Never Too Late Dining (已結業)

呢間食左2次第一次食完感覺好好因為服務好好食物質素正常啦手，但覺得環境同服務搭夠但第二次食物質素好差最差係個牛，柴到不得了，冇牛味其他野就好一般食得入口咁啦～服務水準都keep到嘅～

話說慶祝朋友生日，專登揀左呢間西餐廳，個日晚餐時段只有大約4-5張枱客人，如果想同朋友傾下計，慢慢食，靜靜地，呢度係唔錯嘅選擇。整體上，味道都唔錯，服務都好好。我地叫左一個二人餐，其他散叫幾款麵同小食，蒜蓉包炸魷魚圈黑松露炒什菌而卡邦尼意粉份量少得驚人。一個女仔大約食5-6啖已經K.O左。我地4個女仔平均食左兩啖就已經無左。而味道，比較淡，唔夠濃味。但合格！同埋焗蟹肉乜乜菇（即其中一張相好似一舊碟上之漢堡咁嘅物體），都係相當迷你。個人建議，如果唔算特別富有嘅情侶或者朋友，我覺得唔好單叫意粉/飯，因為相比起其他，實在唔太抵。最後生日甜品有驚喜，好靚！朋友好鍾意！而且生果底下係大菜糕，洗脫油膩感。特別提一提，女服務員落單時好細心，未點到甜品時，女店員已經自動細聲咁問係咪要準備之前個個order 回想起之前食個間西餐那位店員⋯呢間醒目十幾倍！

今天同朋友去食，點了一個卡邦尼意粉，質素好好，但因為自己口味問題吃剩了很多。店員留意到主動關心原因，並提議可以再為我準備一個，我婉拒因為自己都吾係太餓，最後店員仲收平了我，我都覺得好抱歉。依種態度係現今餐廳真係好少，相信一d叫價幾百蚊既餐廳都做吾到。

星期四到Never Too Late Dining 午膳，食物水準一如以往般不俗。1. 頭盤: 蘑菇湯有濃郁的蘑菇味，又不太鹹，好飲。面包內外都脆，好食。2. 煙三文魚香草忌廉汁意大利麪: 碟很大隻，食物放在中間以為很細份，事實是中間的空間頗深， 煙三文魚好食又大份，反而個汁雖然望得見很多香草，味道還是偏淡，不過整體來說依然不錯。3. 鮮奶咖啡(加$18): 上次來的時候，點餐時順道點了餐飲，結果咖啡早到，食物卻等了二十多分鐘，咖啡都涼了。今次差不多吃完食物才點咖啡，時間就配合得非常好，咖啡好香，好好飲。

愛人生日，當然要好好準備，但由於有繁重事務，迫於要改變行程但也不希望太求其，就選了這間朋友和網上都推薦的餐廳，本身還充滿期待晚餐要加套餐都屬於偏高價錢，而當日的肉眼正是優惠價150元，算是吸引的，但由於想餐廳幫忙為愛人寫生日字句，所以應店員推薦選了二人餐自家醃的三文魚味道不像煙三文魚，愛人的專業舌頭嚐得出有點微辣整體感覺像烤過但又沒有熟三文魚那種鞋鞋的質感，魚肉嫩滑，非常滿意的前菜到巴瑪火腿配蜜瓜，火腿味道固然會鹹，所以配著蜜瓜來吃，火腿不會太鞋或多根上面的醬汁是醋，可能為了去除火腿的鹹味，但也去除了蜜瓜的甜味，配合不佳餐湯是蕃茄湯，望落非常濃郁很吸引但如果能變成蕃茄忌廉湯或蕃茄南瓜湯可能更好，因為實在太重味，有點像打邊爐的蕃茄湯底而牛角包非常香軟單是前菜就讓愛人飽了，所以包都由我吃掉主菜來了但等等肉眼上面的又是醋？難道這是驚人的配醬新發現結果真不是適合的配合肉眼有沒有肉香味也嚐不出了，而且作為二人餐，8oz的份量實在小氣了點薯條也非常非常的乾，比m記的還差內心已經感到太失禮愛人了卡邦尼意粉非常香，眼看很少但碟很深的意粉質地不錯，愛人覺得煙肉很鹹，但我很喜歡煙肉的香味，與意粉和醬汁的配

🔸二人晚餐 Set Dinner For 2 Person $568🔹是日餐湯 - 南瓜忌廉湯連我唔鐘意食南瓜既人都覺得好飲！可能係將南瓜打到爛哂無渣，加忌廉一齊煮就變得好smooth。老闆仲好好人！見我地三個人，送多左一碗俾我地，一人一碗。🔹自家醃三文魚薄切沙律沙律黎講三文魚份量算多，surprise既係有水牛芝士係中間。mix埋一齊一啖過食唔錯。🔹白酒煮牛油青口青口size唔算好太隻，但份量搭夠。有酒味，但唔算好強烈味道。🔹蟹肉蝦粒意大利飯好香，幾creamy。意大利飯較硬身，但可接受。🔹燒肉眼扒 (8oz)Medium既肉眼最嫩，軟林林。肉面既黑醋酸味，同重型既肉質竟然有中和既感覺，好夾！唔點芥末一樣好好食。🔹甜品拼盤一般二人餐既甜品都係分兩分細細地咁上但依到既甜品拼盤擺盤好有心！加上黎慶祝生日 有寫字服務同點蠟燭拼盤有芝士蛋糕、士多啤梨泡芙、雲呢拿雪糕
仲有少少水果，幾豐富。🔹Pinky Smoothie (士多啤梨、香蕉、鮮奶、忌廉)全杯飲落都只係飲到九成士多啤梨味，個種甜品有少少似藥水味。🔸燒羊架 (9oz) $198
配炸薯條或沙律菜整份羊架有三件，比相像中份量較多。肉面

已經來過幾次，每次也想吃它的意粉。今日經過又來吃，見到餐牌還有 egg benedit, 好想食！ 但只有兩個人，吃不到3個餐⋯ 留待下次再吃！對上一次來吃仍是黃色招牌的，換了這個粉紅色又幾靚。12:15 pm, 只有兩枱客，靜靜地嘆午餐點了白酒蜆肉意粉和Carbonara , 餐飲有朱古力和熱咖啡。今天是南瓜湯意粉到了，以前在這裡吃蜆肉意粉是整粒蜆上的，份量不多，但很鮮味。 現在是蜆肉。Carbonara 就是濃濃的蛋香和白汁。兩個午餐也是HKD68不加一 （星期一至五），這樣的食物質素、份量和環境，可以說是超值

平時搭車經過見到佢想試好耐~因為無一個落車點.....即點都要行過去~所以成日都係得個想字搭西鐵返元朗~即興就話食呢間~建議由西鐵站經下面個巴士總站行過去會快啲~唔知係過咗食飯時間定係點~唔需要book位,舖位都唔係好大~但唔會夾硬放好多張枱,都坐得幾舒服😋當夜有個2人套餐~仲特價添~不過裏面啲嘢有啲唔啱我心水,所以決定散叫~我揀咗 黑松露什野菌意大利飯配大磨菇·鵝肝好好味~鵝肝好大,大磨菇好入味~Risotto啱啱好唔太硬~加48蚊可能轉餐~是日餐湯係南瓜湯~一心諗住甜嘅~但原來係咸嘅~比想像中好飲朋友揀咗燒肉眼扒~五成熟都幾靚仔~但"鞋"咗啲~可惜可惜我哋仲叫咗個炸洋蔥圈~都ok好食,但有小小油😆叫咗杯凍0茶~但佢無比糖漿我~但我都無問佢拎可能想我健康啲~所以最後飲咗杯凍0茶走甜除咗位置唔方便之外,其他都好好~我會再嚟食架~😄😄

生日飯近近地揀返元朗食，呢間野平時路過覺得裝修得唔錯，一直係must try list待命～入到去個環境同外在一樣靚，無失望～湯同飲品都唔錯，仲有叫一杯紅酒，直到細佬飲曬覺醒起無影到～水煮肉片米線ham配住沙律食感覺唔肥膩，唔錯唔錯，小食雞翼，雞翼好難煮得唔好食，所以pass~呢味都唔錯，係影落顯得份量較少～意粉同意大利飯都幾好食，但又未去到好驚艷個種。炸大蝦同薯條好香好脆，可以encore ~食到甜品，我地已經好飽，因為份量真係唔少!

其實經過好多次 比佢個名同外牆裝修吸引😍今次朋友同我食生日飯 真正入到去一嚐喇🌹午餐抵食又好食🤤🤤🤤🤤蒜香蜆肉炒意粉真係超級好味 因為夠晒煙銀👍佢個熱朱古力嘅泡泡都好好飲💖仲要拉埋花 我簡直覺得滿分🤓🤓🤓最後朋友送上甜品拼盤作為生日驚喜🎂Super 驚喜 仲要好靚好味💕紫色同粉紅色嘅棉花糖好好味 加上益力多藍莓乳酪慕絲 😍成件事酸酸甜甜好夾💖💖💖💖💞元朗同朋友gathering 好去處🌈

這店由初開業黃色油漆招牌開始，到現時轉成粉紅色，我都不時有光顧。今天意外地看到整個餐牌都轉了，估計是換了廚師吧？我和妹妹今天再來吃午餐，WEEKEND LUNCH 的餐牌完全轉了，價錢比以前平了很多。可是已經不再見到招牌煎魚柳及手做的卡邦尼意粉了 (雖然卡邦尼意粉依然是店主推介...)。妹妹最後還是點了卡邦尼意粉，我點了西冷牛扒。餐湯很快送到，南瓜湯依然清甜美味，質感細滑。我點的西冷牛扒亦很快送到，份量不錯，口感及調味都不錯，不過牛扒在廚房放置的時間稍為久了一點，不夠熱。伴碟的薯條稍為不夠咸，蕃茄上面有加芝士一起焗過，味道很好。妹妹點的卡邦尼意粉隨後就到，賣相及味道跟之前吃的非常不同。首先，不再是手造意大利麵，另外醬汁多了很多，雖然味道仍是不錯，但非常普通，而且醬汁太多令膩感強了，妹妹最後吃不完一整碟意粉。相比之下我們還是喜歡以往乾身一點的意粉，再配上不同的芝士的做法，相對較有特色。飲品方面熱朱古力還是不錯，還多了裝飾，但食物方面比以前少了一點特色，希望往後再作改善，才能留住客人。

假期好寫意咁同男朋友係屋企附近覓食，以為係新店，記憶中之前係黃色，原來裝修左，轉左粉紅色，好閨蜜打卡feel，入到去係高貴既雲石枱。一張張雲石枱，樓底好高。周圍環境相當不錯，舒適Lunch Set menu 白酒香蒜蜆肉意粉$68，menu 推介，但唔係特別好味，蜆肉冇咩蜆肉味，亦冇咩蒜味，淡淡的，只覺得油油咁牛肉漢堡配薯條$88，男友點既餐，佢覺得味道普通，唔係難食但都唔稱得上好食，而薯條冇味，似係冇落鹽凍奶茶，凍飲加3蚊，冇咩味，又係淡淡既熱朱古力，比出面既朱古力冇咁濃同冇咁甜，唯一一讚係佢唔係用全熱水沖，而家天氣都熱，飲落都易入口D餐湯係黑松露忌廉湯配餐包，個湯好好飲呀今日清明係紅日，收左加一總結係呢到主要係食境，打卡影相既，味道方便接受到，但未叫得上好味，適合食野比較清淡既人士，價格以西餐黎講差唔多

復活節剛開始，今日同老公去元朗行下，中午行過見到呢間餐廳外牆顏色好靚，又有個小花園，感覺幾特別就入去試下。約一點，餐廳都幾多客坐滿一半人。我地 order 2 個 set lunch , 上菜速度幾快，order 左7分鐘左右已上湯，南瓜湯夠熱，足料，南瓜🎃味好香濃。Egg Benedict ：煙三文魚配菜夾蛋漿剛剛好，好好食牛肉漢堡配薯條 ：包，番茄，菜都好新鮮，漢堡就有少少渣，薯條夠熱但有少少林，整體都好食。飲品方面：凍咖啡已落糖, 如果可以自己落糖會更好因可以自己調節甜味，奶就可自己落，熱奶茶好飲。我見餐廳主要係有兩個服務員，女侍應做野好快手，好有效率，而另一個男(著便服)都好主動招呼客人，佢take order 斟水都好快手，無意中聽到隔離枱埋單個客飲剩個南瓜湯，男便服人好主動問客人意見，點解唔飲，係咪唔好飲，原來係個客自己唔舒服唔想飲。我覺得佢都好細心，會了解客人意見。呢度環境氣氛環境好好，音樂 relax ，聲音大小剛好。服務員好勤力，又會幫手開門，會打招呼同講多謝。食物方面有質素，個人好仲意南瓜湯同Benedict 好有水準👍🏻👍🏻絕對可以再食😋

聽朋友講元朗never too late 近呢幾個月轉了大廚，就訂台一試，同閨蜜叫左個二人晚餐，再加左d小食。真係兩個人食左四個人既野😂😂😂是日餐湯係黑松露南瓜餐湯同前菜凱撒沙律呢個蟹肉risotto 必叫，好正！叫左杯朱古力同抹茶，咖啡師仲整左可愛既公仔☺️叫咗個西冷，8成熟剛剛好，份量又大再叫多兩個小食炸魷魚圈及炸雞翼，一路傾計一路食岩哂同埋餐廳仲可以提早安排甜品可以免費寫字..太耐無見閨蜜，緊係寫d情話☺️餐廳都可以悉心安排到俾我哋而家性價比高嘅西餐廳，已經準備等爸爸生日嘅時候再book台了！ 喺元朗真係唔多高質嘅西餐，環境坐得舒服加上菜速度都好快！😊

去咗外國讀書之後，都好耐冇入過元朗。 今日約咗個朋友去元朗聚舊，發現元朗已經唔同曬。 成街都係人，想搵個地方傾下計舒舒服服咁食嘢。 發現轉角呢間叫Never Too Late 嘅西餐廳。 入咗去好有驚喜， 裝修靚，地方又好坐。 望下個menu， 價錢唔貴。 我叫咗個茄汁 雞扒 意粉， 午餐配一個 餐湯 同嘢飲。 先嚟咗個餐湯，今日係南瓜湯， 我好鍾意個湯夠曬熱，感覺好似係專登為我煮， 上面有黑松露油， 個湯 好好味，好甜嘅南瓜味， 又香又滑， 連個匙羹都想食埋。 之後到個茄汁雞扒意粉， 雞扒好厚，但一啲都唔老， 塊雞皮煎到脆卜卜， 想成塊當炸魚皮咁食咗佢， 雞扒啲肉又好嫩滑。 個香蒜茄汁意粉都好好味，意粉唔會烚到太淋， 番茄味濃蒜蓉味 又 唔會 太強烈。 個餐對我嚟講 好大份， 雖然咁好食，我都食唔曬。 呢度個侍應好有禮貌好熱心， 佢收碟嘅時候 ， 我話畀佢聽其實好好食，但我真係太飽。 衷心介紹下， 試下 never too late