NeNe Chicken (大埔超級城) (已結業)

之前去旺角分店都唔係咁..大埔呢間真係好難食...炸雞唔熱.牛肉湯唔熱..麻煩佢煮返熱少少..等左20分鐘..叫佢先攞出黎..一鍋湯淨返半鍋..叫左杯伯爵雜莓茶..甜到飲緊糖漿咁..試唔到其他味道..根本就係劣食..打緊呢篇野既時候仲送錯餐落我地枱...差到唔可以再差.

今日放lunch難得黎到大埔超級城，又好想食炸雞，所以就黎左喺韓國都有食過既Nene Chicken🍗平日下晝真係冇乜人，我諗成個area得十個人左右，位都唔洗等😮嗌左lunch set既炸雞set～有七大件炸雞同兩格沙律😛大概都等左15-20分鐘先有得食🤔喺menu度明明話係有7種口味，但甜辣炸雞有2件🤨當我以為可能今日冇出咁多款味既時候，我朋友果盤有一舊係同我呢盤既唔同🤨好神秘🤨炸雞食落都算OK，係覺得肉質好似有D唔新鮮有D酸酸地咁，但當日食完返去都冇肚痛既😅跟餐有一杯餐飲，我就揀左凍檸茶🥤呢杯飲品好搞笑，飲落係一啲茶味都冇的，反而有少少酸梅味🤣呢間餐廳又唔係話唔好食，係啲食物每樣野都有啲狀況咁🤔🤔🤔🤣

一提到食炸雞 就想起呢間Nene chicken。今日叫左一份炸雞配年糕 有8件炸雞 無骨 好方便，炸雞唔油膩 香脆可口 一拿到手，咬下时会发出“卡滋卡滋”的声音，是最美妙的天籁，那脆脆的口感是绝佳的享受 加上價錢大約120蚊 唔算貴。

哩間咁受歡迎，又有明星代言，就去試吓，點知好失望🌝落完單之後炸雞勁快咁上咗嚟，感覺好甜，食完碟炸雞，再等十幾分鐘，嚟咗杯嘢飲，再等二十幾分鐘，嚟咗湯麵，鹹到好似食鹽咁😑食完甜辣炸雞之後想試吓其他味，就加單點咗鼓油味炸雞，之後勁快嚟咗，感覺醬汁好水，味道麻麻地，唔係喺韓國食過嗰款杰身嘅鼓油炸雞🤡之後等咗十幾分鐘，見到隔離檯遲過我哋去遲過我哋落單，但竟然上咗兩份芝士炒年糕伴拉麵先，跟住問職員我哋嗰份幾時到，職員態度惡劣，答非所問，話幫我哋CHECK單，之後又冇咗下文，足足等咗一個半鐘先上芝士炒年糕伴拉麵，仲要都係好鹹😑又唔平，絕對唔會再幫襯😾

總係有啲時間突然好想食炸雞，所以今次去大埔行街就順便係下午時段試下呢間都算出名嘅餐廳。/🔅大韓廚師炸雞🔅芝士牛肉卷伴炒粉絲🔅脆薯條🔅Lychee Blue Butterfly🔅Jeju Island Beach /其實個炸雞真係好好食，好juicy 又惹味，咬落一啲都唔韌，只不過真係太辣喇，係好辣好辣，辣到我食一件雞要飲半杯特飲先無咁辛苦，坦白講因為我本身唔食得辣，所以就食到流晒汗，相信如果係鍾意食辣嘅人，一定會比好高分！另外牛肉卷伴粉絲好味道，粉絲既唔乾又唔硬身，值得再試！

幾道餸等耐時間過10分鐘幾人一齊食，A食完一半B先到野飲唔追就無咗影咁差份餐具，叫侍應拎，呢頭ok，個頭幫第枱落單，跟住就無咗回事，最後自己去拎算完全唔夠人去做味道黎講🥴柚子茶糖漿過多，比例失衡，太甜😊炸雞好味嘅，但其他就一言難盡🥴無泡菜嘅韓式拌飯面頭鋪滿豆卜蔥花，望落都唔開胃，好彩有醬搭救🥴無豬肉嘅豬肉泡菜鍋，想慳成本就直接叫泡菜鍋算啦，放粒豬肉餃子就叫豬肉泡菜鍋😅呢間分店真係愈做愈差呢

落單叫Half half，冇其他嘢，收銀話等三至四個字。20分鐘後番去，「差唔多就黎得」Ok fine 我再等，過左10分鐘，「差唔多」Ok fine 我再等，過左10分鐘，都係同我講「差唔多」我個餐number係3780，3781都出左黎，我都仲未有。「半個鐘差唔多」『成個鐘都黎緊喇 仲半個鐘』「你係咪叫有骨 有骨係耐啲」仲要blame我叫有骨既雞，整咩雞都唔洗40分鐘先有啊嘛？！仲要同我講三至四個字，仲要blame番個客，一句唔好意思都冇，淨係望住部電腦🙄不過有一個職員都幾好，係叔叔黎，都真係會去跟單，唔似另一個男人咁

去食NENE最鍾意就係叫佢哋既招牌炸雞同chill既炸雞，原味一定冇死既！而且醬汁係酸酸地！😋好夾！呢款chill既炸雞雖然係辣，但係味道好惹味，吾會辣到好辛苦個種👍-但係就吾推介食呢間既芝士炒年糕伴拉麵，基本上成盆係0️⃣味道，有啲幾失望😢拉麵又整得太淋，食落口係淋（bag bag）

等一個外賣 等左足足 55分鐘，問左3個職員 ，3個都係一去冇回頭，超級冇禮貌，完全係貼錢買難受，本身一個外賣等超過半個鐘已經好唔合理，冇諗過最後竟然係接近一個鐘頭，一句「Sorry/唔好意思」我都聽唔到，請問係咪食客既錯？垃圾服務，即使幾好食又點？我入黎幫襯唔係睇你地員工既面色；冇服務既中價餐廳，麥記啲服務都比唔上，FB 同左客服講，例牌比埋啲垃圾回應；冇實質既歉意，超級失望，一定一定唔會再幫襯 。。。。。

上次食都係食無骨炸雞雙拼❤️😋韓式甜酸醬同避風塘味真係好正，今次再叫番終於記得寫食評份量好多，兩個人食都要打包走。炸雞真係外脆內軟，有肉汁😆避風塘味出面d炸蒜等等嘅乾配料啱啱好，如果中意食辣應該會嫌唔夠辣🥲韓式甜酸醬好多，係有少少搞到無咁脆，不過個人好中意個調味👍🏻下次應該試其他味

好想食韓國炸雞，即刻諗起nene chicken！午餐精選lunch set好抵叫！精選炸雞有7種唔同口味食！滿足食炸雞願望！2個人一齊開心share。另外，叫多咗個辣豆腐套餐，不過呢個好普通。

中午時間買外賣返屋企食，等堂食嘅人都幾多。我哋邊行街邊等外賣，大概等咗25分鐘就可以拎外賣啦。脆炸紫菜蝦卷$96飯團就食得多，飯團點咗炸醬，再去炸，原來己有新鮮感，有蝦有蟹柳有蛋仲有醃蘿蔔。點沙律醬食，好滋味。芝士炒年糕伴拉麵$112拎到返屋企，仲係熱嘅，非常多芝士，年糕煙煙韌韌好食。招牌炸雞加芝士汁$162 我哋點咗無骨炸雞，炸得好脆，雞肉好鮮嫩多汁，點芝士汁食真係好味，外賣嘅芝士汁都幾多俾咗兩盒，好細心。

<雙重滋味炸雞>（無骨）$188揀左韓式甜辣醬炸雞拼招牌炸雞因為揀咗無骨，所以炸雞食落啖啖肉，肉汁都幾juicy😋雖然塊皮依然幾脆，但送到黎嘅時候已經凍凍地🥲始終熱食好食啲甜辣醬就唔太感覺到辣🤔 不過醬汁都俾得算大方，可以將每件炸雞都均勻包住整體ok，可以一戰✅<芝士薄餅三重奏>$98三重奏顧名思義就係將三隻味既pizza mix埋一齊😹 分別有煙肉*2、韓式牛肉*2、炸雞*2每塊pizza上面都有大大塊芝士可以拉絲，好療癒😌不過味道就唔算特別，正常pizza，勝在多選擇整體不過不失👌🏻<韓式手抓飯>（原味）$90呢樣係我同班friends一致認為成餐飯最鍾意嘅一道餸😗飯底係泡菜炒飯，上面鋪住青瓜、蟹柳、醃蘿蔔仲有一大堆紫菜俾你撈埋一齊食食落其實就係一個好味嘅拌飯，勝在拌嘅過程幾得意🤞🏻整體唔錯，值得一試✅————————————————————————推薦指數：🌟🌟🌟+0.5🌟(5🌟最高）《Nene Chicken》地址：旺角朗豪坊11樓30號舖 葵芳新都會廣場185號舖 元朗形點商場一期1樓1026號  將軍澳坑口東港城225號

本來以為這間韓國餐廳的炸雞非常出色，但最後我非常失望， 其他食物亦不顯得好吃。這碟雙重滋味炸雞(甜辣和初雪(芝士)) 分量很大，但味道和囗感頗差。甜辣醬太"傑"，但裏面的雞肉完全唔入味。芝士味那款其實只是在上面落芝士粉，但芝士粉太多，令人有飽滯的感覺。表面層炸漿太厚(上圖)，而且分佈不平均，嚴重影響口感，亦蓋過了裏面的雞肉味。這碟韓式海鮮炸醬麵和另一碟菜有同樣問題，就是個汁太"傑"，好似漿糊一樣，賣相和口感頗差。裏面的年糕好味，清爽彈牙和好入味。 這隻青口(上圖)應該未煮熟，我用任何方法也打不開個殼，個殼是緊緊合上！值得一讚的是侍應過來了解時，叫我不要吃，因為她相信這隻青口應該未熟。然後她叫廚房再整多幾隻青口給我，當補償給我， 但那些青口是白灼的，完全冇味。總括來說，這間餐廳的食物質素差，而且廚房不夠細心，但侍應的服務態度好，而且環境舒適。

今日第一次幫襯，叫咗個海鮮豆腐鍋配飯， 一嚟到，食咗啖飯，發現啲米好硬，好似未熟咁，同侍應講，要等佢同一個唔知係咪店長嘅人講，果個店長來，我又重複一次，佢話換個碗飯俾我，之後食咗少少豆腐，入面有兩隻青口，我發現其中一隻青口完全未開口，即係未熟啦，同個侍應講，又要等佢同店長講，咁店長又來，我又係要重新複一次，佢話同我取消成個餐，佢叫我揀過第二樣食物，跟住佢行咗去，我以為佢去㩒完電腦返嚟同我落單，點知佢冇返嚟問我轉乜嘢，就走咗去serve其它人，我同佢地侍應講話點解可以唔理個客，佢哋仍然冇反應，真係嬲到走人，永遠唔會再幫襯！