Nardo's Cafe (已結業)

朋友約我到位於旺角的樓上cafe ～ Nardo's Cafe 食晚餐，入到店舖裏面裝修似紅白色為主， 餐廳佈滿了玩具裝飾， 還有一些board game 提供給客人。 餐牌上的食物種類有小食，主菜，甜品和飲品。 當晚我們點的菜色有肉腸拼盤 ( 迷你司華力腸，意式香葉腸，迷你牛仔腸，熱狗腸）$168， 意式茄醬燴肉丸$68， 日式蛋醬蟹條雜菜沙律$88， king國王$42 （ 檸檬汁，利賓納，梳打）， 士多啤梨奶昔$49， 芝士忌廉雞肉闊條麵$115， 忌廉蘑菇湯$12， 藍莓芝士蛋糕 $15。King國王～ 味道偏淡， 帶點微酸。士多啤梨奶昔～ 入口香滑， 推介這杯飲品。忌廉蘑菇湯～ 味道偏清。日式蛋漿蟹條雜菜沙律～ 沙律菜份量好多， 蔬菜新鮮。意式茄醬燴肉丸～ 意式肉丸是大人或小朋友都喜歡的小食， 啖啖肉配酸甜番茄醬好好味。肉腸拼盤 ( 迷你司華力腸，意式香葉腸，迷你牛仔腸，熱狗腸）～ 點了大的份量， 如果喜歡吃腸仔的朋友，可以選擇這一個菜， 每一款腸都有兩條份量很多。芝士忌廉雞肉闊條麵～ 闊條麵的質地適中， 芝士忌廉香濃帶點甜。藍莓芝士蛋糕～ 最後到香濃的芝士蛋糕， 好豐富

這是我們彩虹group開會第二次來的餐廳，因地點方便，加上這裡全部服務員的態度同禮貌都很好及友善🤗🤗再加上啲食物同飲品都好好味，yummy yummy 😋😋時間又唔受限制🖒🖒

party room好多都係裝修比較少，放d公仔，模型，書同遊戲算，好多都無放d心機係裝修到呢間怖置好女性化房間感覺, 會比到客人一d私隱，比較其他party room 好。食物方面，睇 menu 個 set，本來貪心想叫多d，但老闆娘講，唔洗加，一定夠，係相信佢情況下，只叫左個party package。特色小食：一set小食拼盤，有蒜香雞翼、 肉腸拼盤、 意式茄醬燴肉丸、 香脆咖哩角、 酥炸麥樂雞、 秘製日式餃子、 香辣脆薯皇， 份量絕對係夠。(但如果坐幾個鐘, 飲品跟餐得一杯, 確實吾足夠!)主菜叫咗西班牙芝士焗海鮮意粉同香草忌廉雞皇長通粉，d汁好濃好香。成晚一班人玩左幾個 game, 充滿笑聲既一晚!

今次有人suggest不如搵d有得玩有得食既地方， 網上搵搵， 發現倒個幾高評價既地方就去試試。一入門口， 有booking所以好快可以坐低。 Menu都好快放上台， 叫我地要咩隨時叫佢地。 櫃度既桌遊隨便玩。 我地有4個人， 老闆娘介紹我地食個party套餐， 老闆娘話好多好大份好抵架， 唔洗再叫其他野食。就信你一次。 先黎一個 火雞胸沙律。 嘩， 咁大盆既， 好厚又有重量既沙律擺係我地面前， 好多， 好新鮮， 好有誠意啵。跟餐既小食有 意式茄醬肉丸， 日式餃子， 肉腸拼盤， 呢3樣上左先。 個肉丸同日式餃子不過不失， 但我覺得既然係邊玩邊食，係幾好既選擇， 因為真係幾方便咁食。 肉腸拼盤個量都幾足。 食完以上既都有幾分飽。 再黎係佢個炸物拼盆， 樣樣都好香口又熱辣辣。 d麥樂雞同雞翼咬倒仲有d juicy, 唔似其他好多時都乾爭爭。 好方便邊玩邊食！薯皇同咖喱角， 雖然冇乜大出奇， 但係個量， 同新炸度真係俾足誠意加分。 到呢一點， 開始飽飽地。 唔好唔記得， 跟餐仲有兩大碟意粉， 焗海鮮意粉同忌廉雞皇長通粉。 其實我地都已經飽飽地。 仲要見倒咁大碟意粉， 真係呆左。唔怪得之話唔洗

講起樓上cafe，我都唔知中左幾多次伏，如果唔係陪朋友，都唔會再比機會樓上cafe...🙄首先，cafe最重要一定係舒適嘅環境，望一望呢到，裝修殘舊，以紅白為配色，但梳化大部分嘅顏色已經甩左。燈光昏暗，唔係有mood嗰種，係壞燈嗰種....好趕客.....🙄叫左兩個dinner set：C. 西班牙芝士焗飯（$112）D. 芝士忌廉雞肉闊條麵（$115）兩碟份量都非常多，一碟都夠兩個人食，可惜唔係幾好食，闊條麵可能太健康了，無味的.....芝士薯條我覺得呢個都OK，芝士醬都夠濃，薯條就有啲林，可以脆啲！墨西哥雞翼反而佢小食做得好過main，呢個雞翼少少辣，都幾惹味。OREO特飲幾好飲，值得讚嘅！呢杯巨峰提子蘇打就麻麻地，好似無咩味，飲緊蘇打水咁....-每人最後都食左百幾蚊，既然都比得呢個價錢，我寧願比多少少去間正正常常嘅西餐。

原來信和隔離呢棟大廈都有唔少食肆，陪朋友睇完game誤打誤撞上左黎8樓呢間樓上cafe。一入門口就見到五花八門既board game岩哂成大班人聚會果時玩。餐廳佔地面積大，空間闊絡，全部都係梳化櫈，即使坐得耐都唔會唔舒服有得散嗌有得跟餐沙律即叫即整，剩係聞到陣青瓜味就知係新鮮切出黎，蕃茄夠哂飽滿juicy，但蛋醬偏向清淡，如果改用胡麻醬相信會更開胃拼盤非常豐富，件件炸到金黃香脆，入口毫不油膩。仲有久違既魚手指同炸蟹鉗雞翼都幾大隻，焗到微微焦香，又唔會太乾，面頭塗滿蜜糖，好有bbq燒雞翼既風味闊條麵食落好creamy，好多忌廉汁同雞肉，夠哂飽肚。可惜芝士味唔夠，如果落多啲會更香口美味。Cheesecake芝士味重好多，係略甜左啲，消化餅底鬆脆紮實朱古力蛋糕名符其實咁特濃，入口濃郁既可可香，帶些微甘苦，cream同海綿蛋糕各佔一半，口感既軟綿又滑順。呢杯特飲荔枝味十足，仲有粒粒果肉，拌入左蜜糖清甜不漏。紅莓果茶用左紅茶底，味道濃厚，加上莓果既酸甜，飲落更消滯，係食完heavy既炸物同甜點後既好選擇

今日同中學既朋友一聚 想搵一間cafe可以有board game玩又可以一邊食野 就黎到位於旺角既Nardo’s Cafe煙三文魚沙津廚房將煙三文魚整成一朵玫瑰花放起沙津面好吸晴呀 三文魚份量好多 一片片既三文魚煙燻味濃郁仲好新鮮 沙津菜用上左青瓜 生菜 番茄仔等既食材 所以一次過可以試曬好多款！炸蟹鉗一般餐廳較少見到有炸蟹鉗 所以一定要試下!蟹鉗約有6隻 好岩一大班朋友仔share食 炸粉好薄 而且炸得好乾身 點埋沙津醬一齊食超夾！白汁雞肉闊條麵白汁好creamy 每條麵條都沾滿濃濃既醬汁 加埋芝士輕易做到拉絲既效果 芝士控一定要試下！最欣賞係呢個麵加左三色椒 令口感更加豐富😍

因為和舊同事聚會，所以希望可以在一間可以慢慢傾談又沒有限時用膳的餐廳！到達門口時有一種興奮的感覺，因為裝修設計很特別，相信老闆是一個大細路，放了很多收藏的玩具！我安排在一個似卡拉OK 房的地方坐！很濶落，可以任坐，覺得好Free,一邊講一邊吃⋯⋯芝士忌廉雞肉闊條麵，非常好味卡邦尼煙肉意粉，比較一般！甜品：特濃朱古力比Blueberry 好味點！

上次聽朋友講呢間cafe幾好，今次放工就同女朋友去食，位置係幾方便，而且無乜人，唔洗等，入直！入到去裝修比較簡單，但睇得出佢地好用心放左好多裝飾，而且board game都好齊！西班牙芝士焗海鮮飯 - $112👉🏾份量足夠，海鮮種類都好多👉🏾芝士熱辣辣，每啖都有芝士味芝士忌廉雞肉闊條麵 - $115👉🏾多忌廉汁，入口唔會乾淨淨👉🏾唔濃唔薄，鐘意無咁重口味嘅朋友就啱哂巨峰提子梳打：記得要搞底先好飲！Oreo朱古力曲奇奶昔：呢杯最正，夠濃朱古力加oreo味，唔想咁肥可以走cream墨西哥雞翼 - $78👉🏾真係幾辣，而且醫汁都比較濃厚👉🏾三至四人份量芝士薯條 - $72👉🏾新鮮熱辣辣，仲有啲芝士脆脆係薯條上面總括黎講，雖然價位偏高，但真係好難係咁旺嘅地方搵到一個適合一大班人嘅餐廳，所以最啱gathering上黎👍🏾

之前有朋友介紹過話呢一間樓上cafe嘅老闆娘非常之熱情，好好人，而且仲可以坐好耐！今日真係聞名不如見面，同朋友就真係坐左好耐，而且嘢食都非常之大盤，我哋一路玩board game，一路慢慢食嘢，一個下午就咁樣度過左啦！多謝老闆娘熱情嘅招待😆肉腸拼盤（細$88）有迷你司華力腸、熱狗腸。總共有四條，司華力腸好味🥰特濃芝士薯條🍟$72我想講呢一個係三至四個人嘅份量，薯條唔會話炸到好脆，我反而鍾意咁嘅口感，配搭埋芝士味，正呀！蜜糖雞翼$68總共有八隻雞翼，而且都算幾大隻，蜜糖你都唔會話超甜，幾好😃挪威三文魚沙律🥗$138呢個真係要隆重介紹，有一朵美麗嘅玫瑰花🌹其實佢係煙三文魚，仲有超多超多嘅菜，我相信呢一個係四個人以上嘅份量🤣🤣食咁多肉，食個沙律平衡返👍👍藍莓芝士蛋糕$27女人係有第二個胃架，就係比甜品嘅，呢個芝士蛋糕🍰以cafe 質素黎講整得唔錯🥰🤩仲有兩杯野飲。荔枝玉露同國王大家唔好貪心叫咁多嘢食，因為份量都真係好多下！😝😝

旺角CAFE真係多到數唔哂，唔同地方都有唔同特式，今次黎到呢間 ❮Nardo's Cafe❯ 最好就約埋一班三五知己，一邊食野，一邊吹水，就最舒服啦～呢到既環境暗暗地，同一大班人傾計既感覺都幾舒服，仲可以睇住旺角街景，令到整個環境都感到好自在。望望個餐牌選擇都幾多，有前菜沙律、小食、意粉、仲帶甜品。墨西哥雞翼雞翼份量比我想像中多呀，總共有6隻，2個人食可能會覺得有點多，不過味道很不錯的。雞翼黎講，我覺得除左味道重要之外，熱辣辣既雞翼係好加分！雞翼應該係即叫即整，放入口時真係好熱辣辣，好LIKE👍🏻👍🏻而且味道相當惹味呢～芝士忌廉雞肉闊條麵這款芝士忌廉雞肉我也很推薦，濃郁既芝士加埋忌廉既香，同時間忌廉不會太膩，配上雞肉一齊食好好味～而且仲有好多唔同既配料，例如：蘑菇、 三色椒、洋蔥令整個麵食落口都有種FRESH既感覺。黑松露海蝦帶子意大利飯材料鮮味十足，海蝦大隻又爽口，帶子分量多且鮮甜，加埋深受歡迎既黑松露真係好滿意！黑松露味重，味道岩岩好～特濃朱古力蛋糕最後當然唔少得甜品！「特濃」真係無講錯，濃厚既朱古力係佢既賣點，唔會得個甜字，面頭朱古力粉帶有少少朱古力既苦味～

係旺角靜靜地傾下計食個dinner，cafe都是一個唔錯的選擇。今次來到樓上一間cafe，環境十分優雅寧靜，主要以紅白為主調，桌子以白色瓷磚為主，周遭兩旁放滿店主私伙擺設和好多桌遊選擇。一人晚餐-忌廉菠菜三文魚長通粉健康之選點了忌廉菠菜三文魚長通粉，忌廉菠菜汁creamy又帶點清清地的感覺，配合三文魚，增加口感，味道很配合。長通粉軟硬度適中，吸取醬汁味道，十分推薦。蜜糖雞翼即烤即焗蜜糖雞翼，juicy至極，雞翼外皮也很香脆，份量好多，適合大夥兒食用！芝士薯條邪惡的芝士醬汁淋在薯條面層，芝士汁完美地融合薯條，完全不會有膩的感覺。值得一讚的是餐廳選用了粗薯條，豐富層次，而且薯味出眾。茄醬燴肉丸必點小吃之一！肉丸也是即焗的，香味撲鼻，份量也好多，肉丸是全豬肉製成的，配合秘製醬食用味道很讚！熱生薑蜜薑和甜度比例適中，適合消滯解膩。公主特飲方面點了一杯公主，名字十分少女心，飲品是由草莓汁，芒果汁和yogurt製成的，味道酸酸甜甜，特別適合夏天飲用。面層還放了一層泡沫cream,十分creamy香甜。總結，服務 食物 環境都不錯 推薦大家去試下！

今晚我同朋友放完工之後黎到旺角一間cafe hea 下，呢間cafe 裝修得幾靚下。😛成層都係佢地嘅，設計幾有心思，弧形設計令每個座位都有私人空間，唔會比隔離嘈到，就算人多就幾舒服。中間有超大圓形座位，可以比一大班fd聚會。☺️我同朋友一坐低就嗌左杯藍莓果茶，佢糖係另上的，我無落。茶味好甘香，feel到係新鮮沖嘅，完全無色素果d。😍我同朋友食量唔多，只係叫左一個主餐同兩個小食。主食我地叫左黑松露海蝦帶子意大利飯，份量都足夠兩個人share，帶子同海蝦個份量都唔少，黑松露味幾濃，食左第一啖就停唔到lu。😍跟住我地再嗌左蜜糖雞翼同埋特濃芝士薯角。個雞翼我覺得味道好好，好有蜜糖味，焗得好香脆，值得一試！而個薯角d芝士有好多，芝士愛好者應該都會好鍾意。🥰🥰玩嘅野選擇都唔少，整體感覺好唔錯！

Nardo’s Cafe 以紅白為主調、甫進餐廳就見到店主的珍藏、亦有一整架的board games 提供給客人。這裡大枱更可容納十幾廿人、成班中學同學都可以一齊坐。套餐可另加沙律和餐湯黑松露海蝦帶子意大利飯 $128 意大利飯軟綿、不過海蝦帶子欠點鮮味、整體不過不失。這個香蒜忌廉蜆肉煙三文魚意粉 $119 較惹味、蒜味香濃、海鮮份量十足。個人認為小食造得更出色。芝士肉醬焗薯皇 $68 超多肉醬、味道酸酸甜甜、調較得不錯。沒有想過小食份量也這麼多、可以當正餐😄另外點的王子和國王、分別是菠蘿橙汁和檸賓。如果菠蘿橙汁不加忌廉會更好。

Nardos’ cafe 其實係幾年前樓上鋪興起時,已經係到。 以前都係佢地熟客，果時係旺角做完野後會同朋友上去坐下，頹下,玩下Card game. 最記得既係門口擺放既胡桃夾子，為店鋪添上分童話色彩。餐廳內除了胡桃夾子， 亦陳列左好多日本動漫，十分鐘意店鋪格調。_________________呢杯係本人最鐘意飲既朱古力曲奇奶昔，飲落唔似奶昔，但好好飲，可以一口氣飲哂。味道好濃郁，又唔會好甜，十分推薦！ _____________________________友人叫左個戴安娜花茶，裡面有玫瑰花，有消除疲勞，減壓之用。_________________餐廳提供不同小吃，比三五知己日齊玩同hea雜肉腸好有香烤味道，個皮好脆，好味！司華力腸都係最好味！ 配上生菜吃落唔膩_______________今日既主菜有煙三文魚忌廉蜆肉意粉，非常多料，忌廉好濃，好味———————————黑松露海蝦帶子意大利飯同樣份量十足，飯同忌廉汁既比例岩岩好，但係沒有黑松露味，有點失望。我地二人其實最後都食唔哂，但係的確味道唔錯。————————以下係餐廳既餐單：————————呢到個氛圍同食物既性價比都唔錯，