Non Kitchen

營業中

休息中

好味 #晚餐 分享之前嚟呢度食過下午茶覺得服務好及環境都很舒適而且食物質素都幾好所以再嚟食晚餐😊主食 ~燒德國咸豬手配酸椰菜298餐牌已寫明豬手需要45分鐘但真係值得等嘅上枱時熱辣辣香噴噴，豬手大大隻，皮脆卜卜😋😋 好夠味😋其實唔點醬料都好味跟埋沙律和薯條同三隻醬料燒汁，黑椒蒜蓉，茄汁份量十足😁~帶子露筍pizza 138pizza係手工pizza做薄身好脆口我就係最鍾意食呢種質感的😋~餐湯 凱撒沙律 餐飲108~是日餐湯西蘭花忌廉湯餐湯唔係跟普通嘅餐包仔跟咗熱辣辣很香脆口嘅蛋糕麵包條，跟了黑松露cream 一啲都唔覺得油膩，很夾，好好味😋~凱撒沙律~凍咖啡~是日甜品朱古力泡芙雪冰咗嘅朱古力泡芙再淋上朱古力醬餐廳好細心👍甜品放上一隻冰凍嘅碟上令甜品更保持冰凍👍600/2人Non Kitchen觀塘鴻圖道12精棉工業大廈1樓

鍾意食扒的我，今次一行2️⃣人中午嚟到網上評價甚高的Non Kitchen食Lunch餐廳座落於牛頭角工廈，環境寬敞舒適，裝修簡約，感覺似一個高級大飯堂一個價錢已包任食沙律及餐湯，一份主菜及飲品，可加錢配小食及甜品自助區提供數款餐包，沙律菜及餐湯==========🔹自助區：餐包當日有蒜蓉包，牛角酥，黑芝麻包及麥包麵包新鮮鬆軟，麥香突出；蒜蓉包香脆==========🔹自助區：餐湯當日提供南瓜湯，湯熱度夠，淡淡的南瓜味，稀稠度適中==========🔹自助區：沙律提供數款沙律菜，最吸睛係羽衣甘藍仲有紅菜頭，粟米，菠蘿，車厘茄，薯仔沙律等仲有幾款沙律汁同Toppings (芝士粉，提子乾，麵包粒等)，個人最鍾意意大利油醋汁，酸酸地夠開胃沙律菜皆新鮮==========🔹主菜：炭燒紐西蘭西冷牛扒 $178 (星期四限定優惠：$158)帶深深坑紋的牛扒賣相吸引，份量充足牛扒肉嫩腍滑帶輕輕的牛香，邊位帶點筋膜薯蓉軟滑薯味重推介指數：8/10==========🔹主菜：香煎三文魚柳 $148外皮煎至焦脆的三文魚柳肉質嫩滑而油膩感不重，配上微酸的忌廉及墨西哥辣椒汁令味道層次提升推介指數：8/10===

呢間觀塘半自助西餐廳面積大，環境好寬敞、私隱度高，大部份都係梳化位，裝潢亦好時尚，自助任添餐湯、餐包、冷盤、生果、沙律，用材非常新鮮，麵包都好軟熟，仲提供黑松露牛油，好特別！呢度嘅服務人員服務周到、有禮，整體黎講係觀塘少有嘅臥虎藏龍工廈西餐，超值。炭燒紐西蘭西冷牛扒 （8oz)要咗七成，生熟程度啱啱好，入口好軟滑，大大塊，表面有好靚嘅格仔炭燒網紋，肉香撲鼻，脂肪均勻，充滿juicy肉汁，有水準！📍Non Kitchen (觀塘)觀塘鴻圖道12精棉工業大廈1樓#觀塘美食 #觀塘好去處 #hkfoodie#beautifulcuisines#kolhk#foodstagram#nomnom#lifestyle#finedining#香港好去處#打卡#吃貨#美食日記#香港美食#美食推薦#相機食先#hkfoodblogger#hongkongrestaurant#hkfoodshare#hkfood#hkig#igfood#hkkol#fotd#hkfoodporn#amazing#相機食先#香港#吃貨#photooftheday

朋友一直叫去試呢間嘢，因為見到有任食沙律吧，同埋價錢都唔貴。咁啱有個朋友就嚟出國，就約去一齊食，順便傾吓計。環境🌝🌝🌝🌝🌚要行一層樓梯到達，但入面好多位，我哋12點到，就算到1點lunch hour 都唔會好迫。有二人卡位，如果兩個人嚟Long chat都幾舒服( ´ ▽ ` )ﾉ🍽️ 沙律吧🌝🌝🌝🌜🌚沙律菜種類唔多，但基本嘅都有，仲有羽衣甘藍🤩醬料就有千島、和風同意式，個人幾鐘意和風，少少鹹少少酸幾惹味。除咗沙律菜，仲有個薯仔沙律，正常發揮，男士食唔飽可以啪到飽😂仲有不得不提佢有牛角包🥐都係任食(*♡д♡*) 幸運的話仲有機會新鮮出爐！我覺得幾有誠意😂.🍽️ 菠菜芝士意大利餛飩配黑松露忌廉汁（$118）🌝🌝🌝🌝🌚呢個幾有驚喜，一嚟到嘅時候見佢細細碟都驚唔夠飽，但係一口一舊，慢慢食都幾漏幾飽😂無咩菠菜味，但掛黑松露忌廉汁但唔會好咸。性價比幾高，下次嚟我都會嗌呢個。.🍽️ 炭燒紐西蘭西冷牛扒🌝🌝🌝🌜🌚我朋友叫咗七成熟，一嚟到又係覺得好細份😂炭燒紋路勁深，食落都有炭燒味(๑•̀ㅂ•́)b 肉質其實很不錯，不過始終七成就柴口D，係我朋友嘅錯，下次可以叫五成試吓。薯蓉底都好好食，食晒係夠飽的😂.🍽️ 車打

觀塘真係一個好多隱世美食嘅地方 今次就搵咗位於工廠大廈嘅一間西餐廳試一試🐾Set for 2 👯‍♂️$598包括前菜Caesar Salad 湯 一個main 一個pizza/pasta 甜品同餐飲 好豐富咁😋soup and salad🥗Caesar salad 正常發揮都吾錯🥣我地楝左一個甘荀湯一個龍蝦湯(另加$38)上湯嘅時候 同時會送上餐包 一定要讚個餐包好鬆軟 加上牛油食 好好食💁🏻‍♀️🥩炭燒美國特級肉眼扒 (另加$140)牛扒嘅外觀嘅網紋好吸引 我哋叫咗五成熟切開嘅時候入邊仲係粉紅色岩岩好🙌🏼食落牛扒真係有炭燒嘅香味♨️🍝蕃茄汁海鮮意大利粉都有唔少海鮮包括青口蝦魷魚等等 意粉煮得啱啱好質地唔會太硬 而且蕃茄汁好開胃咁🍅🍨甜品意大利雪糕泡芙 另外一個叫左朱古力心太軟(另加$38）雪糕泡芙都係朱古力味 泡芙出面有一層嘅朱古力雪糕好味道 而心太軟都正 切開嘅時候入邊嘅朱古力醬流晒出嚟 望住都覺得好治療😌另外 因為朋友生日 餐廳仲專登幫我哋寫咗Happy birthday係心太軟上面💕有心思🙆🏻‍♀️🍹飲品叫左杯特飲藍莓梳打🫐(另加$34）我地仲另外叫左一個小食🦀炸軟殼蟹薯條 $118

今天到觀塘non kitchen 午膳。🌿環境:寬敝，乾淨🌿服務:上菜很快，侍應很有禮貌和勤快自座沙律吧:有甘筍🥕湯(有香濃甘筍味creamy👍， 小餐包，牛角包🥐， 羽衣甘藍，紫椰菜，羅馬生菜🥬，車厘茄， 紅菜頭，南瓜，粟米🌽 ，薯仔🥔， 麵包糠，芝士粉，杏仁，提子乾。另有幾款沙律醬汁，我特別喜歡的是意式油醋汁👍(意大利醋酸再加千層塔香)主菜:菠菜芝士意大利雲吞配黑松露🍄忌廉汁$118雲吞細細粒，雲吞外層已軟，內裏溢出肉汁，再配上香濃的黑松露汁，好味👍紅菜頭胡瓜帶子意式燴飯$138意大利燴飯濃郁的蒜香味，口感軟稔中帶點煙靱，再加兩隻有湯匙般大而厚肉的帶子，另咬到切到好細粒的胡瓜，健康又好味👍朱古力心太軟$48Wow,my favourite😋 一切開蛋糕外皮，香濃流心朱古力溢出來。旁邊有少許有細件的士多啤梨🍓和奇異果🥝拌碟，可以中和了朱古力的甜度。另外，雲呢拿雪糕球下有朱古力脆脆，真係甜在心。意大利芝士餅$48约$150可用半自助餐+甜品，勝價比極高👍👍👍

[ Non Kitchen ]今次介紹呢間觀塘Semi-buffet 非常實惠，叫一個lunch 就可以享用自助Salad Bar，而且食物質素都唔錯，個人幾推薦蒜蓉包、南瓜湯、紅菜頭&其他沙律菜🥗可以任fill👍🏻👍🏻✿ E) 香辣蒜香海鮮長通粉 🧄 $138長通粉煮得入味，香濃嘅海鮮&蒜味，後勁有少少辣辣🤤但唔會搶咗本身醬汁個味，幾好。海鮮配料有大蝦&青口。✿ G) 香煎三文魚柳 🐟 $148三文魚柳好大塊，好厚肉。而且煎得好香，特別鐘意個魚皮煎到好香口脆卜卜，另外仲有薯蓉🥔做配菜。✿ 香辣蒜香雞翼 $78雞翼喺單骨雞翼，炸得超脆，咬開熱辣辣出哂煙😲都喺好香蒜味，但就唔喺好覺得辣。總結🫦午餐性價比高，Salad Bar食材用料新鮮，lunch想食飽d都無問題😝😝✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿Non Kitchen地址: 觀塘鴻圖道12精棉工業大廈1樓電話: 27830313✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

觀塘出名有三寶😆 人多車多工廈多～所以好多食肆都會係工廈之內營業～ 有時觀塘人都要捐窿捐罅先知道邊度有好嘢食！今次有朋友介紹我嚟到近牛頭角呢邊工廈的一間西餐廳～ 工廈餐廳有個特色- 樓底高、鋪面大～ 坐落夠晒寬敞之餘又私隱度較高🤣唔使驚隔離會聽到同朋友講嘅嘅秘密～ 哈哈！食物方面佢都有幾多嘢揀😆不過我呢啲選擇恐懼症嘅～就揀個二人餐啦（其實都係要揀😂）！✌🏻Set for 2👯‍♀️餐包有兩款～ 鬆軟意式包同長麵包條～ 配上松露牛油～ 兩款都好味呀👍🏻🥗凱撒沙律先嚟醒胃沙律菜～ 芝士碎、煙肉碎加車厘茄的經典配搭～🥕是日餐湯- 甘筍湯就好似將甘筍同忌廉煮溶混合左咁樣～ 入口香甜細滑好味道！🦞龍蝦湯（+$38）淡淡濃郁鮮蝦味！ 入口creamy香濃!! 值得推介~🐮炭燒美國安格斯西冷牛扒 -10oz牛扒夠大塊厚身，靚靚嘅炭燒格仔紋～ order咗嘅5成熟、內裡粉紅色呈現得剛剛好👍🏻 脂肪與肉質比例均勻，幼嫩中帶少許咬口，肉香撲鼻、入口肉味香濃！🐟煙三文魚薄餅煙三文魚+芝士+火箭菜+特製醬汁～ 簡單嘅配搭已經夠好味😋🍨意大利雪糕泡芙超好味嘅甜品！ 同平時食嘅泡芙好唔同～ 雪糕在外、泡芙皮在內～

📍Non kitchen (觀塘）成日都想周圍食下啲唔同鋪頭～見網上有提過呢間 今日就同朋友試下佢😆我地叫左set for 2~ 二人餐$598.沙律係凱撒沙律 有灑上芝士粉 啲菜好爽脆 仲有啲脆脆面包粒 食落幾fresh~我地今日嘅餐湯係椰菜花忌廉湯 好綿滑 有粒粒椰菜花嘅口感 健康嘅湯😝-餐包係蒜蓉包 烘到好香脆可口主菜選一款pasta/pizza及一款肉類-炭燒美國安格斯牛扒 有10oz~我地叫左7成熟 外面有靚靚格仔紋🫶牛味好香濃 又有肉汁🥰 伴碟配菜都好好味 落左蒜蓉好香蒜味-意大利辣肉腸pizza 薄批底好香脆 上面好多火箭菜 好多cheese 幾好食😋-意大利雪糕泡芙係用朱古力雪糕包住雲尼拿雪糕 都幾酥脆 作甜品真係唔錯👍🏻鋪頭空間感好大～坐得好舒適 岩曬同朋友黎吹下水～

🥩 #觀塘 @nonkitchenhk又係收工同朋友去食嘢嘅時候😚 今日同埋一樣喺觀塘區揾食嘅朋友嚟到呢間「Non Kitchen」食晚餐，我哋揀咗個二人套餐😚Set for 2 ($598)🥗 凱撒沙律、是日餐湯每人有一個沙律、餐包、餐湯，份量都幾大，鍾意加咗脆麵包粒嘅凱撒沙律😋 餐包好香脆～ 個湯係足料嘅蘑菇湯😛🐠 香煎三文魚柳塊三文魚都幾大！ 啲肉夠嫩，鹹鹹香香好好味😋 仲配有唔少配菜同夠晒creamy嘅薯蓉添❣️🥟 菠菜芝士意大利餛飩配黑松露忌廉汁細細粒嘅餛飩入面都有肉㗎🤩 個黑松露忌廉汁又香又好味！🍨 意大利雪糕泡芙外層係朱古力dressing，加一層脆脆哋嘅皮，裏面係雲呢拿雪糕嘅泡芙，一次過滿足你三個願望😚🍹 熱檸水

呢間鋪一直都好多人推介，難得平日收工夜晚約咗朋友就去試下。餐廳面積都好大，位置都好寬敞，可能我地比較早食，所以餐廳都唔算好多人。呢間餐廳嘅餐包好特別；佢除咗提供面包，仲會提供脆卜卜嘅面包條，仲提供埋黑松露牛油，都幾特別！1.龍蝦湯龍蝦湯非常creamy，味道非常濃郁同feel到係真材實料，湯入面有好大舊嘅龍蝦肉。2.香蒜薯蓉焗田螺（一打）呢個係令到我最驚艷嘅一道菜式，開頭一上枱，因為有啲細碟，以為啲田螺應該好細粒，點知每一粒都好大粒，再加埋充滿香蒜味而又好滑身嘅薯蓉，雙重享受！3.芝士焗龍蝦（半隻）龍蝦嘅味道中規中均，鐘意佢表面鋪滿勁多芝士，食每啖肉個陣都食到芝士，仲有沙拉同薯蓉做配菜。4.菠菜芝士意大利餛飩配黑松露忌廉汁食意大利餛飩最驚就係唔夠汁，好彩呢間嘅意大利餛飩極度掛汁同索汁，又重黑松露味，加上餛飩嘅大小適中，一啖就擺得哂一口，而且份量都勁多，食到好飽肚！5.朱古力心太軟呢間嘅心太軟堅係會流心，仲要上到枱都係熱辣辣，一切開入面香濃嘅朱古力流哂出黎，再加埋舊佈滿Oreo脆嘅雪糕同埋水果，平衡翻心太軟嘅甜味。值得一讚嘅仲有呢到嘅service，離開餐廳個陣，因為我實在太大頭蝦，漏咗

「同男友放工去食咩好？」係經常出現的難題觀塘工廈區一間樓上舖西餐 空間感足夠環境安靜 最適合放工後私人小聚一番Non Kitchen晚市有一款二人餐和兩款四人餐同男朋友兩個人食咗一款價值$598*的二人餐🏷️仲有一個升級優惠 +$66* 升級至肉眼扒🥖 餐前麵包✨👉🏻一共兩款 烘法包和脆麵包條 👉🏻松露牛油醬好香口 點麵包食好加分🍅 是日餐湯👉🏻蕃茄湯口感濃郁 味道偏酸 飲完好開胃🥗 凱薩沙津✨👉🏻係我好鍾意嘅味道 沙津菜好新鮮爽脆 醬汁唔會過多又夠濃稠 所以乾爽得黎又充滿芝士味👉🏻當然唔少得仲有脆煙肉乾和烘麵包粒主菜露選一款Pasta/Pizza 和一款肉類主食🍝菠菜芝士意大利餛飩配黑松露忌廉汁✨👉🏻意大利餛飩軟滑得黎有點彈性 餛飩皮唔會好厚粉感👉🏻最欣賞佢嘅汁 好香黑松露味 帶咗少少甜味好似黑松露忌廉湯咁 好味🐄炭燒美國特級牛肉眼(10oz)👉🏻食餐+follow 佢地ig acc 就可以優惠價upgrade做肉眼👉🏻配燒肉汁 和薯菜👉🏻牛扒份量大塊 覺得5成熟口感最好 肉汁鎖哂係牛扒內一切先滲哂出黎 所以食落同外表睇落好唔同 夠juicy🍨意大利雪糕泡芙✨👉🏻以雲尼拿雪糕包裹住泡芙

今日係2022年最後一日返公司，之後放個半月大假，同事帶左我去non kitchen 食lunch ,佢之前食過2次覺得好食推介我，如果吾係佢帶路我都吾知有間咁抵食餐廳12:30 上到去全場坐滿，有個無限refill salad bar ,仲有蕃茄湯蒜蓉包都可以無限refill ，仲要係好食，蒜蓉包好脆，又岩岩焗起，好搶手，仲有沙律同沙律醬款式勁多，蕃茄湯好濃郁，全部都好高質素，難怪咁多人Main 要左個車打芝士牛肉漢堡，個包熱熱地，漢堡又厚又多汁，芝士溶溶地好正，薯條仲要勁脆同事點左一份炭燒紐西蘭西冷，佢食左一啖即刻請我食左一舊。好香炭燒香味，牛肉又淋又juicy ，估吾到佢第三次食都覺得有驚喜，讚不絕口個餐仲包飲品我自己另外加左一份甜品tiramisu，好滑好香咖啡味，真心好推介

同朋友嚟到觀塘區呢一間位於觀塘工廠區嘅餐廳，裏面環境好舒適，位置十分闊落，一入去就俾任食沙律吧吸引，有好多唔同嘅沙律菜、湯、生果可以選擇，仲係無限添加添😍🎈 炭燒紐西蘭西冷牛扒 $178有意外驚喜！通常西冷俾人感覺肉質冇咁嫩，但係呢一隻西冷牛扒食落去好嫩口。叫咗五成熟，生熟程度剛剛好，一啲都唔柴，同埋牛味好出！🎈 炸軟殼蟹黑松露野菌長通粉 $138軟殼蟹好大舊，外脆內軟，炸得啱啱好。長通粉鋪滿黑松露醬汁，個汁偏向濃味，配埋野菌食，口感十足。🎈 朱古力心太軟 跟餐+$48呢個心太軟，即叫即整，上到枱都係熱的。一切開，好濃厚嘅流心朱古力多到湧出黎，再配埋佢嘅雲呢拿雪糕，成個口感好夾！

舊同事話好耐冇見，見佢係觀塘返工，我又想返自己個竇，所以就約左去食西餐，撐下枱腳😎由於大家今日都冇idea食咩好，於是我地決左叫Set for 2，我地今日叫左：- 前菜（凱撒沙律）🥗- 是日餐湯（甘筍湯）- 卡邦尼意大利粉🍝- 炭燒美國安格斯西冷牛扒🐮- 甜品（意大利雪糕泡芙）🍨- 青檸梳打🥤- 凍檸茶🥤首先黎既係凱撒沙律🥗，份量都算幾多，食落都算新鮮👍之後甘筍湯，聞落去有好香既甘筍味🥕，飲落去幾香甜，非常好🥰跟住黎既就係炭燒美國安格斯西冷牛扒🐮，舊同事話食3成熟，我當然冇問題。切開真係做到3成，出邊好多3成其實係5成黎🤣食落去唔鞋，加上有半個薯仔🥔係到，又食曬🙈接住有卡邦尼意大利粉🍝，意粉唔係太多汁，但係仍然香味四溢，食落口唔算太creamy，但仍然係合格水平👍最後的甜品 - 意大利雪糕泡芙🍨，有啲驚喜個泡芙雪得非常凍，開頭食落去感覺有啲硬，但慢慢加埋cream上去1齊食，就ok了😋總結：Set for 2令到我地冇idea既人易d叫到野食🤣，裝修簡單，俾人感覺舒服，得閒黎呢到摸下酒杯底，談下心真心唔錯，今天又是愉快的1晚🥰