Nardo's Cafe (已結業)

Nardo’s既party set有兩個唔同既餐，我地今晚揀既係貴set，主菜都好食啲嫁！有得揀兩個。黑松露意大利飯，有厚厚既煙三文魚，彈牙蝦球，兩種海鮮加上黑松露飯簡直是一絕。香草雞皇長通粉香味四溢，即叫即焗熱辣辣！雞肉多汁，長通粉嚼勁十足，加上要淡淡嘅芝士汁做底，食落令人回味無窮！小食拼盤大大份，不得了，每一樣大件夾抵食，香脆內軟，雖炸但一d都唔”漏”唔油，各有特色，炸到岩岩好，點埋茄汁岩岩好！拼盤有蒜香雞翼，真係太好食搞到得地忍唔住單叫埋蜜糖雞翼！蜜糖雞翼超級好味，一上枱排得好靚，仲係熱辣辣！雞翼焗完仲係漲卜卜，上面仲有少少糖漿，食落去好juicy而且少少脆！😋

今晚朋友約左Nardo’s Cafe 食飯，見到個裝修先醒起兩年前都黎過呢間。果間又係一大班人，所以又係叫左party set。當年好似係平set，而家人大左就食好啲慰勞下自己😎話明party最精彩一定係小食拼盤！雖然全部都炸物，但係一啲都唔乾，無論蒜香雞翼，咖哩角，抑或係薯角都係新鮮炸出，咬落去仲有汁嫁，啱哂一班朋友食住玩Board game，順帶一提cafe board game選擇好多。另外大家都讚party set包埋既餃子！加左木魚嘅餃子真係第一次食！淨係睇賣相都知唔簡單，放上枱已經香氣四溢，餃子底部煎至金黃色，上面嘅木魚郁下郁下，好有細個係pizza上第一次見木魚既回憶😂 一咬落去啲肉汁係口腔湧出黎，加上餃子皮好薄，一啲都唔滯，配埋餐廳獨有嘅日式配料，好味！Party set黎講野飲係一jar jar任叫既，我最鐘意荔枝特飲！

今日喺旺角行完街，見肚餓就去附近嘅地方搵嘢食，不過喺旺角食你食去都係串燒，放題，米線，種類其實好少，以前去親旺角都會去一啲打冷嘅鋪頭度食，但係依家真係買少見少，最後經朋友介紹去咗一間nardo cafe 餐廳其實好易搵係旺角嘅彌敦道旺角新城，成條街都係好多一啲食雞煲嘅餐廳，事不宜遲我地介紹一下呢間cafe 先 Cafe裝修燈光比較明亮，坐嘅位置亦都比較歡堂教歡樂坐得好舒服 挪威煙三文魚沙律，三文魚非常之肥美，配合沙律嘅特別醬汁係絕配 吉列黃金炸蟹鉗，食落真係好似去咗酒樓一樣非常之香脆可口，估唔到一間普通嘅Cafe都可以做到呢個水準 蒜香雞翼，雞翼非常之香脆，亦都有好濃郁嘅蒜香味，雞翼非常之肥美食落非常之多汁 黑松露海鮮意大利飯，飯粒硬軟適中，大大隻蝦蝦亦都非常之鮮甜，黑松露味非常之重非常之濃郁 甜品仲有紐約芝士蛋糕，芝士味非常之香濃，蛋糕食落亦都非常之有口感

旺角樓上cafe又一新發現！Nardo’s Cafe位置方便，裡面大量figures裝飾和board games, 啱晒我呢d年輕人同一大班朋友上去消磨時間。最難得係佢嘅食物質素非常唔錯，連飲品都係好好飲，就算只係諗住填飽個肚，都值得上嚟幫襯。我哋叫咗個二人餐，有湯、小食、主菜到甜品，咁樣都好味，而且份量極多，三個人都夠食。餐前小食我哋揀咗磨菇忌廉湯，湯不單熱辣辣，而且磨菇好多，真材實料，好飲！跟住店員上小食，係芝士薯條同雞翼，嘩，份量好多呀，食完都飽左八成！薯條係粗的波浪薯條，加埋濃濃芝士醬，好正！雞翼有成六隻，隻隻都炸得香脆，好好味！大愛佢地的雞翼！主菜揀左西班牙芝士海鮮飯，焗完出黎熱辣辣，即叫即焗，芝士仲溶緊架！味道10分好，配料好豐富：三色椒、洋䓤、蝦、青口、魷魚、等等，每一啖都食到海鮮架！旦糕三款揀兩款，朱古力旦糕香濃，慕絲又好味，旦糕非常鬆軟，好味！藍莓芝士旦糕都好味！飲品我地加錢選了特飲，國王係梳打+檸檬汁+利賓納，好清新！王子係橙+菠蘿+士多啤梨，三樣加埋味道十分好，好好飲，鮮橙鮮菠蘿味最出！

餐牌好多選擇：party set，dinner set ，散叫。我地幾個選擇困難症所以揀左party set，乜都有唔使諗 🤣我地最後揀左A2，每人都係多幾十蚊但岩食啲🤩 火雞沙律超好味！好多雞肉，醬又夠多。拼盤其實樣樣都好好食，麥樂雞好滑，雞翼好香蒜味，薯角好新鮮！日式餃子大家都好鐘意，皮薄餡靚。腸夠脆皮丸夠juicy!Risotto 好香黑松露味，仲好多菇！蝦肉彈牙。果汁係王子，幾種果茶溝埋一齊。蜂蜜綠茶就冇咁甜，party set任飲嫁！多人可試多啲！

打開openrice搵嘢食，發覺近年多咗好多樓上cafe, 除咗食，仲會有d board game 俾客人玩，啱哂一班人開party! 今次同老公揀咗呢間食晚飯，佢有一個二人餐，不過無我哋想食嘅飯，所以最終決定散叫! 嘩! 呢度d食物真係份量十足，每樣嘢都大大碟，食到我哋非常滿足!頭盤係沙律菜，非常大碟同埋好多鴨胸，出面d鋪可能只俾幾塊你，呢度竟然有超過10塊，仲要好好味，鴨胸非常腍，非常入味，平時少食嘅我都覺得勁正!蜜糖雞翼竟然有8大隻，平時叫嗰d通常得3、4隻，雖然有少少過咗火，但外皮好香脆，蜜糖甜甜地好好味!呢份吉列海鮮炸得超級超級脆，真正外脆內軟，帶子、蟹鉗、蝦等等，加埋沙律醬，真係大滿足!我最愛當然係黑松露飯，香香嘅黑松露，有d食店只會聞香，食落無味，但呢度無論聞同食都充滿黑松露味道，蝦都算大隻，不過就淡咗d, 無咗鮮蝦味，但整體上都非常唔錯!飲品可以跟飯或意粉加錢配，老公叫咗杯薄荷朱古力，佢話如果甜多少少更好! 嚟到當然要試吓佢d特色飲品，我叫呢杯皇后，由青蘋果汁加芒果汁加乳酸組成，我覺得幾好飲，又唔會太甜，好香青蘋果味! 甜品出場，我最鍾意嘅藍莓芝士餅，唔太甜，夠實，有口

假日同朋友喺旺角行街行到攰攰地，見到旺角有依間Cafe，一於上去坐下抖下氣。入到店舖見到有好多唔同嘅遊戲玩，環境都好寬闊空間感大！我哋點了兩個下午茶餐， 同沙律，食物全部都好足料好大份😛價錢都好親民，去開旺角一定會再去！蜜糖雞翼配薯條🍟雞翼好香蜜糖味，每一隻雞翼都有蜜糖包住！配上新鮮嘅沙律菜同埋香脆嘅薯條！實在令人停唔到口😘藍莓芝士蛋糕🍰藍莓同芝士嘅味好平衡，唔會太膩，大小適中做飯後甜品一流呀！不得不提老闆娘好熱情！服務態度超級好！加油💪🏽❤️

旺角食市林立、個個商場都有不同種類的美食，朋友話近創興廣場對面有個大廈近期有不錯的食店。呢排cafe shop 興玩board game ，找到呢間Nardo’s Cafe,一入到問口已經被林林種種的Game 吸引住。一大班朋友黎亦好開心，可以有個舒服環境玩笑、聊天！挪威三文魚沙律三文魚擺成一朵玫瑰花的樣子驟眼看已經有八九片，份量多、大大碟⋯⋯沙律醬足夠而且又新鮮🥗肉腸拼盤肉腸拼盤有四條不同味道腸(司華力腸、意式香葉腸、熱狗腸、迷你牛仔腸）四種味道，各有千秋特濃芝士薯條薯條份量都偏大足夠三四人享用，香脆嘅薯條加埋得用嘅芝士超級正黑松露帶子海蝦意大利飯配料超多、黑松露味香濃、口感creamy 、帶子海蝦大粒，本人覺得味道偏甜，份量十足最愛雞翼，一碟8隻，大大隻，肉質嫩，甜甜的皮！香口！好食！底！

中學生涯完左之後都好少食上樓cafe；朋友話想去cafe 食下嘢吹下水； 就揀左呢間 Nardo’s cafe見到menu樣樣都好好味咁， 叫左個三文魚凱撒沙律。嘩........大到嚇親人。好足料三文魚超多， 沙律菜又夠清新！小食就叫左特濃芝士薯角同墨西哥雞翼。又係超級大份....邪惡拉絲芝士， 芝士味夠濃； 但一定要熱食，如果唔係薯角好快淋。雞翼永遠係冇得輸item....辣辣地夠哂滋味。主食就叫左香蒜忌廉蜆肉煙三文魚意粉同黑松露海蝦帶子意大利飯。好彩主食份量好正常， 但都偏多。 兩樣主食都係好足料：意粉嘅蜆肉同三文魚都夠哂足料；飯嘅黑松露好香， 蝦都整得夠爽口。 估唔到cafe水準咁高汁。我地明明好飽仲餵食到叫埋兩杯朱古力做甜品。 因為份量太大嘅關係係唔到cake😓超級飽超級滿足👍🏻

兄弟姊妹聚會，當然要搵又玩得又食得最緊要唔限時既地方，朋友介紹 nardo’s cafe ，話老闆娘好熱情仲有好多唔同嘅board games 免費借黎玩，一路食一路玩咁就最開心。挪威煙三文魚沙律煙三文魚擺設成一朵花，外形吸引，三文魚份量充足，起碼有成8-10塊，睇得又食得，沙律菜好新鮮，仲要大大碟，方便多人share!蜜糖雞翼， 好脆口，蜜糖味好野味，雞翼juicy 嫩滑，又夠熱辣辣👍🏻芝士薯條份量多，剛剛炸好，熱辣辣🔥。火喉控制得好好，脆卜卜之外仲唔油膩，加埋芝士醬係面，好滋味！腸仔拼盤，有4款不同口味嘅腸黑松露大蝦意大利飯意大利飯質偏軟腍。蝦肉彈牙爽口，但個人覺得醬汁偏甜。

香港租金昂貴令到樓上café越來越多，之前都試過好幾間，質素各異，有些環境好但食物唔好味，又或者各樣都好但價錢高，唔太適合一般年輕人，今日試左呢間各方面都唔錯的樓上café，裝修以紅白兩色為主，以各式各樣大家熟悉的公仔作擺設，仲有一個櫃放滿好多Board Game比客人玩，客人都以年輕人為多，但一D都唔覺嘈，想傾下計的客人都無問題，一位看似係老板娘的服務員好好人，比到客人親切的感覺，先黎個吉列海鮮拼盤，有炸魚柳、炸蝦、黃金蟹鉗、帶子、魷魚圏，份量都唔少，炸得好香脆，重要係唔會食到成口油，朋友係雞翼控，試左兩款唔同味道，雞翼大大隻，蒜香同蜜糖都夠入味，令佢非常滿足，主菜order左個黑松露海蝦帶子意大利飯，真係一D都唔吝嗇，基本上每啖飯都有黑松露，意大利飯煮得恰到好處，雖然已經好飽，但都忍唔住要將佢送哂入肚裡面，飲品方面有好多唔同的系列，仲有果茶、花茶、沙冰同多款特式飲品等等，總有一款啱口味，甜品都有三款餅選擇，不過要下次先可以再試了。

大熱天時約朋友出街，最好就係搵個舒服得黎又可以坐得耐嘅地方，坐底食下嘢，傾下計。上openrice 搵搵下，就搵到呢間以紅白為主嘅上樓cafe 了 。首先老闆娘真係超級熱情，仲好細心咁為我哋介紹各款野食同飲品。而其他員工亦都好有禮貌，感覺好舒服。食物方面，份量算多。凱撒沙律好清新，卡邦尼煙肉長通粉，就香濃夠味。特別推介小食拼盤👍🏻 嘜都有d ,可以一次過食到曬鍾意嘅炸物😍 (雜菜春卷、雞翼、洋蔥圈、麥樂雞、日式餃子同咖哩角)好滿足呀超值低食嘅一餐。

聽朋友講話呢間cafe 嘅老闆娘好好人。超級熱情，基本上比佢嘅熱情打動，所以成日上去幫襯，早幾日我哋終於體驗咗嗱，真係好有熱誠，同有心去招待每一位嘅客人。餐廳以紅白為主題，地方亦算寬敞。一入門囗就會見到有好多可愛精緻的小擺設。可以話係girls talk 嘅好地方。我哋幾個女仔都點咗好多嘢食。香草忌廉集菌煙肉長通粉🍝鮮茄蓉鴨胸會意大利飯🍛凱撒沙律🥗薯條🥔特色小食拼盤:•滋味蜜糖雞翼•洋蔥圈集•健康雜菜春卷•酥炸麥樂雞塊•香脆咖喱角•秘製餃子🥟金桔青檸咖啡同一壼花茶所有回憶返晒黎吖， 以前細個返學成日食㗎。全部都係我鍾意嘅小食。而且佢哋仲係即叫即炸，新鮮熱辣辣脆卜卜。好香口

我朋友有個習慣約親我都會係揀Cafe今次佢又帶我嚟咗呢間係旺角新城嘅Cafe我地叫咗個煙三文魚沙津份量好大♥️好抵食味道唔錯我揀咗呢份炸盤全部都係我鍾意食嘅野😂炸帶子炸魚柳炸蝦🍤仲有炸魷魚圈同炸蟹鉗蜜糖雞翼好香蜜糖味♥️呢杯士多啤梨奶昔超正♥️♥️好香好滑🍓🍓🍨真係好出色朋友嘅呢標特飲叫國皇♥️係利賓納味呢度所有食物嘅份量都好足老闆娘仲係個好Nice嘅人對所有客人都好熱情呢度仲好多野玩不過我地今日主要傾計都冇玩到😂

下個月就同中同去旅行啦，一直都夾唔到時間傾行程，今日終於夾到半日去cafe一齊飲飲食食一邊傾。由於我地都唔係太肚餓，所以dinner set 淨係叫左一個share食先，黑松露海蝦帶子意大利飯（$128），加左特濃朱古力芝士蛋糕（+$15），飲品叫左戴安娜花茶同埋藍莓果茶。另外散叫左挪威煙三文魚沙律（$138）仲有魷魚圈（$55）。意大利飯醬汁好cream仲有碎粒嘅黑松露，帶子同蝦份量都好足料，帶子大大粒，蝦都好彈好新鮮。蛋糕好濃郁嘅朱古力味好好食！花茶/果茶可以任加水，仲有俾埋糖漿，不過我地覺得本身啲花同水果都好多夠曬味就冇落啦。沙律大到嚇親，面頭啲三文魚一大堆超多，味道唔會過鹹。魷魚圈即炸外面脆卜卜，入面魷魚好嫩！