔算合格。 以肉碎生菜包為例， 無論口感同味道，都唔似一個食過越南菜嘅人煑出來的，比較似茶餐廳味道。法包就係淋嘅，又係好似由一個從未食過越南法包的厨師做出來的。但係我見到呢間餐廳係非常之受有寵物嘅客人歡迎的。 永遠有主人同寵物喺度排隊， 走嘅時候聽到門口嗌:「兩個人，三隻寵物」入座。 相信有寵物嘅客人，如果可以同寵物一齊開心食飯，對食物要求唔會好似我哋咁高吧。

連落幾日大雨，今日想係九龍城行街食飯！上次同friend聚餐去過Airside，值得行下，就係附近，一於同老公探一探！行到肚仔餓要搵食，天氣悶加上鍾意東南亞菜，睇咗資訊牌有間NAM NAM越南菜，（呢度好多好多選擇但都偏貴又唔想食茶餐廳），睇餐牌價位合理，就呢間啦！老公叫咗㗎喱牛肋條配法飽，係大眾接受嘅味道，我略嫌唔夠香料香味，肉冇底味，法飽唔够鬆脆！另外，變蒜蓉法飽會吸引好多！我叫咗香茅豬扒撈檬，豬扒，完全冇香茅味，塊豬扒好薄下但又唔算乾，配菜花生都足够，（調味魚露唔夠醒胃，無蒜香同青檸味）要講吓帶位男侍應（估係店長），我個位好大風，同佢講完好有禮貌轉卡位俾我！值得讚，食完晒又係呢位哥哥執枱，仲叫我哋慢慢坐唔使急！但一開始將我哋枱上嘅越式調味料攞走，話唔好阻住我哋，但我哋食嘢要用啊！同另外嘅女士應講，叫我哋喺隔籬攞😂。不過呢個價位係呢個場，值得一食啦！

為咗照顧生酮飲食嘅屋企人，當然要搵一間大魚大肉嘅餐廳！NAMNAM 長期都爆曬人，星期日下晝3:00過到嚟都仲係要等位，真係勁癲！不過啲嘢食真係好食嘅，見到好多人話佢哋服務麻麻，呢個位真係想平反下🥲其實佢哋已經好好㗎啦，忙到癲咗但係都好有禮貌咁出餸，盡量照顧晒咁多個客人，希望睇到呢度嘅餐廳可以請多啲人幫輕吓佢哋啦！！我哋成日都過嚟幫襯，雖然有時等菜會耐少少，但係真係從來都唔漏單～叫到佢哋一定會幫！香葉肉碎蠔仔煎蛋角煎蛋角香氣與肉碎的鮮味完美結合，口感層次豐富香葉肉碎生菜包生菜包清新，豬肉碎鮮嫩，搭配香葉，既有香氣又不油膩，調味惹味軟殼蟹青木瓜沙律軟殼蟹酥脆，搭配青木瓜的清爽，酸辣的醬汁更是提味，十分開胃。燒豬頸肉豬頸肉質地滑嫩，燒烤適中，外皮香脆，肉汁豐富，味道濃郁香茅豬扒  香茅的香氣渗透入豬扒，肉質鮮美，整道菜充滿東南亞風味牛油果雞絲米子卷米子卷清新健康，牛油果的滑順搭配雞絲的鮮嫩，口感非常棒，適合作為輕食或開胃菜。

昨晚過來啟德探家人.和家人行AIRSIDE.在häagen-dazs旁有間越南餐廳.咁啱好耐未食過越南菜.環境又幾特別.門口幅画好靚.同屋企人在門口影咗幾張靚相.入去點了串燒雞肉蛋飯.小食拼盤.豬肉撈檬.店員還送了我們三碗糖水.畀我想像當中意外好食.店員又幾nice.這間餐廳門口有設小動物位置.我旁邊有兩隻狗狗好得意.經主人同意.逗牠玩了一陣.有得食又有得玩狗狗.下次再來啟德試下他家其他東西先.

首次嚟啟德airside，經過呢間越南菜館，正當猶豫間，一位熱情店員向我介紹他們的菜式，反正未有心水試試無妨，最終算有驚喜，食物唔錯外，飲品亦有誠意，我試了柸桔仔話梅水，友人就試了柸斑斕薏米水，對於我哋呢啲唔飲奶茶咖啡嘅人，真係有驚喜😋飯後交談先知熱情店員係呢間舖嘅店長，人靚招呼又友善，真值得俾個讚👍

今天和朋友去啓德行街街．聽朋友說有一個間越南菜很不錯，可以去試吓，抱著嘗新嘅心情去一試。餐廳環境及衛生都不錯、裝修很有越南風味，待應介紹師傅是正宗的越南師傅，點了碗生牛肉河粉及濱海，－試果然好味，因為去過越北旅行，是真有越北風味香港已很少有真正的正宗的越南菜，而且這間店舖價錢也合理，店員服務態度也非常nice，朋友介紹得不錯，下次會再次介紹朋友去

星期日夜晚去Airside 食飯三大差勁表現，絕對強烈唔推薦！1、漏單唔肯void單漏咗一碟花甲嚟到原來唔係花甲，係蜆嚟，都算員工聲稱清咗機廚房會煮再三要求佢取消都唔肯錯嘅係佢地 但死都唔肯取消張單2、味道完全不是越南口味生菜包啲肉碎完全係茶記口味不如改一改個餐廳名做南南茶記會食得人開心啲3、員工講嘢好大聲完全破壞用餐氣氛食1個鐘飯餐廳員工高聲談天噪音大到影響用餐體驗完全唔推薦如果餐廳老闆見到的話強烈要求改善下PS）隔離枱食芒果糯米飯啲糯米有沙但員工完全冇道歉

平時都唔會點劣評一間餐廳一間開喺都算係高級既商場入面諗住餐廳既質素都唔會差得去邊第一次食呢間越南野叫個香茅豬扒湯金邊粉湯好普通 豬扒完全係overcooked 乾柴既再叫左個咖喱牛肋骨配法包一上枱已心知不妙個樣完全係茶餐廳溝芡汁既杰撻撻咖喱超難食🤢入面啲薯仔係爽既完全唔淋仲要價錢又唔係抵食尤其係個杰撻撻既芡汁咖喱要$118可以講係衰過茶餐廳質素都唔明點解可以咁多人食雖然服務態度OK 但真係可一不可再囉